Tantara mikasika ny Hafanàm-po nomerika tamin'ny Jona, 2012
Ejipta: Fampahafantarana Ny MorsiMetatra
Taorian'ny 32 taona nitondran'i Hosni Mubarak, manana filoham-pirenena vaovao sy rindrambaiko vaovao ny Ejiptiana mba hanaraha-maso ny fizotry ny asan'ilay filoham-pirenena vaovao Mohamed Morsi ary ny fivoaran'ny fanatanterahana ireo toky 64 goavana nataony nandritra ny fampielezan-kevitra notanterahany.
Rosia: Tetikasanà Crowdsourcing Hikarohana Ireo Ankizy Tsy Hita
Niforona ny ekipa mpikaroka sy mpamonjy aina Liza Alert taorian'ny nanjavonan'i Liza Fomkina tany amin'ny vohitr'iOrekhovo-Zuevo (manodidina ny 50 miles atsinanan'i Môskoa). Ho setrin'ny hetsika nahitana lesoky avy amin'ny governemanta, nanapa-kevitra ny hiombona ireo mpirotsaka an-tsitra-po mba hahazoana toky fa tsy hisy zavatra tahaka izany intsony hitranga.
Afrika : Ny Tantara “Adino” Momba Ilay Kaontinanta
Mifanohitra amin'izay nambaran'ny filoha frantsay teo aloha, Sarkozy, momba ny toerana tànan'ny lehilahy afrikana ao anatin'ny tantara tao anatin'ny kabariny tany Dakar, Ny tantaran'ny kaontinanta afrikana dia rakotra sivilizasiona manan-karena sy olona manana ny maha-izy azy. Saingy io tantara io dia mazàna no tsinontsinoavina tafahoatra na tsy fantatra mihitsy. Ireto ny fandraisana andraikitra vitsivitsy mba hamerenana indray ny tantaran'ny kaontinana
“Mpanelanelana Ara-kolotsaina Ny Bilaogera”
Ivan Sigal, tale mpanatanteraky ny Global Voices dia nitafatafa tamin'ny Amnesty International Allemagne mba hanazava ny niandohana sy ny tanjon'ny Global Voices. Azavainy indrindra amin'izany ny anjara toerana raisin'ireo bilaogera ao anatin'ny fifanakalozana vaovao miampita lavitry ny sakan'ny fiteny sy ny kolotsaina tsy mitovy..
Panama: Firenena Amidy
Amidy i Panama : na farafaharatsiny izay no fahitan'ny vondrona Panameana lehibe iray ny zava-misy taorian'ny nahitàny tamin-katezerana ny fomba ataon'ny governemantan'ny Filoha Ricardo Martinelli ikendrena ny handafosana ampahany midadasika amin'ireo fananan'ny firenena..Azo jerena eny an-dalambe sy eny anaty tambajotra sosialy ny hatezearan'ny vahoaka Panameana.
Togo : Mihantsy an'i Faure Gnassingbé Eyadema Ny Fiaraha-mientana “Ndeha Hovonjena i Togo”
Nivadika ho fifandonana tamin'ny mpitandro filaminana ny diabe iray am-pilaminana nataon'ny fiaraha-mientana "Ndeha hovonjena i Togo" tamin'ny 12 Jona teo. Nanodidina ny 120 ireo naratra voarakitra an-tsoratra nandritra ireo fifandonana ny 12 sy 13 Jona. Isan'ny tafiditra ao anatin'ny fitakian'ireo nanao fihetsiketsehana ny fampiharana ny zava-boalazan'ny Kaomisionam-pirenena momba ny Zon'Olombelona mikasika ny fampijaliana sy ny fanavaozana ifotony ny Lalampanorenana. Ankehitriny i Togo dia anaty tetezamita politika taorian'ny fifidianana izay ho filoham-pirenena tamin'ny 2005 nolavin'ny betsaka ka nahatonga ho eo amin'ny fitondrana an'i Faure Gnassingbé Eyadema, zanaky ny filoha teo aloha Gnassingbé Eyadema. Misy fihetsiketsehana iray nomanina hatao ny 18 Jona.
Espaina: Nitory ny Banky Bankia Ireo Tafintohina
[Amin’ny teny espanola avokoa ny rohy rehetra raha tsy misy ny fiovana] Vitany ihany nony farany , haingana tsy araka ny nanampoizana azy. Nametraka fitoriana tao amin’ny Audiencia Nacional ao Madrid ny hetsiky ny 15M, noho ny fanaovana hosoka tamin’ny kaonty sy fisolokiana, entina hanenjehana ireo tompon’andraikitra tao amin’ny Bankia, ka...
Bolgaria: Hetsi-panoherana Manohitra Ny Lalàna Momba Ny Ala Ao Sofia
Vita fahirano nandritra ny roa andro i Sofia renivohitr'i Bolgaria ny 13 sy 14 Jona teo noho ireo fihetsiketsehana tsy nahazoana alàlana manohitra ny fanovàna ny Lalàna momba ny Ala. Ny hetsi-panoherana fahatelo dia nokasaina hatao ny 15 Jona. Ruslan Trad no mitatitra.
Indonezia: Fitaovana Fandraketana An-tsarintany Ny Fahasimban'ny Ala Ao Sumatra
Misy fitaovana iray vaovao fandraketana ho anaty saritany izay manome tahirin-kevitra mikasika ny fahasimbana mahavalalanina mahazo ny ala mandrakotra ny Nosy Sumatra ao Indonezia. Sumatra, nosy iray isan'ny lehibe indrindra eran'izao tontolo izao, dia toerana iray hany fantatra fa misy elefanta, rhinos, tigra sy 'orangutans' miara-monina. Ilay sarintany ety anaty aterineto dia manome torohay manan-danja koa mikasika ny harena ananan'ilay nosy raha resaka fifangaroan'ny zavamiaina ao.
Alemaina: Hetsika Fanoherana ny ACTA ao Berlin – Fanairana ny Mpanao Politika, Fampatsiahivina Ho An'ny Mpiserasera
"Aza adinoina ny manohitra ny ACTA" – tamin'izany teny vazivazy kely avy amin'ny mpikarakara ny hetsika fanoherana-ny ACTA izany no namaranana ny hetsika notontosaina tamin'ny 9 Jiona 2012, tao Berlin. Nitatitra i Kasia Odrozek.
