Faharoa eran-tany i Inde amin'ny firenena be mponina indrindra miaraka amin'ny olona 1.2 lavitrisa ary mipetraka any ambanivohitra ny 70% amin'ireo mponiny. Mihoatra ny Indiana 456 tapitrisa (42% amin'ny mponina) no latsaka ambanin'ny $1.25 isan'andro tsipiky ny fahantrana maneran-tany . Na dia 28% amin'ny GDP isan'andro aza ny sehatry ny fambolena, ampahany betsaka amin'ny olona no ao anatin'ity sehatra ity na izany tantsaha na any amin'ny raharaha hafa. Indrisy anefa fa nisy aretim-be nahazo ny tantsaha Indiana. Nihanahazo vahana tsikelikely teo amin'ny tantsaha ny fandraisana fepetra hentitra toy ny manala ny ainy faobe mba hialana amin'ny tsindry mafin'ny trosa sy ny fahantrana ary nanomboka nitranga tsikelikely izany isan-taona .

Nampahafantatra i Devinder Sharma, mpandalina nyara-tsakafo sy ny politika ara-barotra any Inde ao amin'ny blaogy Ground Reality, hoe:

tantsaha 60 no namono tena ny volana Jolay (2009). Tamin'ny 10Aogositra,16 hafa no nanala ny ainy. Miseho foana izany zava-maha-valalanina  izany any ambanivohitra na dia eo aza ny hamaroan'ny komity, ary manamafy hatrany ny hamaroan'ny famonoan'olona ny fepetra noraisina izay asehon'ny mpanao politika sy ny manam-pahaizana eo an-tanàna. Ny tena loza dia tsy misy olona mirotsaka mijery ny tena antony mahatonga ny tsy fisian'ny fiafaran'ity hirifirin'olombelona ity.

Ary fa maninona no mamono tena ireo tantsaha ireo? Manazava , i Nita J. Kulkarni mpanao gazety mahaleotena ao amin'ny blaoginy Ny fahitana an'i Inde amin'ny zoro lehibe [A Wide Angle View of India]:

Nidi-trosa ny tantsaha noho ny fitambaran'ny fidangan'ny saram-pitrandrahana, ny masomboly hibrida lafo loatra (lazaina fa ahazoana vokatra betsaka) sy ny fanafody famonoana voalavo amidin'ireo orinasa lehibe maneran-tany, sy ny hamoran'ny vokatr'izy ireo, nateraky ny fanafarana entana. Nanampy trotraka ny fahorian'izy ireo ihany koa ny haintany. Lafo loatra ho an'ny tantsaha ny fitarihan-drano nefa ny  governemantam-panjakana tsy manampy.

Mitantara ny tsy fetezan'ny fandrindrana asa vonjytaitran'ny governemanta  ny mpampiasa blaogy Indiana S Gupta .

i Sonia Faleiro, mpanao gazety nahazo loka sady mpanoratra avy any Inde manazava hoe ahoana no naharaikitra ny mpamboly landihazo any amin'ny faritry Vidarbha ao amin'ny fanjakan'i Maharashtra amin'ity honahonan'ny trosa ity rehefa tsy misy fanampiana avy amin'ny fanjakana.

Voly iray tojo aretina ohatra, na hadisoana teo amin'ny fividianana masomboly ratsy dia manosika hindrana vola. Dimy isan-jaton'ny tantsaha ihany no afaka miditra amin'ny fampindramam-bola avy amin'ny kaoperativa sy ny banky, matetika noho ireo antony ireo. Ny ambiny dia tsy maintsy miditra amin'ny mpampanjana-bola tsy miankina, izay matetika mpampindrana masiaka ka maka zanany eo amin'ny Rs 500 isaky ny efa-bolana amin'ny vola Rs 1,000 indramina.

Manomboka tsy zaka intsony ny vesatry ny trosa, mamono tena ny tantsaha raha vao misy tsy fihetezana kely avy amin'ny zava-boahary.

Nanoratra i Vikasho ao amin'ny blaogin'ny Associación Prabhat, fikambanana tsy mitady tombony voarakitra any Espàna sy Inde miasa mba hampiely sy hanampy ny ezaka fampandrosoana ny vondrom-piarahamonina any amin'ireo toerana lavitra andriana any Inde. Tohina izy noho ny tsy fihetsehan'ny governemanta sy ny tsy fahampian'ny firaharahian'ny hafa:

Raha te hamaha ny olan'ny tantsaha ny governemanta, maninona no tsy nomena fanampiana manokana izy ireo tao aorian'ny haintany na ny tondra-drano ( matetika mihitsy any Bihar ). Maninona no lavina ny tantsaha any amin'ny faritra maro amin'ny firenena eny fa na ny zo ara-dalàna hanao findramam-bola amin'ny banky misahana varotra aza… Maninona no tsy msy olona miresaka ny tsy fahampiana ara-tsakafo sy ny hanoanana any amin'ny faritra maro any Inde (mipetraka amina faritra vitsivitsy any Inde ny 25% n'ny  mahantra sy noana eran-tany) ?

Maninona no tsy misy vaovao mikasika ny famonoan-tena misoko miadana eo amin'ny tantsaha izay mitranga matetika any amin'ny faritr'i Inde?

Eritreretiko mihitsy hoe sahirana amin'ny fivoarana ara-toe-karena i Inde  ary te-hiaina fotsiny anaty nofinofy hoe efa manakaiky ny tontolo mivoatra (ary tsy misy izany 25% n'ny mahantra eran-tany izany mipetraka any Inde).

i Harini Calamur ,  mpamokatra horonantsary Indiana, mpampianatra, mpanoratra sady mpitoraka blaogy dia  naneho hoe ahoana no tsy ahalalàn'ny haino aman-jery ny ratran'ny tantsaha mitondra azy ireo any amin'ny famonoan-tena, raha oharina amin'ny hamaroan'ny rako-baovao mahakasika ireo olo-malaza:

Ny andro nitazonana an'i Shahrukh Khan nandritry ny adin'ny roa [..] tantsaha 21 no namono tena tany Andhra Pradesh satria tsy afaka nanefa ny trosany .

Kanefa tsy afaka tohanana ny famonoan-tenan'ireo tantsaha, tsy mampitombo ny TRP izany ary tena tsy fotoanany velively hiatrehana resaka mamaivay ho an'ireo antsointsika hoe ‘mpanao gazety'.

i Himanshu Rai , manampahaizana amin'ny informatika sady mpampiasa blaogy, dia manasongadina ihany koa ny fanatsongatsongan'ny Indiana ny olan-dry zareo:

Nitarika fahabangana lehibe eo amin'ny modelin'ny fivoarana ny fitombon'ny elanelana eo amin'ny sehatra an-tanàn-dehibe sy ny any ambanivohitra. Ny tena mahatsikaiky dia tsy misy olona miraharaha ny mahantra mihitsy na ny filàna fiovana marina.

Ny olona manana fari-piainana antonony, izay latsaky ny 5%n'ny mponina, no mahazo fanrakofana mediatika mihoam-pampana. Ny fampiatoana mpiasa any amin'ny orainasa fitaterana an'habakabaka no mavesa-danja kokoa noho ny famonoan-tena faobe ataon'ny tantsaha eto amin'ny firenentsika

Tatitra farany avy amin'ny Navdanya Trust, vondrona fampielezan-kevitra Indiana, hoe “ maro kokoa amin'izao fotoana izao ny olona noana any Inde noho ny any Afrika Atsimon'i Sahara. Ary ny olona tena faran'izay noana ao dia ny mpamokatra - ny tantsaha”.

Nanohitra ireo tantsaha. Nefa ny hany fitaovan'izy ireo dia ny famonoan-tena. Efa-taona aty aorian'ny haintany, tantsaha 5,000  any amin'ny fanjakan'i Inde ao Jharkhand no nanao sonia ny dinan'ny famonoan-tena ary mitaraina fa tsy nanao dingana iray akory ny governemanta mba hampivoatra ny toe-piainany.

Nanakiana izany ny filozofa Indiana i Vandana Shiva, mafana fo mpiaro tontolo iainana, mpahay toe-karena mpiaro ny vehivavy ary mpanoratra,  amin'ny lafiratsin'ny toe-karena eo amin'ny sehatry ny fambolena sy ny fanatontoloana. Na izany aza, miaraka amin'ny tahan'ny tsy fisian'ny asa mihoatra ny 7% , tsy afaka ny hahita asa mba hivelomana mihitsy ny tantsaha.

Maneho ny ratran'ny tantsaha Indiana ny Mitti, fanadihadiana fohy novokarin'ny mpanao horonantsary tsy matihanina,  Vibhu Mohunta sy  Ashish Dhadade.

Mpanao gazety indiana iray miompana amin'ny fandrosoana iray nahazo ny loka, i P. Sainath tao amin'ny Counterpunch no  maneho fa mirongatra izay tsy izy ny fahantrana sy hanoanana eo anivon'ireo tantsaha Indiana:

Mpividy mivantana ny voan-tsakafo ny tantsaha Indiana an-tapitrisany kely sy madinika. Tsy mahavita mamokatra betsaka ampy hahavelona ny fianakaviany ry zareo ary mila miasa amin'ny tanin'ny hafa sy any an-toeran-kafa mba hamenoana ny banga. Tena tohana mafy amin'ny halafon'ny vidin'ny sakafo izy ireo noho izy ireo tsy maintsy mividy ny masomboly  ilainy eny an-tsena, toy ny niseho tamin'ny 1991, ary indrindra ny tamin'ny voalohandohan'ity taona ity. Tena zava-misy marina ny hanoanana eo anivon'ireo mpamokatra ny sakafo. Fanampin'izany, nidina tsy misy hoatr'izany ny  “masonkarena isam-batan'olona” eo amin'ny voan-tsakafo teo amin'ny tantsaha Indiana vantany vao nanomboka ny “fanovàna” : nanomboka 510 grama isaky ny Indiana tamin'ny 1991, lasa 422 grama tamin'ny 2005. (tsy fatiantoka 88 grama izany. Fatiantoka 88 ampitomboina 365 ary avy eo amin'ny Indiana iray lavitrisa.) Nasongadin'i prof. Utsa Patnaik, manam-pahaizana ara-toe-karena eo amin'ny fambolena fa eo amin'ny latsaky ny 100 kg ny salan'isa isam-pianakaviana mahantra amin'izao fotoana izao raha oharina amin'ny tamin'ny folo taona lasa.

Hitohy hijaly foana ny tantsaha Indiana mahantra raha mbola misy ny tsy fahatomombanana eo amin'ny fitantanana ny rano madio, hoy ny fanazavan'i Suvrata Kher manam-pahaizana momba ny tany. Manampy trotraka ny fahantran'izy ireo ihany koa ny tsy fisian'ny findramam-bola mora sy malalaka toy ny findramam-bola antonony sy ny tsy fisian'ny safidy amin'ny masomboly na ny tranga mety hahazoana tombony. Miraikitra amin'ny kodiaran'ny fahantrana sy ny loza voajanahary toy ny haintany izy ireo izay mandetika azy anaty lozoka. Mihevitra i Sanjeev Sanyal,  mpahay ara-teo-karena sy ara-tontolo iainana,  fa mila mihevitra ifotony ny sehatra ara-pambolena i Inde hampitsaharana an'ireo fahafatesanaireo.

Any Arabia Saodita, manoratra Nzingha momba ny havany very asa tao aorian’ny “fikorosoan” ny orinasa iasany. Manazava izy:

Nahita asa tamin’ny volana vitsivitsy lasa teo ny zaobaviko, mananotena ary mitaiza zaza telo. Mandray telefonina amina orinasa mivarotra hetra ho an’ny fiara no asany, hita feno hafaliana tokoa izy amin’izany asany izany ary vola fanampiny ampidiriny ao an-tokantrano. Amin’ny maha-mananotena azy sady efa nanam-bady efa niasa tao amin’ny governemanta dia mandray fanampiana 1500 SR (pension) isam-bolana izy. Mitentina 375 dolara izany ary tsy ampy ny vidin’ny bisikileta izay novidiko akory. Tsy ampy hivelomana ny vola mitentina 1500 SR, indrindra fa manalehibe zaza anankitelo mbola mitombo ianao.

Mariho tsara fa ampiasaiko ny matoanteny amin’ny fotoana lasa mba hanazavako ny vanim-potoana niasany hoe tsy an’asa tokoa izy ankehitriny. Voaroaka izy niaraka tamin’ireo mpiasa hafa tao amin’ny orinasa satria rendrika ny orinasa. Nomena fampilazana roa herin’andro izy ,dia avy eo, izay no izy fa vita. Betsaka ny vehivavy eto amin’izao tontolo izao no mitovy tantara aminy, miasa ianao amin’ny andro iray dia avy eo mahazo filazana fandroahana indrindra rehefa heverinao fa mipaka eran’izao tontolo izao ny olana ara-toekarena. Na dia izany aza, toy ny vehivavy avy any Saodita dia dia voafetra mafy dia mafy ny fahafahany miasa izay hita fa tsy mitovy amin’ireo orinasa maneran’izao tontolo izao ary izany antony izany anefa dia satria vehivavy izy.

Avy amin’ny UAE, manao tamba-zotra mankany amin’ny horonantsary CNN izay miady hevitra momba ny vokatry ny olana ara-toekarena ao Dubai I the Grapeshisha Blog ary manamarika izy fa:

Fa raha miheno tsara ianao, dia midika zavatra ny fihenan’ny mponina 8% - Miha-mihena ny asa… eo amin’ny orinasa sasantsasany.

Miresaka mikasika ny blongana I WebJunky manao hoe:

Maminaviana amim-pahatsoarana aho fa ny tsy fisian’ny asa dia hitombo avo roa heny. Fara fahakeliny eo amin’ny 6 - 12 volana eo ho eo no mitohy milentika I Dubai alohan’ny isian’ny singa enti-milaza ny fiverenan’ny varotra amin’ny laoniny ao amin’ny faritra ankehitriny.

Manome tamba-zotra ao amin’io horonantsary io ihany I Moey, avy any Jordanie izay miasa sy mipetra ao Kuwait ary manontany izy hoe:

Tokony hiandrandra zavatra ao Kuwait ve isika ?

Dia namaly azy ny mpamaky The M Code:

Tsy tokony hiandrandra n’inona n’inona n’aiza n’aiza isika, olana ara-toekarena fahobe io fa ny olona kosa no mijery an’I Dubai hoe voa mafy izy satria jeren-dry zareo fa miakatra izany. Antenaina fa ho tafarina izany indray andro any. Ireo mantsy no rehareha sy fonenana ho an’ny Arabo manerana izao tontolo izao, mirary ny tsara indrindra ho azy ireo aho.

Tao amin’ny UAE community blog dia nisy lehilahy mpivazivazy nanao izao filazana manaraka izao mba:

Hibaboka sy hanamafy ireo mpandraharaha Dubai telo voatokana fa ny toe-draharahan’ny tsena dia tena mari-toetra tokoa ka ny tsaho milaza fa malemy ny toe-karena sy ny fomba fijery malemy dia propagandy fotsiny ihany. Manamafy ny fankasitrahana ireo fahafahana manao zavatra maro ho an’ny Dubai ny mpandraharaha Sinoa, Anglisy ary Indianina raha toa ka ny governemanta atokisana no maniditsidiana tsy afa-maanapaka ny hitandrovana ny fiarovana azy ireo.

Ny vazivazin-teny ao anatin’ity blaogy ity dia tsy ho very ho an’ny mpamaky, izay nandefa ny fanamarihan’izy ireo eto

Lohahevitra ao amin’ity bolongana ity ny fihenan’ny asa ao Dubai, nentin’ny Shamsi ao amin’ny Dubai Metblogs.

Indro mijoro eo anilan'ny filoha Wade ao amin'ny lapam-panjakana ilay mpandraharaha Senegaly sady Filoha Tale Jeneralin'ny vondrom-barotra Bara Mboup (CCbm), Atoa Serigne Mboup, nilaza ny tsiri-keviny omaly hampiasa vola mahatratra 34 arivo arivo arivo Cfa (US$ 666 arivo arivo) hanomezana asa vaovao mahatratra 60 000 amin'ny fanafarana posy-bisikileta ampolo arivony avy any ivelany ampidirina any Senegaly.

lahatsoratra avy ao amin'ny Le Quotidien no nakan'i Seneweb ilay tetikasa:

Il s’agit de remplacer notamment les motos-taxis qui circulent à Kaolack et Fatick, par des tricycles dans lesquels les passagers sont installés de manière un peu plus confortable. L’ambition de la Ccbm et de l’Etat est que ces nouveaux moyens de transport remplacent progressivement les pousse-pousse traditionnels, tractés par la force d’homme ou tirés par la traction animale. Pour Serigne Mboup, il y a là, rien que pour Dakar, l’opportunité de «générer ou consolider 3000 emplois plus valorisants».

Na dia tsy mazava tsara amin'ny antsipiriany aza anefa dia marihin'ny lahatsoratra fa tian'ny orinasan' i Mboup ny hanangana fampindramam-bola madinika ahafahan'ny orinasa madinika na olo-tsotra mividy fiara kodiarantelo.

Tsy ny rehetra tsy akory no resy lahatra amin'ity tetikasam-pampandrosoana amin'ny famenoana fiara vaovao mamoaka setroka maloto ny firenena ity.

Le Blog politique au Senegal no manazava:

Ces petites cylindrées sont extrèmement polluantes, surtout celles venant d'Asie où aucune règle ne s'impose en matière de pollution. Rajouter ces engins dans le bordel des rues de dakar me parait hautement suicidaire.

La circulation de Dakar va empirer, les bronches de nos gamins se goudronner un peu plus pour que la géniale idée de Mr Mboup lui rapporte 4 ou 5 milliards.

Mieritreritra i Naomed fa raha tena te-hanatsara ny fitaovam-pitaterana eto Dakar ny fitondrana dia any amin'ny fitaovam-pitaterana mahazaka olona maro sady maoderina no tokony ifotorany.

Raha namoaka ny tantara ny gazety Le Quotidien, omaly [FR], dia difotry ny fanehoan-kevitra mafana vay ny vohikalany. Maro kokoa no tsy resy lahatra.

Dioh:

Les motos-taxis, il n'y a rien de pire dans une ville comme Dakar. Ce genre de système de transport doit être interdit. Aggravation du trafic, accidents, incivisme, pollution…

Laye:

…Ce projet est à saluer et à soutenir mais plus important nous devons veiller à ce qu'il ne tombe pas dans les travers de la pratique politicienne et, ce faisant, être la chasse-gardée des autorités politiques (comme il en a déjà été le cas dans un passé très récent avec REVA) au détriment des vrais demandeurs d'emploi…

BOUKI

DU N'IMPORTE QUOI. C'EST UN RETOUR EN ARRIERE. QUI VA MONTER SUR CES TROTINETTES POUR ALLER SE SUICIDER? WHAT A F…K IS GOING ON? C'EST CE QUI SE PASSE QUAND DES INCOMPETANTS ET IDIOTS DIRIGENT UN PAYS.

Tsy nitonana anarana:

Bara veut tout simplement transposer la Chine au Sénégal. Il n'a pas l'esprit creatif, il ne fait que du copié collé. Mais ce qui est valable en Chine ne l'est pas forcémént au Sénégal.

Fa misy kosa ireo hafa izay mitehaka ny tetikasan'i Mboup ho fanehoana fitiavan-tanindrazana vitsy mpanana ka te-hampiasa ny volany amin'izao fitadiavana mpampiasa vola izao.

boy Dakar:

Le malheure c'est que les sénégalais sont commlexés. C'est comme ça que beaucoup de secteurs de notre économie nous ont échappé. C'est le cas du commerce controlé par les libano syriens, les mauritaniens et les guinéens… ce que le jeune Mboup propose c'est ce que tout patriote doit faire. Son projet ne s'adresse pas à tous les séngégalais mais peut régler en parte le problème du chômage. Il ya des jeunes qui restent du matin au soir sans rien faire, avec ces motos ils peuvent au moins assurer les besoins courants et on verra la suite.

izz:

si tous les Sénégalais riches pensaient comme le jeune Mboup,on serait loin de la souffrance.Des centaines de milliardaires Sénégalais n'investissent que sur l'immobilier ou thésaurisent leur argent dans les banques occidentales jusqu'à mourir.C'est vraiment égoiste de leur part.”pensons à s'entraider entre fréres Sénégalais” au lieu d'en faire profiter les toubabs…