Global Voices teny Malagasy » Sarimihetsika

Israely: Horonantsary maneho ny olan'ny fanakatonana ireo sisintanin'i Gaza

miora — Wed, 28 Oct 2009 08:19:45 +0000

MpanoratraMaya Norton · Nandika miora · vakio ato ny lahatsoratra nadika

Eo amin'ny tontolon'ny blaogy Israeliana, tsy dia tsapantsika loatra hoe misy mihaino na dia tsy misy miteny aza, izay no nitranga tamin'ny fanombohan'ny sarimihetsika fohy antsoina hoe “Closed Zone.” Sarimihetsika maharitra 90 segondra momba ireo faritra fivezivezena nohidiana any Gaza, “Closed Zone” izay efa in-31.600 nojerena ary ahitana tsikera 200 ao amin'ny YouTube, ka mbola mitohy mitombo hatrany.

Cinemascopian, Israelity Bites, One Jerusalem, sy ny Promised Land samy mampiseho ilay vidéo sy ny hafatra tiany ampitaina, fa tsy mitsikera.

Ao amin'ny blaogy Checkpoint Jerusalem, Dion Nissenbaum manome ny foto-dresaka sy ny mombamomba ilay sarimihetsika, manazava fa ny “Closed Zone” dia natao ho an'ny Gisha, ONG Israeliana tsy mpitady tombontsoa , izay miasa ho fiarovana ny fahalalaha-mihetsik'ireo mponina 1.4 tapitrisa ao amin'ny faritr'i Gaza.

Ao amin'ny fanambaràny momba ny fikatonan'ireo faritra fivezivezena any Gaza, izay efa nampiharina nandritra ny 18 volana, dia manoratra i Gisha:

Raha ny hevitr'i Gisha dia tsy ara-dalàna ny fanakatonana satria manasazy ireo mponin'ny faritr'i Gaza amin'ny zavatra tsy nataony sy noho ny tranga ara-politika tsy miankina amin'izy ireo. Ity fikatonana ity dia misy fiantraikany eo amin'ireo mponina sivily sy ireo sampan-draharaha noho ny fandraràna ny fidiran'ny kojakoja ilaina amin'ny fahasalamana, amin'ny fiainana andavanandro, ary ny ara-toekarena.

Ny nanao ny “Closed Zone” dia i Yoni Goodman. I Goodman dia malaza manokana amin'ny naha Talen'ny Fanentanana azy tao amin'ny “Waltz with Bashir,” nandresy tamin'ny Sarimihetsika Vahiny Tsara indrindra tamin'ny Golden Globes Award ary amin'ny fitsarana ankapobeny ihany koa dia mbola isan'ireo tsara toerana tamin'ny sokajy nisy azy tamin'ny Academy Awards 2009. (Ilay sarimihetsika Zapone “Departures” no nibata ny fandresena.)

Tao amina resadresaka iray niarahana tamin'ny Jerusalem Post tamin'ny fotoana namoahana ny “Closed Zone” dia nanazava i Goodman:

“Halako Hamas. Mitady hamono anay izy ireo. Mazava ho azy fa fahavaloko izy ireo. Miala tsiny amin'ireo vahoaka Palestiniana izay te hiaina ny fiainan'izy ireo aho… Ny olona tsy te-handre hoe tena olona tokoa anie ireo Palestiniana. Aleon'ny olona mieritreritra azy ireo toy ny hoe devoly, sady Hamas daholo ry zareo. Mora ny miteny hoe: ‘sazio ry zareo, na koa vonoy ry zareo.' Sarotra be ny mijery azy ireo ho toy ny olon-tsotra te-handry fahalemana.

Anaty video fanampiny “Closed Zones: Any ambadiky ny sehatra,” manindry mafy i Goodman:

Nahatonga ity tetikasa ity hanjary andraikitro manokana ny ady. Ny mpandray anjara eto dia zazalahy kely, sady ankizy izy no olon-dehibe, sady arabo no Jiosy, zavatra iray azon'ny tsirairay hakàna taratra. Tsy tsara loatra ny hamadihana azy ity ho sarimihetsika stereotype [

Azia sy Oseania: Lahatsarin'ny vokatry ny loza voajanahary

Jentilisa — Sat, 03 Oct 2009 06:55:04 +0000

MpanoratraJuliana Rincón Parra · Nandika Jentilisa · vakio ato ny lahatsoratra nadika

tondra-drano

Tao anatin'ny herinandro monja dia horohorontany, tsunami ary rivodoza isan-karazany no nandòna ny firenena maro any Ôseania, Azia atsinanana sy Azia atsimo atsinanana.

Tany amin'ny lahatsoratry ny Global Voices (teny anglisy) tany aloha tany no efa nampahalala antsika tamin'izay nitranga tany Thailandy, Kambodza, Laos, Philippines, ary Vietnam tamin'izay nafitsoky ny rivodoza Ketsana (Ondoy) sy ireo fiverimberenana horohorontany mahery vaika tany Indonezia (1 sy 2) indray andro monja taorian'ny hovitrovitry ny tany niteraka tsunami tany Samoa.

Nitantara izay zavatra niainany sy nihatra taminy tamin'ny alalan'ny lahatsary ny olotsotra niharan'ireny loza voajanahary ireny mba hahafantaran'ny olona any amin'ny faritra hafa ny haben'ny fahapotehana.

Namoaka lahatsoratra roa sosona ny bolongan'i YouTube's CitizenTube momba ireo raharaha ireo. Ity voalohany ity dia maneho ny vokatry ny hovitrovitry ny tany sy ny tsunami tany Samoa:

Ary io manaraka io kosa dia maneho ny lahatsary isan-karazany tamin'izay nitranga tamin'ny horohorontany tany Somathrà.

Ity indray namoaka ny ankohonany ivelan'ny trano, misintona ny fefy vy sao mbola mamaly (ny horohorontany):

Ity hafa ity indray kosa mampiseho ny eny andalambe amin'izay heverina ho ivotoeram-pivarotana iray niharan'ny fahasimbana sy toerana iray tratran'ny fahamaizana:

Ny lahatsary manaraka indray mitodika amin'ny rivodoza (Ketsana) Ondoy, izay nandalo tany Philippines. Hahita tondra-drano ianao ao, ary toy izao ny fitantaran'ny mpaka sary:

Vao avy teny amoron-drano aho 5 minitra lasa izay. Nihena be dia be ilay elanelana haavo 10-15 pieds (3,5 - 5 m) teo amin'ny reniranon'i Marikina sy ny seranam-pitodiana hany ka efa manafosafo an'i Eastwood, Metro an'i Manille ny rano. Nanatona ahy ny mpiambina ity faritra voaaro ity ka nanaloka ahy tamin'ny elony raha mbola teo ampakana sary tamin'ny findaiko aho. “Fa aiza ny polisy na ny mpamonjy voina?” hoy aho nanontany. Nanondro tasy maintimainty teo afovoandrano tokotokony ho 300-400 metatra ankavanako izy. “vehivavy nitondra zaza an-trotroana 2 taona no teo. Nandalo teto izy nanofahofa tanana anay hamonjy azy. Tsy afa-nanao na inona na inona akory izahay fa dobo tao anatin'ny 5 segondra izy. Nanatrika olona hafa dobo ihany koa izahay.” Niraviravy tanana fotsiny izahay nahita olona mihoatra ny 20 mipetraka ambonin'ny tafontranony izay tsy tratran'ny rano masiaka dia masiaka… miandry ny mpamonjy voina.

Ity lahatsary manaraka ity kosa, tondra-drano, mampiseho ny endrika famonjena voina isan-karazany, Ao anatin'ny fiakaran'ny rano, no ahitana andian'ankizy mifalihavanja sy milalao:

Tahaka ny hoe fomba iray entina mahafantatra kokoa ny loza voajanahary ny hatsikana ho an'ny Filipiana. Ohatra, nisy hafa nampita indray ity hafatra am-bolongana nosoratan'i Gwendolyn So, izay nitantarany fa tratran'ny tondra-drano hatrany izy isan-taona farafahakeliny nandritra ny folo taona mahery, Ho hitanao fa eny antsefatsefan'ny famonjena ny kojakoja, ny entana isan-karazany sy ny fianakaviana eny, dia mbola misy fotoana isangisangiana hatrany:

5. Mbola afa-manala azy ihany ianao ao anatin'ny voina ka dia navoakako ny fakantsarinay ary dia naka sary aho. Izany no natao dia ny mba hihomehezana ahafahana manara-maso ny fahapotehana manodidina anay, ny kalalao sy ny voalavo milomano, ny ranomaintin'ny menaka mitsingevaheva manodidina.

Ary hoy izy nametrapetraka tanjona tamin'ny faramparany:

Mahaverivery saina vetivety rehefa ianjadian'ny voina tahaka itony, malahelo ny fananana very (indrindra fa ny fiara), saingy aoka hisaotra mandrakariva noho ny fiainana efa nandalovanao sy ny nanomezany anao ankohonana sy izay tianao

Sary nampiasaina ho fanaingoana navoakan'i IronChefBalara araka ny fepetran'ny CC license

Juliana Rincón Parra

Fifaninanana Horonan-tsary: Solontenan'ny Mponina amin'ny andron'ny faha-64 taonan'ny Firenena Mikambana

Tahina — Wed, 30 Sep 2009 06:42:46 +0000

MpanoratraJuliana Rincón Parra · Nandika Tahina · vakio ato ny lahatsoratra nadika

Sary avy amin'i Basykes

Inona no ho lazainao ny mpitondra eran-tany raha omena anjara amin'izany ianao? Aleo ho fantatr'izy ireo ao anatina horonan-tsary tsy mihoatra ny telo minitra ny faharetany izay heverinao fa ilaina tokony atao mba hanaovana an'izao tontolo izao ho toerana voaaro kokoa sy tsaratsara kokoa ary hahazoanao vintana mety hitsidika ny Foiben'ny Firenena Mikambana amin'ny andro fankalazana ny faha 64 taonany.

Iraky ny Fandriampahalemana avy amin'ny Firenena Mikambana ny mpilalao sarimihetsika George Clooney, ary ao amin'ity horonantsary manaraka navoakan'ny fahitalavitry ny Firenena Mikambana ity, manazava ny fomba ahafahanao mandray anjara izy, ary mba ho isan'ny 5 mpandresy mety hahazo vintana handray anjara amin'ity fotoan-dehiben'ny Olo-manan-kaja ambony any amin'ny Tanànan'i New York ity.

Tsotra kely ny fitsipika arahana:

1.Forony ny video-nao, tsy atao mihoatra ny 3 minitra ny faharetany.
2. Alefao amin'ny kaontinao ao amin'ny YouTube ilay video-nao.
3. Ampio amin'ny video jerenao amin'izao fotoana izao izany, toy ny hoe VALIN'NY VIDEO.
4. Fotoana farany fisoratana: 10 Oktobra 2009

Fomba fisafidianana:
1. Ny komity no misafidy ny video 5 tsara indrindra izay napetraka tamin'ny fijerena ny votoatiny, ny maha-tokana azy sy ny famoronana.
2. Tondroina ho Solontenan'ny Mponina ireo mpandray anjara farany ireo ary hasaina any amin'ny Foiben'ny Firenena Mikambana any New York amin'ny fankalazana ny andron'ny faha 64 taonan'ny Firenena Mikambana.
3. Hahazo fitsidihina manokana ny Foiben'ny Firenena Mikambana izy ireo, haka sary miaraka aminin'ny Sekretera Jeneraly Ban Ki-moon ary hahazo toeran'ny Olo-manan-kaja ambony amin'ny kaonseritra ny Andron'ny Firenena Mikambana, izay hatao ny Zoma 23 Oktobra 2009.

Taty aoriana, kely noho ny indray mandraoka amin'ny tanana ny valin'ireo video nandeha, roa avy amin'ny Etazonia (1 sy 2 ), ny iray avy any Canada ary iray avy amin'ny Emira Arabo Mitambatra. Amin'ny 10 Oktobra ny fotoana farany, raiso ary ny fakan-tsarimihetsikareo, ary manaova vaovao, feno fahaiza-mamorona, ary fahaiza-mandrafitra!

(eSary avy amin'i basykes, efa zatra maneho lahatsoratra miankina amin'ny Creative Commons Attribution License )

Fifaninanana lahatsary “Democracy Now Challenge”

Jentilisa — Thu, 17 Sep 2009 09:14:24 +0000

MpanoratraJuliana Rincón Parra · Nandika Jentilisa · vakio ato ny lahatsoratra nadika

Roa volana lasa izay no namoahanay ny tantaran' ireo nandresy tamin'ny fifaninanana “2009 Democracy Now Challenge” (haika ho amin'ny Demaokrasia izao) miaraka amin'ny lahatsariny tsirairay avy maneho ny dikan'ny Demaokrasia ho azy ireo. Ankehitriny moa dia mitsangatsangana mamakivaky an'i Etazonia mandritra ny roa volana mitsidika an'i Washington, New York ary Hollywood ireo nahazo loka ireo, ary mandritra izany fotoana izany dia efa nanambara sahady ny Sekretariam-panjakana (Amerikana) fa misokatra indray ny fifaninanana lahatsary 2010 Democracy Now. Sahala ny tamin'ny herintaona ihany ny fitsipika. Amin'ny ambangovangony dia tokony handefa lahatsary latsaky ny 3 minitra ianao mameno ny fehezanteny hoe “Democracy is…”[ny Demaokrasia dia…]. Tokony ho amin'ny teny anglisy na misy dikany an-tsoratra amin'ny teny anglisy no hanaovanao azy, ary azo aseho amin'ny fomba samihafa: sary ahetsika na nalaina tamin'ny andavanandro, fanadihadiana na tantara foronina. Ny fe-potoana farany handefasana ny lahatsary dia amin'ny 31 Janoary 2010; aorian'izay ny fifantenana ka ao anatin'izany ihany koa fampisafidianana an-tserasera mandra-pisongadin'ny olona 6 avy amin'ny faritra ara-jeografika 6 samihafa, ka ireo no hitsangatsangana any Etazonia hiresaka amin'ny olona avy amin'ny fitondrana sy ny haino aman-jery.

Indro ny lahatsary nataon'izy ireo hanasongadinana ny fifaninanana:

Iarahan'ny YouTube, ny Departemantam-panjakana (Amerikana) [raharaham-bahiny] ary ny hafa miasa ny fikarakarakana ity fifaninanana ity, ka ny antsipiriany hafa ilaina ho fantatra ilaina mialoha ny handefasana lahatsary hifaninana dia azo jerena ao amin'ny YouTube-n'ny Departemantam-panjakana (Amerikana) amin'ny fanindriana ny bokotra “Important Details”.

Azonao jerena ao amin'ny bolongana YouTube ny sary tamin'ny nisehoan'ny nahazony loka 2009 tamin'ny televiziona, ka raha tianao ny hahalala bebe kokoa amin'ireo nandresy ireo dia efa nampiseho an-dahatsary ny mombamomba azy ny 4 amin'izy ireo.

Aissa Peñafiel avy any Philippines:

Rodin Hamidi avy any Iran:

Anna Israel avy any Brezila:

ary i Lukasz Szozda avy any Pôlônina:

Raha mila aingam-panahy ianao amin'ny fandraisana anjara? Maninona raha mba mitsikilo ato ireo nandresy tamin'ny 2009?

Juliana Rincón Parra

Palestina: Kolontsainan'ny fanoherana any Gaza

candy — Sun, 30 Aug 2009 08:11:58 +0000

MpanoratraAyesha Saldanha · Nandika candy · vakio ato ny lahatsoratra nadika

Nivoaka voalohany tany Gaza tamin'ny 1 Aogositra ny horonantsary lava novokarin'i Hamas, ampahany amin'ny tetika fanangonana fanohanana nataon'ilay hetsika avy amin'ny alalan'ny hetsika ara-kolotsaina, tamin'ny fananganana “kolontsainan'ny fanoherana“. Tamin'iny herinandro iny ihany, nisy lalao momba ny famokarana horonantsary nisokatra tany Gaza. Samy natrehan'ireo mpitoraka blaogy avokoa izy roa ireo, ary omeny antsika ny hevitr'izy ireo.

Lina Al Sharif, izay mitoraka blaogy ao amin'ny 360 km2 of chaos, dia nanatrika ny fandefasana voalohany ilay horonantsary Imad Aqil:

Tifitifitra, fifanenjehana amin'ny fiara sy tantarana mahery fo iray, “Imad Aqil” no horonantsary voalohany avy any Gaza. Tamin’ny volana Aogositra no nisokatra voalohany tao amin'ny foibe ara-kolontsain'i Rashad Al-Shawa ao Gaza ny horonantsary maharitra ora 2. Nosoratan’i Mahmoud Al-Zahar izy ity, izay lehibe mpitarika ny Hamas any Gaza, notontosain’i Majid Jindiya, ary novokarin’ny tambajotrana haino aman-jery Al-Aqsa. Mitentina any amin’ny 120,000$ ny vola lany tamin’io horonantsary hoy ny gazetyin'ny Hamas mivoaka isan’andro ao Al-Resala. Tany amin’ny tanàna famokarana horonantsarin’i Asda, izay mitoetra any amin’ny zara-tany Israeliana nisintahana tamin’ny 2005 no tena tena nandraketana ity horonantsary ity. Izay tratran’ny ady farany teo.

Hitako ny taratasin-dokambarotra lehibe momba ilay horonantsary alohan’ny nivoahany; taitra aho nahita horonansary vita eto an-toerana amin’izao toe-draharaha manahirana aty Gaza izao. Omaly ihany, nividy ireo tapakilana 10 shekel izaho sy ny namako roa hijerena ilay horonantsary momba ity mhery fo Palestiniana malaza ity.

Ambaran'i Lina amintsika ny tantara:

Mifototra amin’ny tantaram-piainan’ilay mpiady ho amin’ny fahafahana Imad Aqil ilay horonantsary. Manomboka amin'ny fanehoana vehivavy mpampiteraka iray sy ny vadiny ho any an-tranon’ny Aquil mba hampiteraka ilay ho mahery fo, izay teraka ny 19 Jona 1971 tao amin’ny toby Jabaliya. Avy eo, entina any amin'ny fahazazany ireo mpijery, dia avy eo ny fahatanorany tany an-toby, izay nizakàn’ireo Palestiniana fisamborana tsy an-drariny sy daroka avy tamin’ireo mpisafotany Israeliana. Tamin’ny 1988, nipoaka ny Intifada Palestiniana voalohany, ary nanendrena ho fanta-poko ho fanta-pirenena ny Hamas ho Hetsi-panavotana Silamo. Tamin’iny taona iny ihany, nosamborina i Imad Aqil noho ny fandraisany anjara tamin’ny raharaha Intifada sy Hamas. Nijanona 18 volana am-ponja izy. Taorian’ny namotsorana azy, naka ny toeran'ny mpitarika ady mitam-piadiana manohitra ny tafika Israeliana any Gaza izy. Nantsoin’ireo Israeliana izy hoe “ilay lehilahy manam-panahy fito” . Tapitra ny ain’ity mpiadin’ny brigady Qasam ity tamin’ny famonoan’ny tafika Israeliana azy nampian’ny Palestiniana iray mpamadika tamin’ny taona 1993.

Ny hevitr’i Lina momba ilay horonantsary?

Tsy io no horonantsary tsara indrindra hitako, fa horonantsary avy any Gaza io. Raha jerena daholo ireo zava-nitranga, ireo enti-manana rehetra ary ireo foto-drafitrasa rehetra nilaina nanamboarana horonantsary avy amina tantara tahaka izao; azo atao hoe tsara ny vokatra azo na dia eo aza ny zava-misy sy ny toerana nasiana an’i Gaza efa ho roa taona sy tapany izao. Avy any Gaza daholo ireo mpilalao lahy sy vavy. Indrisy, tao amin’ny tatitr’i Resala ihany no nahafantarana fa efatra tamin’ireo mpilalao ireo no maty tamin’ilay ady farany teo tao Gaza. Nisy olana kely teo amin’ny fandrindràna ny feo; misy ampahany amin’ireo resaka tsy heno noho ny fikirakirana ara-peo [sound effect]. Fanampin’izany, tsy dia mahay loatra ireo mpilalao. Nefa tsy maintsy tiavina ilay izy amin’ny ankapobeny noho izy nivoaka avy ao anivon'ny fotoan-tsarotra lalovan’i Gaza.

Ao amin’ilay blaogy In Gaza (hita koa ao amin’ny The Electronic Intifada), mitatitra tantara tsangana mombana famokarana horonantsary ilay Kanadiana Eva Bartlett:

“Moa tsy tia mijery sarimihetsika tahaka ny olon-drehetra ireo mponina any Gaza?” hoy ilay mpamokatra sarimihetsika Hossam Abdel Latif. Ny vadiny, Souad, izay mahatsiaro tena kokoa dia namaly, “Ny olona tsy manan-ko hanina ve ho afaka handeha hijery sarimihetsika?”

Ny resaka momba ny kanto mandritra ny fahirano sy fanjanahan-tany no iray amin’ireo lohahevitra lehibe entin’ny mpamokatra tantara tsangana any Gaza, Film Cinema, izay nisokatra tamin’ny 4 Aogositra tany an-tanànan’i Gaza. Sehatra rakotry ny porofon-tsary, ary voaravaka ‘ours’ lamba iray botrabotra sy manirery no fitambaran’ny haingon’ity tantara lalaovin'olona telo ity.

“Izaho no Hossam Abdel Latif, ary te-hanao sarimihetsika aho,” hoy ilay maniry ho mpamokatra sarimihetsika mamerimberina manoloana ny ‘caméra vidéo’-ny, mba hanapatapahana matetika:

Tsotra ny tantara — olona iray mpamokatra horonantsary sy ireo olana sedrainy— nefa sahirana amin’ny fiainana ao anatin’izany Palestina voazanaka izany, misary gaigy, ary indraindray toa zary tenany, mandritry ny ora filalaovana an-tsehatra. Mampatsiahy ny vono olona Israeliana farany tao Gaza i Film Cinema — nefa tsy manonona vanimpotoana manokana, izany hoe mety n’iza n’iza tamin’ireo fananiham-bohitry ny tafika Israelina tao Gaza izany — ary maneho ireo nofy sy tsindrihazolena niainan’ireo Palestiniana eo ambanin’ny fanjanahan-tany any Gaza. Amin’izay fotoana izay ihany, mizara ny zava-misy iainan'ny rehetra momba ny olana an-tokantrano sy ny fanirian'ny isam-batan'olona ilay tantara.

Manohy izy:

Film Cinema no tantara tsangana faharoa mandritra ity fahavaratra ity aty Gaza, ary mbola betsaka no eo am-pamokarana.

Ireo mpankafy tantara tsangana koa dia mitady sehatra eo amin’ny zavakanto na sarintsarina “fanaraham-penitra” any Gaza. Ny fahafenoan’ny toerana sy ny fandraisana anjara mavitrik’ireo mpijery dia maneho ny hetahetan’ireo Palestiniana any Gaza hanana zavakanto sy ‘cathartic outlet’.

Lina Al Sharif, izay mitoraka blaogy ao amin'ny 360 km2 of chaos, dia nanatrika ny fandefasana voalohany ilay horonantsary Imad Aqil:

Tifitifitra, fifanenjehana amin'ny fiara sy tantarana mahery fo iray, “Imad Aqil” no horonantsary voalohany avy any Gaza. Tamin’ny volana Aogositra no nisokatra voalohany tao amin'ny foibe ara-kolontsain'i Rashad Al-Shawa ao Gaza ny horonantsary maharitra ora 2. Nosoratan’i Mahmoud Al-Zahar izy ity, izay lehibe mpitarika ny Hamas any Gaza, notontosain’i Majid Jindiya, ary novokarin’ny tambajotrana haino aman-jery Al-Aqsa. Mitentina any amin’ny 120,000$ ny vola lany tamin’io horonantsary hoy ny gazetyin'ny Hamas mivoaka isan’andro ao Al-Resala. Tany amin’ny tanàna famokarana horonantsarin’i Asda, izay mitoetra any amin’ny zara-tany Israeliana nisintahana tamin’ny 2005 no tena tena nandraketana ity horonantsary ity. Izay tratran’ny ady farany teo.

Hitako ny taratasin-dokambarotra lehibe momba ilay horonantsary alohan’ny nivoahany; taitra aho nahita horonansary vita eto an-toerana amin’izao toe-draharaha manahirana aty Gaza izao. Omaly ihany, nividy ireo tapakilana 10 shekel izaho sy ny namako roa hijerena ilay horonantsary momba ity mhery fo Palestiniana malaza ity.

Ambaran'i Lina amintsika ny tantara:

Mifototra amin’ny tantaram-piainan’ilay mpiady ho amin’ny fahafahana Imad Aqil ilay horonantsary. Manomboka amin'ny fanehoana vehivavy mpampiteraka iray sy ny vadiny ho any an-tranon’ny Aquil mba hampiteraka ilay ho mahery fo, izay teraka ny 19 Jona 1971 tao amin’ny toby Jabaliya. Avy eo, entina any amin'ny fahazazany ireo mpijery, dia avy eo ny fahatanorany tany an-toby, izay nizakàn’ireo Palestiniana fisamborana tsy an-drariny sy daroka avy tamin’ireo mpiosafotany Israeliana. Tamin’ny 1988, nipoaka ny Intifada Palestiniana voalohany, ary nanendrena ho fanta-poko ho fanta-pirenena ny Hamas ho Hetsi-panavotana Silamo. Tamin’iny taona iny ihany, nosamborina i Imad Aqil noho ny fandraisany anjara tamin’ny raharaha Intifada sy Hamas. Nijanona 18 volana am-ponja izy. Taorian’ny namotsorana azy, naka ny toeran'ny mpitarika ady mitam-piadiana manohitra ny tafika Israeliana any Gaza izy. Nantsoin’ireo Israeliana izy hoe “ilay lehilahy manam-panahy fito” . Tapitra ny ain’ity mpiadin’ny brigady Qasam ity tamin’ny famonoan’ny tafika Israeliana azy nampian’ny Palestiniana iray mpamadika tamin’ny taona 993.

Ny hevitr’i Lina momba ilay horonantsary?

Tsy io no horonantsary tsara indrindra hitako, fa horonantsary avy any Gaza io. Raha jerena daholo ireo zava-nitranga, ireo enti-manana rehetra ary ireo foto-drafitrasa rehetra nilaina nanamboarana horonantsary avy amina tantara tahaka izao; azo atao hoe tsara ny vokatra azo na dia eo aza ny zava-misy sy ny toerana nasiana an’i Gaza efa ho roa taona sy tapany izao. Avy any Gaza daholo ireo mpilalao lahy sy vavy. Indrisy, tao amin’ny tatitr’i Resala ihany no nahafantarana fa efatra tamin’ireo mpilalao ireo no maty tamin’ilay ady farany teo tao Gaza. Nisy olana kely teo amin’ny fandrindràna ny feo; misy ampahany amin’ireo resaka tsy heno noho ny fikirakirana ara-peo [sound effect]. Fanampin’izany, tsy dia mahay loatra ireo mpilalao. Nefa tsy maintsy tiavina ilay izy amin’ny ankapobeny noho izy nivoaka avy ao anivon'ny fotoan-tsarotra lalovan’i Gaza.

Ao amin’ilay blaogy In Gaza (hita koa ao amin’ny The Electronic Intifada), mitatitra tantara tsangana mombana famokarana horonantsary ilay Kanadiana Eva Bartlett:

“Moa tsy tia mijery sarimihetsika tahaka ny olon-drehetra ireo mponina any Gaza?” hoy ilay mpamokatra sarimihetsika Hossam Abdel Latif. Ny vadiny, Souad, izay mahatsiaro tena kokoa dia namaly, “Ny olona tsy manna-ko hanina ve dia afaka mandeha mijery sarimihetsika?”

Ny momba ny kanto mandritra ny fanjanahan-tany no iray amin’ireo lohahevitra lehibe an’ny mpamokatra tantara tsangana any Gaza, Film Cinema, , izay nisokatra tamin’ny 4 Aogositra tany an-tanànan’i Gaza. ‘Sehatra feno ‘pellicules’, ary voaravaka ‘ours’ lamba botrabotra sy manirery no fitambaran’ny haingon’ity tantara amam-pilalao telo ity.

“Izaho no Hossam Abdel Latif, ary te-hanao sarimihetsika aho,” hoy ilay maniry ho mpamokatra sarimihetsika mamerimberina manoloana ny ‘caméra vidéo’-ny, mba hohelingelenina isaky ny mihetsika:

Tsotra ny tantara — mpamokatra horonantsary sy ireo olana lalovany — nefa sahirana amin’ny fiainan’izany Palestina voazanaka izany, mampilalao, ary indraindray mampieritreritra amin’ny tena fiainana. Mampatsiahy ny vono olona Israeliana fary tan Gaza i Film Cinema — nefa tsy manonona vanimpotoana manokana, izany hoe mety n’iza n’iza tamin’ireo fanjanahan’ny tafika Israelina an’I Gaza izany — ary maneho ireo nofy sy tsindrihazolena iainan’ireo Palestinana eo ambanin’ny fanjanahan-tany any Gaza. Amin’izay fotoana izay ihany, mizara ny zava-misy iraisam-pirenena momba ny ‘marital spats’ sy ny fanirian’ny isam-batan’olona ilay tantara.

Manohy izy:

Film Cinema no tantara tsangana faharoa mandritra ity fahavaratra iy aty Gaza, ary mbola betsaka no eo am-pamokarana.

Ireo mpanka-fy tntara tsangana koa dia mitady làlana any amin’ny zava-kanto na endrika ‘normality’ any Gaza. Ny fahafenoan’ny toerana sy ny fandraisana anjara mavitrik’ireo mpijery dia maneho ny fangetahetan’ireo Palestiniana any Gaza zava-kanto sy ‘cathartic outlet’.

Iran: Fijoroana vavolombelona amin'ny fampijaliana sy fanolanana

Lila — Wed, 26 Aug 2009 07:07:02 +0000

MpanoratraHamid Tehrani · Nandika Lila · vakio ato ny lahatsoratra nadika

Notondroin'ny manam-pahaizana tsy miankina avy ao amin'ny Firenena Mikambana sy ny mpanohitra ho mampijaly ireo mpanao fihetsiketsehana nogadraina izay nanohitra ny vokam-pifidianana ny 12 jona lasa teo ny fanjakana iraniana. Medhi Karoubi mpitarika ny mpanohitra sady mpitondra tenin'ny parlemanta taloha no nanamarina fa mpigadra lahy sy vavy no iharan'ny fanolanana .

Tsy zavatra vaovao any amin'ny fonja iraniana ny fanolanana sy fampijaliana. Kanefa ny zavatra niseho vao tsy ela izay no nitarika ny sain'ny rehetra hijery manokana ny fonja any amin'ity repoblika islamista ity. Iraniana maro, anisan'izany ilay lehiben'ny mpanao sary mihetsika antsoina hoe Reza Allamehzadeh, no mampiasa ny fampahalalam-baovao avo lenta hamoahana ireo fijoroana vavolombelona amin'ny zavatra iainana any Iran.

Milaza ny zavatra niainany tany am-ponja ny gadra politika iray, fampijaliana sy fanolanana tao amin'ny fonja iraniana anankiray tamin'ny taona 1980. Vao 17 taona monja izy tamin'izany, ary tsy nahafantatra akory izay antony nisamborana azy. Olona maherin'ny 84,000 no nijery ny fijoroana vavolombelona nataony ao amin'ny YouTube.

Kahrizak

Mpanao fihetsiketsehana an'arivony nosamborina ny volana jolay lasa teo, nisy tamin'izy ireo izay mbola naratra, no nalefa tany amin'ny fonja na tany amin'ny toerana fampijaliana antsoina hoe Kahrizak.

Indro ny fijoroana vavolombelona nataon'ny sisa velona izay navoaka tamin'ny bilaogy isan-karazany:

Nentina tany amin'ny fonja Kharizak aho niaraka tamin'ny olona am-polony maro hafa. Tao anatin'ilay efitrano, tao amin'ilay nanidiana ahy, dia nisy olona roanjato hafa, ary naratra avokoa izy rehetra, novelezina tamin'ny hazo. Feon'olona mitomany no henonao any rehetra any… Niditra ny mpiambina iray nanao akanjo sivily… Vonoiny eo izay azony vonoina. Ataony eo izany mandritra ny antsasak'adiny… Aorian'izay dia tsiloviny amin'ny jiro ny tarehanay sady miteny hoe izy: raha mitabataba eo ianareo dia darohanay amin'ity hazo ity ny fitombenanareo… Mba tsy hahafaty mosary aany dia omeny ambin-tsakafo amin'ny kitapo izahay.

Ao amin'ity resadresaka anankiray ity dia olona sisa velona hafa antsoina hoe Majed no mamelabelatra ny tsy maintsy nilelafan'ny gadra rano tamin'ny tany.

Nandidy ny hanakatonana ny Kharizak ny filoha faratampon'i Iran Ali Khamenei. Solombavambahoaka iraniana maro no nilaza fa mpiambina 12 sy mpitsara maro no voarohirohy tamin'ity afera Kharizak ity.

Nokapohina tamin'ny tariby, tsy nisy fanontaniana

Efa ho 30 taona izao no nisy ny toerana fampijaliana tany Iran, tsy an'isan'ireny ny Kharizak. Indro fijoroana vavolombelona hafa nataona iraniana iray antsoina hoe Farad, izay nilaza fa nosamborina sy nampijaliana tao amin'ny fonjan'i Evin satria nandalo teny akaikin'ny toerana nisy fihetsiketsehana.

Tsy nandray anjara tamin'ny fihetsiketsehana aho, fa nandeha fotsiny teny an-dalana. Kanefa nosamborina aho ary natao tao anaty fiara iray tokony ho tamin'ny 9 ora alina. Notapenana daholo ny mason'izay rehetra tao anatin'ilay fiara, ary nentina tany amin'ny toerana tsy fantatra izahay. 3 andro taty aoriana dia fantatro fa nentina aty amin'ny lalana Motahari (Evin) izahay. Nisy olona notondroina anjambany hamototra anay. Naharitra hatramin'ny 1 ora maraina ny namotorana ahy, kanefa tsy nametrahana fanontaniana akory aho nandritra izany na dia iray aza. Novonoina tamin'ny tariby sy zavatra hafa aho kanefa tsy nanontaniana na inona na inona akory.

Hamid Tehrani

Uruguay: CIP, Vohikala ho an’ireo horonantsary sy ireo sarimihetsika fohy

miora — Fri, 14 Aug 2009 04:00:41 +0000

MpanoratraJuliana Rincón Parra · Nandika miora · vakio ato ny lahatsoratra nadika

Antsoin-dry zareo hoe fomba iray hafa hamoahana ireo video vokariny izy ity mba tsy hifaninanany amin’ireny video novokarina tany an-trano ho fankalazana tsingerintaona ireny, ireo videoan-tsaka ary ireo horonantsarin-kira ho an’ny karaoke. Tanora roa avy any Uruguay no nanapa-kevitra hanova ny zava-misy ka namorona ny Cip, vohikala natokana hanehoana ny sarimihetsika novokarin'ireo mpamokatra horonantsary mahaleontena, izay afaka maka ny sarimihetsika nataon-dry zareo avy any amin’ny toeran-drakitra any ary mizara izany amina fiaraha-monina midadasika kokoa, tsy misy fahasamihafana betsaka amin'ny fomba fiasa any amin'ny tantara tsangana ireny izy it, misy fampahafantarana mialoha, fandaharana manaraka vanimpotoana sy toeram-pijerena sarimihetsika samihafa.

Isaorana i @damianemanuel1 ao amin’ny twitter izay nahitanay ity vohikala ity, raha namoaka fa:

Cine virtual desde Uruguay para combatir la chatarra de YouTube http://bit.ly/V39pT

Toerana virtoaly fijerena sarimihetsika avy any Uruguay hiadiana amin'ny hagaigen'ny Youtube.

puede ser vista en http://www.cip.com.uy/

Raha ny filazan'ireo mpamorona ilay vohikala, Andrés Nicolón ary José Luis Elizalde, ity vohikalan-dry zareo ity dia mamaly ny filàn’ireo mpamokatra horonantsary izay te hampahafatatra ny asany:

¿Dónde puedo exhibir seriamente mis obras en un medio tan masivo, económico y accesible como Internet? ¿Cómo puede ser reconocida mi labor (actriz, actor, guionista, director, camarógrafo, productor, músico, etc.) en cine? ¿No tengo alternativa y debo publicar mi trabajo junto con los top 10 de mejores bloopers de gente montando a caballo? ¿Siempre los más conocidos son los que ocupan el lugar más importante?

Aiza no ahitako toerana tena hanehoana ny asako amina media manan-danja, ekonomika sy malalaka kokoa toy ny aterineto? Ahoana ny asako (amin’ny maha-mpilalao sarimihetsika, mpandrakitra an-tsary [cameraman], mpamokatra, mpiangaly zavamaneno, sns.) any anaty horonantsarimihetsika mba ho be mpahalala. Tsy manana fomba hafa ve aho ary tsy maintsy mametraka ny asako hilahatra amin'ireo video folo fanta-bahoaka izay misary gaigy eny ambony soavaly? Ireo izay efa be mpahalala ve no mitazona hatrany ny toerana tsara?

Tsy ny fahafahana maneho courts metrages ao amin’ny vohikala ihany no omen’ny Cip fa sady mbola manome tolotra hafa ihany koa ry zareo: afaka manampy ireo mpamokatra sarimihetsika amin’ny fikarakarana ny famokarana sy ny famoahana, ireo effects sy ireo fanehoana an-tsehatra. Afaka manao ny fampahafantarana rehetra sy ny reaska ara-barotra ihany koa ry zareo ho an’ireo sarimihetsika ohatra ny afisy goavana, ireo ampahan-tsary fampahafantarana [trailers] ary ireo dokam-barotra amin’ny ankapobeny, na mampahafantatra sarimihetsika iray amin'ny fanomezana kintana [fomba fanomezana laharana any anaty aterineto] mba hisongadina kokoa.

Amin’izao fotoana izao, manana sarimihetsika 7 ry zareo ao amin’ny vohikala, ka 4 espanola, ny iray dia ezaka niraisana, ary 2 courts metrages avy any Uruguay, iray tantara foronin'ny saina sy iray hafa fanadihadiana. Ireo sarimihetsika rehetra ireo dia azo alaina amina format compatible ho an'ny iPod. Indrisy, ny vohikala dia tsy mamela ny hametrahana ireo sarimihetsika any amina blaogy hafa, saingy azonareo jerena ireo sarimihetsikan-dry zareo ao amin’ny vohikala,http://www.cip.com.uy/

Firenena Mikambana: fifaninanana horonantsary ho an'ny olona 9-25 taona momba ny fifindra-monina

candy — Tue, 04 Aug 2009 06:10:12 +0000

· Nandika candy · vakio ato ny lahatsoratra nadika

Mikarakara ny fifaninanana horonantsary Plural+ momba ny fananganana fiaraha-monina mandray andraikitra sy mahay mifandefitra kokoa ny ‘Vovonana momba ny sivilizasiona ao amin'ny Firenena Mikambana [United Nations Alliance of Civilizations]'. Misokatra ho an'ireo mpandray anjara rehetra eo anelanelan'ny 9 hatramin'ny 25 taona hatramin'ny 30 Septambra io fifaninanana io, ary ny zavatra tokony ataony dia ny mamokatra horonantsary maharitra eo amin'ny 1 ka hatramin'ny 5 minitra ao anatin'izany ny lohateny sy fampidirana momba ny fifindra-monina, fahasamihafàna ary fandeferana, ary lohahevitra hafa mifandraika amin'izany. Ny fanazavana feno ny fizotry ny fifaninanana Plural + dia hita ao amin'ny vohikalan-dry zareo ary hita amin'ny teny Anglisy, Espaniola, Frantsay ary Arabo

andiany mpanao horonantsary nalain'i extranoise http://www.flickr.com/photos/extranoise/155085339/

Manolotra ny fanasàna izy ireo ao amin'ny vohikalany:

Satria fantatra fa anisan'ny singa mahatonga fiovana ara-tsosialy eo amina tontolo miavaka amin'ny tsy fisian'ny fandeferana sy ny fizarazarana ara-kolotsaina sy ara-pivavahana ny tanora, ny tanjon'i PLURAL+ dia ny hampandray anjara an'ireo tanora amin'ny famahàna ireo olana any amin'ny fiaraha-monin'izy ireo momba ny fidiràn”ireo mpifindra monina, ny firotsahana an-tsehatra, ny maha-izy ny tena, ny fahasamihafana, ireo zon'olombelona ary ny firaisankina sosialy. Ireo fandraisan'anjara mivantan'ireo tanora - na mpifindra monina ry zareo , na taranaka faharoa avy amin'ireo mpifindra monina na tsia – dia afaka mandeha tsy amin'ny fahafantarana an'ireo lalàna ihany fa amin'ny fanasongadinana rivo-panajàna sy fideràna ny tsirairay koa, manampy amin'ny fitadiavana ny làlana mankany amina hoavy mamirapiratra kokoa.

Tsy voatery natao ho an'ity fifaninanana ity ireo horonantsary, fa tokony horonantsary vita taorian'ny Janoary 2008 izy ireo. Ny tsy mampitovy an'ity fifaninanana ity amin'ireo teo aloha izay notanisaintsika tao amin'ny Global Voices dia ny hoe tsy amin'ny alalan'ny fitaovana amin'ny aterineto no hamoahana an'ireo horonantsary, fa tsy maintsy alefa any amin'ny biraon'ny ‘UN Alliance of Civilizations' any New York ny DVD. Tsy maintsy amin'ny teny Anglisy ireo horonantsary, na misy dikateny Anglisy ery ambaniny. Tsy maintsy voaray alohan'ny 30 Septambra ny tsanganasa vao afaka mandray anjara.

Noho izany araraoty ity indray mitoraka ity, ka raha mifanaraka amin'ity fifaninanana ity ny taonanao, na mahafantatra olona toy izany ianao, dia entano izy handray anjara, ka raha manaiky izy ireo, dia ampafantaro anay raha mamoaka dika mitovy amin'ilay horonantsary amin'ny aterineto ianao, ary apetrao eny amin'ny sokajin'ny tsikera. Aza adino ny mijery ny FAQ, ny ireo fepetran'ny Fizotran'ny lalao ary ireo vaovao manan-daja hafa momba ilay fifaninanana.

Mpandresy tamin'ilay fifaninanana horonantsary momba ny Demokrasia

candy — Thu, 30 Jul 2009 03:01:05 +0000

MpanoratraJuliana Rincón Parra · Nandika candy · vakio ato ny lahatsoratra nadika

Inona no atao hoe Demokrasia? Izany no fanontaniana nezahan'ireo mpandray anjara maherin'ny 900 tamin'ny novaliana tamin'ny alalan'ny horonantsarin-dry zareo, ho valin'ny Fifaninanana Horonantsary momba ny Demokrasia nokarakarain'ny Departemantan-panjakana Amerikana sy mpiara-miasa maro hafa, misokatra ho an'ny mpandray anjara maneran-tany. Tamin'ny alalan'ny fantsona YouTube-ndry zareo, ny olona dia nandefa ireo horoantsarin-dry zareo izay mameno ilay fehezanteny hoe “Ny Demokrasia dia...” tamin'ny alalan'ny sarimiaina, 'seho mivantana' fohy na ‘fanadihadiana' tsy lava mihoatra ny 3 minitra. Taorian'ny fifidianana, 18 no voafidy tonga tamin'ny famaranana ary nifidy 6 tamin'ireo ny olona , iray isaky ny faritra jeografika: Ilabolantany Andrefana, Eoropa, Afovoany Atsinanana/Afrika Avaratra, Afrika Atsimon'i Sahara, Azia Atsimo sy Afovoany, Azia Atsinanana/Pasifika.

Miseho ato anatin'ity horonantsary ity ilay mpahay toekarena Hernando de Soto miarahaba an'ireo mpandresy ary misaotra an'ireo nandray anjara rehetra:

Ireo mpandresy dia:

Avy any Brezila, Anna Carolina dos Santos Israel, mpianatra maneho amintsika fa ny demokrasia dia izay rehetra manodidina ny marimaritra iraisana, na dia eo amin'ny faritra samihafa amin'ny vatana aza:

Avy any Emirat Arabo Mitambatra, Rodin Hamidi dia mpaka sary maneho amintsika fa ny fahazoana demokrasia dia mety ho dingana maro mila fisisihana mafy, satria mety tsy ho tian'ireo olona tena mila azy ny ezaka rehetra atao:

Avy any Nepal, Tsering Choden, olona manana ny toerany ao amin'ny fampielezampeo sy ny gazetyboky, dia mamaritra ny demokrasia ho fitambaran'olona maromaro izay manana olana sy filàna samihafa:

Avy any Poland, Lukasz Szozda, mpanao sariitatra dia maneho amintsika amin'ny alalan'ny sarimiaina fa ny Demokrasia dia mifono zavatra betsaka fa tsy foto-kevitra iray monja:

Avy any Filipina, Melissa Angela Verzosa Peñafiel, mpanao sarimihetsika, dia mitondra amintsika fijery hafa momba ny Demokrasia miaraka amina fijerina poety: angamba ny demokrasia amin'ny maha-teny azy lasa diso ampiasaina loatra, dia very ny tena dikany.

Ary farany, avy any Zambia manana mpanao sarimihetsika iray isika, Chansa Tembo, izay manoritsoritra fohy ny demokrasia ho fifangaroan-javatra izay tsara lavitra noho ny fangaro tsirairay ao aminy.

Mirary ny vintana tsara indrindra ho an'ireo mpandresy rehetra izahay ary manantena hiaraka amin-dry zareo mandritra ny dian-dry zareo aty Etazonia amin'ny volana Oktobra ho avy izao.

Rosia: Veloma mandrakizay ho an'ilay mpilalao sarimihetsika Oleg Yankovsky

avylavitra — Sun, 31 May 2009 17:43:48 +0000

· Nandika avylavitra · vakio ato ny lahatsoratra nadika

Maty tany Mosko tamin'ny 20 Mey teo amin'ny faha-65 taonany ilay mpilalao sarimihetsika Rosiana Oleg Yankovsky ary nalevina tao amin'ny Fasan'i Novodevichy roa andro taty aoriana. Mpankafy an'arivony no tonga nanao veloma farany azy tao amin'ny Fanaovana tantara an-tsehatra Lenkom. I drugoi, mpampiasa LJ, dia namerina namoaka sary avy amin'ny AP mikasika ny fandevenana, ary i leosat, mpampiasa LJ dia nanoratra ity (RUS) momba izany:

Antsasak'adiny mialoha, nitondra ny vatapaty nivoaka ry zareo ary namoaka ny faty ho amin'ny lamesa fanaovam-belona. Tsy tafiditra tao anatin'ilay trano aho mba hanao ny faravelomako. Na ireo tonga tamin'ny 11 ora aza tsy tafiditra. Vahoaka marobe no teo, ary kely loatra izany adiny roa izany. Tamin'ny 1:15 tolakandro, tsy afaka nanao veloma farany an'ilay [mpilalao sarimihetsika] malalany intsony ny olona. Tsy nihena ny vahoaka mandra-pamoaka ny faty. Toy ireo hafa, nampita ireo voninkazo tamin'ireo tany anatin'ilay faritra voafefy tady aho. Nisy fitsanganana [fiondrehana] nitalakotroka be tao, toy ny nandritra ireo tantara efa nilalaovany. Androany, nitefotefoka in-droa ny tehaka. Ny voalohany, tamin'i [Nikolay Karachentsov, mpilalao hafa, izay naratra mafy noho ny lozam-pifamoivoizana tamin'ny 2005] tonga hanao veloma mandra-pihaona. Sahaza tokoa io amiko. Latsaka ny ranomasoko tamin'ny nitondràna ny vatapaty: mitoetra mafy miaraka amintsika izy ary tsy mety ampiarahana amin'ny sariny ny fahafatesana. Fahatsiarovana mamibe ho azy!

Ity misy fanamarihana tamin'ity lahatsoratra ity - ary ny navalin'ilay mpitoraka blaogy:

seaseas:

Misaotra anao […] nandeha tany ary nitantara…

leosat:

Tany ho anao koa aho. Amin'ny ankapobeny, tsy dia mandeha matetika amina hetsika toy ireny aho. Nanatrika ny [fanaovam-beloma farany an'i Boris Yeltsyn] - ary androany…