Global Voices teny Malagasy » Fanabeazana

Kazakhstan: Fifanoheran-kevitra ara-ekonomika, fanavakavahana araka ny maha-lahy na vavy ary ny fitotonganan'ny siansa

miora — Sat, 31 Oct 2009 17:58:37 +0000

MpanoratraAdil Nurmakov · Nandika miora · vakio ato ny lahatsoratra nadika

Manohy ny resaka momba ny fifandraisana ara-sosialy ireo mpitoraka blaogy any Kazakhstan. Tamin'ny herinandro lasa teo, ny adihevitra teto amin'ny aterineto dia nampiseho lohahevitra samihafa.

Ny mpitoraka blaogy Lord-Fame dia novangian'ireo tomponandraikitry ny hetra izay nanambara fa tsy ampy araka ny tokony ho izy ireo mpiasa ao amin'ny orinasany, ambanin'ny “salanisa ho an'ny orinasa” [ru]

Iza no tsisy saina nahita izany fitsipika izany? Hatraiza ny hadalanao ka hametrahanao ireo orinasa REHETRA ho anaty lasitra iray mitovy?

Mbola mikasika ny sehatra ara-ekonomika ihany, Thousand-pa dia tsy mahazo hoe nahoana, na dia teo aza ny filazana entin'ny fanjakana, no nolavin'ireo tomponandraikitra ny volavolan-kevitra mikasika ny hanondrotana ny karaman'ireo mpiasan'ny fikambanana izay vatsin'ny fanjakana vola [ru]:

Inona no antony ilazana fa tapitra ny krizy raha toa ka afaka iray volana aty aoriana dia ho mbola io krizy teo aloha io ihany no teti-dratsy ampiasaina mba hahafahana miverina amin'ny fampanantenana taloha?

D-lov dia miahiahy ny tsy fahampian'ny ady hevitra ao Kazakhstan mikasika ny fanararaotana ara-nofo any ampiasana [ru]:

Eto ireo vehivavy dia manaiky ny fanjakan'ny lehilahy amin'ny sehatra rehetra sy amin'ny endriny rehetra , izay hita taratra eny amin'ny firenena Aziatika efa mba mandroso. Ny miara-mandry amin'ny lehibe dia voninahitra ho azy ireo. Raha misy vehivavy mahasarika ny maso nefa tsy manam-pikasana hisarika ny hafa amin'ny filàna, ary, fanampin'izay, mbola vehivavy mahira-tsaina eo amin'ny asany, dia lasa “mpifaninana”, na “mpilalao mampidi-doza” , lasa “vehivavy tsy maha-te ho tia” , sns.

Megakhuimyak dia matahotra momba ny kalitaon'ny fikarohana ara-tsiantifika sy ara-panabeazana ao Kazakhstan [ru]:

Ny famakafakana ny tantaran'ny siansa any Kazakhstan dia nampiseho fa ny mpitarika antsika izay tsy mety aongana dia avy amin'ny siansa voajanahary: mpahalala momba ny vohontany, injenieran'ny harena ankibon'ny tany, ary ireo manampahaizana momba ny zava-manan'aina rehetra. Tsy manana siantifika afaka mantanteraka asa amina sehatra toy izany intsony ny firenena – ary, raha ny fandehan'ny fampianarantsika amin'izao, dia mety tsy hanana intsony tahaka azy ireo mihitsy isika.

pycm mamintina ny zava-mitranga amina hainteny manesoeso [ru]:

Ny hevitra mifanohitra dia ny hoe tsy manana kolontsaina mihitsy ny firenena, nefa manana Minisitry ny kolotsaina. Amin'ny lafiny iray, hita na aiza na aiza ny kolikoly, nefa tsy misy Minisitry ny kolikoly.

Hita ihany koa ao amin'ny neweurasia (nadikan'i Andrey)

Ireo mpitoraka blaogy any Kazakhstan dia manohy mikatsaka hatrany ny loha-hevitra mikasika ny tombon-tsoa ara-tsosialy tamin'ny herin'andro lasa teo, ny ady hevitra (online) dia nampiseho loha-hevitra samihafa.

Ny mpitoraka blaogy Lord-Fame dia novangian'ireo tompon'andraikitry ny hetra izay nilaza fa tsy ampy intsony ny mpiasa ao amin'ny orin'asany, vitsy no ny “sehatra indostrialy antonontonony”[ru]

Iza no tsisy saina nahita izany fitsipika izany? Amin’ny fomba adaladala ahoana no hanerena ireo orin’asan’ny sehatra indostrialy hitovy lenta aminy ?

Mbola mikasika ny sehatra ara-ekonomika ihany, Thousand-pa dia tsy mahazo hoe ahoana, na dia eo aza ny filazana entin'ny fanjakana, nolavon'ireo tompon'andraikitra ny volavolan-kevitra mikasika ny hanondrotana ny karaman'ireo mpiasan'ny fikambanana izay vatsin'izy ireo vola [ru]:

Inona no antony hilazana fa tapitra y krizy raha toa ka afaka iray volana aty aoriana dia ho mbola io krizy teo aloha io ihany no teti-dratsy ampiasaina mba hahafahana miverina amin'ny fampanantenana teo aloha?

D-lov dia miahiahy ny tsy fahampian'ny ady hevitra ao Kazakhstan mikasika ny fanolanana ao anatin'ny sehatr'asa [ru]:

Eto dia manaiky ny fananan'ny lehilahy lanjany kokoa no izy ireo na ara-kilasy na ara-endrika ireo vehivavy, izay hita taratra any amin'ny firenena Asiatika efa mandroso. Mandry miaraka amin'ny lehibe dia voninahitra ho azy ireo. Raha misy vehivavy mahasarika ny maso nefa tsy manam-pikasana hisarika ny hafa amin'ny filàna, ary, fanampin'izay koa, mbola vehivavy mahiratsaina tsara eo amin'ny asany, dia lasa “mpifaninana,” na “mpilalao mampidi-doza,” na lasa “vehivav ts maha-te ho tia,” sns.

Megakhuimyak dia miahiahy momba ny kalitaon'ny fikarohana ara-tsiantifika sy fampianarana ao Kazakhstan [ru]:

Ny famakafakana ny tantaran'ny siansa ao Kazakhstan dia mampiseho fa ny mpitarika antsika izay tsy azo aogana dia avy amin'ny siansa voajanahary: geologists, mining engineers, biologists. The country no longer has scientists who could perform work on a comparable level – and, given the quality of our education, we will never have them again.

pycm
a href=”http://pycm.livejournal.com/422260.html”>summarizes the situation with a sarcastic aphorism [ru]:

The paradox is that the country has no culture, yet it has a Ministry of Culture. On the other hand, there is corruption everywhere, yet there is no Ministry of Corruption.

Also posted on neweurasia (translated by Andrey)

ara-indostrialy antonontonony.

Nanintona ny mpankafy TIC avy any amin'ny faritra ny Barcamp tao Phnom Penh

Jentilisa — Tue, 13 Oct 2009 20:23:21 +0000

MpanoratraPreetam Rai · Nandika Jentilisa · vakio ato ny lahatsoratra nadika

Nanomanana Barcamp fanao isan-taona tao amin'ny Anjerimanontolon'i Paññasastra ao Kambôdja tamin'ny fiandohan'ity volana ity.

Ireo nisoratra anarana hanatontosa ny Barcamp Phnom Penh Barcamp. Ity no taona faharoa nanatontosana Barcamp tao Phnom Penh. Efa nanao vovonana ny mpamaham-bolongana Kambôjiana tamin'ny 2007.

Tsy misy lisitry ny handray fitenenana, na manampahefana hikabary, amin'izany Barcamp izany. Afa-miteny avokoa izay manatrika barcamp rehetra.

Mpanatrika Barcamp mieritreritra izay lohahevitra hataony.

Ny hany ataonao dia ny mametaka lohahevitrao eo amin'ny solaitraben'ny [fafana] fandaharam-potoana sy ny manangona olona maromaro handray anjara amin'ny anjara fotoananao.

Ireo handray fitenenana eo ampikarakarana ny halahany rehefa nametraka ny lohahevitra hodinihiny eo amin'ny solaitrabe.

Mihamalaza tahaka ny any amin'ny faritra hafa ihany koa izany Barcamp izany any Azia Atsimo Atsinanana. Manintsona ny olona ny hetsika tsy misy antanatohatra, ary asaina avokoa ny rehetra hizara ny fahalalany.

Ireo mpandray anjara mijery izay lohahevitra hatrehiny.

Kambôjiana eo ampanolorana fifampizarana tsara fehy.

Sajal avy any Thailand miresaka ny fanatsarana atao amin'ny vohikala vaovao mba ho mora hita kokoa ao amin'ny Google.

Fotoana amin'ny teny Khmer

Fahamaroan'isan'ny vahiny ivelan'ny firenena be indrindra nanatrika ny barcamp tao Phnom Penh.

Navitrika dia navitrika tamin'ny fitadiavana namana hiray donak'afo aminy tamin'ny alalan'ny aterineto ny mpamaham-bolongna sy ny mpiasan'ny teknolojia Kambojiana. Tsy miambàkavaka amin'ny teny anglisy ny tanora Kambôjiana ary mampiasa matetika amin'ny teny anglisy, izany no ahazoany olona maro kokoa avy any amin'ny firenenkafa.

Maro tokoa ireo fikambanana tsy miankina amin'ny fanjakana any Kambodja no mitrandraka ny fomba fampiasana ny aterineto sy ny teknolojia amin'ny fampandrosoana sy ny fahasalamana. Fotoana nanararaotana ny hijerena ny asan'izy ireny ny Barcamp any Kambodja.

Mitsiky eo anelanela'ny takelaka dokambarotra i Pagna angasy nananana sy vy nahitana tamin'ny fanatontosana ny Barcamp tao Phnom Penh.

Ny tena mampiavaka ny fihetsiketsehana miresaka teknika any Kambodja dia ny fahamaroan'isan'ny vehivavy mpandray anjara. Tsy vitan'ny mandray anjara tsotra fotsiny izy ireo fa mikarakara sy manolotra lohahevitra ihany koa.

Thomas, mpamaham-bolongana sy mpandray feo avy any Alemaina, miresaka momba ny MindMapping [manao endrika an-tsarintany ny eritreritra?]. Tsy mianona amin'ny resaka teknolojia ihany ny fandaharam-potoana. Eo ihany koa ireo miresaka ny fanolorantena, serasera sosialy, fanabeazana ary ny lalao.

Ny mpanatrika Thai-Japoney 31o5 miresaka momba ny tetika [systeme] iray ahafahan'ny tsirairay mampiditra ny nofinofiny sy manadihady azy ireny [na mametraka ny nofiny sy mandinika izay lazainy].

Ny mpandray anjara Vietnamiana Hung miresaka ny momba ny serasera sosialy any Vietnam

Tamin'ny fomba ahoana moa no nahazoan'i Kambodja olona avy amin'ny firenena manodidina hanatrika ny fotoana? Ankoatra ny fahaiza-manaon'ny tanora, dia singa iray lehibe ihany koa ny fitomboan'ny tetibola ho an'ny fifamoioizana an-habakabaka izay mahatonga ny fivezivezena ho mora. Be ihany koa ny hofantrano [na hofana trano fandraisam-bahiny] any Kambodja. Samy mandoa ny laniny amin'ny diany sy ny fivahiniany ny tsirairay, izany toe-javatra ara-toe-karena izany no mampazoto ny olona ho any.

Mpikarakara sasany eo ampialana sasatra vetivety. Araka ny hitanao dia tanora Kambojiana tia ny haitao ny akamaroan'izy ireo. Eo ampitondrana ny revolisiona [sy politika] teknolojika sy fampahalalam-baovao tokoa ny tanora any Kambodja ary mavitrika amin'ny fampiasana Facebook, Twitter ary ny fitaovan'ny bolongana.

Pagna (Kambojiana) miresaka amin'i SK (Thailandey) amin'ny antony mahatonga ny tanora Kambojiana ho mailaka kokoa noho ny Thailandey. Efa hatramin'ny taona maro ny tany Thailand no efa vita amin'ny tenindreniny ny fanovozam-pahalalana resaka solosaina. Ny ankamaroan'ny Kambojiana kosa indray dia tamin'ny teny anglisy no nanaovany dingana voalohany ny fahalalana sy ny fampiasana ny solosaina.

Manana olam-pifandraisana noho ny fiadiana ny ho tompon'ny tempoly iray i Thailand sy i Kambodja. Nahafinaritra ery ny nahita ny tanoran'ny roa tonta miara-mipetraka sy miady hevitra ary mifampianatra.

Miresaka momba ny camp teknolojika sy fampahalalam-baovao [mety hataony] any amin'ny faritra antsoina hoe Camp TIC Mekong ny mpanatrika Thailandey ary maka hevitraamin'izay atrehiny.

Tamas, mpandray anjara Hongroà-Thai miresaka momba ny fototry ny fitoriana fototry ny aterineto sy ny teknolojia.

Tapitra teo ny Barcamp Phnom Penh ary manantena ny hihaona aminao indray amin'ny herintaona.

Jereo koa: Tharum Bun's account of Barcamp Phnom Penh 2009

Preetam Rai

Abidjan Blog Camps: Ny atrikasa voalohany

candy — Sat, 10 Oct 2009 15:42:49 +0000

MpanoratraRezwan · Nandika candy · vakio ato ny lahatsoratra nadika

Nikarakara ny fandaharam-pampiofanana ny fampitam-baovaon'olo-tsotra voalohany tamin'ity volana ity (septambra) ny Abidjan Blog Camps izay tetikasa vatsian'ny Rising Voices.

Roger Kassé no manome fanampim-baovao momba ny atrikasa notontosaina ny 3 Septambra 2009:

Noho ny fandraisana andraikitry ny sendikàn'ny mpanao gazety ao Côte d'Ivoire (UNJCI), sy ny niarahany niasa tamin'ny Fikambanana I3C, dia nisy seminera fampiofanana momba ny ‘Fanaovan-gazety sy ny fitoraham-blaogy' notontosaina tao amin'ny Tranoben'ny fanaovan-gazety tao Abidjan. Natrehana mpanao gazety folo avy amina fampahalalam-baovao Ivoriana isan-karazany izany fampiofanana izany.

Nanao fampidirana fahalalana ireo karazam-pitaovana fampiasan'olo-tsotra tamin'ny mpandray anjara sy nampianatra azy ireo hitoraka blaogy [edit: mmaham-bolongana]i Théophile Kouamouo (mpanao gazety mpitoraka blaogy) sy i Manasseh Dehé (injenieran'ny solosaina). Ankoatra ny fianarana an-tsoratra dia mandray anjara amin'ireo asa fampiharana koa ireo mpitoraka blaogy vaovao.

Manoratra [fr] momba ilay atrikasa i Théophile Kouamouo :

Fantatr'izy ireo - indrindra ireo tanora - fa mivoatra ny asan-dry zareo. Efa namorona blaogy roa ry zareo, ny iray an'i Roger sy Cynthia, manampy ny an'i Prosper, izay efa nisy. Kaonty Twitter maromaro koa no noforonina.

Tena singa mpanova tokoa fa lasa evanjelisitry fitoraham-blaogy ireo mpanao gazety izay nanatrika ny fiofanana. Navoaka tao amin'ny Le Nouveau Réveil, L'Expression, Fraternité-Matin, AIP, etc. … ireo lahatsoratr'izy ireo. Nahazo fotoana niresahana momba ny media an-tserasera sy ny blaogy izahay tao amin'ny Radio Côte d'Ivoire sy Radio Jam. (dika teny nataon'ny masinina)

Nampahalala ny vaovao momba ilay raharaha fakom-poizina nararaka tamin'ny 2006 avy tamin'ilay sambo Probo Koala i Roger Kassé.

Nanoratra tatitra mahaliana momba ireo mpanambaka amin'ny aterineto, antsoina koa hoe “mpihinam-bilona” koa i Roger:

Matetika ry zareo no manao sarim-bavy na miray tsikombakomba amin'ireo vehivavy manam-pahaizana amin'ny fanaovam-pitaka amin'ny aterineto. Ny mipetraka any Eoropa no kendren'izy ireo hofitahina. Tao anatin'ny folo taona dia lasa ivotoeran'ny fanaovana heloka bevava an-tserasera i Abidjan noho ireny “mpihinam-bilona” ireny. Ao anatin'ilay tambajotra lehibe avy any Nizeria ireo mpamitaka amin'ny aterineto ireny. Tsotra ny fanaon-dry zareo. Akorontan-dry zareo ny tontolon'ny aterineto any Abidjan. Ireo tambajotra sosialy tahaka an-dry Facebook na vohikala fikarajiana [chat] no tena tian-dry zareo. (dika teny nataon'ny masinina)

Manazava i Cinthia R Aka fa mitady ny fomba rehetra ny mpanao haivarotra hisarihana mpanjifa:

Tsy lany hevitra mihitsy ireo mpivarotra akanjo, kojakoja fikarakaram-batana ary sakafo ao an-tsenantsika rehefa hisarika olona hividy ny entan'izy ireo.

Manasseh Deheer indray manoratra momba ny fivorian'ny mpandraharaha hiresaka momba “Ireo fitaovana vaovao any amin'ny aterineto ho enti-manatsara ny fahafantarana olona (identité) amin'ny fomba nomerika (manokana / arak'asa).”

Mampafantatra Yoro fa ny vadin'i Théophile, Nadine Kouamouo, mpikambana ao amin'ity tetik'asa ity no nahazo ny lokan'ny “vehivavy mitati-baovao momba ny TIC mendrika indrindra” tao amin'ny Highway Africa Conference.

Nanoratra momba ny habetsahan'ireo teny filamatra momba ny fanafotsiana hoditra ampiasaina hivarotana ireo vokatra fikarakaram-batana any Abidjan i Nadine.

Manantena izahay ny hahita zavatra hafa hovakiana avy amin'ireo mpandray anjara amin'ny Abidjan Blog Camp.

Rezwan

Fifaninanana Horonan-tsary: Solontenan'ny Mponina amin'ny andron'ny faha-64 taonan'ny Firenena Mikambana

Tahina — Wed, 30 Sep 2009 06:42:46 +0000

MpanoratraJuliana Rincón Parra · Nandika Tahina · vakio ato ny lahatsoratra nadika

Sary avy amin'i Basykes

Inona no ho lazainao ny mpitondra eran-tany raha omena anjara amin'izany ianao? Aleo ho fantatr'izy ireo ao anatina horonan-tsary tsy mihoatra ny telo minitra ny faharetany izay heverinao fa ilaina tokony atao mba hanaovana an'izao tontolo izao ho toerana voaaro kokoa sy tsaratsara kokoa ary hahazoanao vintana mety hitsidika ny Foiben'ny Firenena Mikambana amin'ny andro fankalazana ny faha 64 taonany.

Iraky ny Fandriampahalemana avy amin'ny Firenena Mikambana ny mpilalao sarimihetsika George Clooney, ary ao amin'ity horonantsary manaraka navoakan'ny fahitalavitry ny Firenena Mikambana ity, manazava ny fomba ahafahanao mandray anjara izy, ary mba ho isan'ny 5 mpandresy mety hahazo vintana handray anjara amin'ity fotoan-dehiben'ny Olo-manan-kaja ambony any amin'ny Tanànan'i New York ity.

Tsotra kely ny fitsipika arahana:

1.Forony ny video-nao, tsy atao mihoatra ny 3 minitra ny faharetany.
2. Alefao amin'ny kaontinao ao amin'ny YouTube ilay video-nao.
3. Ampio amin'ny video jerenao amin'izao fotoana izao izany, toy ny hoe VALIN'NY VIDEO.
4. Fotoana farany fisoratana: 10 Oktobra 2009

Fomba fisafidianana:
1. Ny komity no misafidy ny video 5 tsara indrindra izay napetraka tamin'ny fijerena ny votoatiny, ny maha-tokana azy sy ny famoronana.
2. Tondroina ho Solontenan'ny Mponina ireo mpandray anjara farany ireo ary hasaina any amin'ny Foiben'ny Firenena Mikambana any New York amin'ny fankalazana ny andron'ny faha 64 taonan'ny Firenena Mikambana.
3. Hahazo fitsidihina manokana ny Foiben'ny Firenena Mikambana izy ireo, haka sary miaraka aminin'ny Sekretera Jeneraly Ban Ki-moon ary hahazo toeran'ny Olo-manan-kaja ambony amin'ny kaonseritra ny Andron'ny Firenena Mikambana, izay hatao ny Zoma 23 Oktobra 2009.

Taty aoriana, kely noho ny indray mandraoka amin'ny tanana ny valin'ireo video nandeha, roa avy amin'ny Etazonia (1 sy 2 ), ny iray avy any Canada ary iray avy amin'ny Emira Arabo Mitambatra. Amin'ny 10 Oktobra ny fotoana farany, raiso ary ny fakan-tsarimihetsikareo, ary manaova vaovao, feno fahaiza-mamorona, ary fahaiza-mandrafitra!

(eSary avy amin'i basykes, efa zatra maneho lahatsoratra miankina amin'ny Creative Commons Attribution License )

Porto Rico: Adihevitra momba ny sivana

candy — Mon, 28 Sep 2009 08:34:31 +0000

MpanoratraFiruzeh Shokooh Valle · Nandika candy · vakio ato ny lahatsoratra nadika

Peta-drindrina manohitra ny sivana, navoakan'i Andréia tao amin'ny Flickr

Ny Ministeran'ny Fampianaran'ny governemantan'i Porto Rico dia nanala boky dimy amin'ny fandaharam-pianaran'ny taona faha-11 ao amin'ny rafi-pampianaran'ny sekolim-panjakana: Antología personal, nosoratan'i José Luis González; El entierro de Cortijo, nosoratan'i Edgardo Rodríguez Juliá; Mejor te lo cuento: antología personal, nosoratan'i Juan Antonio Ramos; Reunión de espejos, fantina fanadramana navoakan'i José Luis Vega (Puerto Rican ireo mpanoratra rehetra); ary Aura, nosoratan'i Carlos Fuentes avy any Meksika. Nentin'ny masoivohom-panjakana ho fanamarinana ity hetsika nataony ity ny filazana fa hoe “nahitana fomba fiteny sy voambolana tsy azo ekena, izay tena manompa sy tsy mahalala fomba” ireo boky.

Ny governoran'i Porto Rico, Luis Fortuño, dia nanohana ilay fanapahan-kevitra: “Mieritreritra aho fa nazava tsara ny teniko, ary ireo ray aman-dreny rehetra dia mahazo tsara fa ireo boky azo vakian'ny olona feno 18 taona dia tsy tokony hovakian'ny olona 12 taona.” Maro ireo mpanoratra sy mpanakanto any Porto Rico no naneho ankarihary ireo olan-dry zareo ary nitsara ny fanapahan-kevitry ny governemanta ho sivana. Manameloka ilay fanapahan-kevitra koa ny Federasionan'ny mpampianatra ary milaza fa “mampiseho ny tsy fahalalana momba ny zava-misy ara-tsosialy iainan'ireo mpianatsika izany, sy fijery ambany ny literatiora maoderina ho ampahany amin'ny lamin'asa akademika.” Taorian'ny tsindry hazolena natao ny vahoaka tahaka izany dia niteny ny Ministeran'ny Fampianarana fa boky iray monja no notsoahin-dry zareo mandritra ny fotoana maharitra, fa mbola dinihana kosa ny amin'ireo ambiny.

Ny Fikambanan'ny Mpanao Gazety ao Porto Rico dia nanome tànana an'ireo mpanoratra, mpampianatra ary mpanakanto amin'ny fanoherana nanoloana ny Ministeran'ny Fampianarana tany Hato Rey, toerana izay namakian-dry zareo ampahany amin'ireo boky notsoahina. Nisy horonantsarin'ny fanehoana ny fanoherana ilay fanatsoahana boky amin'ny rafi-pampianarana ho an'ny sekolim-panjakana navoaka tamin'ny YouTube.

Nanao tsikera mamaivay koa ireo mpitoraka blaogy. Niteny ilay mpanoratra Mayra Santos Febres ao amin'ny Lugarmanigua [ES]:

Temo a la censura. Sobretodo le temo cuando se utiliza “la formación integral de nuestros niños y jóvenes” como excusa para privarlos del contacto con experiencias y sobretodo con libros que los ayuden a desarrollar herramientas para pensar. La reflexión tiene que hacerse en un contexto amplio, sin verjas ni “no pases”. Es imposible pensar: es decir, “sopesar ideas”, cuando estas ideas diferentes, divergentes son sacadas de en medio desde un principio. Cierto es que la educación debe tener en consideración la capacidad de jóvenes y niños para asimilar y digerir información. No vas a servirle churrasco a un bebé de cuatro meses que no tiene dientes. Pero los muchachos de undécimo grado que configuran el estudiantado de Escuelas Públicas de nuestro país, a su edad, ya tienen dientes. Tienen dientes, uñas y garras. Algunos ya tienen bebés de cuatro meses. Ya pueden comer churrasco.

Matahotra ny sivana aho, indrindra rehefa ny “fampiofanana feno ireo zanatsika sy tanorantsika” no atao fialan-tsiny mba hibahanana azy ireo tsy hanam-pifandraisana sy traikefa, dia ireo boky izay mety hanampy azy ireo hampitombo ny fahaiza-mandalin-javatra. Tokony anatina foto-dresaka misokatra no atao ny dinika, tsy asiana vavahady vy na “tsy azo idirana”. Sarotra ny mieritreritra fa izany no fandanjalanjan-kevitra, raha hatramin'ny voalohany dia efa fafàna ireo hevitra samihafa. Marina fa ny fanabeazana dia mila mijery ny fahafahan'ny tanora sy ny ankizy mahazo sy mitsakosako ny vaovao azony. Tsy ndeha hanome hena mendy amina zaza efa-bolana mbola tsy misy nify ianao. Nefa amin'ny taonan'ny ankizy any amin'ny taona faha-11 any amin'ny sekolim-panjakanan'ny firenentsika, efa maro ny nifin'izy ireny. Manana nify izy, hoho, ary fandrangotana. Ny sasany amin'izy ireny aza dia efa manan-janaka efa-bolana. Afaka mihinana hena nendasina ry zareo.

Ilay mpitsara lasa mpitoraka blaogy tsy ela akory izao, Dora Nevares-Muñiz dia nandinika ny fifanoherana amina fomba fijery araka ny lalàna:

La censura de textos literarios de parte del Departamento de Educación es inconstitucional y viola derechos de los estudiantes… La censura, aparte de coartar el libre flujo de las ideas y la libertad de expresión atesorada en nuestra Constitución, constituye un acto de violencia de parte del Ejecutivo hacia unos estudiantes que tienen el derecho a recibir una educación que propenda al pleno desarrollo de su personalidad y al reconocimiento de los derechos y libertades fundamentales. El acto de censurar es de por sí un atentado a la libertad de pensamiento y expresión, típico de sociedades intolerantes y totalitarias…La censura no debe tener espacio en el sistema educativo. Una de las metas del sistema escolar debe ser que el estudiante internalice actitudes de tolerancia y respeto ante la diversidad y las personas que tienen ideas discrepantes. Este es uno de los primeros pasos para prevenir la violencia. Los libros censurados se leían en grado undécimo. Se trata de obras reconocidas en Puerto Rico y en el extranjero por su calidad literaria. Un estudiante de Escuela Superior debe tener desarrolladas las destrezas de pensamiento crítico y análisis lógico necesarias para analizar esos libros.

Ny fanalàn'ny Ministeran'ny Fampianarana ireo lahatsoratra (literatiora) dia tsy manaraka ny lalàmpanorenana ary mandika ny zon'ny mpianatra izany… Tsy vitan'ny mangeja ny fahalalahan'ny fanehoan-kevitra sy ny fahalalahana miteny voasoratra ao anatin'ny lalam-panorenantsika ny sivana, fa sady herisetra ataon'ny fahefana mpanatanteraka amin'ireo mpianatra izay manan-jo hahazo fanabeazana feno izay hitondra azy ireo any amin'ny fahafahan'izy ireo maneho ny maha-izy azy sy ny fahafantarana ireo zo sy fahalalahan'izy ireo. Ny fanaovana sivana dia manohitra ny fahalalahana miteny sy maneho hevitra, izay fahita any amin'ireo fitondràna tsy mahay mandefitra (jadona) sy tsy refesi-mandidy.

Tsy tokony hanana toerana eo amin'ny rafi-pampianarana ny sivana. Tokony ho iray amin'ireo tanjon'ny rafi-pampianarana ny fananan'ireo mpianatra fandeferana sy fanajàna manoloana ny fahasamihafana sy ireo olona tsy mitovy hevitra aminy. Izany dia iray amin'ireo dingana voalohany hisorohana ny herisetra. Boky efa famakin'ireo taona faha-11 ireo nitsoahina. Izy ireo koa dia boky malaza any Porto Rico sy ireo firenen-kafa noho ny kalitaon'izy ireo ara-literatiora. Tokony hanana ny fahaiza-mandinika sy fahaiza-misaina ilaina ny mpianatra any amin'ny lisea (lyçée) iray vao afaka mandinika ireo boky ireo.

Ao amin'ny blaoginy Lecturas urbanas [ES], Javier Valentín Feliciano dia mahatsiahy ny zava-niainany tamin'ny rafi-pampianaran'ny sekolim-panjakana tany Porto Rico:

Cuando cursé mis doce años de estudios en la escuela pública nunca conocí a ninguna de estas autoras puertorriqueñas, tampoco conocí a escritores hispanoamericanos que estaban en todo su auge como Gabriel García Márquez, el propio Carlos Fuentes, Mario Vargas Llosa, Luisa Valenzuela, la lista es inmensa. Tuve que esperar muchísimos años para poderme reconocer como hispanoamericano con estos autores. En la escuela pública no los leí, nunca los asignaron. Quién sabe y nunca los hubiera descubierto.

Tsy mbola namaky na iray aza tamin'ny bokin'ireny mpanoratra Porto Rican ireny aho nandritra ny 12 taona nianarako tamin'ny rafi-mpampianaran'ny sekolim-panjakana. Tsy mbola namaky bokin'ireo mpanoratra hispano-amerikana miteny espaniola avy any Amerika izay tonga teny amin'ny fara-tampony aho, toa an-dry Gabriel García Márquez, Carlos Fuentes [iray amin'ireo mpanoratra notsoahina], Mario Vargas Llosa, Luis Valenzuela; lava ny lisitra. Nila niandry an-taonany maro aho izay vao afaka nandray ny tenako ho hispano-amerikana miaraka amin'ireo mpanoratra ireo. Tsy mbola namaky azy ireo mihitsy aho fony tany am-pianarana; tsy tafiditra mihitsy izy ireny. Iza no mahalala na mety tsy nahita azy ireny mihitsy aho?

*Ireo lahatsoratry ny mpitoraka blaogy dia nanaovan'ny mpanoratra dikateny. Ny sary dia avy amin'ny rakitsarin'i Andréia's ao amin'ny Flickr ary navoaka mampiasa ny Creative Commons licence.

Sina: te-ho lasa “mpiasam-panjakana voatsolotra” ny zazavavy kely mpianatra

Tahina — Tue, 22 Sep 2009 13:39:16 +0000

MpanoratraAndy Yee · Nandika Tahina · vakio ato ny lahatsoratra nadika

Nanadihady ny mpianatra madinika ao amin'ny sekoly ambaratonga voalohany ny amin'ny tanjon'izy ireo eo amin'ny fiainana ny Gazety mpivoaka isan'andro Southern Metropolitana any Guangzhou ny andro voalohan'ny taom-pianarana vaovao any Sina (1 Septambra), Southern Metropolitan Daily.Nilaza tamin'ny mpanao gazety ny iray amin'izy ireo fa ny nofiny dia ny ho”lasa mpiasam-panjakana”. Raha nanontany azy ny mpanao gazety hoe mpiasam-panjakana inona no tianao, dia namaly izy hoe ” ho lasa mpiasam-panjakana voatsolotra”.Manana tombontsoa betsaka ny mpiasam-panjakana voatsolotra.”

Efa mandeha amin'ny youtube izao ilay horonantsary, notakonana ny endrik'ilay zazavavy kely:

Niely nanerana ny haino aman-jery sy ny blaogy Sinoa ity valinteny ity. Mihevitra ny sasany hoe fanamarihana kisendrasendra ihany ny an'ity zaza, fa maro kosa no nitazona ny heviny fa fitaratry ny tena zava-misy eo amin'ny fiaraha-monina izany. Naneho karazana fanamarihana vitsivitsy ny resaka ao amin'ny ifeng :

rviflss 2009-9-4 14:16: 童言无忌

Tsy tokony ho raisintsika matotra ny tenin-jaza.

joanna-jin 2009-9-4 12:46: 可悲可恨啊，越长大越了解社会的黑暗

Mampalahelo sy mahatezitra izany, miha mahafantatra ny lafy ratsin'ny fiaraha-monina ianao rehefa miha-lehibe.

上來看看的 2009-9-4 13:20 : 我倒是觉现在的孩子才叫懂得什么叫现实，学校教的那一套就如同走过场一样，如果按照学校教的走向社会，那你只能回家了

mino aho fa efa fantatry ny ankizy amin'izao fotoana izao ny tena zava-misy marina. Tsy misy intsony ny soatoavina ampianarina any an-tsekoly. Raha manaraka ny fitsipika ianarana any an-tsekoly ianao ary miezaka ny hiaina izany ao anatin'ny fiaraha-monina, ny sisa anjaranao dia ny mody any an-trano.

toplong6450 2009-9-4 16:26: 只是说出了实话啊！！！！大人应该好好检讨我难过啊

Miteny ho azy ny marina! Tokony handini-tena ny olon-dehibe. Mampalahelo ahy izany.

wangbaozhu 2009-9-8 21:21: 皇帝的新装，只有孩子才说句实话。老师们，不要自欺欺人了，从小学做起，教他们学做贪官和奸商吧。

Ao anatin'ny tantaran'ny Akanjo Vaovaon'ny Amperora, zaza iray ihany no milaza ny marina. Ry mpanabe, aza mandainga amin'ny tenanareo intsony. Nanomboka tany amin'ny sekoly ambaratonga fototra ianareo no nampianatra ny ankizy ho lasa mpiasam-panjakana voatsolotra sy ho mpanao afera.

Ny mpanoratra mavitrika ato amin'ny serasera i Shihua (施化),tao amin'ny lahatsoratra vao haingana, dia nanamarika ny momba ny valintenin'ilay zazavavy mpianatra , ary nanome anarana ny fipariahan'ny trangan-javatry ny kolikoly any Sina ho ny hoe ” fahefam-bahoaka nasionaly” tsy misy fetrany:

这个六岁小女孩说出了成年人心里想说又不敢说的话。这句话里有两个事实，一个是，只有官才能贪，贪腐依靠权力，只听说过贪官，没听说过贪民的；一个是，要想有很多东西，在中国别无它径，最好是做官。

Ity zaza enin-taona no nahasahy nilaza ny zavatra tsy sahin'ny olon-dehibe lazaina. Zavatra roa no asehon'izay. Voalohany, ny mpiasa-panjakana ihany no manana fahefana ny hanao kolikoly (tsolotra); ny mpiasam-panjakana voatsolotra ihany no misy fa tsy misy ny hoe vahoaka voatsolotra. Faharoa, raha te hankafy zavatra tsara ianao any Sina, ny làlana tsara indrindra dia ny lasa mpiasam-panjakana.

贪污必须先做官，也就是行使国家公权力。但是，国家公权力（National Public Power）指的是公共权力，而不是国家机构自己的权力。也就是说，公权力强调的不是国家行政对社会、对人民的“管理”，而是对人民神圣不可侵犯的私有权力的保护。

Mila lasa mpiasam-mpanjakana aloha ianao raha te hiditra hanao kolikoly, izany hoe, ny fanatanterahana ny ” fahefam-bahoaka nasionaly” . Nefa midika hoe fahefan'ny vahoaka maro ny ” fahefam-bahoaka nasionaly” , fa tsy hoe fahefan'ny rafitry ny governemanta. Tsy fanaraha-maso ataon'ny governemanta amin'ny vahoaka sy ny mponina akory ny ” fahefam-bahoaka nasionaly” , fa fiarovana ny fahefan'ireo tsy miankina.

由于中国长期实行单一的公有制和计划经济，不可能自发产生私法观念和私权观念，所形成的唯一只有公法、公权观念…… 人民和企业的一切行为都须得到国家的许可，国家拥有绝对不受限制的权力。这样一来，本来应当保护私人的公权力就开始向私人领域伸出贪婪的手。

Tsy afaka mivelatra ho azy amin'izao ny fananana tsy miankina amin'ny fanjakana satria efa ela i Sina no nampiasa ny drafitra ara-toekarena voafaritra sy ara-tsosialy. Ny fahefam-bahoaka sy ny fitsipika no fanehoana mibahan-toerana… Mila eken'ny fanjakana avokoa ny hetsika rehetra ataon'ny mponina sy ny mpanao afera; manana fahefana tsy misy fetrany ny fanjakana. Na izany aza, ny ” fahefam-bahoaka nasionaly” , izay natao hiaro ny zon'ny tsy miankina tany am-boalohany, dia nanitatra ny hatendàny sy ny kolikoly ho amin'ny tontolon'ny tsy miankina.

一旦公共权力的形成，不是由全民经由民主方式，而是由某个独大的政党采取的强制方式，公权力在一夜之间就被偷换。腐败是和过度使用的公权力并存的，但不常存在于私权力。

Diso avy hatrany ny fandikàna ny ” fahefam-bahoaka nasionaly” raha tsy nalaina avy amin'ny dingana ara-demokratika izy, fa nofehezin'ny antoko politika tokana mavesa-danja. Miara mitoetra amin'ny fanatanterahana mihoampampana ny ” fahefam-bahoaka nasionaly” ny kolikoly, fa havitsiana amin'ny fahefan'ny tsy miankina.

Maraoka: Fampianarana ny teny “Berbery” any an-tsekoly

candy — Wed, 09 Sep 2009 20:29:24 +0000

MpanoratraJillian C. York · Nandika candy · vakio ato ny lahatsoratra nadika

Tifinagh in use

Niteraka resa-be tao amin'ny tontolon'ny blaogy Maraokana ny lahatsoratry ny BBC News iray momba ny fampianarana ny “teny Berbery” any Maraoka. Ilay lahatsoratra, izay manasongadina ireo safidim-mpampianarana hianarana sy handalinana ilay fiteny, sy manome fanazavana momba ny fivoaran'ny alfabeta Tifinagh, dia niteraka karazan-dahatsoratra maro. The View from Fez, blaogina mpila ravinahitra, dia nametraka ny fanontaniana hoe “ mety hisolo ny Arabo ve ny Berbery, ho tenim-pirenena ofisialy Maraokana? ” Ny valiny nomen'ilay mpitoraka blaogy?

N y valiny tsotra dia tsia, tsy hisolo toerana ny Arabo na oviana na oviana ny Amazigh, nefa izany tsy manakana ny olona haniry ny hitrangan'izany. Tao amina fanadihadian'i BBC vao haingana, Abullah Aourik, mpanakanto sy mpamoaka gazetiboky iray amin'ny Amazigh, dia niteny fa te-hahita ny Berbery hisolo ny teny Arabo ho tenim-pirenena ofisialy any an-toerana.

Nanamarika anefa ilay mpitoraka blaogy fa efa noraisina ho isan'ny tenim-pirenena ofisialin'ireo firenena maro mpiray vodirindrina sasany ny Amazigh, isan'izany i Alzeria.

Nalaky dia nalaky ny Reading Morocco, blaogy mifantoka amin'ny literatiora, vaovao ary blaogy Maraokana, tamin'ny fitsikerana ilay lahatsoratra:

Manana olana vitsivitsy aho amin'ny votoatin'ity lahatsoratra ity (toy ny mahazatra). Tsy dia kinga loatra amin'ny fampitahana ny Berbery sy ny Arabo aho raha efa raiki-tampisaka anatin'ny tantara Maraokana ny fifangaroan'ireo ” identities” roa ireo, ary tsapako koa fa ny laika sy ny misionary Kristiana dia (izy roa samy mirona amin'ny fankahalana silamo) tia mametraka ny dian-tànan'izy ireo ao anatin'io “fivakisana” ara-kolontsaina sy ara-pinoana io.

Mitsikera toy izany koa ny valin'i ‘Aqoul's :

Voalohany, raha nisy kasinga sy faniriana marina hanana fomba fanoratana ny teny Bebery izay hampidina ny tahan'ny olona tsy mahay mamaky teny sy manoratra sy ny fiantraikany marina eo amina avarapianarana na mafana fo ara-kolotsaina vitsivitsy, mety nifidy na ny alfabeta latina izy ireo, na raha te-hizotra amin'ny fametrahana tantara tsara fototra izy ireo, dia nifidy ny fomba fanoratra Arabo nampiasain'ireo mponina tamin'ny vanim-potoana faha-mpanjaka sy ny vanimpotoana nampiasana ny teny Chleuh (Tachelhite) nanoratana ireo Chleuh Berbery.

Kal, iray nitsikera ilay lahatsoratra (ary mpitoraka ilay blaogy The Moor Next Door), dia nizara ‘anecdotes' heno tany ambanivohitr'i Maraoka momba ny fomba fampianarana ny Tifinagh:

Raha misy iray miresaka amin'ireny ankizy avy amina tanàna tsy mahay mamaky teny sy manoratra any an-tendrombohitra sy atsimo, tsapako fa somary ketraka ry zareo amin'ny faniriana ofisialy hampianatra azy ireo amin'ny Tamazight; fa maninona raha ampianarina mamaky teny sy manoratra amina teny azony ampiasaina aloha ry zareo, toy izay hampien-danja azy ireo amina teny tsy hitondra azy ireo lavitra noho ny efa misy azy izao? Naheno olona maro avy any Sousse aho nanoritsoritra ny ezaka fampianarana Tamazight sy mankalaza be ny Tifinagh toy ny “tsikombakomba” hitazonana ireo fiaraha-monina Berbery amin'izao toerana mifotetaka efa misy azy izao. Na ahoana na ahoana ny mahamety na tsia an'izany, misy malailay fonosana amin'ny fampitovian-drafitra ihany koa, izay midika famelana ny tenindreny sy ny fiainana andavanandro manoloana tanjona iray tsy mbola hita fiafarana sy mampiahiahy.

Ho an'ireo izay liana, vakiteny iray mahavariana momba izany nosoratan'i Katherine E. Hoffman, Mizara rindrina izahay: Teny, Tany, ary ny Miralenta ao anatin'i Maraoka Berbery (We Share Walls: Language, Land, and Gender in Berber Morocco. )

Hevitry ny mpamaham-bolongana momba ny fampahafantarana ny VIH/SIDA any amin'ny Tontolo Arabo

Jentilisa — Fri, 21 Aug 2009 08:24:20 +0000

MpanoratraAyesha Saldanha · Nandika Jentilisa · vakio ato ny lahatsoratra nadika

Fady any amin'ny ankamaroan'ny faritra Arabo ny miresaka ny momba ny VIH/SIDA, na dia misy aza ny fandaharan'asan'ny PNUD na sampandraharahan'ny Firenena Mikambana misahana ny fampandrosoana tahaka ny HARPAS izay miezaka ny mampahafantara ny momba azy ity. Raha mitatitra ny tsy fahafantarana ny momba ny VIH/SIDA ny mamaham-bolongana sasany, dia gaga amin'ny halakin'ny fiezahana hanalana ny holatry ny aretina kosa ny hafa.

Maraoka

Mpanolo-tena ao amin'ny Peace Corps i Duncan ary miasa ao amina foto-drafitr'asa iray misahana ny rano ao Maraoka, ary dia nanoratra ny eritreriny vitsivitsy ny fihetsika hitany manoloana ny VIH/SIDA hitany any ambanivohitra iasany izy. Inoany fa na dia ambany aza ny tahan'ny olona tratran'ny VIH any Maraoka, dia tandindonin'ny mety hipariahan'ny VIH/SIDA ihany ny firenena amin'ny ankapobeny:

Maro ny toe-javatra mametraka fa mety hiely vetivety ny aretina.

Voalohany ny tsy fahalalana ny fisian'ny aretina. Tsy mahalala ny olona amin'ny ankapobeny hoe inona izany. Raha mba nisy nandre ihany dia tsy fantany tsara ary mety mbola zavatra diso koa aza no ahafantarany azy. Tsy fantany ny fomba fifindrany. Miteny ny olona fa mifindra amin'ny alalan'ny findramana borosinify ny aretina, na fandehanana any amin'ny hammam (trano fandroana andoavam-bola), ka mifoka azy ao. Tsy naheno mihitsy aho hoe amin'ny alalan'ny firaisana ara-nofo ny fomba fifindrany.

Faharoa ny kolontsaina manakana ny firesahana azy an- kitsim- po. Fiaraha-monina tena mpivavaka ny aty ka zava-dehibe eo amin'ny fiaraha-monina izany miseho ho madio (masina) izany. Hany ka tena sarotra dia sarotra ny miresaka lohahevitra lehibe tahaka ny fampiasana fimailo.

Fahatelo (tahaka ny mifanohitra amin'ny eo aloha) dia ny fielezan'ny fivarota-tena manerana ny firenena. Mitranga indrindra izany etoamin'ny faritany misy ahy, Khenifra, izay malaza indrindra amin'ny fivarota-tena. Reko fa eto amin'ity faritany ity no misy ny tanàna telo amin'ny efatra anjakan'izany fivarota-tena izany. Misy ivotoerana iray tena akaiky ahy indrindra ary fantatro fa mpandeha amin'ny mpivaro-tena ao ny lehilahy amin'ny tanàna misy ahy. Efa nolazain-dry zareo tamiko izany. Miaraka amin'izany olana izany ny fahafantarana fa avy any ivelan'ny tanàna ny maro amin'ireo mpivaro-tena ireo. Heveriko fa toerana mora ielezan'ny aretina indrindra ny toerana tahaka itony.

Raha fehezina dia lohahevitra mahamenatra ny olona ny miresaka azy ity ary dia tsy misy mahalala na inona na inona momba azy ny olona.

Vakio ny fihetsika hafa ataon'ny Maraokana manoloana ny VIH/SIDA ato amin'ity lahatsoratra ity.

Sodana

Nanaraka atrik'asa iray tany Le Caire ny mpamaham-bolongana Bahrainita Suad tamin'ny herintaona hampahalalana bebe kokoa ny momba ny SIDA, ary dia nosoratany avy eo ny tantaran'i Aisha, vehivavy Sodaney tratran'ny tsmok'aretina tamin'ny alalan'ny famindrana ra. Notantarain'i Aisha ny namparary azy sy ny nahafantarany tamin'ny farany izay nitranga:

بعد عدة شهور نقص وزني كثيرا ورافق ذلك أعراض أخرى مثل الاسهال المتواصل والتعب والحمى وعدم القدرة على النوم. مرة أخرى تم تحويلي لمختبر لتحليل دمي وهذه المرة جاءت النتيجة في ظرف مختوم بالشمع الأحمر. أخبر الطبيب زوجي بحقيقة مرضي ولكن زوجي لم يصارحني بالأمر وكل ما قاله لي أنه مرض كمرض الضغط والسكري وبأنه لن يكون بإستطاعتنا ان نمارس علاقتنا الزوجية.
بعدها أخذني زوجي لطبيب آخر فتح الظرف امامي وقال لي بأني مصابة بالإيدز، صعقت ولم أملك حينها سوى ان أبكي من هول الصدمة، انا مصابة بالإيدز؟؟ منذ متى وكيف؟ فرد الطبيب: اسألى نفسك، تذكري ماذا ارتكبتي بحق نفسك لتنقلى اليك هذا المرض القاتل. هكذا ببساطة وصمني الطبيب بالمومس دون ان يعرف اي شئ عني. قلت له أنا امرأة متزوجة وليست لدي أى علاقات غير شرعية خارج اطار الزواج وهنا دخلت أمي وزوجي إلى غرفة الطبيب الذي صب جام غضبه على زوجي متهما اياه بنقل المرض لي. شعرت بالغضب الشديد من زوجي فبدأت أهاجمه وأوبخه وانا ابكي، حاول ان يدافع عن نفسه ولكني لم أكن أرغب في سماعه وكانت أمي تحضنني في هذه الاثناء. منذ ذلك اليوم ساءت علاقتي وعلاقة أهلي بزوجي الذي وجُهت اليه اصابع الاتهام حتى ظهرت نتائج الفحص التي بينت ان زوجي وأولادي خاليين من المرض. أعتذرت من زوجي وأدركت حينها ان المرض قد أنتقل لي عن طريق الدم الذي نقل لي في المستشفى.

Nihena ny lanjako tao anatin'ny volana vitsivitsy ary miaraka hatrany amin'ny fandoavana, harerahana, tazo, ary tsy fahitana tory izany. Nentina tany amin'ny laboratoara aho indray mandeha hitsirihana ny rako ary dia voahidy lasira mena ny valopy nisy ny valiny avy any. Nolazain'ny dokotera ny marina momba ny aretiko, fa tsy niresaka tamiko io zavatra io ny vadiko; ny hany nolazainy tamiko dia hoe mitovitovy amin'ny tosi-drà na diabeta ny aretina mahazo ahy ary dia tsy afaka miaraka manao firaisam-batana intsony izahay.
Avy eo dia nentin'ny vadiko tany amin'ny dokotera hafa aho, izay nanokatra ny valopy teo anoloako ary nilaza fa mitondra ny SIDA aho. Ankona aho, tsy nanana fotoana akory hitomaniana tamin'izay nahazo ahy. Tratran'ny SIDA hoe aho?? Hatramin'ny oviana ary amin'ny fomba ahoana? Namaly ny dokotera hoe: “Anontanio ny tenanao. Tadidinao ve hoe inona no nataonao ka nifindran'ity aretina mahafaty ity taminao?” Manamarika ahy ho toy ny makorelina tsotra izao ilay dokotera nefa tsy mahalala na inona na inona momba ahy akory. Nilaza taminyaho fa vehivavy manambady ary tsy nanao firaisana ivelan'ny mariazy. Tamin'io fotoana io dia niditra tao amin'ny biraon'ny dokotera ny reniko sy ny vadiko, naneho ny hatezerany tamin'ny vadiko avy hatrany ilay dokotera, niampanga azy ho namindra ny aretina tamiko. Tezitra aok'izany tamin'ny vadiko aho, ary nanomboka nanositosika sy nikapokapoka ny vadiko koa sady nitabataba taminy. Niezaka ny niaro tena izy saingy tsy nohenoiko mihitsy. Nikapokapoka malefaka ny hatoko ny reniko nandritra izany fotoana izany. Nanomboka tamin'io fotoana io dia nihanangatsiaka ny fifandraisan'ny havako sy ny olom-pantatro tamin'ny vadiko; voahendrikendrika ny vadiko mandra-pivalian'ny fitsirihana mampiseho fa tsy mitondra ny aretina ny vadiko sy ny zanako. Niala tsiny tamin'ny vadiko aho ary fantatro fa tamin'ny alalan'ny famindrana ra natao tamiko tany amin'ny hopitaly no nahazoako ny aretina.

Yemen

Nametraka ny VIH/SIDA ho ao anatin'ny fandaharam- pampandrosoana ny fireneny i Yemen, saigy hitan'i Omar Barsawad tamin'ny herintaona fa maro ny zavatra mbola tokony atao:

Na dia lasa aloha ihany miohatra amin'ny firenena Arabo manodidina azy aza i Yemen amin'ny ady amin'ny VIH/SIDA, dia mbola lavitra ny lalana amin'ny fametrahana foto-drafitr'asa sy ny fahazoana fanafody taka-bidy vetivety ho an'ny marariny. Efa vonona any amin'ny laboratoara sy hopitaly lehibe ny fitsirihana ny VIH/SIDA. Saingy raha hita fa miabo ny vokatra dia manomboka ny olana; eo no manomboka ho tena sarotra ny raharaha ho an'izay tratrany. Tsy maintsy mandeha mankany Sana'a renivohitr'i Yemen ny olona mitondra ny VIH/SIDA mba hitsirihana ny isan'ny sela CD4 sy ny tahan'ny poizin' areti- mifindra; Rehefa vita avokoa izany fitsapana rehetra izany vao tsaboina sy omena fanafody araka ny tokony ho izy ny marary. […] Eo amin'ny resaka fanafody itsaboana ny VIH/SIDA ihany koa dia tsy maintsy mandeha mankany Sana'a (isan-telovolana na mihoatra) ny marary fa tsy misy any amin'ny toeram-pivarotana sy ny toera-pitsaboana Yemenita hafa. Dia efa azonao eritreretina amin'izany ny fahasahiranana azo ankoatra ny hareraha-tsaina efa mianjady amin'ny mararin'ny VIH/SIDA sy ny manodidina azy. Efa vola be no lany amin'ny fandehanana mankany Sana'a sy ny sakafo lany mbamin'ny fandaniana hafa. […] Na dia efa mahafantatra kokoa ny momba ny VIH/SIDA aza ny olona raha oharina ny tamin'ny roa na telo taona lasa dia mbola tsy hainy ny momba ny aretina; ary maro ny olona mbola mihevitra fa henatra sy mahafa-baraka izany mitondra VIH/SIDA izany.

Ejipta

Na izany aza dia hita kosa ny dingana hanalana ny tahotra tafahoatra ny aretina any amin'ny firenena sasany ao amin'ny faritra. Nanao ny fitsirihana VIH voalohany tao amin'ny Laboratoaran'ny governemanta i The Egypt Guy :

Nahagaga ahy fa nahafinaritra ny fomba fandraisan'ny dokotera nialoha ny fitsirihana. Hitako fa tsy nanontaniana ny anarako aho fa tamn'ny solon'anarako sy ny daty nahaterahako ho famantarana ahy tao. Avy eo aho dia nampandalovina tao amin'ny mpanolo-tsaina iray izay mampahafantatra tsotsotra ny momba ny SIDA sy ny VIH no asany. Zendana aho fa tsy nampiseho tsy fanajana ahy mihitsy rangahy io rehefa fantany fa hitsirika ny fisiana na tsia VIH amiko aho. Henoko manko fa hatramin'ny vao haingana dia resa-pady na dia amin'ny dokotera aza izany SIDA izany. Taorian'ny fifanakalozan-kevitra dia nanome fimailo sy fandamalama ahy izy ary bokikely telo miresaka ny momba ny SIDA, ary dia nanao fitsirihana aho avy teo. Ho henoko amin'ny alahady izao ny valin'ny fitsirihana, izay inoako fa hiiba, Irario soa aloha aho e!!

Oadray, tsy mandoa na dia ariary aza hay izaho amin'izany rehetra izany.

Tsy nampoiziko raha ny laboratoaran'ny governemanta no nanao izany, ary faly aho fa manana fomba fijery malalaka kokoa momba ny resaka fifidran'aretina amin'ny alalan'ny firaisana ara-nofo ny fireneko ary miezaka dia miezaka hahalefy ny henatra mifandraika amin'ireny aretina ireny, indrindra fa amin'ny resaka VIH sy SIDA.

Azonao vakiana eto ny fandraisana andraikitry ny mpamaham-bolongana Ejipsiana hanalana ny takaitran'ny (tahotra tafahoatra) VIH/SIDA.

Ayesha Saldanha

USA: “Ho roahina hody aho amin'ny Alarobia”

avylavitra — Tue, 18 Aug 2009 07:37:25 +0000

MpanoratraHoa Quash · Nandika avylavitra · vakio ato ny lahatsoratra nadika

Vaovao farany: Raha nampanantsoin'ireo manampahefana i Herta ny 19 Aogsitra dia nambara taminy fa afaka mijanona ihany izy hatramin'ny 9 Novambra. Nolazainy [Herta] fa antontan-taratasy avy amin'ireo mpanohana mirefy efa ho 30 sentimetatra [9-inch] ny haavony no nangatahan'ny mpisolovava miaro azy hampiarahana amin'ireo antontan-taratasy rehetra momba azy. Mitohy ny hetsika.

Herta Llusho dia mpianatra vao 19 taona mety ho voaroaka hiala an'i Etazonia hody any Albania amin'ny Alarobia 19 Aogositra.

Mpitoraka blaogy maro ao amin'ny DreamActivist.org sy blaogy maro hafa ho an'ny zon'ny mpifindra monina no miantso ny Amerikana mba hanampy amin'ny fanemorana ny fandroahana azy mandram-pandàny ny lalàna vaovao izay hahazoany alàlana hijanona.

Ary dia namoaka lisitra lavabe ry zareo ahitàna ireo fomba rehetra azon'ny olona anampiana, isan'izany: fiantsoana ireo loholona sy mpikambana ao amin'ny kaongresy, fiarahana amin'ireo vondrona sy fikambanana na mitoraka blaogy tsotra fotsiny izao momba ny tantarany.

Ny tantaran'i Herta

Herta Llusho dia freshman iray ao amin'nyAnjerimanontolon'i Detroit Mercy, mandranto fahaizana manokana momba ny génie électrique.

Valo taona lasa izay, fony mbola zaza, Herta Llusho dia tonga teto Etazonia avy any Albania niaraka tamin'ny reniny, hanenjika ny ‘Nofinofy Amerikana'. Nandia ireo ambaratonga fototra sy ny ambaratonga faharoa tamim-pahamendrehana izy.

Llusho (fahatelo avy any ankavia) miaraka amin'ireo namany nandritry ny lanonana fanolorana diplaoma ambaratonga faharoa ho azy.

Ara-pamaritana, Herta dia “mpifindra monina tsy manana taratasy ara-dalàna” nefa ny fianakaviany efa niezaka foana ny haha-ara-dalàna azy hatrany amin'ny taona voalohany nandiavany an'i Etazonia. Ny 19 Aogositra, mety hirodana ny fanantenan'izy ireo ny hoavin-dratovovavy. Izany dia nony naminavina ny hamerina azy any Albania ny U.S. Department of Homeland Security (DHS).

Tanaty imailaka iray nalefa ho an'ireo misoratra ao amin'ny Dreamactivist.org , manoratra i Hersha hoe:

“Na teo aza ny ezaka tsara nataonay, ny 19 Aogositra, dia halain'ny Department of Homeland Security (DHS) hiala amin'ny toerana tokana hany mba fonenako aho. Halefa hiverina any amin'ny firenena iray izay efa nanjary toy ny toerana vahiny amiko. Efa tsy dia mahay miteny tsara intsony ny Albaney aho.”

Nijanona any Albania ny rain'i Herta, raha ny reniny sy ireo iraitampo aminy kosa nitsaka niampita ny Ranomasimbe Atlantika.

“Nitondra ahy ho aty Etazonia ny raiamandreniko satria nino ny fampanantenana ny amin'izay azon'ity firenena ity atolotra ry zareo. Ho azy ireo dia tanin'ny fahafaha-manao rehetra, ny soatoavina sy ny idealy ny eto. Nifikitra mafy tamin'ny finoana ilay Nofinofy Amerikana ry zareo, izay midika fa ny ezaka mafy, ny fandrantoana fahalalana, ny toetra tsara mety ho vitan'ireo taranany no hahatanteraka izay mba nirian'izy ireo.”

Ao anatin'ity video ity, natao niaraka tamin'i Kyle de Beausset avy ao amin'ny Citizen Orange, dia azavain'i Herta ny zavatra miandry azy.

Mitoraka blaogy ho an'i Llusho

Mpitoraka blaogy maro no nanoratra ny momba an'i Herta ary mandrisika ireo mpamaky mba hiady ho amin'ny mahazo azy, isan'ireny ny American Humanity, B-Listed, Documenting Me, Nuestra Voice ary ny Standing FIRM.

Change.org dia nampiantrano fanangonan-tsonia eto amin'ny aterineto [online petition] ho fanampiana an'i Herta, ary ny SEIU (Service Employees International Union) dia nanamora ny antso an-tarobia mankany amin'ireo loholona avy ao amin'ny vohikalan-dry zareo. Ao amin'ny Facebook , ny zava-mahazo an'i Herta dia nahasintona mpanohana efa mihoatra ny 2000.

Kyle avy amin'ny Citizen Orange dia nanoratra momba ny fihaonana tamin'i Herta sy ny anadahiny zokiny indrindra Lirjon, izay manana taratasy maha-mpianatra azy [student visa].

“Lirjon sy Herta dia olona mahatalanjona. Manana tombony manokana i Herta amin'ny fananana anadahy toa an'i Lirjon izay tsy sasatry ny nanohana azy hatrany. Na dia nandritry ny fotoana fohy monja nampahafantaran'i Lirjon sy Herta ny momba azy ireo tamin'ny fianakaviako aza, dia nisy fiantraikany mafonja. Fotoana niavaka ho ahy koa izy iny. Zatra ny mahita ahy mitendry foana eo amin'ny solosaina ny fianakaviako. Ity no fotoana voalohany nifanatrehany vatana tamin'ireo olona izay nanohina ahy ny fiainany.

Tohizany:

“Angamba tsy mila ahy akory i Herta hamariparitra azy ity toy izao, saingy Etazonia dia nandrora teny amin'ny tavany nefa fitiavana fotsiny ihany no nasetriny izany. Izay fitiavana lalina, marina, sy mahatehotia izay manoloana ny endrika tsy rariny, rehefa ataon'olona na dia iray monja aza, dia mahavita be lavitra ho an'ny tontolo noho izay vitan'ny fanehoan-kery ataon'olona an-tapitrisa maro tezitra. Amin'ny fitolomany mba hijanona any Etazonia, i Herta dia mandray anjara amin'ilay ambaran'i Gandhi hoe “satyagraha”, izay nadikan'i Dr. Rev. Martin Luther King, Jr. matetika hoe “herin'ny-fahamarinana” na “herin'ny-fitiavana.” Ireo rehetra manohana an'i Herta dia mandray anjara koa amin'ilay satyagraha.”

“Manohy mino aho…”

Miaraka amin'ny fanohanan'ny DreamActivist, Citizen Orange, ary maro hafa koa - nozarain'i Herta tamin'izao tontolo izao ny tantarany. Ny fanantenan-dry zareo dia ny mba hahalàny ilay volavolan-dalàna antsoina hoe The DREAM Act ato ho ato. Izy io dia hahafahan'ireo mpianatra tsy manana taratasy ara-dalàna, toa an'i Herta, ho tonga mpiorina ara-dalàna rehefa ialohavana fepetra isan-karazany, toy ny taona nahatongavana sy ny fe-taona handratoana fahalalàna.

Na dia nolavin'ireo mpanao lalàna federaly aza ilay tolo-dalàna tamin'ny taona 2007 tamin'ny voalohany, dia naverina nampidirina indray ilay izy miaraka amina fanitsiana vitsivitsy tamin'ny Martsa 2009 ary ireo mpanohana dia manantena fa hahazo ny fanohànana sahaza azy izy io mba ho lany amin'izao maha eo an-toerana ny Filoha Barack Obama izao. Tsy maintsy tafita io, vinavinaina ho manodidina ny 65.000 ireo mpianatra tsy manana taratasy ara-dalàna niditra an'i Etazonia tamin'ny androm-pahazazan'izy ireo no mety hahazo alàlana hipetraka.

Manantena i Herta fa ny fiainany dia mety handray kihon-dàlana mitovy amin'ny an'ny mpianatra mpifindra monina iray hafa 18 taona tsy manana taratasy, Taha ao New Jersey. Taha, dia toa hoe voaroaka hody any amin'ny tanin'ireo razany any Bangladesh – kanefa, taorian'ny tohana avy amin'ny loholona roa sy Amerikana maro hafa – Homeland Security dia nanemotra ny fandroahana azy.

Amin'izao fotoana izao, mangataka ny toy izay koa i Llusho.

“Ampio aho hanemotra ny fandroahana ahy mandram-pahavitan'ny fianarako any amin'ny Kolejy na mandram-pandaniana ny DREAM Act. Ampio mba hanavao ilay fampanantenan'ny Nofinofy Amerikana [American Dream] ho ahy, amin'izay isika miaraka no afaka miara-miasa hanavao ny fampanantenan'ny Nofinofy Amerikana ho an'ny isam-batan'olona”

Japana: Lany tany Ishikawa ny fandrarana ny kilonga tsy hitondra finday

Jentilisa — Sat, 15 Aug 2009 20:49:42 +0000

MpanoratraSaeko Robinson · Nandika Jentilisa · vakio ato ny lahatsoratra nadika

Sambany, lany tamin'ny 29 jona tao amin'ny prefekitioran'i Ishikawa (500 km/315 maily avaratr'i Tokyo) ny lalàna mametra ny fampiasana finday ho an'ny zaza sy ny kilonga hiditra amin'ny fahatanorana , naresaka tao amin'ny tontolom-bolongana ny adihevitra amin'izay sahaza sy tsy sahaza ny kilonga sy ny resaka fiantsoana finday. Hita ao amin'ny andininy faha-33n'ny “Lalàna mikasika kilonga eto Ishikawa” [ja, pdf] fa “Tsy maintsy miezaka ny hanakana ny kilonga any amin'ny fanabeazana fototra, ambaratonga faharoa fototra, ary any amin'ny fanampim-pianarana tsy hampiasa finday ny mpiambina afa-tsy amin'ny fampilazana mialoha loza ho avy, na heloka bevava mety hitranga na antony hafa manokana.” Hihatra ity lalàna vaovao ity manomboka ny voalohan'ny Janoary 2010.

Misalasala ny amin'ny hahatontosa ny fampiharana ity fitsipika ity i Chuei ao amin'ny Mainichi Blog .

これによって、「子供の携帯電話を解約しよう」とか考える親は余りいないだろうね。大体、携帯電話でもパソコンでもウェブ閲覧やＥメールができるのに、何で携帯電話だけ規制なんだろうね？携帯電話の通話機能がいけないとも思えない。

家庭用の火災報知器を設置する義務も、罰則が特にないために設置が進んでいないようだし、この条例が施行された所で効果のほどは知れているだろう。多分今後携帯電話が絡んだ小中学生の事件が発生した時の県の言い逃れ（学校に責任なし）とか、そういうことに利用されそうな条例だ。

Mahasahy manao fanamby aho fa tsy hisy ray aman-dreny hanafoana ny fananan'ny ankizy finday noho io. Nahoana no asiana lalàna amin'ny antso finday nefa efa afa-mandefa mailaka sy miserasera na amin'ny finday na amin'ny solosaina? Sarotra ny mino fa noho ny resaka antso am-pinday no anton'ity lalàna ity. Tsy manantena loatra ny hisian'ny vokatra amin'io lalàna io tahaka ny tamin'ny fanerena hametrahana fanairana fahamaizana ny trano aho satria tsy misy ny fanasaziana manokana na onitra aloa. Angamba azo ampiasaina ity lalàna ity indray andro any raha misy toe-draharaha mifandraika amin'ny finday sy sekoly fanabeazana fototra sy ambaratonga faharoa fototra izay ahafahan'ny prefektiora miala andraikitra, (i.e. tsy misy andraikitry ny sekoly).

Manolo-kevitra i Usagi Inu ao amin'ny Manya Hompo fa ny fampiasana finday mametraka fahana mialoha no vahaolana.

私が思うには、ネットに繋がらないプリペイドの携帯電話を持たせたらいいと思います。プリペイド携帯は決められた度数を越えて使う事ができないため、使いすぎを防止するにはいいと思います。
しかし、不景気の時勢に親が子どもの携帯電話の料金を払うなんて時代が変わりました。自分が子どもの頃は携帯もなく、親に連絡する時は小銭を持ち歩いて公衆電話を探していましたけど、今では公衆電話を探すのに苦労するから、子どもに携帯電話を持たせるのも仕方ないのでしょうか。

Mieritreritra aho fa ny fanaovana tolotra finday ampidirana fahana mialoha tsy misy fidirana aterineto no vahaolana. Rehefa tsy afa-mihoatra ny fetran'ny fampiasana azy ianao dia ahafahana misoroka ny fampiasana azy tafahoatra izay. Na izany aza efa miova ny toetr'andro ka sarotra ho an'ny ray aman-dreny ny handoa vola ny findain'ny ankizy mandritra ny fitotongan'ny toe-karena. Tsy nisy finday nandritra ny fahazazako. Tsy maintsy nitady sofindavitra andoavam-bola aho rehefa te-hantso ny ray aman-dreniko. Ankehitriny, sarotra ny ahitana ny misy sofindavitra andoavam-bola ka tsy azo ialàna ny manome finday ny kilonga.

Malahelo noho ity lalàna ity ny Mpikambana mifindrafindra misolovava #1 ny SATT izay manome tolotra kojakojam-pianarana an-tserasera.

持つこと自体を禁止してしまうと、たとえば「公教育の中にケータイを取り入れる」といった試み自体ができなくなってしまいます。

Raha rarànao hatramin'ny fananana finday, dia mamono fahafaha-manatratra tajona tahaka ny fampidirana ny finday ho ao anatin'ny curriculum-n'ny fampianaram-bahoaka.

Nampiany fa tokony tany amin'ny mety ho azo atao no nifantohan'ny mpanao lalàna fa tsy tany amin'ny famerana.

ケータイは、日本においてこれだけ普及し、データ通信部分も含め世界に誇れる技術の固まりなので「制限」から入るのではなく、「何ができるのか」といった可能性に目を向けてほしかったと思います。

Satria manko efa malaza dia malaza eto Japana ny finday ary efa zavakanto mahazo vahana manerantany ny teknolojia, ka tafiditra amin'izany ny fivezivezem-baovao, dia faniriako raha mba any amin'ny hoe I wish they would have focused on a possibility of “inona no azontsika ampiasaina amin'ity,” no ifantohan'izy ireo kokoa fa tsy any amin'ny “famerana an'ity.”

Tsy azon'ity ray manan-janaka mirahalahy antsoina hoe Kimme ity ny antony ilàn'ny kilonga finday mialoha be.

我が家は長男が携帯を持ったのは大学に入ってからだ。次男はプリペイド携帯を持たせているが、インターネットを利用出来るようなプランには一切なっていない。いや、別に長男にしろ次男にしろ、自分でバイトして携帯代金払えるなら使って良いと私は思っている。
でも、小学校や中学校の間ははっきり言えば、必要ないと思っていたりする。こんな条例が出来る前から、我が家じゃ小中学生に携帯持たせる気なんてさらさらない訳だ。
でも、条例が出来ちゃうぐらいなんだから、持ってる子供もそれなりにいるって事なんだろう。
防犯の目的で携帯を持つって意味が個人的にはわからない。いや、確かに迷子になって携帯持ってたら探せたりするかもしれない。不審者に連れ去られたら連絡が出来るのかもしれない。塾の帰りが１０時とかだったりするのかもしれない。
でも、防犯のタメに携帯を持たなくちゃならない社会の方が間違っていると私は思うのだけれど。
それよりも、小中学生に携帯電話を持たせる事で引き受けるリスクの方が、よほど大きいとは思わないのだろうか？

Nahazo ny findainy voalohany ny lahimatoako rehefa hankany amin'ny Lisea izy. Nomenay finday ampidirana fahana mialoha kosa ny zandriny, saingy tsy dia be loatra ny fahafaha-manaon'ilay kazaram-pinday tahaka ny tsy ahafahany miserasera an'aterineto ohatra. Mino aho fa mahavidy izay karazam-pinday tiany ry zareo rehefa manana asa an-tselika sady mahaloa izay laniny rahateo. Fa tsy misy ilàn'ny any amin'ny fanabeazana fototra sy ambaratonga faharoa ireny mihitsy. Tsy nanana eritreritra ny hanome finday ny kilonga mbola kely loatra ao amin'ny fianakavianay izahay na dia talohan'ny nivoahan'io lalàna io aza.

Azoko eritreretina anefa fa matoa navoaka ny lalàna tahaka izao dia betsaka izany ny kilonga no mikarataka ny hanana finday ho azy.

Tsy azoko ny dikan'ny hoe manana finday entina misoroka izay mety hisian'ny fanaovan-keloka. Eny, mety hanampy ny finday raha very izy ireo. Angamba mety hanampy ny finday raha misy maka an-keriny ny kilonga. Na angamba koa ho tonga any an-trano izy ireo amin'ny folo ora alina aorian'ny “fanaovana cours d'appui”.

Fa heveriko kosa fa diso ny fiaraha-monina raha voatery hitondra finday ny kilonga hisorohana izay fanaovan-dratsy mety hihatra aminy.

Mifamadika amin'izany ary, moa ve tsy voaeritreritrao fa mampidi-doza kokoa ny fanomezana finday ny kilonga any amin'ny fanabeazana fototra sy ambaratonga faharoa?