Penultimos Dias (ES) dia manoratra lahatsoratra iray izay manome amin'ny antsipirihany ny fomba fahitàn'ny Kiobana iray Ny Maleconazo, raha mamehy azy toy izao kosa indray ny blaogy sin EVAsión :

Quince años atrás yo no estaba en el Malecón, pero recuerdo ese día como una muestra de la rebeldía de numerosos cubanos, que levantó la expectativa de cambios en muchos de nosotros. Ese día creímos que estaba cercano el fin de la dictadura. Yo nunca he querido irme de la Isla; he creído (románticamente, lo sé) que soy más útil aquí, que pertenezco a este lugar y que mi resistencia es también mi particular homenaje y mi respeto a la Cuba que queremos todos, incluyendo a los que se rebelaron aquel día. Ellos, estén donde estén, son un ejemplo de dignidad. Me gusta pensar que somos algo más que 110 mil kilómetros cuadrados de geografía…Ellos dijeron “basta”; no importa ahora cuán efectiva fue su acción: fue la última muestra de rebeldía popular masiva que recuerde Cuba.

La descarada reseña del Granma a propósito de la fecha me obliga a insistir en un derecho que nos corresponde: el 1ro de enero todavía es suyo; el 5 de agosto es (y será) nuestro.

Ny tsikera mahamenatra nataon'i  Granma momba ny vaninandro dia manery ahy hisisika amin'ny zo mahakasika antsika: ny 1 Janoary dia mbola azy ihany aloha; ny 5  Aogositra  dia (ary izay no ho fandehany) ho antsika.

Teraka tany Iran, fa nitombo sy mipetrakat any Etazonia ankehitriny, I Liana Aghajanian dia mpanoratra ary vaovao eo amin’ny tontolon’ny blaogy Armenianina. Na dia mitoraka blaogy ao amin’ny vohikalany manokana aza izy, I Aghajanian dia efa nanana ny nampiavaka azy manokana tany aloha tany  ho an’ireo feo hafa sy ny haino aman-jery  miahy tena any Armenia ary koa ny Diaspora miaraka amin’ny  e-zine  Ianyan mampiasa ny Wordpress .

Tonga soa ato amin’ny ianyan magazine, ny famoahana miahy tena Armenianinao voalohany. Voalohany indindra, Ianyan dia nanomboka toy ny hevitra izay toa natoritory tao ao an'eritreritra sy ny ati-fanahinareo nandritry ny taona maro. Sahala amin'ireo zavatra tsara rehetra , dia tanteraka ihany ity hevitra ity. Ny tanjonay eto amin’ny ianyan dia ny hanome anareo izay tsy vitan’ireo famoahana Armenianina hafa:  vaovao tsy mitanila, ireo toetoetra sy ireo tantara izay ankafizinao. Tsy ny gazety “medzbaba”-nao izy ity. Tsy misy fampielezan-kevitra eto. Tsy ny mitady ny marina sy ny milaza izany ihany no ataonay, fa manome ny vaovao Armenianina maneran-tany koa, ho an'ny  tanora sy ny antitra ary koa ireo namanao tsy Armenianina.

Ny resadresaka feno [amin'ny fiteny vahiny] dia azo henoina eto ambany.

Podcast: Jerena naty fàfana iray vaovao
| Alaina ho an'ny tena

Mety tsy dia nilamin-tsaina loatra ireo tany Hongrie tato anatin'ny herinandro vitsivitsy lasa izao satria fomba maro samihafa no nampiasan'ireo mponina  ny fanaovana fihetsiketsehana ho fitaovana amin’ny demokrasia.

Ny 19 Jona,  mpianatra Iranianina manodidina ny zato mianatra any Hungary no nanao fotoam-pahatsiarovana tanaty fahanginana tao amin'ny Kianjan'ny Mahery-fo tao  Budapest, renivohitr'i  Hongrie. Tamin'ny alalan'ny  Facebook no nikarakarana ity fotoana ity. Ny hetsika faharoa, nataon’ireo Hongrois  mpanohana, dia natao teo anoloan’ny Masoivoho  Iranianina tao Budapest tamin’ny 21 Jona: nitondra ny anarana hoe Hetsika-Tselatra Maitso [Green Flashmob].

Ny hetsika fahatelo “ho an’ny demokrasia sy ny  zon’olombelona” tany Iran dia natao tamin’ny 26 Jona, mbola teo anoloan’ny masoivoho Iranianina ihany. Ao amin’ny vohikala  Lehet Más a Világ! (”Mety hiova [ho hafa] ny tontolo!”), Redjade dia nizara vaovao sy sary momba ny hetsi-panoherana tamin’ny 21 Jona ary nanoratra ity momba ny tamin’ny 26 Jona:

[…] Nisy fahasamihafany be tamin’ny fihetsiketsehana farany natao tamin’ny Alahady farany teo izay tsy nahitana polisy mihitsy. Tamin’ity tsy vitany hoe nisy sakana fotsiny (nindramina tamin’ny Parlemanta?) fa mbola nisy policy am-polony mahery niaraka tamina fiarana polisy efatra sy fiara 6 hafa. Nefa na dia izany aza ny fivoriana dia nizotra tamim-pirahalahiana sy am-pilaminana. Fa manontany tena aho raha vokatry ny tsindry alokin’ny polisy no nahatonga ny havitsian'ireo mpianatra nandray anjara. […]

Ireo mpampita vaovao ao Hongrie dia  nilaza ny fihaonan’ny sekreteram-panjakana misahana ny raharaham-bahiny Gábor Iklódy sy ny masoivoho Iranianina Ali Reza Irvas, ka taorian’io no nanambaran’ny tompon’andraikitra ao Hongrie fa manana zo hanao fihetsiketsehana am-pilaminana ireo Iranianina mpanohitra ary i Hongrie  dia mandinika akaiky ny sakantsakana napetraka tamin' ireo fampitam-baovao any Iran.

Tamin’ny 21 Jona ihany koa, nisy hetsika iray hafa natao tany Budapest: ireo mpikambana sy ireo mpomba ny Antokon’ny alika manan-drambo roa [Two-Tailed Dog Party] (HUN) dia nanao Hetsika Goavana manohitra ireo zavatra rehetra tsy mitondra mankaiza.  Ny Antokon’ny alika manan-drambo roa [Two-Tailed Dog Party]  dia antoko politika hosoka fantatra amin’ny fitsikerany ny politika any Hongrie. Olona 200 ka hatramin’ny

Raha nianjera ilay fiaramanidina mpampitohy mahazatra niala tao Tehran ho any Yerevan taorian’ny niaingany omaly, namoizana ireo olona 168 tao anatiny, dia maro ny tany Armenia sy ny Diaspora avy any no ory, indrindra indrindra noho ny fisian'ny Armeniana 40 tamin’ireo maty ireo. Manazava ny ao ambadiky ny anton'ny fahatohinana mafy nahazo ireo Armeniana i Ianyan .

Nianjera tao Irana ny fiaramanidina iray vita Rosiana, an’ny Caspian Airlines, hisidina ho any Yerevan any Armenia, ny Alarobia taorian’ny nirehetany teny am-panidinana ary namono ireo olona 168 tao anatiny rehefa nitontona tany an-tsaha akaikin’ny tanànan’i Qazvin, 16 minitra monja taorian’ny fiaingana.

Tanora valo mpikambana ao amin'ny  ekipa Iraniana mpanao judo sy Armeniana maromaro no isan'ireo namoy ny ainy, ka ny roa tamin’izany dia anisan’ny mpiandraikitra ilay fiaramanidina. Eo amin’ny Armeniana 100 000 eo no mipetraka any Irana izay mivezivezy matetika eo anelanelan’ireo firenena roa ireo mba mitsidika havana.

Maro ireo antsipiriany voafantina avy amin’ny tati-baovao any an-toerana sy maneran-tany no naparitaka haingana tamin’ny Twitter sy Facebook, iray amin'ireo tena miparitaka be ny @unzippedblog.

Ny maro tamin’ireo tsikera tamin’ny vohikala sosialy sy lahatsoratra tanaty  blaogy tao amin’ilay vondrom-piarahamonina fitorahana blaogy LiveJournal momba ilay fianjerana tany Armenia dia saiky mifototra amin'ireo vaovao azo avy amina masoivohom-baovao  sy haino aman-jery hafa.

Ilay blaogy Iraniana-Armeniana ՏՐԱՄԱԳԻԾ [AM] kosa dia tsy hoe namoaka sarin’ilay voina fotsiny fa sady nanome dikantenin’ireo tatitry ny TV-mpanjakana Iraniana amin'ny teny Armeniana.

Niainga teo amin’ny seranam-piaramanidina iraisam-pirenenan’i Tehran ilay fiaramanidina “Tupalov” ary nianjera  tany akaikin’ny faritra Khazin 16 minitra taorian'izay. […] Vao niteny teo ny Filohan’ny Repoblika Ahmadinejad, naneho ny fiaraha-miory ary niteny ireo tompon’andraikitra mba hanao fanadihadiana lalina, mba hanao izay tokony atao, hitady ny anton’ity fianjerana ity ary hitatitra izany araka izay haingana  azo atao.

Any anatina lahatsoratra hafa, nitatitra tamin’ny antsipiriany mombana Armeniana iray, Harutyun Khalghatian, izay tsy nahatratra ny fiaingan'ny fiaramanidina ilay mpitoraka blaogy.

Harutyun Khalghatian, 44 taona, nanao fitsidinana arahan'asa  tany Tehran no sady nitsidika an'i Tehran dia avotra tamin'ny fomba tsy takatry ny saina. Tanatina fanadihadiana natao tamin'ny naman’i Khalghatian iray …. nahita izahay fa nanao fety izy ny alina talohan’iny, ka nahatonga azy tara fifohazana ka tsy nahatratra ilay sidina.

Լճակ [RU] dia nanome rohy sy fanampim-baovao momba ilay fianjerana, ary ilay mpanao gazety-mpitoraka blaogy mpanohitra Mark Grigorian kosa dia nanome ny heviny manokana tamin’ny fampiasana fiaramanidina efa antitra.

“Fotoana fanovàna ireny fiaramanidina vita sovietika  ireny ho korontam-by izao, ” hoy izy,  nanampy tao amin’ny faritra natokana ho an'ny tsikera:

Indrisy fa efa tonta, tsy ara-batana ihany fa ara-moraly koa, ireny fiaramanidina sovietika ireny. Mieritreritra aho fa isan’izay antitra ara-moraly izay ity iray ity.

@Unzippedblog dia nandefa tweet ny fanontaniana ao an-tsain’ny rehetra hoe:

Fa maninona no #Iran irery eto ambonin'ny tany  no mbola mampiasa iny fiaramanidina Rosiana TY-154 antitra be iny! Tokony ho ariana ireny. #armenia #yerevan.

Nanome valin-teny tamina tweet iray hafa izy taorian’izay.

Nanamafy ny BBC http://bit.ly/BpFW9 fa noho ny sazy nomen’ny Etazonia no mahatonga izao tsy filaminana eo amin’ny sehatra sidina any #Iran izao. #armenia #yerevan

Если бы можно было жить в море… [RU] dia mameloka ny ankivy nataon’ny Etazonia tamin’ny Iran noho ny fianjerana.

Andriamanitra anie hanome fiadanana ny fanahin’izy ireo… nisy ankizy roa tamin’ireo. Miteny ry zareo fa matetika no misy loza any Iran, noho ny fandraràna izay tsy mamela azy ireo hanavao ireo fiaramanidina ary ny fiaramanidina TU sy Amerikana no tena ananan-dry zareo.

Ireo hafa toa an-dry Words Blog dia mitantara ny fomba nahafantaran’ny havany  an’ireo maty.

“Nisy teknisiana fifamoivoizana an'habakabaka  roa izay niasa tao amin’ny Caspian tao anatin’ilay fiaramanidina. Izaho tsy nahafantatra azy ireo, fa ny reniko sy ny nenitoako no niara-niasa tamin’izy ireo.”

“Tany amin’ny seranam-piaramanidina aho androany… mampalahelo…” hoy 517 Design nanoratra [RU], mpitoraka blaogy sy mpaka sary avy tany amin’ny seranam-piaramanidin’i Yerevan niaraka tamin’ny sary.

© Sarin'ny PanARMENIAN / Sedrak Mkrtchyan

Betsaka vondrona teratany niasa tany ivelany ary nody an-tanindrazana ao Bangladesh ka maro amin’izy ireny no miasa an-tsitrapo na mikarama amin’ireny fikambanana maro tsy miankina amin’ny fanjakana ireny. Tsy vitsy amin’izy ireny koa no mitoraka blaogy sy mizara ny zavatra niainany izay sady zava-marina loatra no voaporofo, fa tsy mba toy izay ambaran’ireo mpampahalala vaovao iraisam-pirenena momba an’i Bangladesh. Ireny fomba fijery ireny dia tena ilaina tokoa ho an’ireo tonga hitsidika an’i Bangladesh ary koa ho an’ireo Bangladeshis (ilazàna ny olona avy any Bangladesh). Anatin’ny hafatra voalohany amin’ity andiany ity dia asiako fanamarihana manokana ny amin’ireo teratany nody an-tanindrazana ka mitoraka blaogy, sy izay resaka ambaran’izy ireny

Nikkibomb ao amin’ny Amar Bangla Na dia nandeha tany amin’ny Tangoron-tendrombohitr’i Chittagong ary manoratra fa:

Ireo Tangoron-tendrombohitr’i Chittagong dia maitso màvana mandrakariva. Na aiza na aiza jerenao, marevaka ery ny lokony toy izay tian-dry zareo Bangladeshis entina rahateo.

Estelle Visagie koa dia tany amin’ny Havoana tao Rangamati izay nifanenany tamina vehivavy bodista telo (nonnes) ka nanomezan’izy ireo azy ny Anarana Chakma.

Sara, izay mianatra sy manao fikarohana, tohanan’ny Fulbright, dia namoaka sary maro sy ny zava-niainany tamin’ny fifangaroana tamin’ireo Bangladeshis.

Natiora any Bangladesa; Durgapur, Netrokona, avy amin’i Ariful Haque Bhuiyan (http://www.flickr.com/photos/arifbd111/3401682813/),mampiasa ny Creative Commons license

Amy Moyer izay nandositra ny fiainana feno tebitebin’ny renivohitra no manoratra:

Nofarananay tamin'ny fitsidihana tanàna iray mpanamboatra fitafiana Jamdani norariana tamin'ny tànana ny dianay. Tena manify ny Jamdani, lamba tena maivana izay fahaizana manokana mampiavaka an'i Bangladesh. Raha ny tantara momba ny akanjo  Jamdani sari, izay mirefy tokony ho 13 metatra eo ho eo, dia tokony ho afaka aforitra hitovy habe amin'ny tranon’afokasoka izy. Tsara fanahy sy falifaly ery ireo mponina namela anay nandray anjara tamin’ny rary. Tena tsy azo veroka mihitsy,  ary ny tsininy dia ry zareo tsy nandray karatra Visa.

Meandering Memos izay nitsidika toeram-pamokarana asa tànana iray  tany Narayanganj, akaikin'i Dhaka izay ahitàna vehivavy 26000 miasa dia manoratra hoe:

Sary manaingo ny akanjo Sari – Tsy nieritreritra mihitsy aho hoe ireo haingon’akanjo rehetra ireo dia natao tànana daholo! Tena asa mila fotoana be tokoa. Ireo loko ampiasain-dry zareo dia avy amin’ny akora voajanahary avokoa.

Jacob and Sanna's blog dia midera ny ‘Bangla', tarika Bengali mpiangaly ny gadona ankehitriny:

Hafa ity vondrona ity — hain-dry zareo tsara ery ny manome kalitao lafatra ny fanafangaroana ny gitara tandrefana & gitara beso sy ny amponga ary ireo gadona malàza, vokatry ny tany,  izay laroin’ny feo mahagagan’ny mpihira fototra ao aminy, Anusheh.

Valerie ao amin’ny from Spa-Ha to Bangla dia roa volana izao no eto an-tanindrazana mba hamangy ny vadiny. Nandany andro iray manontolo mihitsy izy mba hitàna ny toeran'ny vady ao an-tokantrano any Bangladesh  renivohitra  Dhaka ary manamarika hoe:

Ity no iray amin'ireo andro mora indrindra hatramin’izay namoahako vola. Ny fitambaran’ny fikarakaram-bàtana tany amin’ny spa dia 600 taka, latsaky ny $10. Nomenay karama betsabetsaka ihany ny mpamily sy ny mpikarakara ny ao an-trano ary dia nolazaina fa adala mihitsy izahay tamin'izany, ary dia mahazo $4.30  sy $7 isan’andro tsirairay avy izy ireo.  $1/ora no hofan'ny kianja filalaovana Tennis. Tena varo-boba raha ny vidin-tsakafo hany ka mahamenatra na dia ny hitaky famerim-bola aza.

Sonargaon, renivohitr’i Bengal taloha. Sary avy amin’ny Flickr an’i Shubho Salateen (http://www.flickr.com/photos/shubho/242268273/) ampiasana ny  creative commons license

Bernie Allen ao amin’ny Life and Work in Dhaka city dia nitsidika an’i Sonargaon, iray amin’ireo renivohitra ntaolon’i Bengal. Manoratra izy:

Ny Fitehirizam-bakoka momba ny fomban-dràzana, izay isan'ny anton-diako, dia ahitàna ireo zavatra rehetra maneho ny endrika ara-kolontsain'ny firenena, ary ny zaridaina ao dia tena mahafinaritra tokoa.

Niampita ny reniranon’i Buriganga, izay mikoriana ao akaikin'i  Dhaka koa izy. Mieritreritra izy fa tandindonin'ny loto io renirano io ary “tsy dia isan'andro no ahitana tsy fitohanana na fihontsonkontsonana eo, toy ireny làlana any an-tànan-dehibe ireny ihany!”

Heather ao amin’ny A Bangladesh Adventure dia namoaka sary vitsivitsy maneho ireo fiara samihafa ao an-tanànan'i Dhaka.

Ary farany nefa tsy ny kely indrindra, Caroline ao amin’ny Burkhas, Bibles and Bangladesh dia manome lisitra ahitàna ireo zavatra 20 mety ho efa fantatrao na tsia momba an’i Bangladesh.

47 taona aty aoriana dia nanala ny fanilikilihana natao tamin'i Cuba ny Fikambanan'ny Firenena any Amerika, indrindra koa moa fa efa niara-niasa tamin'ity firenena ity ny ankamaroan'ny mpikambana. I Etazonia, izay mbola manao fahirano ara-barotra amin'i Cuba hatramin'izao, irery no tsy tratra, satria nitaky fanovana demokratika sy fanajana ny zon'olombelona amin'i Cuba ny sekreteram-panjakana Hillary Clinton, mba hahazoany miditra ho mpikambana indray. Na dia eo aza izany dia nahazo tombony ny hevitr'ireo mpanao politika ambony amerikana izay nanatanteraka ny fivoriana an-tampony faha 5 natao tany Trinité et Tobago. Manomboka izao dia malalaka amin'ny fandraisany anjara ao amin'ny OEA i Cuba, na dia nanambara aza ny fitondrana any an-toerana fa tsy mahaliana azy izany fidirana ho mpikambana izany. Milaza ny heviny ny mpitoraka bilaogy vitsivitsy…

Circles Robinson, nanoratra tao amin'ny Havana Times:

Nandao an'i San Pedro de Sula i Hillary Clinton ny talata teo ary nihazo an'i Ejipta, nanontany tena raha nahomby ny ezaka nataony ho fampandrosoana ny fitantanan'i Obama ny amin'ny fampihatoana an'i Cuba ao amin'ny OEA. Tsia no valiny!

Ny hafatra avy any Honduras dia nilaza fa tsy misy antony tokony hanilikilihana an'i Cuba, ary avela ny governemantan'i Raul Castro hanapan-kevitra malalaka na handray anjara izy na tsia ao anatin'ny fikambanana.

Ao amin'io lafiny io ihany dia nanavao indray ny fifanantonana ara-diplomatika tamin'i Cuba i Salvador ny alatsinainy lasa teo. I Etazonia irery no firenena tsy manana fifandraisana tsara amin'i Cuba manerana ny kaontinta.

Milaza ny vontoatin'ny fanapahan-kevitra rehetra noraisin'ny OEA ny Cuban Triangle, raha toa ka lisitra ankapobeny fotsiny ny amin'ny hevitr'ireo firenena mpikambana no nolazain'ny Along the Malecon. Indro misy teny nampiasain'ny filohan'i Honduras, Manuel Zelaye: “Nifarana androany teto San Pedro Sula ny ady mangatsiaka. Manomboka vanim-potoana vaovao hanjakan'ny firahalahiana sy fifandeferana isika”, izay nahatonga ilay mpitoraka bilaogy hanao sangisangy hoe:

Raha misy vanim-potoana vaovao hanjakan'ny firahalahiana dia tsy resy lahatra aho hoe avy any Washington izany - na koa avy any atsimon'i Floride.

Hanamafisana ny ahiahiny dia nanao teny farany ny mpitoraka bilaogin'ny diaspora Uncommon Sense:

Nanome alàlana an'i Cuba handray anjara indray ny OEA… kanefa ireto Kiobana voasoratra anarana eto amin'ny ilany ankavanana ireto dia mbola any am-pigadrana daholo.

Nanao dingana lehibe ho an'ny demikrasia i Amerika Latina tato anatin'ny taona vitsivitsy izay. Firenena anankiray ihany, Cuba, no hany tokana mbola entin'ny mpanao didy jadona nanendry tena, kanefa taloha dia ny tahaka izany no nanara-dalàna tany amin'iny faritra iny. Fanampin'izany, nandritra ny fotoana naharitra nanjakan'i Castro dia nihantsy ireo mpifanolobodirindrina taminy izy.

Tahaka ny hoe mamadika ireo rehetra izay niezaka nampanjaka ny demokrasia tany amin'ny fireneny tsirairay avy ny fanapahan-kevitra hamerina an'i Cuba indray ao amin'ny OEA.

Betsaka ny fiovana (izay azo antoka ny ampahany) nitondran'izao tontolo izao an'i Cuba, ao anatin'izany koa i Etazonia. Na izany aza anefa raha tsy misy fiovana any Cuba, avy amin'i Cuba, dia hitongilana sy ho lavaka ihany izany ka ho maimbo.

Mety ho fanampiana tànana ihany no nentin'ny OEA: miankina amin'ny fanapahan-kevitry Cuba irery ny handray izany na tsia.

Janine Mendes-Franco

Miraradraraka ny fanehoam-pankasitrahan'ireo vondrona mpitoraka blaogy ho  an'i Fr.  Gérard Jean-Juste, pretra Haitiana Katolika fantatr'ireo mpakafy azy amin'ny maha-tompondakan'ny mahantra azy sy mpanohana mafana fo ny antoko pôlitika Fanmi Lavalas , tarihan'ilay Filoha voaongana Jean Bertrand Aristide.

“Dada Gerard Jean-Juste“, sarin'i danny.hammontree, ampiasàna ny Creative Commons license. Tsidiho ny tahirin-tsarin'i danny.hammontree ao amin'ny flickr.

Nahasarika ny sain'ny maro i  Jean-Juste  tamin'ny 2005, tamin'ny nisamborana azy noho ny famonoana an'ilay mpanao gazety Haitiana Jacques Roche, fihetsika izay nolazain'ny mpanohana azy ho manana antony pôlitika - Nokilasian'ilay mpitoraka blaogy Haitiana Wadner Pierre ho “hetsika ivandravandràn'ny famoretana ara-politika” izy io. Taoriana kelin'ny fisamborana azy, ny Amnesty International dia niantso an'i Fr. Jean-Juste ho “gadran'ny fanehoan-kevitra [prisoner of conscience]”;  tokony ho enim-bolana taorian'ny nitànana azy , nofoanana ireo vesatra nianjady taminy ary navosotra izy. Nahazo famotsorana vonjimaika tamin'ny governemanta vonjimaika Haitiana koa izy, izay nahafahany nandeha tany Etazonia mba hitsabo tena noho ny aretina ‘leucemie‘ izay hita vao haingana tamin'ny firahana azy.

“Avotsory Dada Gerard Jean-Juste1“, sarin'i danny.hammontree, ampiasàna ny  Creative Commons license. Tsidiho ny tahirin-tsarin'i danny.hammontree ao amin'ny flickr.

Tsy ny homamiadana ihany no fahavalo niadian'i Fr. Jean-Juste  - na taorian'ny namotsorana ny saziny tamin'ilay resaka vono olona aza, mbola nanohy  niatrika vesatra hafa amin'ny fitànana fitaovam-piadiana sy firaisana tsikombakomba koa izy, na dia tsy mbola nisy porofo natao aza mba hanamarinana izany fanamelohana izany. Haiti, Land of Freedom, dia nanamarika tamin'ny vatofotsy (tamim-pifaliana) ilay andro (19 Jona 2008) nanafahana ilay Pretra tamin'ny saziny rehetra:

Niresaka tamin'ny HaitiAnalysis tamin'ny antso an-tariby i Dada Jean Juste tany amin'ny paroasiny any Haiti - ny Fiangonan'i Saint Claire – toerana nisian'ny fanombohana fankalazana manetriketrika tokoa. “Nisaotra an'i Jesoa Tompoko aho” hoy izy. “Nino aho fa tsy hamela ahy izy. Mamela ireo olona nandray anjara tamin'ireo fisamborana roa tsy rariny natao ahy aho, izay mety nahafaty ahy mihitsy. Mety ho maty tany am-ponja aho. Ankehitriny aho afaka manohy manampy ny mahantra.”

Naaton'ny  Ambaratongam-pahefan'ny Fiangonana Katolika any Haiti i Jean Juste noho ny fanaovany hetsika pôlitika raha tokony niaro azy izy tamin'ny fotoana nigadrany. Raha nanontaniana momba ilay fampiatoana izy, izay nahatezitra mafy ireo mpanohana azy maro, naneho ny fahatokisany ny amin'ny hahafoana izany i Jean Juste.

“Tsy meloka aho ary hanafoana ny fanapahan-keviny izy ireo mba hamelàna ahy hanatanteraka ny asako eo anivon'ny fiangonana tahaka ny nataon'i Jesoa mandra-pahatongan'ny minitra farany talohan'ny namadihana sy nisamborana azy”.

Pretra maro ao amin'ny paroasy toa an-dry Jean Juste sy Jean Betrand Aristide no mpikambana ao amin'ilay hetsika ti legliz (fiangonana kely). Miavaka izy ity  noho izy manohitra ny didy jadona ataon'i Jean Claude Duvalier.

“Jean-Juste any Miami”, sary avy amin'i Robert Miller,  ampiasàna ny  Creative Commons license. Tsidiho ny tahirin-sarin'i Robert Miller ao amin'ny flickr.

Tamin'ny 27 Mey 2009, afaky ny geja rehetran'izao tontolo izao koa Fr. Gérard Jean-Juste, izay nodimandry teo amin'ny faha-62 taonany. Mbola manohy nyfanehoam-pankasitrahan a sy fanajana  azy ireo mpitoraka blaogy: Dying in Haiti dia namerina namoaka ny filazàna manjo navoakan'i The New York Times tamin'ny nahafatesany, ary nahatsiaro ireo zava-tsoa rehetra nataony…

Tsy sasatra niasa ampolo taona maro ho an'ny vahoakan'i Haiti  izy.

Nivavaka nangataka ny fanampian'i Md Jude izy nandritra ny lamessa.

Lehilahy mitazona ny teniny no nahafantaranay mivady azy.  Nanohy hatramin'ny farany foana izy na kely na lehibe ny olana.

Nahery fo i Dada. Tsy niverina tamin'ny teniny mihitsy izy.

Mandria am-piadanana, ry Dada. Ary rehefa mifanena amin'i Md Jude ianao dia teneno izy tsy hanadino an'i Haiti.

The Haitian Blogger dia namerina namoaka lahatsoratra nosoratan'i Profesora Bell Angelot:

Niara-dàlana hatrany tamin'izay atao hoe mahitsy sy fahamarinana ara-moraly foana i Dada.

Fanahy mahery iray no nandao ity tany ity, ary manamaizina ny tanàna iray manontolo ny fisaonanay. Lasa mandrakizay ny ‘griot' iray [ilazana ny olona voky andro tany Afrika nahatahiry sy mampita ny fahendrena amin'ireo taranaka aty aoriana]  ary Foko iray manontolo no latsa-tomany.  Nefa na dia lasa aza ilay mpaminany, ny fahazavàny kosa mbola mitoetra. Nampaneno ny lakolosy' tao anatin'ny alahelo sy ranomaso ny fiaraha-monin'i Miami, noho ny nandaozan'i Dada Reverend Gérard Jean-Juste ny tany. I Dada Jean-Juste dia iray amin'ireo mpialoha làlan'ny Teolojian'ny fahafahana teo anilan'i Jean Bertrand Aristide tao Haiti, Leonardo Boff tany Nicaragua ary Oscar Romero tany Salvador.

I Dada Jean Juste no mpilanja faneva ho an'ny zon'ny mpifindra monina any Haiti, ho an'ireo tsy manana taratasy, ho an'ireo nisedra ranomasim-be feno antsantsa [sharks - requins] ary ho an'ireo mbola tsy avela hizàka ny Statut fiarovana vonjimaika (TPS). I Dada Jean Juste dia olon'ny fahamarinana,  na ny anarany aza dia efa  miantso ny fahamarinana.

Farany, Repeating Islands dia mahatsiaro an'i Jean-Juste ho lehilahy izay “nitarika ny ady tsy misy indrafo nanohitra ny fitondràna mitanila' atao amin'ireo Haitiana eny amin'ny fitsarana, ny haino aman-jery, ny làlana, ary indraindray, any am-ponja”, ary manoritra fa “ireo hetsika rehetra nanaraka ny fahafatesan'i Jean-Juste dia manasongadina ny fitakosenany tamin'ny vahoaka Haitiana.”

Tany ampiandohan'ity volana ity, nanambàra i Bahrain fa  tapitra hatreo ny endrika fanohanana ireo mpiasa vahiny, midika izany fa manomboka amin'ny volana Aogositra dia tsy hiankina amin'ireo mpampiasa azy intsony ireo mpiasa ireo, fa tohànan'ny governemanta mivantana amin'ny alalàn'ny  Sampana mpandrindra ny tsenan'asa, àry hahazo alàlana hiova asa tsy ilàna fankatoavana avy amin'ireo mpampiasa azy ireo. Natao izao  hetsika izao hanafoanana ny fomba  fanohànana tamba-be mpiasa maro fanaon'ny Bahrainis, izay matetika no tonga avy any amin'ireo tany madinika manodidina, izay ampandoavin'izy ireo vola ho  “sàran'ny visa” raha toa izy ireo ka manapa-kevitra hiasa aminà mpampiasa hafa.

Nefa kosa ho an'ny sasany any Barhain, izay misedra olana ara-ponenana sy tsy fanànana asa ny mponina ao aminy, miteraka ahiahy ilay hevitra hanamoràna ny asan'ireo vahiny eo an-toerana.

Ny mpitoraka blaogy Mohammed Marhoon no mamaritra  trangam-piainana iray tsy ela akory: