Global Voices amin´ny teny malagasy

Cap_Vert:Politika ivelany sy ny zanany am-pielezana

Mpandika avylavitra · 6:59 am ·

Ao amin’ny blaoginy i Miguel Cruz Sousa [amin’ny teny portige] no mitondra fandalinana momba ny politika ivelan’i Cap Vert sy ny fifandraisan’ny firenena amin’ireo zanany ampielezana. “Ny tsy fananàna asa, ny elanelana ao anaty fiaraha-monina, ny tsy fandriampahalemana, ny karama varimasaka sy ny mety ho tsy fahampiana dia mitatao mandrakariva ... 0 hevitra · Tohiny »

Dominica,
U.S.A.

“Liana dia liana amin'ny fizotry ny fifidianana Amerikana i Chris ao amin'ny Dominica Weekly , ary mitarika azyizany hitodika amin'ny toetoetran'ny politika ao an-tanindrazany: “Angamba ny zavatra mahomby indrindra azontsika atao dia ny milaza ny marina amin'ny manampahefana, midradradradra izay ilaintsika, mitaky ny zo sasantsasany, tahaka ny fitsaboana, fahampiantsakafo, ary fialofana ho an'ny rehetra.”

#

Russia

Eternal Remont no manintona ny maso amin'ny alalan'ny fanadihadiana natao tao amin'ny Anjerimanontolon'i Cambridge vao haingana milaza ny fiantraikan'ny politikan'ny FMI izay nitarika fahafatesan'olona mararin'ny raboka mahatratra 100 000 nandritra ny taompolon'ny 1990 tany Eoropa atsinanana.

#

Sub-Saharan Africa

Théophile Kouamouo [amin'ny teny Frantsay] no mamitimpintina (tsindrio eto) lavalava ao amin'ny bolongany ny boky mitondra ny lohateny hoe La Chinafrique: Pékin à la conquête du continent noir (na Shinafrika : Beinjing te-hambambo ny kaontinanta Mainty) nosoratan'i Serge Michel sy Michel Beuret, Boky miresaka ny ataon'ny Shinoa eto Afrika. Hoy izy: “Tsy anjely nirahin'ny Andriamanitry ny fiaraha-miasa Atsimo-Atsimo ny Shinoa sady mpanavakavaka ihany koa izy ireo, na dia tsy tahaka ny Tandrefana miaiina aty Afrika aza[…] fa tsy devoly ihany koa ry zareo na izany aza”. [naotin'ny mpandika teny malagasy: Mahaliana dia mahaliana tokoa ny mamaky azy io na dia ao amin'ny bolongana aza satria ahitanjavatra sahady toy ny “tsaho” miely ireny Shinoa miasa amin'ny toerana fananganan-javatra ireny dia gadra ampiasaina aty afrika… Toa mandà izany ireo mpanoratra ireo… efa henoko manko ny amin'ity tranga iray ity miaraka amin'ny hoe raha mandositra ka tratra dia tifirina ary “facturer”-na amin'ny fianakaviana ny bala nitifirana azy]

#

Cote d'Ivoire

Noresahin'i Théophile Kouamouo [Fr] ny hetsika manokana iadiana amin'ny kolikoly baikon'ny filoha Laurent Gbagbo tany Cote d'Ivoire. Hoy ny sorany: “Hotsaraina ny Oloben'ny orinasan-kafe sy Cacao. Fa tsy hiresaka betsaka momba ny fahadiovan'ireo mitsara azy isika. Marefo tahaka ny mpanao politika Ivoariana ihany ny Fitsarana[…] Mila fiovan'ny toe-tsaina marina tokoa isika, ho familian-dalana ny faikan-tsoatoavintsika”.

#

Hong Kong (China)

Namoaka vola taratasy hahatsiarovana ny lalao Olaimpika hotontosaina any Beijing ny Bank of China any Hong Kong. Anarivony no nilahatra telo andro mialoha mba hahazoana izany vola taratasy izany ka niteraka savorovoro. Florence avy amin'ny Over the Rainbow (Ambonin'ny Avana) no voatery niresaka ny vaovao ka nilazalaza fa tsy hifanakalozana eny an-tsena io vola io ary taratasy tsotra fotsiny izao vola vidian'ny olona izao.

#

Mozambique

O Silêncio de Kianda [pt] no mitondra ho antsika sombim-baovao mahafinaritra amin'ny fikaratahan'ny olona hiatrehana ny olana ara-tsakafo: mofo vita amin'ny mangahazo voatoto fa tsy amin'ny varimbazaha. “Mahavokatra mangahazo 3 000 000T isan-taona manko i Nampula [faritany iray any Mozambika] ary ampy hamelomana ny fandraharahana momba ny fanaovamofo sy hojifain'ny mponina tsara izany”.

#

Bahrain

Manontany i Yagoob hoe nahoana moa ireo fianakaviana mahantra Bahrainita no mbola tsy naharay ny fanohanana ara-bola nampanantenana azy ireo enimbolana lasa izay. Izany no natao mba hiarovana azy ireo amin'ny fidangan'ny vidim-piainana.

#

Azia AtsimoAtsinanana: Loharanon'angovo fanolo

Mpandika avylavitra · 8:31 pm · Brunei · Indonesia · Malaysia · Philippines · Singapore · Thailand · Vietnam

Noho ny fidangan’ny vidin-tsolika, maro ireo firenena avy any Azia Atsimo-Atsinanana no nanamafy ny ezaka ho fitrandràhana loharanon’angovo hafa ho fanolo. Eny fa na dia ireo firenena mpamokatra solitany toa an’i Malezia, Indonezia sy Brunei aza dia samy mampiasa vola hitrandraka angovo azo avaozina avokoa. Tena andrandraina sy ilaina ny fampiasàna ... 0 hevitra · Tohiny »

Cap Vert : Labiera mora vidy kokoa nohon'ny solika

Mpandika Tomavana · 9:42 am · Cape Verde

Pedrabika zendana amin'ny fidangan'ny fisondrotry ny vidin'ny solika any Cap Vert : 200$00 de gasolina é só isso?! Até cerveja tá mais barata. Desse jeito vamos ter que andar mais a pé e continuar ignorando a política que mexe no bolso. De outro modo ninguém reage, os partidos até fazem algumas ... 0 hevitra · Tohiny »