Tantara mikasika ny Hafanàm-po nomerika tamin'ny Janoary, 2012
Arabia Saodita : Fianakaviana Iray Monina Aminà Toeram-pandevenana
Voavonjy tamin'ny fahantrana sy tsy fananana toeram-ponenana ny fianakaviana Saodiana iray noho ny lahatsary iray maharitra telo minitra novokarin'i Bader AlHomoud, tanora Saodiana iray mpamokatra sarimihetsika. Haifa Al Rasheed no miteny amintsika momba io lahatsary mampihetsi-po io.
Brezila: Hetsika Mitaky Zo Hahazo Kianja Tsy andoavam-bola Mandritra ny Fetibe
Ny Fetiben'i Salvador [karnavalina], ao Brezila, no iray amin'ny lehibe indrindra manerantany. Leon'ny resaka ara-barotra tafahoatra sy ny fanovana ny kianjam-bahoaka lasa an'olotsotra vonjimaika kosa ny mponina ao an-tanàna. Nidina an-dalambe ry zareo tamin'ny 14 janoary rehefa nifanentana sy nifandamina tamin'ny alalan'ny Facebook sy Twitter mitaky ny hanalana ny fanorenan'ireo orinasa tsy miankina hiala amin'ny arabe.
Polonina: Hanao Sonia ny Fifanekena ACTA Ny Governemanta Na Dia Eo Aza Ny Hetsi-panoherana
“Tsy dia manova firy ny lalàna Poloney na ny zon'ny mpiserasera sy ny fampiasana Aterineto ny fifanekena Acta” – na dia teo aza ny ny hetsika goavana tamin'ny Aterineto sy ny adihevitra mikasika ny fomba fifanarahana mangingina, dia nanamarina ny Minisitry ny Fitantanana sy ny famadihana ho nomerika ny asa, Michal Boni, taorian'ny...
Madagasikara: Tsy Navela Hody Ny Filoha Teo Aloha Ravalomanana
Nanambara ny hodiany an-tanindrazana, rehefa nanao sesintany ny tenany efa ho telo taona, tany Afrika Atsimo, ny filoha teo aloha Marc Ravalomanana. Ny 21 Janoary 21, nitaintaina ny tao an-drenivohitra miandry ny fiverenany fa an'arivony ny olona no eny an-dalana mankany an-tseranana. Saingy minitra vitsy taoriany ny nidirany ny faritr'habakabaka malagasy dia nilazana mba hivily lalana ny voromby ka higadona any an-tanàna hafa. Mitantara mivantana ity toe-draharaha mafampana ity ny Malagasy.
Sodana : Ilay Mafana Fo Avy Ao Sodana, Alim Boushi, Navoaka Ny Fonja
Raharaha iray izay navoitran'ireo bilaogera avy ao Sodana sy ireo mpandefa bitsika tato ho ato, milaza ny toetoetry ny famoretana misy ao Sodana amin'izao fotoana, ilay fisamborana ny mafana fo politika avy ao Sodana sady Injenira Mohamed Hassan Alim, antsoina hoe Boushi.
Tonizia: ”Aza Sivanina Ny Votoaty Vetaveta”
Amin'ny fiandohan'ny Febroary, ny Masoivoho Toniziana misahana ny Aterineto dia hanao fampakarana amin'ny Fitsarana Ambony ny didy navoakan'ny fitsarana iray tao Tunis tamin'ny May 2011 nandidy ny masoivoho mba hanakana ny fidirana amin'ireo votoaty miresaka vetaveta ao amin'ny aterineto. Ho an'ireo Toniziana mpiondana aterineto, sy ireo mafàna fo mpiaro ny fahalalahana miteny, tsy vahaolana ity karazana sivana ity, fa horohoro iray atao amin'ny fahalalahana miteny.
Global Voices Amin'ny Teny Frantsay : Ny Safidin'Ireo Mpandika Teny Ny Taona 2011
Ny taona 2011, ireo mpandika teny an-tsitrapo ao amin'ny Global Voices izay miteny Frantsay dia nahavita nandika lahatsoratra an-jatony ary nampahafantatra ny vaovao manerana izao tontolo izao ary tianay ny hiteny hoe "Misaotra!". Nanontanianay hoe inona ny fandikàna nanamarika azy ireo indrindra, nandritra iny taona lasa iny. Ireto ny safidin'ireo mpandika teny Frantsay!
Lahatsary Asongadina: Mpitolona, Fahafahana Maneho Hevitra, Olona ary Kolontsaina
Ity fanadihadiana ity dia mikendry ny hampahafantatra ny hafatra faramparany ato amin'ny Global Voices izay mampiseho fomba maro fa manampy ny olona hilaza ny tantarany manerana izao tontolo izao ny Lahatsary. Afaka manaraka ny zava-miseho isaky ny faritra ianao ao amin'ny Fantsona YouTube-nay na manindry fotsiny ny rohy eo ambony. Afovoany...
Rosia : Tsy Nahavita Nifankahazo Ny Mpanohitra Tao Saint-Petersbourg
Ireo hetsi-panoherana talohan'ny fifidianana ny volana Desambra 2011 dia ahitàna karazany roa : 'Mpanohitra matihanina' sy ireo mponina velom-panahiana. Tao Moscou, ireo karazany roa ireo dia nahavita nivondrona mba hanomana ny iray amin'ireo hetsika am-pilaminana isan'ny lehibe indrindra teo amin'ny tantaran'ny firenena. Tao Saint-Pétersbourg, na izany aza, ilay famoriam-bahoaka dia nivadihan'ny iray tamin'izy ireo. Maria Lelyuk dia nanadihady ny fanehoan-kevitr'ireo mponina.
Tolo-dalàna Amerikana Mety Hampihorohoro Ny Aterineto Erantany
Tsy ijeren-dry zareo izay fampitandreman'ny vahoaka sy ireo mpahay teknolojia, fa ireo mpanao lalàna ao Etazonia dia naminavina tolo-dalàna roa, ny Stop Online Piracy Act (SOPA) sy ny Protect IP Act (PIPA), izay tena fampihorohoroana marina sy tena zava-doza ho an'ny fisofakan'ny aterineto manerana izao tontolo izao. Ho setrin'izany, ny vondrom-piarahamonin'ny Global Voices dia nanapa-kevitra nanatevin-daharana ireo vohikala toy ny Wikipedia, Reddit sy BoingBoing amin'ny “mandeha maizina” ka hanamainty ny pejy fandraisan'ny vohikala Global Voices Advocacy mandritra ny ora 12 ny 18 Janoary, sady hamoaka sary famantarana amin'ireo vohikala hafa ao amin'ny Global Voices izay manome fampahafantarana misimisy kokoa mikasika ilay tolo-dalàna.
