Ao amin'ny Muslimah Media Watch, dia hoy i Ethar mitantara izany ho antsika :

Misy buzz izay any amin'ny aterineto miresaka momba tarika mpiangaly rock iray vao misandratra, ny Accolade. Tsy dia mahataitra, hoy angamba ianao, mandra-pahitanao fa tsy vitan'ny hoe vehivavy daholo no mpikambana ao, fa indrindra vehivavy saodiana daholo.

Ary izay maha-saodiana izay no tena vao maika nisariba be ny sain'izao tontolo izao amin'ity tarika ity:

Tamin'ny andro namenoan'ny tarika ny takelaka voalohan'ny The New York Times (NYT), raha 17 ny ‘naman-dry zareo’ tao amin'ny takelaka Myspace manokany dia efa tafakatra ho 584 izany. Androany, efatra andro monja taty aoriana, efa manodidina ny 1000 ny naman-dry zareo, ary efa in-130.000 no nisy nitsidika ny mombamoba ny tarika, misy koa ny fanamarihana avy amin'olona any Italia, Espana, Korea, Soeda, Meksika, Alemana ary Etazonia (raha tsy hitanisa afa-tsy ireo) izay miarahaba sy mitondra fankaherezana ho azy ireo. Ireo dia fanampin'izay efa mpankafia azy ireo any amin'ny takelaka Facebook.

Manohy ihany iEthar :

Tovovavy efa mpianatra any amin'ny dingana voalohany no nanangana ny tarika :Dina , 21 taona (mpitendry gitara) ary i Dareen rahavaviny 19 taona (mpitendry gitara beso), miaraka amin-dry Lamia (feo) sy Amjad (mpitendry vata maro afitsoka). Ity misy resaka fohy nifanaovana tamin'izy ireo.

Noraisin'ilay Ezyptiana Zeinobia ny tantara ka toy izao no nosoratany ao amin'ny Egyptian Chronicles :

Tsy afenina fa tena taitra aho, mihevitra aho fa tsy io no voalohany tamin'ny tarika saodiana mpiangaly rock, raha ny fahalalako mantsy dia ny hip hop sy ny rap no be mpandàla indrindra noho ny rock raha ao KSA [Araboa Saodita]. Dia nihevitra koa aho fa hihira amin'ny teny arabo ry zareo, maro amin'ny tarika mpiangaly rock ao Ezypta ohatra no mihira amin'ny teny arabo. Na izany aza dia mirary soa ho azy ireo, ary enga anie tsy hisy na iza na iza hisakantsakana azy ireo, insh Allah (raha sitrak'Andriamanitra).

Jazarah, avy any Jordana, dia manisy rohy mankany amin'ny hiran'izy ireo Pinocchio ao amin'ny YouTube ary manamarika fa:

Tarika mpiangaly rock avy any Arabia Saodita ny Accolade, ny zavatra tsy nahazatra dia vehivavy daholo ireo mpikambana ao , eny tovovavy Saodiana, mazava ho azy fa tsy miseho vahoaka izy ireo, nefa manana nofinofy ny mba hanao fampisehoana an-kalamanjana any Dubaî, inoanareo ve fa ho tanteraka izany? Ity ny tsangasan'izy ireo voalohany, Pinocchio:

Ao amin’ny Mideast Youth, Rasha, any Arabia Saodita, dia manasongadina ny tena mahatonga ity tarika ity ho tsy manan-tsahala. Hazavainy:

Any amina firenena mpandàla fatratra ny fomban-drazana toa an'i Arabia Saodita, tsy dia fahita loatra izany tarika mpiangaly rock 100 % vehivavy izany ! Ireo mpianatra 4 ireo dia nanana herim-po hanatantehana ny nofiny ka nijoro nanohitra ny fiaraha-monina izay tsy mandefitra velively ny karazana fadifady toy izao.

Mbola nanampy ihany i Rasha :

Monina any Jeddah ireo vehivavy ireo, izay malaza ho milamina [tony] kokoa noho ny faritra hafa ao amin’ny fanjakana. Mihamaro hatrany any ny tarika lehilahy sy ny fampisehoana an-kalamanjana ho an’ny vahoaka, nefa tsy dia hita loatra ny fanavakavahana ny lahy sy ny vavy any amin'ireny toeram-pisakafoanana na Toeram-pandraharahana ara-barotra goavana ireny . Tany Jeddah aho herinandro vitsy lasa izay. Ohatran’ny hoe tany amin’ny firenena hafa mihitsy aho ! Milamin-tsaina kokoa ny olona any et tena afaka mahatsapa ny fisiany ny vehivay ary mahazo aina tsara ! Tsy tahaka ny amin’ny faritra hafa any Arabia Saodita, izay atao daholo izao rehetra izao mba tsy hahazoan’ny vehivavy aina na dia ny fieritreretany fotsiny aza hoe miseho vahoaka izy.
Kanefa, tarika iray mpiangaly rock tsy misy afa-tsy vehivavy tsy dia hahavita loatra hanapaka ny gejan'ny fadifadim-piaraha-monina, eny fa na ao Jeddah aza. Tsy faka ny hiaka-tsehatra hiseho vahoaka ry zareo , raha tsy hoe angaha hanao fampisehoana anaty fianakaviana, na fampisehoana natokana tsotra izao fotsiny ho an'ny vehivavy irery ihany. Na dia izany aza, dia ao henoina sy alaina (amin’ny aterineto) ny hirany na izany ao anatiny na any ivelan’ny firenena

Daftare Tahkim Vahdat (midika hoe Biraon'ny Fanamafisana ny Fampiraisana), fikambanana mpianatra iray matanjaka, no nikarakara ity fihetiketsehana ity hanoherana ny sivana, ny fanavakavahana ny vehivavy ary ny faneriterena atao amin'ny mpianatra. Miventy ny tarigetra sahala amin'ny hoe “Adabohy miaraka amin'ny sivana” ry zareo ary nifandona tamin'ny mpitandro ny filaminana. Misy rakitsary azonao jerena eto.

Eto kosa ny lahatsarin'ny fihetsiketsehana:

Niteny i Salam Demokrat fa nikabary tao amin'ny Anjerimanontolo ny mpianatra nogadraina sy tsy navela hianatra. Nampian'ny mpamaham-bolongana fa:

در ادامه سخنرانی ها دانشجوی منع تحصیل و زندانی آزاد شده، مهدیه گلرو، از دانشگاه علامه
در مورد جنبش زنان و خاطرات زندان خود سخن گفت و مورد تشویق و پشتیبانی فراوانی از دانشجویان قرار گرفت. بعد از خانم گلرو، دانشجویان کرد، بیانیه ی خود را خواندند. و دانشجویان سوسیالیست دانشگاه های ایران و دانشجویان سوسیالیست پلی تکنیک بیانیه های خود را توزیع کردند

Nampian'ny mpamaham-bolongana moa fa tanelanelan'ny 3000 ka hatramin'ny 4000 ny isan'ny mpianatra nilahatra.

Azonao jerena eto ny sary hafa.

Voasariky ny tantaran'ny famonoana olona mampihoronkoditra iray indray i Ezypta, mpianatra any amin'ny anjerimanontolo roa ireto nisy namono teny an-tohatra tany amin'ny tanànan'ny 6 oktobra (mampahatsiahy an'i 67ha lahy izy izany!) fivondronan'i Sheikh Zayed ireto. Zanaka vavin'ny mpihira Maraokana Laila Ghofran ny iray tamin'ireo novonoina.

Ity vono olona ity dia nanaraka indrindra ny vono olona iray hafa mahatsiravina koa izay nitady ny ain'ny mpihira Libaney Suzanne Tameem, tany Dubai, ary nahavoarohirohy ny mpandraharaha Ezypsiana iray voalaza fa nanakarama mpamono olona hanatontosa izany.

“Two girls were brutally killed in 6th of October city … But it became the talk of town because one of the victims is the daughter of 3rd degree Moroccan singer called Laila Ghofran,” writes Egyptian Chronicles.

Ary mba hahaliana kokoa ny mpamaky dia nanely tsaho momba ny fiainan'izy ireo ny gazety sasany.

Taboohat no nanoratra ny fomba iresahan'ny fampahalalam-baovao sy ny fiaraha-monina amin'ny ankapobeny ity famonoana olona ity:

Maro moa no manoratra ny tsy filaminana manjaka any Kôngô (jereo ny lahatsoratry ny mpanoratra ao amin'ny GV Elia Varela Serra, izay vao nanaraka akaiky ny fivoaran'ny toe-draharaha), saingyindraindray ny sary no mahalaza azy bebe kokoa noho ny kabary arivo.

Alex Engwete ohatra namoaka ny sariitatra nataony, novokarin'ny Fikambanana miaro ny zon'olombelona (Human Rights Watch), izay manaraby ny tsy fihainoan'ny filoha Kabila ny feon'ny fiarahamonim-pirenena sy ny mpanohitra sy ny fanohanana tsy an-kitenitenin'ny vahiny mpamatsy vola.

(sarin'i Barly Baruti sangy tsy tafaoaka eto fa jereo ny lahatsoratra nadika aza fady)

ny manao gazety  Cedric Kalonji kosa indray no namoaka ireto sariitatra politika ireto tao amin'ny Flickr photostream azy :

(ny Adininy faha 14 dia mametraka ny fitovian'isan'ny vehivavy sy ny lehilahy tendrena eo amin'ny sehatra  isan-tanàna, isakyny faritany ary manerana ny firenena.)

Sarim-panajana handraisana ny Tao

Misy fanentanana iray antsoina hoe Take Back the Tech (Raiso an-tanana ny Haitao) izay mikendry ny hampiasa ny “haitaon'ny fampahafantarana sy ny Fifandraisana (TIC) hampitsaharana ny herisetra Atao Amin'ny Vehivavy,” tahaka ny fanohizana ny ady amin'ny SIDA. Itony no iray amin'ny tetikasa maro manerantany izay mampirisika ny vehivavy tsy hatahotra ny hampiasa ny haitao sy hanatsarana ny andavanandrom-piainany amin'ny alalan'ny fanabeazana [es]. Ankehitriny ary no fotoan-dehibe ho an'ny vehivavy sy ny tovovavy hampiasa ny haitao hanatsarana ny fiainany, indrindra ho an'i Amerika Afovoany.

Voalaza matetika amin'ny lohatenim-baovao ny vehivavy amin'ity faritra ity, saingy tsy any amin'ny antony tian'ny hafa hamakiana ny vaovao izany. Ny herisetra mihatra amin'ny vehivavy, ny fahantrana faratampony, ny tsy fisian'asa, tsy fahampiankanina, fiakaran'ny taham-pahafatesana, eny famonoam-behivavy aza no hitanao amin'ny gazety. na eo aza izany dia misy ny vehivavy maha-te-hidera manerana ny faritra, izay manao ho laharam-pahamehana ny fanoratana momba ny haitao ary miezaka ny maneho ny fahasamihafana eo amin'ny fisiany ao anatin'ny fiainan'ny vehivavy.

Tsy mba hoe manam-pahaizana momba ny rindrambaiko ihany i Sweetsakura [es] fa mpankasitraka ihany koa ny rindrambaiko afaka, mizara ny tsara ho fantatra sy ny toro-heviny ao amin'ny bolongany miresaka momba ny rindrambaiko, rindrambainga ary ny Ubuntu avy any El Salvador.

Avy any Honduras, Librecaos [es] no mizara ny mahazavadehibe ny rindrambaiko amin'ny fiteny ao an-toerana ary mankalaza fa manana Ubuntu, azo ampiasaina, vita amin'ny teny Miskito, teny teratany ao Amerika Avaratra.

Mahatalanjona ihany koa ny bolongana Vinculación [es] nataon'i Ivonne Aldana avy any Guatemala. Miresaka famoronana vaovao, haiendrika sy haibika (jerena amin'ny efijery) ary soritra, ny vondrona TIC ary ny halehiben'ny fandrosoana vitan'ny manampahaizana.

La Piensa Libre [es], avy any Costa Rica kosa misariaka amin'ny fanoratana ny momba ny haitao, ankoatra ny lohahevitra hafa, hatramin'ny tsy nisarahany tamin'ny fiaraha-monina, ny tontolo iainana ary ny hafa. Mampahatsiahy ny Andro iraisam-pirenena hoamin'ny famongorana ny ady amin'ny herisetra atao amin'ny vehivavy vao notontosaina farany teo izy ka mahatsiahy ny traikefany:

En esto días recuerdo más cuando empezaba a trabajar y me tocada hacer transcripciones de cassetes, todos eran talleres con mujeres hablando sobre sus experiencias, no podía evitar conmocionarme al oir como sus esposos las golpeaban, oirlas llorar cuando aseguraban que podían trabajar porque “No tenian permiso de su marido”, o peor escuchar como las usaban como si fueran muqueñas para sexo, y luego las dejaban.

Ny hahaizan'ny ehivavy mamaky teny sy ny fanatsarana ny fanabeazana no antoka iray hamahana ny ankamaroan'ny olana mba hanomezana azy ireo ny fampahafantarana ny fahasalamana ara-pananahana hisorohana ny aretina, ohatra. Antenaina fa hitombo isa ny vehivavy mpampiasa ny haitao (teknolojia), mpamokatra (mpandraharaha) ary mpanapa-kevitra politika!

Sarotra ihany anefa matetika ny mijery lafitsaran-javatra manoloana ny fahasarotam-piainana mitambesatra. Tsy afa-nidify ny adihevitra momba ny fahantrana lalina manjo ny ankamaroan'ny Malagasy ny mpamaham-bolongana malagasy tamin'iny herinandro lasa iny. Indreto ohatra vitsivitsy ampitonantonanan-dRafahantrana an-dRaolombelona amin'ny fanapahan-keviny any anivon'ny fiarahamonina any.

Patricia, Mpamaham-bolongan'ny Foko izay afaka snitondra hafatra nandritra ny andron'ny fifampiankinana tany Bruxelles, no nitatitra ny nivarotan'ny ray aman-dreniny ny zazavavy iray (fr)

Pour certains, les parents et la jeune fille se mettent d’accord pour la personne qui va acheter la jeune fille et pour la somme ou le cadeau en échange. Il faut préciser que la personne qui achète n’est pas forcement un étranger mais c’est seulement ce qui se présente dans la plupart des cas. Pour d’autres, cela se présente sous forme d’ordre, les parents ordonnent et la jeune fille obéit!
Le dernier cas qui a été publie est celui d’une jeune mineure de 15 ans qui a été offerte a un étranger pour 200.000 Ariary. Il lui a meme promis le mariage, mais après avoir ete avec elle une nuit et l’avoir deviergee, il lui a remise entre les mains de son pere.
Cette histoire n’est qu’une parmi les cas identiques qui se présentent dans l’île.

Nanamarina i News2dago fa niakatra ho avo dia avo ny tahan'ny nofinofyhanambady vazaha(mg):

Tonga eto Madagasikara ireo mpanera vazaha ka nampiantso ireo malagasy te hanambady vazaha. Gaga fotsiny aho nahita ity tatitra an-gazety fa mahery ny 4.000 izy ireo no milingilingy te hanambady vazaha. Ary voalaza fa arahan-dranomaso mihitsy oe ireo izay tsy lany. Indrisy tokoa fa dia hitomaniana ankehitriny ny hanambady vazaha.

Maro moa no naneho ny heviny tamin'ity lahatsoratra iray ity. Nomarihin'i Tritriva fa tsy ny ehiavy ihany nomitady hanambady vazaha. Sylvie indray miteny fa tsy ratsy tsy akory ny manambady vazaha aoka fotsiny hatoky tsara fa tsy nananjanaka ilay vazaha tamin'ny fanambadiany teo aloha fa tsy hanaja anao velively ireo ary hitongilana amin'ny zanany hatrany ny vadinareo. Mandresy lahatra kosa i Maintikely mba tsy hitsara befahatany fa hanaja ny safidin'ny vehivavy. Nampitandremany moa fa tsy voatery ho tsara araka ny iheverana azy tsy akory ny fiainana ampitan-dranomasina.

Lomelle, Mpamaham-bolongana ay amin'ny foko-Mahajanga, koa no nanatri-maso endri-pahantrana hafa. Hoy izy (fr):

On avait été contacté pour faire un reportage à Andralanitra. Rondro et moi y sommes allé sans trop savoir ce qui nous attendait sur place. Tout ce qu’on savait c’est que c’était un reportage sur les ordures [..] Un camion à ordure roulait devant notre voiture au moment où on s’est rapproché de l’endroit. Arrivé à sa destination il a renversé toutes les ordures et à ce moment là une quelque trentaines de personnes se sont ruées sur les ordures [..] Ecœurement, c’est le seul mot qui puisse définir ce que j’ai ressenti à ce moment là. Ecœurement pour toute ces personnes qui n’ont que les ordures pour vivre [..] Ecoeurement pour l’attitude répulsive que j’avais adopté à ce moment là. Je me suis cru être une fille ouverte d’esprit,n’ayant ni préjugé, ni jugement. Pourtant devant ce spectacle je n’avais qu’une seule envie, me tirer de là et me detacher de ces gens.”

Nanana fomba fijery hafa momba ny fahantrana kosa i Micramia. Nohazavainy ary fa tsy aretina tsy azo sitranina tsy akory ny fahantrana(fr):

Si vous arrivez encore à manger normalement chaque jour, vous n’êtes pas pauvre. Mais la pauvreté est curable. À mon avis la pauvreté est en faite due au manque d’intelligence. Seul les gens qui n’utilisent pas leur coco n’arrivent pas aller loin. Il sont pauvre intellectuellement et si on n’a rien dans la tête, comment avoir de l’argent pour acheter de quoi manger [..] la solution c’est de se cultiver, augmenter ces connaissances.

25 Septambra, valo andro taorian’ny nanjavonan’i Ananda “Passion” Dean, iraika ambinifolo taona, tao Kingston tanàna fonenany, vondrom-piaraha-monina ao Jamaika. Nitohy ny fikarohana làlina momba azy, andro maromaro taorian’ny nahitàn’ny mpandalo iray ireo fitaovam-pianarany vaovao nariana teo amin’ny Pembroke Hall Avenue, toerana maresaka ao an-drenivohitry ny firenena. Mazava ho azy, niatrika tahotra tsy nisy toy izany izay tsy zakan’ny sain’ny raiamandreny maro ireo raiamandreniny, nefa toa zary lasa zava-mahazatra eran’i Jamaika, manaraka ny sakany sy ny lavany, ny hoe misy ankizy avy mianatra ka tsy mody an-trano amin’ny ora mahazatra. Ny fanjavonan’i Ananda dia isan’izay tena nampitaintaina sy nampivarahontsana indrindra tao amin’ny distrika kely milamina ao Sandside, St Mary, toerana nahitàna ny vatana mangatsiaka voatetitetika an’ankizy 11 taona iray hafa tao anaty harona fanariam-pako.
Ny olana dia izao, manaraka mora foana ireo olona itokiany ny ankizy. Maro amin’ireo mponina efa ho telo tapitrisa eto amin’ny nosy no midradradradra noho ity sangy mihoatra ny loha taterina mazàna saiky isan’andro amin’ny gazetin-dry zareo ity. Mihorohoro izy ireo, tsy mahalala hoe rahoviana no idonan’ity resaka “lian-drà” ity amin’ity ireo, sady tezitra mafy ihany koa amin’ny fahalemen’ny fanjakana, na tsy fandraisana andraikitra hoy ny sasany, mba ho fiarovana azy ireo. Lasa fitaovana fototra ho vonjy aina ho an’ny lehibe sy ny ankizy ny fitondràna fitaovam-piadiana afenina sy izay azo faritana ho toy izany, na eny an-dàlam-ben’ny tanàn-dehibe io na hatrany amin’ireny fonenana manamorona ny làlan-tany mamovoka eny ambanivohitra ireny, ny fahatapahan-kevitry ny olona hanao fitsaram-bahoaka avy hatrany.

Vantany vao hita ilay vatana mangatsiaka (izay noheverina fa ny an’i Dean), dia nanoratra i Porter :

Tatitra vaovao tamin’ireo gazety mpiseho isan’andro eto amin’ny nosy no nitondra antsipirihany ny zava-doza nitranga sy ny nandraisan’ny fianakaviana aryireo vavolombelona izany, ary koa tatitra momba ny antso an-telefaona voarain’ireo raiamandreny avy amin’ireo tsy mataho-tody mananihany mangataka takalo, na manome indice tsy mitondra mankaiza akory. Na dia efa dimampolo aza ireo ankizy no nisy namono hatramin’ny niandohan’ny taona, dia nilazàna ny rain’ny zaza fony izy nilàza ny tsy nahitàna azy, fa mila miandry 24 ora ny mpitandro filaminana alohan’ny hahafàhana milàza fa tena tsy hita tokoa izy sy handraisana ny andraikitra tandrify an’izay. Raha izao fironana amin’ny famonoana izao, dia tena maneho tsy firaharahàna mivandravandra mihitsy ity tsy fanatanterahana asa avy hatrany nataon’ny mpitandro filaminana ity, ho an’ny andro manaraka, efa nadio ny rano nitàn’ireo naka azy an-keriny.
Fahoriana tsy hay lazaina no hololohavin’ny fianakavian’i Ananda mandritry ny volana maro ho avy, nefa indrisy, ho an’ireo vahoaka notefen’ny andro sy fotoana hanamafy fo hiatrika ny vokatry ny horohoro, afaka andro vitsy dia hiverina amin’ny nahazatra ho toy ny tsy nisy izany, mandra-pisian’izay sento iraisan’ny mpiara-monina indray ateraky ny setrasetra tsy hay faritana.

I Yawd From Abroad dia niezaka namehy ny fihetseham-pony teo am-pandrenesana ireo vaovao:

Ranomaso no nameno ny masoko teo ampijerena ny sarin’i Nordia Campbell, renin’i Ananda Dean 11 taona, tanatin’izay hoe tena tebiteby làlina. Angamba vao avy nijery maso ny sisa tamin’ny zanany vavy nampakarina avy any anaty hantsana izy ary tena tsy hay nampiononina. Iza no tsy ho toy izany? Tsy ho adinoko mandrakizay izay sary izay, izay hirifiry izay.
Toa tsy misy fiafaràna tsinjo mihitsy ity firongatry ny herisetra ifanaovantsika samy olombelona ity. Hanàisotra ny ain’ankizy iray tsy manantsiny ho takalon’ny karatra hamahànana telefona? Andriamanitra ô! Tena efa lavitry ny mampalahelo sy ny mahaketraka. Isan’ireo zavatra tena tokony hijoroan’ny governemanta itony ary tsy ho fanehoan-kevitra fotsiny fa tena firotsàhana manao asa mihitsy. Inona no andrasana hitranga vao handray fepetra hitondra fiovana goavana?

Raha mbola tsy nisava tsara akory ny sain’i Stunner mikasika ny zavatra mampihoron-koditra manodidina ity fahafatesan-jaza ity dia efa nahare sombim_baovao ratsy sahady izy:

Tsy nanam-potoana hisentoana sy hakàna aina akory ny firenena alohan’ny dona hafa … ZAZA iray VAO SIVY (9) VOLANA MONJA…no nanaovana herisetra sy novonoina. Ny fieritreretana fotsiny hoe zaza tanora miharitra habibiana toy izany dia efa mampanotika hatrany anaty tsokan-damosiko ary mandrehitra hatezerana ato amiko! Tsy tokony hitranga mihitsy ny fihetsika toy izany! Amin’ny fomba ahoana no hisian’izany aty anatin’ny fiaraha-monintsika e? Ahoana no hamelàn’ny olona ny zavatra toy izany ho vaky masoandro ao ambany tafon-tranony?
Tafakatra ho 57 ankehitriny ny isan’ny ankizy maty nefa ny taona tsy mbola mifàrana … raha io no fototra iaingàna dia afaka manomana sahady ny saintsika isika fa mbola be no ho sisa amin’ny zavatra mahavaky fo tahaka ireny. Toa sahala amin’ny tsy misy na inona na inona atao mba hampitsahàrana ity vono olona ity. Sa kosa tena tsy misy na inona na inona azo atao mihitsy tokoa hampitsaharana azy ity?

Hoy izy manohy:

Mila manamafy kokoa ny fitandremany ny raiamandreny indrindra fa rehefa mikasika ny zanany, ilaina ho mpiaro sy hampianatra ny zanany mba ho mailo manoloana ny vahiny dieny mbola kely izy ireny. Nefa ny raiamandreny tsy ho afaka ny ho eo anilan’ny zanany mandrakariva, ary ny fanomànana sy ny fampianarana raiamandreny iray tsy midika avy hatrany fa ho voaàro ny zaza. Mànana ny anjara toerany ny mpitandro filaminana, ny sekoly mànana ny anjara asany, ny governemanta tokony hametraka izay fanovàn-dalàna tokony hatao sy hampihatra ny lalàna, ary ny fiaraha-monina koa dia tokony hanao andrimaso ireny zanatsika ireny. Mety tsy hanafoana ny zava-doza izay, nefa angamba mba hampihena ny fitrangan’ny famonoana ny tanorantsika.

Ady: Amin'ny fomba ahoana moa ny fiovaovan'ny toetr'andro no miteraka fahavitsian'ny akora ilaina tsy mampitombina ny toe-karena sy politika koa amin'ny lafiny sasany, ahoana no mety hahatongavan'izany ho amin'ny fikorontanana ara-tsosialy sy fandraisana fitaovam-piadiana hifanandrinana?

Fifindramonina: Misy fifandraisany ve ny fiovaovan'ny toetr'andro sy ny fifindra-monin'ny mponina?

Politika sosialy: Ahoana ny paika hahombiazan'ny fiomanan'ny mpitondra fanjakana hiatrika ny fanambin'ny fiovaovan'ny toetr'andro?

Tanihay: Ahoana ny hiatrehan'ny fiaraha-monina hamahana ny olana vokatry ny fiovaovan'ny toetr'andro any amin'ny faritra makiana?

Tontolo an-tanandehibe: inona avy ny fepetra noraisina mifanaraka amin'ny filan'ny olona sahirana an-tanan-dehibe manoloana ny fiovaovan'ny toetr'andro?

Andrim-panjakana (na fikambanana) ambanivohitra: Inona avy ny paika sy ny fitaovana ampiasain'ny solontenam-panjakana any amin'ny fokonolona mpamboly hamehezana ny voka-dratsin'ny fiovaovan'ny toetr'andro?

Fokonolona: Ahoana ny hiatrehan'ny fokonolona sy izarany ny fiovaovan'ny toetr'andro?

Lahy sy ny vavy : inona avy ny fiantraikan'ny fiovaovan'ny toetr'andro eo amin'ny lahy sy eo amin'ny vavy na kely io na lehibe (na samihafa ve ny fiantraikany eo amin'ny lahy sy eo amin'ny vavy?) ary aiza sy amin'ny fomba ahoana no ahitana izany fahasamihafana'ny fiantraikan'ny toetr'andro izany eo amin'ny tsirairay?

Fitantanana: Ahoana no atao handraisan'ny fiaraha-monina andraikitra amin'ny fiovaovan'ny toetr'andro?

Ala: Inona avy ny tahotra sy ny tombotsoa azon'ny fiaraha-monina an-toerana amin'ny ezaka hampihenana ny famotehana ny ala syny fahasimban'ny nofontany?

Zon'olombelona: Aiza ho aiza no mety hampisy fiantraikany eo amin'ny fampanajana ny zon'olombelona ny fiovaovan'ny toetr'andro?

Azonao jerena eto.to ny antsipirian'ny fifaninanana. Ao amin'ny lahatsoratra nadika kosa ny lahatsarin'ny antso ho fandraisana anjara amin'ity fifaninanana ity.