Global Voices teny Malagasy » Vaovao Mafana

Alzeria sy Ejipta: Efa tsy resaka baolina fandaka intsony

Jentilisa — Sun, 22 Nov 2009 21:42:04 +0000

MpanoratraTarek Amr · Nandika Jentilisa · vakio ato ny lahatsoratra nadika

Iza moa no mba nino fa niteraka romoromo amina firenena roa tahaka izao ny lalao baolina fandaka iray? Saingy ny marina dia tafakatra hatrany amin'ny dingana tsy nampoizina ny fifanenjanana teo amin'i Ejipta sy Alzeria. Maro ny mpamaham-bolongana no mihevitra fa tsy misy ifandraisany ilay lalao sy ny gidragidra misy eny an-dalambe, ary maro ihany koa no tahaka ahy no tohina tanteraka fa misy ireo fampahalalam-baovao malaza no tsy mahatakatra akory ny fandehan'ny tantara iray manontolo - Mbola mino ihany ireo fampahalalam-baovao ireo fa fihetsiketsehana sy gidragidra eo amin'ny samy mpanohana ny ekipam-pireneny noho ny vokatry ny lalao no misy. Toy izao ary ny antsipirian'ny fivoaran'ny toe-draharaha - araka ny nosoratan'ny mpamaham-bolongana.
Taorian'ny lalao natao tany Ejipta dia nilaza ny gazety Alzeriana fa nisy ny Alzeriana no maty (saingy nolavin'ny ambasadera Alzeriana any Le Caire izany vaovao izany). Niteraka fanafihana ny fonenana sy toeram-piasana Ejipsiana tany Alzeria izany tsaho izany; Potika ny masoivohon'ny Egypt Air. Notaterina ihany koa fa mpiasa Ejipsiana mihoatra ny 1500 no voatafika sy voatakalon'aina tao anatin'ny rotaka; Voatery narovan'ny mpitandro ny filaminana Alzeriana ihany koa ny Ambasady Ejipsiana.

Manoratra ireny tsahotsaho ireny ao amin'ny bolongany El Journaljy i Ihab Omar:

ثم اتت الطامة الكبرى، حينما رأى الاعلام الجزائري ان الادعاء بوجود وفيات في المبارة سوف يدعم الموقف الجزائري بطلب اعادة المباراة، خاصة ان ملف المباراة تحت التحقيق بالفعل في الفيفا، و هكذا خرجت الصحف الجزائرية تتحدث عن نعوش جزائرية وصلت الي مطار الجزائر قادمة من مصر، جثث المشجعين الجزائريين المساكين الذين طاردهم المصريين الهمج في كل شوارع مصر

Tonga ny tsy nampoizina, rehefa nilaza ny fampahalalam-baovao Alzeriana fa nisy ny mpanohana ny ekipan-dry zareo no maty. Noheverin-dry zareo fa raha manao izany ry zareo dia afa-mangataka fanafoanana ny lalao, indrindra moa fa hoe eo ambany fiahian'ny FIFA io lalao io. Avy eo dia nanambara ireo gazety Alzeriana ireo fa nisy vatampaty avy any Ejipta tonga tany amin'ny seranam-piaramanidin'izy ireo. Mitondra ny vatamangatsiakan'ireo mpanohana Alzeriana notafihan'ny barbariana Ejipsiana nanerana ny lalamben'i Ejipta ireo vatapaty ireo araka ny filazany.

Taorian'izany dia nandà ny fisian'izany ny Ambasadera Alzeriana ka nilaza fa tsy nisy Alzeriana maty izany tany Ejipta. Saingy araka ny nosoratan'i Inferad ao amin'ny bolongany, dia tsy nahasakana ny fielezan'ny tsaho sy ny herisetra niaraka taminy io fanambarana io.

وأشار السفير حجار إلى أن ما أشاعته صحيفة “الشروق” الجزائرية يوم الأحد عن مصرع سبعة جزائريين بالقاهرة عقب المباراة عار تماما من الصحة، مؤكدا أن هذا الأمر لا يمكن أن يحدث دون علم السفارة، منوها في الوقت ذاته بوجود إصابات بين عدد من الجزائريين نتيجة للتدافع أثناء خروجهم من استاد القاهرة عقب المباراة
يأتي ذلك في الوقت الذي أكدت فيه الخارجية المصرية تعرض العاملين في عدة شركات مصرية بالجزائر لإصابات واعتداءات جماهير جزائرية تقدر بالآلاف، جراء الإشاعات التي روجت لها الصحف الجزائرية لها عقب المباراة

Nanambara moa Atoa Hajjar, Ambasadera Alzeriana any Ejipta, fa tsy misy fahamarinany mihitsy ny navoakan'ny “El Chorouk” milaza ny fahafatesana mpanohana Alzeriana fito tany Le Caire. Nampiany moa fa tsy misy zavatra tahaka izany ka tsy fantatry ny masoivoho, na izany aza dia maromaro ny naratra noho ny firohotana nivoaka ny kianjan'i Le Caire.
Taorian'izany moa dia nanambara ny minisitry ny raharaham-bahiny Ejipsiana fa maro amin'ny Ejipsiana miasa any Alzeria no notafihan'ny Alzeriana anarivony notarihin'ireny tsahotsaho ireny, izay niely tamin'ny alalan'ny gazety Alzeriana.

Nandritra sy taorian'ny lalao tany Ejipta moa dia mbola nilamina ny tontolom-bolongana Ejipsiana. Nanoratra ny mpamaham-bolongana tahaka an'i Nile Wise fa lalao baolina fandaka fotsiny iny ka tsy tokony hanao zavatra mihoam-pampana ny olona:

مباراة كرة القدم بين الفريق المصرى والجزائرى تحولت وبشكل سخيف الى مايشبه اعلان الحرب بين الدولتين ,فالمباراة مهما كانت اهميتها للفريقين فانها فى النهاية مجرد مباراة نعلم جميعا أن مصر لم تتأهل لكأس العالم من 20 عام والجزائرلم تتأهل منذ 24 عام

Niofo ho fihantsiana ady teo amin'i Ejipta sy Alzeria ny lalao baolina fandaka nisy teo amin'ny roa tonta. Lalao baolina fandaka tsotra iny raha tsy jerena ny lanjany eo amin'ny ekipa tsirairay avy, indrindra moa rehefa fantatsika rehetra fa tsy tafita amin'ny dingan'ny famaranana eo amin'ny fiadiana ho tompondaka erantany i Ejipta tao anatin'ny 20 taona izay, raha 24 taona kosa izany ho an'i Alzeria.

Nanambara ny bolongana tahaka an'i Inferad fa ny fampahalalam- baovao eo amin'ny firenena roa tonta no mendrika hotreronina. Niangavy ny olona eo amin'ny firenena roa tonta izy tsy hinohino fahatany izay vakìny sy henony:

لا تصدق كل مايقال لك عن اعمال عنف ضد المصريين فى الجزائر ولا عن قتل الجزائريين فى شوارع القاهرة ..نعم هناك حالة احتقان يفتعلها الاعلام المتطرف بمساندة حكومات فاسدة وفاشلة هنا وهناك ..حكومات لا تعبر عن الشعوب بل استولت على السلطة بالقوة وتحاول الهاء الشعوب بمباريات الكرة والافلام العارية والصحافة الداعرة

Aza mino izay rehetra voasoratra amin'izany hoe Ejipsiana notafihina tany Alzeria na Alzeriana nisy namono tany Le Caire izany. Eny, misy ny faka mangidy (lonilony) foronin'ny fampahalalam-baovao ary ankasitrahan'ny governemanta mpanao kolikoly andaniny sy ankilany - governemanta nahazo fahefana tamin'ny alalan'ny hery, ary te-hisarika ny fifantohan'ny olona amin'ny baolina fandaka, fiboridanana, ary amin'ny gazety tia fanafintohinana (horikorika na journaux à scandales).

Misy ihany koa ny mpamaham-bolongana hafa tahaka an'i Al Journaljy, no manaiky ny fisian'ny herisetra nisy eo amin'ny firenena tsirairay natao tamin'ny mpankasitraka ny hafa:

في مباراة الذهاب التى اقيمت بين مصر و الجزائر هنالك في التصفيات الجارية حالياً، تم قذف اتوبيس المنتخب بالحجارة في شوارع الجزائر

Nandritra ny lalao natao tany Alzeria dia voatora-bato teny an-dalana ny fiara nitatitra ny ekipa ejipsiana.

Ary dia nanohy izy:

سهر الجماهير محدثين أكبر قدر من الضجيج و العربدة اسفل نوافذ اللاعبيين المصريين حتى لا ينعمون بالراحة والنوم لمباراة اليوم التالى

Nandany ny alina hitabataba teny akaikin'ny trano natorian'ny mpilalao Ejipsiana ny mpanohana an'i Alzeria mba tsy hahafahan'ireo mpilalao ireo miala sasatra sy matory.

Nanaiky ihany koa izy fa tsy tsara tahaka ny mpanohana an'i Ejipta ny mpanohana an'i Alzeria, ary samy nanao ny hadalany ry zareo talohan'ny lalao natao tany Le Caire.

و لنصل الي المحطة الاخيرة، الي مباراة السبت الماضى، بالطبع كان هنالك تجاوزات جرت من الطرف المصرى

Ary nitranga izany nandritra ny lalaon'ny sabotsy, azo itokisana fa nisy ny fihoaram-pefy nataon'ny andaniny Ejipsiana.

Ary izao ihany koa no nanoratan'i Daily Barid avy hatrany:

هناك أمر مؤكد بشأن أعمال الشغب من الجانبين المصري و الجزائري فهم ليسوا ملائكة والكل يعلم هذا ,ولكن من يفصل في هذه الأعمال هي السلطات وليس أحد آخر و يجب أن تتحمل السلطات مسؤولياتها الكاملة إذا كان هناك وفيات كما أشيع ولا أتمنى ذلك فالوحيد المسئول عن هذا الأمر هو القضاء و التعامل يكون كالتعامل مع أي قضية إجرامية ودون التوسع إلى أمور أخرى يجب على السلطات في كلى البلدين محاسبة جميع الوسائل الإعلامية غير النزيهة و التي ساهمت بشكل فاضح و شرير في إلهاب مشاعر الحقد بين أفراد الشعب ين

Azo itokisana fa samy nanao herisetra na ny Ejipsiana na ny Alzeriana. Tsy olo-masina ireo, ary samy mahalala izany ny rehetra. Fa ny governemanta (roa tonta) no tompoon'andraikitra nifampiraharaha tamin'ireo nanao action fa tsy tamin'ny hafa. Raha nisy ny fifamonoana, manantena aho fa ny rafi-pitsarana no miditra an-tsehatra, ary tokony ho raharahan-keloka ihany. Tokony hanasazy ny fampahalalam-baovao tsy nanaja ny etikany niteraka savorovoro teo amin'ny vahoaka roa tonta ny governemanta roa tonta.

Raha ny marina ireo zava-nitranga notantaraina tetsy ambony ireo dia azo heverina ho fampidirana ny zava-nitranga tamin'ny alarobia teo tany Soudan. Toy ny manao famaranana na ny Ejipsiana na ny Alzeriana mba ahafahana mahafantatra izay hiakatra amin'ny dingana famaranana hotontosaina any Afrika Atsimo amin'ny herintaona.

Misy ny mpamaham-bolongana manahy fa hisy herisetra hihatra amin'ny mpijery baolina Ejipsiana any Soudan. Izany no nahatonga an'i Lokmet Eish miantso ny mpitandro ny filaminana hiaro ny mpanohana sy ny mpilalao Ejipsiana any:

بعد أخبار صحيفة الخبر الجزائرية المفبركة والكاذبة
مطلوب حماية أمنية خاصة للفريق القومى المصرى،وللجماهير المصرية المرافقة

Taorian'ny vaovao tsy marina navoakan'ny gazety Alzeriana, Al Khabar, dia nisy ny mpitandro ny filaminana manokana nangonina hiaro ny mpanohana sy ny mpilalao Ejipsiana.

Nanao izay ho afany ihany ny Sodaney hifehezana ny kianja tamin'ny nandefasana miaramila miisa 15 000. Saingy efa nivadika moa ny toe-draharaha ka na dia maro tahaka izany aza tsy mbola ampy hahafehy ny raharaha. Nosoratan'i Zeinobia ao amin'ny bolongany izay nitranga:

Natory tamin'alahelo ny ankamaroan'ny Ejipsiana halina taorian'ny faharesena teo anatrehan'i Alzeria, lalao io ary samy mahafantatra fa mety ho resy izahay ary tsy izay akory no farandro saingy mbola niari-tory ihany ny maro amin'ny Ejipsiana manerantany hatramin'ny maraimbe fa hazain'ny jiolahimboto Alzeriana romotra hoe, raha izay no ilazako azy, ny mpanohana antsika nandritra ny alina.
Ejipsiana anarivony no nandany ny alina tany ampiafenana na izany tany amin'ny trano fandriambahiny na trano fisakafoanana na tany amin'ny orinasa Ejipsiana HQ ao Khartoum ary misy aza miafina any an-tranon'ny Sodaney noho ny tahotra sao dia tratra ka voadaroky ny jiolahimboto Alzeriana entin'ny voromby Alzeriana.
Araka ny filazan'ny nanatri-maso tao amin'ny kianja Sodaney dia tsy ireo mpanohana Alzeriana mahazatra ireo tonga tany ireo, tsy nohirainy akory manko ny hira malaza ahafantarana azy ireo manao hoe “1,2,3 Algerie”. Jiolahy efa zatra ady namotsy ny tsenan'i Um Darman tao anatin'ny telo andro katroka tamin'ny alalan'ny kalaza, antsy, sabatra ry zalahy ireo. Mazava loatra fa efa nampitandremana izahay fa tsy noeritreretinay ho tahaka izany ny fandehany indrindra moa efa fantatra fa resy isika. Teny ampividianana tapakila aza dia efa maro ny Ejipsiana tsy nandeha tany noho ny tahotra hisian-javatra tahaka izao indrindra.
Nihaza ny fiarakodianay sy ny fiarabenay tamin'ny vato sy tavoahangy ireo jiolahy Alzeriana ireo, ary maro mihitsy ny Ejipsiana no naratra. Ny seranam-piaramanidin'i Khartoum moa dia tahaka ny tsy haiko ny milaza azy,mety hoe mahantra noho ny toe-karena fa tena hipoka, tena hipoka mihitsy.
Nandritra ny alina manontolo ny firenena no mahare antsom-pihorohoroana avy any Soudan ataon'ny olo-malaza, mpanao gazety, solombavambahoaka sy mpanohana mahazatra izay voafandrika any an-dalamben'i Khartoum any mandritra ny ora ary tsy mahafantatra izay lalan-kodiavina.

Nanoratra momba ny mpankasitraka Ejipsiana iray poa-maso noho ity raharaha ihany koa izy, ary mampitaha izay nitranga ihany koa 20 taona lasa izay raha nanapoaka masona mpankasitraka Ejipsiana iray ihany koa ny mpankasitraka Alzeriana iray:

Aoka ho fantatrao fa olo-pirenena Ejipsiana iray antsoina hoe Marwa Abdel Karim ihany koa no poa-maso, tahaka ny hoe misy fifandraisany fa nanao toy izany tamina olo-pirenena Ejipsiana hafa ihany koa 20 taona lasa izay i Baloumi tamin'ny 1989.

Eto ihany koa dia nanoratra izay nitranga tany Soudan i Bani Adam Maa Waqf El Tanfeez. Nosoratany ny lahatsary iray nivoaka an-tserasera nampitandrina ny Ejipsiana tsy hankany, ary misy ahitana ireo mpankasitraka Alzeriana mitondra antsy eny an-tanany:

أولا أعتذر عن سوء فهمي للموضوع و قيامي بمبادرة تعمل على نبذ التعصب و للأسف كتبت عنها الجرائد الجزائرية .. مما يجعلني أشعر بالعار الآن
لا أعرف كيف لم أصدق كلامهم .. فقد شاهدت بعيني فيديو أسمه ( تحذير لكل مصري ) يقول فيه كل ما سوف يحدث و أنهم سوف يرسلون بلطجيه و لصوص و مسجلين خطر للانتقام من المصريين
بعد فهمي للموضوع أري أن الحكومة الجزائرية و سفيرها في مصر مشارك في المجزرة التي حدثت

Tena miala tsiny indrindra aho, noho ny tsy fahazoako ny resaka iray manontolo ary niantso fandraisana andraikitra hampitsahatra ny herisetra misy eo amintsika sy ny gazety Alzeriana nanoratra momba an'io. Tena manao azafady indrindra noho izany aho ankehitriny.
Tsy fantatro hoe naninona no tsy ninoako izay nambaran-dry zareo. Nahita ny lahatsary iray navoakan'izy ireo aho [tao amin'ny YouTube] izay “Nampitandrina ny Ejipsiana rehetra”, izay efa nilazan-dry zareo ny hitranga ary efa nanampikasana ny handefa mpamono olona mitondra fitaovam-piadiana hamaly faty ny Ejipsiana.
Ankehitriny hitako fa nandray anajara tamin'ity famonoana ity ny governemanta Alzeriana sy ny ambasaderany.

Ary dia notohizany ny resaka:

أرسلت مصر خير أبنائها لمشاهدة المباراة لإضفاء نوعا من السلام و الحب ..
فمن في الوطن العربي كله ؟ لا يسمع محمد فؤاد ؟؟ من في الوطن العربي كله لا يحترم الفنانة فردوس عبد الحميد . من الوطن العربي كله لم يضحك على كوميديا الفنان احمد بدير ؟؟ و غيرهم و غيرهم
أنهم رموز مصر و رموز الوطن العربي كله
بينما أرسلت الجزائر أبنائها من قاطعين الطرق و مسجلين الخطر و غيرهم و نقلتهم على قواتها الحربية ؟؟ كما أكدت وسائل الإعلام أمس أن الجزائر كانت تستخدم الطائرات الحربية ؟؟؟
أذن الجزائر تكره مصر ؟؟
نعم
الجزائر تكره مصر …. الجزائر أعلنت الحرب و نحن كنا نقول وردة لكل جزائري
هل رأيتم شعب يتصرف بساذجة مثلا !! بالطبع

Nandefa ny vato nasondrotry ny tany avy amin'ny fiaraha-moniny tany i Ejipta hijery ny lalao, mba ho mariky ny fitiavana sy ny fandriampahalemana.
Iza tamin'ny tontolo arabo moa no tsy efa nihaino an'i Muhammad Fouad [mpihira ejipsiana], na efa nanaja an'i Fardous Abdel Hameed [mpanao tantara tsangana Ejipsiana], na efa nihomehy tamin'ny hatsikan'i Ahmed Bedeir. Ary ireo hafa ihany koa.
Olomangan'ny Arabo ireo.
Nefa etsy ankilan'izany kosa i Alzeria dia ireo mpisetrasetra sy mpamono olona no notaterin'ny voromby maro an'ny miaramila.
Koa mazava ankehitriny fa mankahala an'i Ejipta i Alzeria. Eny, halan'i Alzeria i Egypt, ary efa nihantsy ady tamintsika, raha mbola teo ampiresahana raozy ho an'i Alzeriana tsirairay isika.
Efa nahita vendrana tahaka antsika tahaka izao ve isika taloha? Tena tsia mihitsy.

Ary dia hita ampahibemaso izany ankehitriny, vonton'alahelo (adala) noho izay nitranga tany Soudan na ny fampahalalam-baovao, na ny vahoaka eny an-dalambe, na ny fitondrana Ejipsiana.

Manoratra ato izay nolazain'ny manam-pahefana Ejipsiana i Zeinobia:

Nampiantso ny Ambasadera Ejipsiana (hody) i Ejipta tao anatin'ny fotoana efa naharatsy ny fifandraisantsika ka vao maika nanampy trotraka ny faharisarisam- pifandraisana tamin'i Alzeria izany
Efa tsy hita eto Ejipta intsony ny Ambasadera Alzeriana, mino aho fa mangoron'entana izy izay.
Efa mifaninana amin'ny fepetram-piarovana ny ambasadin'i Etazonia, i Isiraely ary i Danemarka ny fiarovana any ambasady alzeriana ao amin'ny lalana Brezila any Zamalek.
Nisy fifampiantsoana hanafika ny ambasady manko hatramin'ny maraimbe tany amin'ny takelaka facebook
Nanao fanambarana ofisialy mitsipaka sy manameloka ny fanafihana ny mpanohana antsika ny federasiona Ejipsiana , antenaina fa hotaterintsika any amin'ny FIFA izany
Niala tao amin'ny federasiona baolina fandaka Afrika avaratra ny federasiona Ejipsiana
Nanambara ny orinasa mpamokatra lahatsary tantara (tantara an-tsarimihetsika) Ejipsiana “ orinasa Arabo mpamokatra sy mpampiely lahatsary tantara” fa hanao ankivy ny hetsika Alzeriana.

Tarek Amr

Honduras: Hanomboka hifarana ny krizy?

Jentilisa — Sat, 31 Oct 2009 21:09:26 +0000

MpanoratraLeonidas Mejia · Nandika Jentilisa · vakio ato ny lahatsoratra nadika

Manokatra ny varavaran'ny famahana ny krizy, nanomboka tamin'ny 28 jona 2009 tamin'ny nanonganana ny Filoha Manuel Zelaya ny nanasoniavana ny “Fifanarahana fifampidinihan'i Guaymuras ao San José/Tegucigalpa [es]”. Nanao ny sonia tamin'ny 29 oktobra teo ny ekipa nisolo tena an'i Zelaya sy ny an'ny filoha vonjimaika Roberto Micheletti, miaraka amin'ny faneken'i Etazonia, na raha tononina mazava dia ny sekreteram-panjakana lefitra misahana ny raharahan'ny hemisfera, Atoa Thomas Shannon.

Ny tena niompanan'ny fifanarahana izay niadian-kevitra indrindra sy nampandamoka ny fifanarahana hatramin'izay dia ny momba ny hierenan'i Zelaya na tsia eo amin'ny fitondrana indray. Mametraka fifampizaram- pahefana ity fifanarahana ity sy ny hanekan'ny andaniny sy ny ankilany ny valim-pifidianana izay hotanterahina amin'ny 29 Novembra ho avy izao. Eo ampelatanan'ny Kongresy Nasionaly moa amin'izao fotoana izao ity fifanarahana ity, izay tsy maintsy hanaiky nefa izy ireo ihany no nandrotsa-bato ny hanalana an'i Zelaya 120 andro mahery izay.

Saripikan'i NewsHour ary ambany fahazoan-dalan'ny Creative Commons license

Midera izao fifanarahana vita sonia izao ny Fiarahamonina Iraisampirenena. Manohana ny fifidianana hotontosaina amin'ny volana novambra ny Vondrom-pirenena Amerikana [kaontinanta], tahaka iany ihany koa ny Vondrona Eoropeana sy i Etazonia, izay efa mamoaka visa ho an'ny firenena indray, izay nandraisana fepetra nanerena ny fitondran'i Micheletti.

Mifangaroharo ny fanantenana sy ny fisalasalana any Honduras. Fanantenana fa hivaha araka izay haingana indrindra, farafaharatsiny ny toe- java- misy ankehitriny, ny krizy politika, ekonomika, ary sosialy izay niainan'ny firenena hatramin'ny volana jona. Fisalasalana satria mbola eo ampelatanan'ny Kongresy ny momba ny fiverenan'i Zelaya. Misy noho izany ny hevitra mivoaka avy amin'ny bolongana:

Ao amin'ny bolongana Nacer en Honduras [es], no anoratan'i Ardegas “Hiverina hitondra ve i Zelaya? Fanontaniana mampihazohazo,” ary dia nojereny ny sakantsakana mety hatrehiny mialoha ny hiverenany eo amin'ny fitondrana. Ohatra, nosoratan'i Ardegas fa tsy hanakery ny famerenana hitondra indray raha tsy ahanton'ny Fitsarana Tampony ny didy fampisamborana an'i Zelaya.

Mino i Juan Carlos Rivera ao amin'ny Mirada de Halcón [es] :

La crisis aún no ha terminado, el acuerdo es, a penas, la puerta hacia la resolución del conflicto. La inestabilidad, la convulsión social, continuará si no retorna Manuel Zelaya Rosales al poder. Esto no lo digo yo. Lo grita la gente que está en la calle. La mayoría de hondureños exige la reintegración del presidente que eligieron en noviembre de 2005.

Mbola tsy tapitra ny krizy, varavarana misokasoka ialana amin'ny fifanandrinana ny fifanarahana. Mbola hitohy ny fikorontanana raha tsy miverina mitondra i Manuel Zelaya Rosales. Tsy izaho no miteny izany. Fa izany no tabataba eny an-dalambe. Mitaky ny hamerenana amin'ny toerany ny filoha nofinidiny tamin'ny novambra 2005 ny ankamaroan'ny Hôndiorianina.

Ao amin'ny bolongana Hibueras [es], no ilazan'i Gustavo Zelaya ny fifanarahana voasonia ho “Lalana mankamin'ny Fankalazana?” ka nanambarany ny heviny mikasika ny fitsabahan'i Etazonia amin'ny raharaham-pirenena:

Esto era lo fundamental para muchos, en especial para los gringos encabezados por Shannon y para el resto de los candidatos presidenciales. Y aquí es donde se nota con toda claridad quiénes son los que mandan, ordenan, imponen y deciden en los asuntos nacionales. Ya no sólo les debemos la clasificación al mundial.

Fototra ity ho an'ny vahoaka maro, indrindra ho an'ny Amerikana tarihin'i Shannon sy izay rehetra mpirotsaka hofidiana ho filoha hafa. Mazava tsara eto hoe iza no manday ny andraikitra, iza no manome baiko, iza no mametraka sy manapa-kevitra amin'ny raharaham-pirenena. Noho izany tsy ny fahatafidiran'i Etazonia handray anjara amin'ny fiadiana ny ho tompondaka erantany ihany no adidintsika.

Farany, milaza ny bolongana Honduras en el Mundo [es] fa “mampiandry antsika ny Kongresy:”

Hay que estar vigilantes, y espectantes, la restitución está cerca, pero no hay que confiarse, esperamos que los diputados del Congreso sean consecuentes con el país, que reparen el delito que cometieron, y solucionen este problema, para que de una buena vez sea revertido este golpe de Estado.

Tsy maintsy mailo ny rehetra sy hijery tsara, manakaiky ny fiverenana, saingy tsy tokony hatoky tena be loatra ny tsirairay, antenaina [hijery ny tombotsoan'ny firenena] ny solombavambahoaka, ary hanonitra tamin'ny heloka nataony, ka hamaha ity olana ity, mba hitsimbadika indray mandeha tsy miverina ny fanonganam-panjakana.

Leonidas Mejia

Tonizia: Fifidianana madio sy tsy mitongilana?

Jentilisa — Tue, 27 Oct 2009 10:17:13 +0000

MpanoratraLina Ben Mhenni · Nandika Jentilisa · vakio ato ny lahatsoratra nadika

Araka ny efa tsikaritra mialoha dia nandresy tamin'ny fifidianana toniziana indray ka hitantana fanindiminy ny firenena ny filoha Zine Al Abidine Ben Ali. Ny tsy nantenaina dia ny 89.69%n'ny vato rehetra azony. Ny faminavinana manko dia nametraka fa tokony hahazo vato bebe kokoa noho io izy.

Tafavoaka tsara ihany koa ny antoko mitondra misy an'i Ben Ali dia ny Fivondronana ara-Dalampanorenana Demokratika. Nahazo toerana 161 amin'ny 214 ry zareo ao amin'ny parlemanta. Antoko enina no nifampizara ny toerana 53 ambiny: Hetsika ho an'ny Demokraty Sosialista, toerana16; Antoko Iraisam-Bahoaka, tarihin'i Mohamed Bouchiha, toerana12; Ny Firaisana demokratika Inionista an'i Ahmed Inoubli, toerana 9; Antoko Sosialy Liberaly, toerana 8; Antoko Maitso ho amin'ny Fandrosoana, toerana 6 ary ny antokon'i Ahmed Brahim dia ny Antoko Ettajdid, toerana 2.

Nilaza ny antoko mitondra fa nadio sy tsy nitongilana ny fifidianana 2009. Saingy hafa kosa ny hevitry ny mpitarika ny antoko mpanohitra sy ny mpamaham-bolongana : Mihevitra izy ireo fa nampiavaka ity fifidianana filoham-pirenena sy solombavambahoaka notontosaina tamin'ny 25 oktobra 2009 tany Tonizia iny ny fanakatsakanana sy ny fanemporana nandritra ny fampielezan-kevitra.

Tamin'eso no nanamarihan'i Arabasta fa :

مبروك عليكم ما عملتو
نتوجه بالشكر أولا إلى الشعب التونسي اللي قام بواجبو الإنتخابي في كنف الديموقراطية و الشفافية و الروح الرياضية البارح و إنتخب رئيس جديد للبلاد و مجلس نواب أخر لمدة خمسة سنين. الإختيار هذا كان محكم و مدروس و حتى واحد ما حاول يأثر على العباد و حتى من التلفزة و الصحافة كانو في المستوى و عطاو وقت متساوي لكل المترشحين و الأنصار متاعهم بقطع النظر عن
قربهم أو بعدهم عن السلطةنتوجه بالشكر زادة لسيادة رئيس الجمهورية (لمدة 5 سنوات أخرى) و نعتذر عن عدم الدعوة و التصويت ليه و نستنكر و نشجب
التصرفات المشينة هذي أما نذكر أنو عمري ما شككت في نزاهة الإنتخابات و حريتها، فمن المعروف أنو في حالة تزوير الإنتخابات النتائج تكون من نوع 99،98% لكن الملاحظ النزيه يعرف أنو نتيجة 2009 ما تبعدش برشة على النسبة اللي ربح بيها شيراك في 2002 في فرنسا و لذا فالإنتخابات هذي إرتقت بينا إلى مصاف الدول العظمى و المتقدمة

Arahabaina tamin'izay vitanareo e!
Mivantana any amin'ny olom-pirenena Toniziana ny fankasitrahako voalohany izay namita ny adidiny teo anatin'ny mangarahara sy tamim-pomba demokratika omaly. Nifidy ny filoha vaovao ho an'ny firenena sy parlemanta vaovao hiasa dimy taona hafa indray izy. Efa nolanjalanjaina sy natao tamim-phendrena tokoa iny safidy iny. Tsy nisy ny nanindry ny olona ary tsy nitongilana fa nizara tamim-pahitsiana ny fotoana ho an'ny kandidà rehetra sy ny mpanohana azy ny televiziona sy ny gazety fa tsy nojereny ny fifandraisany amin'ny goernemanta.
Mankany amin'ny filoha (izay voafidy hiasa dimy taona fanampiny indray) ihany koa ny fankasitrahako ary manao azafady aho raha tsy nanohana sy tsy nifidy azy. Melohiko mihitsy ny fihetsiko na dia tsaroako tsara aza fa tsy nanontany ny momba ny tsy fironana sy ny tsy fitongilanan'ny fifidianana mihitsy aza aho. Ary efa fantatra moa fa raha nisy ny hosoka nandritra ny fifidianana dia tokony ho 98.99% ny vato azo. Fa ny mpitazana tsy mitongilana dia mahita fa tsy mifanalavitra loatra noho ny valim-pifidianana tany Frantsa tamin'ny 2002 izay nandresen'i Chirac ity valim-pifidianana 2009 ity. Izany no ahafahantsika miteny fa miaka-tsanda kokoa hiara-milahatra amin'ny firenen-dehibe sy mandroso isika.

Nanoratra tamin'ny tenim-paritra Toniziana i Nakhlet Wed El Bey (Voanio eo amin'ny reniranon'i Bey) :

أنا لا أشكك في نزاهة التمثيلية الإنتخابية
…
آش كان عليه لو كان حلّينا اللعب شويّة
و نزعنا الأكمام من أفوه المعارضة الحقيقية
لإنتصر الرئيس بسبعة و سبعين في المية
و انتزعنا من قلوب الرعايا النفاق و السكيزوفرينية

Tsy manontany ny momba ny fahadiovana sy ny tsy fitongilanan'ny ankamantantra antsoinahoe fifidianana toniziana aho.
Fa ny amin'ny hoe raha mba mahalefitra kokoa isika
Ary mandray ny valanoranon'ny tena mpanohitra
Avy amin'izay dia mety ho nandresy tamin'ny isan-jato 77.7% ny filoha
Ary dia mety ho nahala sy fihatsarambelatsihy sy ny aretin-tsaina tamin'ny fon'ny olom-pirenena isika

Some Thoughts from Tunisia [eritreritra sasany avy any Tonizia] kosa indray, tamin'ny lafiny ilany no nitantara izay nitranga taminy raha nandeha nifidy tamin'ny ora faramparany tamin'io andro io izy :

كيما قلت سبقني مرافقي للقاعة متاع الانتخاب وكيف دخلت انا نلقا الدنيا داخلة بعضها والجماعة يتغامزو عليه ويتلفوا في الجرّة (ما فاقوش اللي احنا مع بعضنا). اكهو فهمت آش صار: ضهر السيّد مازال في دارو وهوما ريڨلولو اموروا وانتخبوا في بلاصتوا وصححوا في الدفتر في بلاصتوا… آيا قالولو ما صار شيء برّا للخلوة اختار وموش لازم تصحح (الورقة كلها مصححة وماعادش فمة بلايص)… هاذا كلّو صاير وانا واقف نتفرّج!! السيّد مشى للخلوة وانا نسمع فيهم يْوَشْوْشُو ويحكيو بالسرقة بالحرف الواحد:
“هذا العمدة انتخب في بلاصتوا…!!!!”

Araka ny nolazaiko, teo alohako ho any amin'ny efitra fisainana ny namako. Rehefa niditra ny efitrano aho dia hitako ny fikoropahan'olona sy ny pi-maso nifanaovan'ny sasany sy ny hafa mody tsy mahita izany rehetra izany ka sahala ny hoe tsy nisy na inona na inona nitranga (Tsy fantatr'izy ireo fa niaraka izahay). Azoko avy hatrany ny zava-nitranga: Raha mbola tany an-trano izy dia efa nandrotsa-bato sy nanasonia teo amin'ny toerany ry zalahy.
Avy eo dia nilaza tamin'[ilay namako] ry zareo: “Tsy misy na inona na inona nitranga, mahazo mifidy izay tianao hofidiana ianao fa tsy mila manao sonia intsony. (Efa voasonia avokoa ny taratasy iray manontolo ary tsy misy intsony ny toerana azo anaovana sonia).
Nitranga avokoa izany rehetra izany nandritra ny nitsanganako teo. Nandeha nifidy ilay namako ary henoko ny bitsibitsika hoe:
Ny “Omda” (ampanjakan'ny vondron'olona) no nifidy teo amin'ny toerany.

Lina Ben Mhenni

Porto Rico: Fanadiovan-tsolika nipoaka

Jentilisa — Sun, 25 Oct 2009 12:06:18 +0000

MpanoratraFiruzeh Shokooh Valle · Nandika Jentilisa · vakio ato ny lahatsoratra nadika

Nirefotra tanteraka tamin'ny zoma 23 oktobra teo tamin'ny 12 sy sasany atoandro ny fanadiovan-tsolika an'i Gulf Oil (Caribbean Petroleum Company-CAPECO) ao Bayamón, Porto Rico. Saika ny fitoeran-tsolika 20 no nipoaka avokoa, mbola misy afo mirehitra hatrany na dia efa voafehy aza, ary tsy nitsahatra nandrakotra ny lanitra ny andriafo. Mihoatra ny 1 000 ny olona manodidina no nafindra toeran-kafa, ary nambara ka latsaka an-katerena ny fivondronana dimy manakaiky azy. Samy nanambara ny fiantraikan'ny fahasimban'ny tontolo maitso sy ny aterak'izany eo amin'ny fahasalaman'ny olona amin'ity voina ity avokoa na ny manampahaizana na ny mpikatroka [mpiaro ny tontolo iainana]. Efa an-taonany ihany koa no nampitandreman'ny olomboafidy manodidina ny governemanta ny loza ara-tontolo iainana sy ara-pahasalamana mitatao rehefa mipetraka manodidina toeram-panadiovan-tsolika tahaka itony.

Mbola fantarina amin'izao fotoana izao ny antony niteraka ity fipoahana ity.

Lahatsarin'ny fipoahana nampidirin'i Zuper J tao amin'ny YouTube.

Ao amin'ny Haciendo punto en otro blog [ES], no miresaka ny mpanao gazety sady mpamaham-bolongana Carmel Ruiz:

On Thursday night the Gulf Oil refinery in the nearby town of Cataño blew up. The blast and shock waves were felt twenty miles away. It was a sound like nothing I had ever heard in my life (the shock wave actually opened my bedroom door). In the four or five seconds after the explosion, the fireball was as bright as the three o'clock sun The fire is still burning, the plume of smoke is like nothing ever seen in Puerto Rico.

Nipoaka ny fanadiovan-tsolik'i Gulf Oil mifanila amin'ny tanànan'i Cataño tamin'ny alin'ny alakamisy. Heno hatrany amin'ny 20 maily manodidina ny fipoahana sy ny hovitrovitra niaraka taminy. Feo tsy mbola henoko hatrizay niainako no henoko (ary nahasokatra ny varavaran'ny efitrano fatoriako mihitsy). Efatra na dimy segondra taorian'ny fipoahana dia nanazava tahaka ny masoandro amin'ny telo ora ireny ny tselatr'afo. Mbola mirehitra izy amin'izao ary tsy mbola nahitana setroka tahaka izay mihitsy teto Porto Rico.

Sarin'ny andrisetroka nateraky ny fipoahana. Saripikan'i Alberto Marty.

Tohina tamin'ny fipoahana ny mpahay tantara sy mpamaham-bolongana Ivone Acosta, araka izay nasehony tao amin'ny Sin mordazas [ES]:

No me atrevo salir. Ya dos amigas que conocen mis alergias me llamaron para advertirme eso mismo, que no salga porque el aire contiene demasiados particulados peligrosos y que cierre todas las ventanas. Como quiera, no me interesa ver la histeria de la gente que por menos que eso se paniquean. Ya he visto comentarios en el periódico en línea acusando a “los socialistas de siempre”.

Tsy nahasahy nivoaka aho. Efa namana roa mahalala ny zavatra ny maha-alerjika ahy [tsy zakako] sahady no efa nampitandrina ahy mba tsy hivoaka ny trano satria miaty singa mampidi-doza maro ny rivotra. Nilaza izy ireo ny hanidiako ny varavarankely. Na izany na tsy izany, tsy izaho no tsy miraharaha mahita ny korataba sy ny fikoropahan'ny olona na dia amin'ny zavatra tsy dia manao ahoana aza. Efa nahita sahady ny hevitry ny gazety miampanga “ireo sosialista antitra ihany” ho nahatonga ny fipoahana aho.

Ilaina aloha ny mampahafantatra kely ny zava-misy mba ahazoana ny tian'i Acosta lazaina. Vao tsy ela akory manko izay fa vao tamin'ny 15 Oktobra dia nisy fitokonambe teto Porto Rico. Nampangain'ny mpikambana ao amin'ny Governemanta ho mpampihorohoro moa ny mpanao fihetsiketsehana.

Ao amin'ny Observations from the “Island of Enchantment”, ny mpamaham-bolongana Adriana no mampahatsiaro ny fahatsapany raha vao nahare ny fipoahana izy:

Yesterday, when I woke up, I heard the distant sounds of helicopters flying. I though to myself, well, maybe something's going on in the housing projects (caseríos). A short while later, I found out about the explosion. Although it had occurred in Cataño, which is just outside of San Juan, I saw the black clouds from my house. The magnitude of the explosion registered a 2.8 on the richter scale. Thousands of people had to be evacuated. Law enforcement officials are currently investigating the causes of the explosion. I can't imagine what the environmental, health and economic consequences will amount to. Luckily, no deaths have been reported.

Omaly, teo ampifohazana, no nandrenesako angidimby nanidina tany lavidavitra any. Noeritreretiko fa nisy zava-nitranga angamba tany amin'ny tetikasa fanamboaran-trano. Fotoana fohy taorian'izany vao henoko ny momba izany fipoahana izany. Fa na dia tany Cataño aza no nitranga ny fipoahana, izay vao eo ivelan'i San Juan, dia hita hatraty an-tranoko ny setroka mainty. Nahatratra 2,8 eo amin'ny mari-pandrefesan'i Richter ny heriny. Olona anarivony no tsy maintsy noesorina tamin'ny toerana nipetrahany. Eo ampanaovana ny fanadfihadiana amin'izay antony niteraka ny fipoahana moa ny mpiandraikitra izany. Tsy azo visavisaina ny tetibidin'ny fiantraikan'io eo amin'ny resaka tontolo iainana, fahasalamana ary toe-karena. Soa ihany fa tsy nisy ny maty.

Ny resadresaka momba azy ity ao amin'ny Twitter moa dia hita amin'ny alalan'ny hashtag #explosionpr. Raha hijery sary ianao dia jereo ny El Difusor. Mitantara azy ity isa-minitra ny sosona fampitam-baovao Diálogo sy Prensa Comunitaria, ary ny media be mpanaraka kosa dia ry Primera Hora, El Nuevo Día ary El Vocero.

*Lahatsary voalohan'i Luis Andrei Muñoz nivoaka tao amin'ny Flickr. Navoaka indray fa ambany fiarovan'ny Creative Commons License.

Firuzeh Shokooh Valle

Ejipta: Nahoana mihitsy no i Obama no nahazo ny loka Nobel fandriampahalemana?

Jentilisa — Sat, 10 Oct 2009 11:22:03 +0000

MpanoratraTarek Amr · Nandika Jentilisa · vakio ato ny lahatsoratra nadika

Isaorana ny vaomieran'ny loka Nobel fa nanala andro anay izy androany. Maro angamba ny olona no tsy matoky hoe nahoana moa no nomem-boninahitra ny filoha Amerikana Barack Obama, sady mihevitra fa tsy mendrika azy izany. Saingy faly avokoa izy rehetra, fa mampisy fanantenana azy ireo izao fa hay mety hahazo ny loka avokoa ny tsirairay. Tsy vitan'ny hoe ny olo-tsotra ihany no hendratra, fa na dia ny Associate Press aza dia mitovy fijery amin'izy ireo:

Voninahitra lehibe ho an'ny iray amin'ny filoha Amerikana tanora indrindra, izay tsy mbola ampy sivy volana ny nandraisany ny asany — ary vao 12 andro monja mialoha ny andro farany hanaovana ny fifantenana izany tamin'ny volana febroary izany.
Taratra fa noho ny fampanantenana no tena nahazoan'i Obama ny loka fa tsy noho ny zava-bitany.

Ny hevitry ny Ejypsiana nandritra ny fotoam-panambarana tao amin'ny Twitter

@amradelamin: Azon'i Obama ny loka Nobel fandriampahalemana.

@fustat: Notolorana ny loka Nobel fandriampahalemana 2009 ny filoha

Ary gaga tanteraka ny sasany.

Ghafari: نعم! اوباما فاز بنوبل للسلام؟ سلام ايه؟ وفين وامته؟.

@Ghafari: Eny! Nomena an'i Obama ny loka Nobel fandriampahalemana? Fandriampahalemana inona? Oviana ary tamin'ny fomba ahoana?

@embee: Obama? WTF?

@alaa: Ompao aho kle. Ny filohan'ny firenena nanangana ady amin'ny firenena roa (tsy lazaiko ny any Pakistan) ve no nahazo ny loka Nobel fandriampahalemana?

@waelabbas: Nahazo ny loka Nobel tamin'ny fanampiana ny mpanao didy jadona i Obama

@Ssirgany: Nifarana tamin'ny 1 febroary ny faran'ny fifantenana ny olona hahazo ny loka Nobel, izany hoe 10 andro monja taorian'ny nandraisany ny asany. Inona no vitany tao anatin'ny 10 andro?

Ary dia nanomboka nanala azy ny ankamaroany

@nightS: Obama sy ny loka Nobel fandriampahalemana?!?!?! heveriko fa vaovao tsara izany..Ny tiako lazaina dia mety hahazo io ihany koa aho amin'ny 2010 reheefa tena hitan-dry zareo fa mendrika an'io izy!!

@Sarahcarr: Tokony hotontosaina any Afghanistan ny fanolorana ny loka Nobel ary atrehin'ny havan'ireo sivily najedaky ny miaramilan'i Obama.

@minazekri: Azon'Atoa Obama ny lokan'i Nobel fandriampahalemana noho ny nampitomboany ny isan'ny miaramila hiady any Afghanistan.

@minazekri: Afghanistan, Iraq ary ankehitriny dia HANAFAY an'i Iran koa i Obama, tena matoky aho fa izy no safidy tsara indrindra amin'ny loka Nobel fandriampahalemana

@moftasa: Mampihomehy ny fahazoan'ny mpanao politika ny loka Nobel mialoha ny hanaovany zavatra, nefa ny mpikaroka tsy mahazo azy raha tsy ampolony taona taorian'ny nampody ventiny ny rano natsakaina.
@moftasa: Nahazo ny loka Nobel momba ny fitsaboana i Barbara McClintock tamin'ny 1983 noho ny nahitany ny “gene transposition” tanelanelan'ny taona 40 sy 50.

@alaa: @moftasa ny tena mampihomehy dia ny fotoana niandrasan'i Mandela hahazoany io loka io no sady tsy maintsy nifampizarany azy tamin'ny mpanavakava-bolo-koditra mpamono olona sy ny tsy nahombiazan'i Ghandi in'efatra hahazoany azy

@WilYaWil: Mendrika hahazo ny loka Nobel noho ny kabariny i Obama fa tsy ami'ny fandriampahalemana!

@BooDy: قلت لابوي و انا صغير يابا انا عاوز آخد جايزة نوبل ضحك علي الندل و قالي ذاكر و ابقى عالم و انت تاخدها أتاريني الأسهل اني ابقى سفاح

@BooDy: Niteny tamin'ny raiko aho indray mandeha, fony mbola tanora, fa te-hahazo ny loka Nobel aho. Nitokelaka ny anao sady niteny hoe mianara mafy mba ho mpanao fikarohana raha te-hahazo, saingy hitako fa toa mora kokoa ny manao mpamono olona raha te-hahazo azy.

@WilYaWil: Notapahin'i Kanye West ny kabarin'i Obama momba ny Nobel “Avelako ianao hamarana azy, saingy ity no loka Nobel ho amin'ny fandriampahalemana ratsy indrindra hatramin'izay nisiany”

@Amiralx: Ary tokony ho izaho no hahazo ny Grammy amin'ny fihirana eo am-pandroana an!

Namoaka lahatsoratra manokana momba io ao amin'ny bolongany i Arabawy.

Nahazo ny loka Nobel fandriampahalemana ny mpanombi- kenan'i (boucher) Iraq sy Afghanistan (ary Pakistan) . Arahabaina e! [Mabrouk!] Andro lehibe ho an'ny tontolo anjakan'ny fahafahana izao. Obama, Manachem Begin, Henri Kissinger–ireo olona rehetra nahatonga ity planeta ity ho toerana maha-te-honina. Ary maninona raha mba mahazo an'io ihany koa ry Mubarak sy ry Habib el-Adly? Lasa ny hafatra ho an'ireo mpisolelaka any Nôrvezy: Ny famonoana sy ny fanajedahana no lalana atoronareo hahazoana ny loka Nobel.

Ary farany, dia misy ihany ireo manana fijery hafa:

@majdtweets: Eo amin'ny lafiny iray: Rehefa azon'i Obama izao ny loka Nobel momba ny fandriampahalemana, dia mety hijoro amin'ny voninahitra azony izy ka hametraka ny fandriampahalemana amin'izay!

@sarsour: Tiako i Obama - hitako ho bandy tsara ihany ny akama. Fa mbola be ny miandry zavatra azy MIALOHA ny hahavitany ireny.

Tarek Amr

Maraoka: Rehefa tsy sivana dia fandraofana

candy — Thu, 08 Oct 2009 07:04:58 +0000

MpanoratraJillian C. York · Nandika candy · vakio ato ny lahatsoratra nadika

Nanoritra ny làlany teo amin'ny tontolon'ny blaogy ilay kisarisary

Ny minisitry ny Atitany Maraokana dia nanapa-kevitra ny hitory ny gazety mpivoaka isan'andro amin'ny teny Arabo Akhbar Al Youm noho ny famoahana sariitatr'ilay Printsy vao nanambady, Moulay Ismail. Tao amina fanambarana ofisialy, no namaritan'ilay minisitra ilay sariitatra ho “manimbazimba ny fianakavian'ny mpanjaka”. Voatondro ihany koa ny fampiasana manokana ny Kintan'i Davida tao amin'ilay kisarisary, ary “mampanontany tena ihany koa ny tanjona tian'ny namoaka ny sary aseho izay mivandravandra fa mampirona any amin'ny fanavakavahana ny Jiosy sy ny ‘jodaisma'.”

Ilay mpitoraka blaogy Analitikis dia mieritreritra fa very ny kivazivazy fanaon'i Maraoka, nefa manontany tena momba ilay mpanao gazety izay nilaza fa ilay kintana dimy tendro eo amin'ny sainam-pirenena Maraoka no tiany naseho tamin'iny, amin'ny fitenenana fa:

Mazava loatra fa fotoana fanararaotran'ny Minisitry ny atitany mba handrarana famoahana ny iray amin'ireo gazety tsy miankina vitsy dia vitsy eo amin'ny firenena…Raha manohana ny falalahan'ny mpanao gazety maneho hevitra aho dia manontany tena momba ny kabariny vao haingana izay nanambarany fa nafangaro tamin'ny Kintan'i Davida ilay kintana raha ilay Maraokana efa mahazatra izy ity. Noho izany dia nanapa-kevitra aho ny hampiasa ny fahaizana kely ananako amin'ny fikirakirana Photoshop mba hitsapana ny fahamarinan'ny teniny… Ianao no mitsara

Avy eo dia niezaka ny tendro dimin'ny kintana izy saingy tsy nahatafavoaka mihitsy…

Mampiseho ireo tena tendron'ilay kintana ilay mpitoraka blaogy Analitikis

…ary namintina hoe: “Manontany tena aho raha misy idiran'ny fiaviana Alemana avy amin'ny vadin'ny Printsy ity tantara ity…”

Mandinika ny toe-javatra ilay mpitoraka ny blaogy A Moroccan About the World Around Him , amin'ny filazany fa:

Mampanahy be ihany ny governemanta Maraokana ireo gazety tsy miankina, satria miresaka lohahevitra fady izy ireo. Ny fanenjehana ara-pitsarana sy ara-pôlitika mahazo ny mpanao gazety sy mpanakanto tsy miankina, mbamin'ireo gazety sy gazetiboky iasan-dry zareo dia mifanohitra amin'ny filazany ho mampiroborobo fa misolo vava sy miaro ny falalahan'ny fanaovan-gazety izany. Nanamarika ny mpitazana fa ny governemanta no mahazo tombontsoa amin'izao fanenjehana olona izao, ary mikiky tsikelikely ihany koa ny gazety tsy miankina.

Rehefa fantatra ny antony nampisara-dia an'i Bouachrine sy i Nini tao amin'ny Al Masae, dia nataon'ity farany ho fanalan'andro fotsiny ny iray.

Nanazava tamin'ny antsipiriany tamin'ity toe-draharaha ihany koa i Entre Nous Marocains, ka ahitana horonantsary roa ao amin'izany lahasorany izany. Namintina ilay mpitoraka blaogy:

Durant deux mois, la censure de Telquel, Nichane, Le Monde et les interrogatoires de plusieurs journalistes (Al Ayam, Al Michaal, Al Jarida Al Oula) mais le meilleur pour la fin, la fin d’une époque de censure et d’interrogatoires, et le début d’une époque de saisie de biens. La caricature n’a pas suscitée tout l’intérêt qu’elle suscitera dans les prochains jours. Est-ce que par cette saisie, le ministère empêchera la publication de caricatures, articles sur le Roi ou sur les princes et princesses ?! Ni les censures, ni les interdictions, ni les gros montants de dommages et intérêts n’ont empêchés la publication de tels articles ! Il faut bien penser à une solution qui arrange LES DEUX PARTIES, pas seulement UNE ou AUCUNE comme le cas d’Akhbar Al Youm.

Nandritra ny roa volana, [no nanjaka] ny sivana natao tamin'ny Telquel, Nichane, Le Monde, sy ny fanadihadiana mpanao gazety maromaro (Al Ayam, Al Mishaal Al Jarida Al Oula), fa mbola ho avy ny tena katraka: mifarana ny vanim-potoanan'ny sivana sy ny fanadihadiana fa manomboka kosa ny vanim-potoan'ny fandraofam-pananana. Mbola tsy nanaitra ny olona tahaka tahaka izay hanairany azy aoriana kely ilay kisarisary aloha. Fa angaha hampihemotra famoahan'ny olona sariritatra sy lahatsoratra momba ny mpanjaka sy ny zanany ny fandraofana ataon'ny minisitera? Tsy manakana ny fivoahan'ireny lahatsoratra ireny na sivana na fandraràna na fandoavana onitra vola be! Tsy maintsy tadiavina ny vahaolana mety AMIN'NY ROA TONTA, fa tsy ny IRAY fotsiny na TSY MISY mahazo tombontsoa tahaka ny tamin'i Akhbar Al Youm.

Indonezia: mavesatra ny tarehimarika vokatry ny horohorontany

Lila — Thu, 08 Oct 2009 05:41:16 +0000

MpanoratraCarolina Rumuat · Nandika Lila · vakio ato ny lahatsoratra nadika

1 100 no maty tany Indonezia, izay no vokatra farany voaray (alakamisy hariva), ary mbola manohy ny fikarohana ireo mpamonjy voina mitady ireo olona an'anarivony maro tototra any ambany korontana any.

24 ora taorian'ny horohorontany da mbola tsy misy jiro ny tanànan'i Padang ary mbola sarotra ny fifandraisana an-tariby:

andrepramana @luckytriakbar belum dapet kabar luk..padang gelap gulita..jringan hp masi eror

andrepramana: tsy mahazo vaovao mihitsy aho.. Mbola ao anaty aizina i Padang.. Mananosarotra be ny fifandraisana an-tariby.

Mpampiasa twitter maro toa an'i nenglita, no manantena azy ity hitadiavana ireo havany tsy hita:

nenglita: Tlg carikan sepupu saya, Muhammad Septian Pradana,15th & Muhammad Yuniardi,13th. Almt Jl Cendana mata air no2 padang. Please<

nenglita: Azafady e, mba tadiavo ny anadahiko Muhammad Septian Pradana 15 taona sy Muhammad Yuniardi. Mipetraka ao Cendana amin'ny 2 làlana mata air any Padang.

Any Padang ankehitriny ny filoha Yudhoyono sy ministra 6 mijery ny zava-misy sy mandamina ny fanampiana haingana:

dedimasputra: Niharan'ny horohorontany indray i Indonezia. Nanambara fanjakana anaty hamehana any amin'ny ilany andrefan'i Sumatra mandritra ny 2 volana ny filoha Susilo Bambang Uydhoyono.

Efa niverina nisokatra tamin'ny alakamisy ny seranam-piaramanidina any Minangkabau tokony ho tamin'ny 12 ora. Na izany aza, noho ny fahabetsahan'ny sidina dia nisondrotra be ny saran-dalana, mahatratra 3 ta^pitrisa IDR (tokony ho 311 dolara) ny toerana iray any amin'ny kilasy ekonomika.

dinanyadonald: @sitita bandara padang udah dibuka ta,tapi sepertinya ticket jadi susah..kk sepupu g udah jalan kesana td pagi

dinanyadonald: nisokatra ny seranam-piaramanidina any Padang, kanefa zara raha misy tapakila. Handeha ho any izao ny rahalahiko anio maraina.

Raha nanontaniana mikasika io toe-javatra io ny minisitry ny fitaterana dia nanambara tao amin'ny sita Detik izy fa mangataka ireo kaompanim-pitaterana ny fanjakana mba tsy hampiakatra ny saran-dalana ho fitsinjovana ny mahaolona, fa hitazona izany amin'ny 960 000 IDR (tokony ho 100 dolara).

Fanamby goavana ny fitaterana fanampiana sy mpilatsaka an-tsitrapo any amin'ireo toerana tra-doza ho an'ny firenena ahitana nosy maromaro toa an'i Indonezia sy Filipina mifanila aminy.

Mitady ireo tsy hita koa ny miaramila an'arivony maro.

Nitambatra nanangona ireo mpilatsaka an-tsitrapo efa za-draharaha ny mpampiasa twitter halefa any Padang:

@chairanijk : Tweeps, Jika berminat menjadi relawan di Padang, hub saya ya, bsk brgkt jam 8 pagi. Di utamakan dokter dan paramedis thx.

Antso amin'ny tweeps, raha te hilatsaka an-tsitrapo ho any Padang ianao dia antsoy aho azafady, rahampitso amin'ny 8 maraina ny fiaingana. Tsara raha mpitsabo na mpisabo mpanampy. Misaotra.

RisyadRusdi : Ada yg mau jd relawan ke padang? Yg berminat hub gw, bsk pagi jam 8 naik pesawat carteran pak JK dr halim. makasih. http://myloc.me/QKHT

Misy hilatsaka an-tsitrapo ho any Padang ve? Izay liana, antsoy aho azafady, hiainga isika rahampitso amin'ny 8 maraina miaraka amin'ny fiaramanidin'ny filoha mpanampy eny amin'ny seranana Halim (seranam-piaramanidin'ny tafika)

Araka ny tatitra navoakan'ny Palang Merah Indonesia's (PMI- Vokovoko Mena Indoneziana) navoaka tao amin'ny Facebook, dia olona 529 people no maty ary 80% ny trano fonenana sy tranom-panjakana no simba, ary trano lay maro no mbola ilaina ho an'ireo tra-boinan'ny horohorontany.

Horohorontany 2 hafa heno tamin'ny alakamisy

Ao amin'ity tatitra ity ihany dia milaza koa ny PMI fa nisy fihetsehana tay Jambi ny alakamisy maraina, mari-drefy 7 amin'ny tohatra Ricther.

Niteraka fahasimban-trano 500 tany amin'ny tanàna kely 4 io fihetsehana io volkanika io tany Jambi. Olona 1 no maty ary amro no naratra.

Horohorontany hafa koa no heno tany an-drenivohitra Sulawesi avaratra, any Manado tokony ho tamin'ny 8 ora maraina, 5.5 amin'ny tohatra Richter. Tany ambanin'ny ranomasina Tahuna no foiben'io horohorontany an-dranomasina io, any amin'ny faritra antsinanan'i Indonezia.

Ny alakamisy alina dia mbola manjavozavo tanteraka ny vaovao voaray avy any Jambi sy Sulawesi avaratra.

Carolina Rumuat

Costa Rica: Filoha teo aloha migadra 5 taona noho ny kolikoly

Jentilisa — Tue, 06 Oct 2009 19:17:25 +0000

MpanoratraJuliana Rincón Parra · Nandika Jentilisa · vakio ato ny lahatsoratra nadika

Kostarikana mihoatra ny 14000 tsy afa-nijery fahitalavitra androany [alatsinainy] no afaka nanaraka mivantana ny fitsarana ny filohany teo aloha Rafael Ángel Calderón nanomboka tamin'ny telo ora tolakandro tamin'ny alalan'ny vohikala telo farafahakeliny no niara-nanapa-kevitra hitantara azy an-tserasera [streaming] , zavabita tsara indrindra [record] izany ho an'ny tambajotran-tserasera Kostarikana. Tsy vitan'ny hoe nampiasaina ny streaming, fa namoaka saripika tamin'ny alalan'ny twitpic hampiasain'ny twitter koa ny media. Vao haingana avokoa ireo fivoarana ireo rehefa nandray ny seraseran-tsosialy ho fitaovana ampiasaina amin'ny fanaovan-gazety ny haino aman-jery.

Tamin'ny alalan'ny famahanam-bolongana fohy notaovin'ny Twitter, nampiasana ny tag #sentencia, #cajafischel na #Calderon, no nilazan'ny mpanaraka ny fotoam-pitsarana ny heviny, rehefa nodidiana fa higadra 5 taona noho ny fanaovan-kolikoly ny filoham-pirenena teo aloha.

Efa nilaza ny heviny mikasika io didim-pitsarana io tamin'ny alalan'ny lahatsary YouTube sahady ny kandidà ho filoham-pirenena Ottón Solis.

Nisioka an-tserasera izay nitranga tao amin'ny fitsarana ny mpanao gazety Amelia Rueda. Namoaka rakipeo fohy ahenoana ny voampanga [ny filoha teo aloha] nanam-panantenana ihany momba ny didim-pitsarana, izay azonao henoina amin'ny fanindriana ny player eo amin'ny faran'ny lahatsoratra ihany koa izy.

Namoaka lahatsoratra tao amin'ny bolongany miompana amin'ny fihintsanan'ny filoha teo aloha tsy ho afa-mirotsaka hofidiana indray ny mpanao gazety Cristian Cambronero noho ny fiheverany fa tsy manankeloka izy. Hoy i Lucía tamin'ity lahatsoratra ity:

El jalón de orejas no es solo para para Calderón y compañía (pobrecito nada¡¡¡¡ si no quiere ir a la cárcel no sea corrupto, así de simple), es para la clase política en general, que aquí como en otros países creen que uno está para serviles y no ellos para servir …
Más valioso que el dinero que tienen devolver (no se cuanto es) es el haber recuperado cierta confianza en el sistema político, y como dice un conocido anuncio de tarjetas de crédito, eso no tiene precio…

Tsy ho an'i Calderon sy ny tariny ihany ity tehamaina ity (mampalahelo ilay rangahy!! Raha tsy te-higadra dia aza manao kolikoly, tsotra!), fa ho an'ny mpanao politika amin'ny ankapobeny, izay mino ny eto ho tahaka ny any amin'ny firenenkafa fa tokony hanompo azy ny rehetra fa tsy ry zareo no hanompo…Manandanja kokoa noho ny vola tsy maintsy averiny (Tsy fantatro io hoe ohatrinona) ankehitriny ny fahafantarantsika ny tsiambaratelo sasany momba ny rafitra politika, ary tahaka ny dokambarotry ny orinasa mampiasa carte de credit lazaina ho mora kokoa…

Azonao jerena ao amin'ny UStream ny lahatsarin'ny didim-pitsarana, navoakan'ny gazety AlDía, izay maneho ny fidiran'ny fampahalalam-baovao mahazatra any Costa Rica an-tsehatra mampiasa ny tambajotran- tseraseran- tsosialy sy ny fampahalalam-baovao an-tserasera: ny fizarana voalohany dia mialoha ny didim-pitsarana, voaramika tao anatin'ny 45 minitra. Ny fizarana faharoa kosa ny famakian'ny mpitsara ny fiampangana sy ny antonantony ambadika nahatonga ny fanamelohana izay voampanga rehetra, izay ny filoha teo aloha Calderon no be mpahalala indrindra.

Ary dia nofehezin'ny mpisioka an-tserasera Mauricio izany atao hoe manaraka ny didim-pitsarana amin'ny alalan'ny fitaovan-tserasera tahaka izao:

la sentencia de #calderon ha hecho que twitter + la tv se muevan juntos, como en los mejores tiempos de #qqsm

Nampiara-mizotra ny twitter sy ny fahitalavitra ny fotoam-pitsarana an'i #calderon, tahaka ny fotoana tsara indrindran'ny [ahoana ny hampanakarena?] #Whowantstobeamillionaire

Vao tsy ampy minitra vitsivitsy akory izay, no nandraisan'i marenoztro, ny hatsikana an-tserasera nampiseho an'i Kanye West ary dia nanao karazana fampitahana an'io tamin'ny filoha. Nanao karazan'ohatra ny sary maneho ny filoha teo aloha Jose Maria Figueres Olsen ny “Chema” izay raha vao nampangaina ho nandray 900,000 USD ny filoha nefa tsy nanao fanambarana na nandoa ny hetra mifanaraka amin'izany. Vao nipoaka anefa ny raharaha dia voaloa vetivety teo ny hetra ary dia nataony ho antontan-taratasy porofo iny ho tahaka ny vola niditra noho ny fanolorantsaina.

sary mashup an'i @marenoztro

Podcast: Jereo amin'ny hoaka vaovao | Trohy

Juliana Rincón Parra

Libanona: Hatezerana misonga noho ny fampiatoana ny fanamboarana ny toby Palestiniana

miora — Sun, 04 Oct 2009 06:16:21 +0000

MpanoratraAntoun Issa · Nandika miora · vakio ato ny lahatsoratra nadika

JustImage: Matthew Cassel

Nisonga ny hatezerana sy hetsi-panoherana ho valin'ny fanapahan-kevitry ny governemanta Libaney hampiato ny fanamboarana ny tobin'ireo mpitsoa-ponenana Palestinianina, Nahr el Bared.

An-jatony no nanao fihetsiketsehana tany amin'ny tànana andrefan'i Tripoli tamin'ny herinandro lasa teo, noho io fampiatoana io, nefa raha ny fanazavan'ny mpanao gazety sady mpitoraka blaogy mipetraka any Libanona, Matthew Cassel, ao amin'ny JustImage, na ireo hetsika ireo aza sarotra vao vita:

JustImage: Matthew Cassel

Mpitsoa-ponenana an-jatony avy any amin'ny toby sy ireo mpomba azy no nihaona tany Tripoli, tanàna lehibe akaiky indrindra an'ny Nahr al-Bared. Taorian'ny nandavan'ny kaomisaria akaiky indrindra ny afovoan-tanana ny hanaovana fihetsiketsehina, dia nifindra toerana ireo mpanao fihetsiketsehana ka nisafidy toerana lavitra ireo tranom-panjakana sy ireo olona maneho ny fitondrana.

Ity toby ity dia ivon'ny fanoherana mihoson-drà tamin'ny 2007 izay nifandonan'ny mpiady Islamistan'ny Fatah al-Islam tamin'ny miaramila Libaney, namoizana ain'olona am-polony.

Maro tao amin'io toby io no voa mafy nandritra ireny fifandonana ireny, nanery azy ireo hitady toeram-ponenana tany amin'ireo tanàna mifanolo-bodirindrina na ireo tobin'ny mpitsoa-ponenana hafa izay efa be mponina mihoatra noho ny tokony ho izy.

Ireo tetikasa fanamboarana izay efa nitarazoka ela, dia vao mainka koa tojo sakana lehibe tamin'ny 13 Aogositra tamin'ity taona ity rehefa nanapa-kevitra ny Governemanta Libaney fa haato ny ezaka fanamboarana noho ny antony fahitàna rakitry ny fahagola tao [archaeological purposes).

JustImage: Matthew Cassel

Ity hetsika ity dia notarihan'ny lehiben'ny Free Patriotic Movement (FPM), Michel Aoun, izay nanambara fa najanona noho ny fahitàna rakitry ny fahagola [archaeological artifacts] ao amin'ny toeran'ny Nahr el Bared. Ireo mpitsikera dia mihevitra baikon'ny resaka politika ny toerana raisin'i Aoun amin'izy ity.

Roa taona taorian'ny nitsaharan'ny ady tao Nahr el Bared, an'arivony amin'ireo mpitsoa-ponenana Palestinianina no mbola tsy manana toeram-ponenana, ary toy ireo Libaney maro, dia very hevitra amin'ity zava-mitranga ity.

Haingana be ny fandraisan'andraikitry ny tontolon'ny blaogy ka nanokafany blaogy iray vaovao ho fiarovana ny zon'ireo mpitsoa-ponenana Palestiniana any Nahr el Bared.

Ireo sarintany sy ny fizotran'ny fanamboarana dia hita ao amin'io blaogy vaovao Nahr Al Bared io. Izao no tenin'ny mpitoraka blaogy iray momba ny fampiatoana ity fanamboarana ity:

Nitranga indrindra ity fepetra ity taorian'ny roa taona nanemorana ny resaka ara-pitantanana ho amina daty manaraka lava izao, ao anatin'izany ny fandaharan'asa sy ny fijerena ny pitsopitsony rehetra momba ny asa fanamboarana izay nankinina tamin'ny faneken'ny Governemanta, ny ministera ary ny politika. Izao vao misy fanapahan-kevitra mivaingana hampiatoana ny fanamboarana, izay mampitombo ny fotoana famindran-toerana ireo mpitsoa-ponenana Palestinianina maherin'ny 20,000.

Ny mpitoraka blaogy Mlokheya Resistance ihany koa dia naneho ny tsy fahafaliany:

Roa taona taorian'ny fahasimban'ny tobin'ny mpitsoa-ponenana tao Nahr ElBared , ireo mponina dia faly fa ho tanteraka ihany ny fanamboarana ny toerana. Nefa, vao natomboka ilay izy, dia MBOLA najanon'ny governemanta Libaney indray ny fanamboarana an'i Nahr ElBared!!!

Ireo mpampiasa Twitter dia tsy ambaka an'izany, naverin'izy ireo nalefa ao amin'ny Twitter ireo fitarainana sy fijoroana vavolombelon'ny mpitsoa-ponenana ao Nahr El Bared ho fanentanana:

uruknet, fampiatoana ny asa fanamboarana ny tobin'ny mpitsoa-ponenana ao Nahr El-Bared [14 septembre 2009 01:18 ECT]: 13 septembre, 2009… http://twurl.nl/ly8efw

illdalal, RT@marcynewman blaogy vaovao milaza momba ny asa fanamboarana (na ny marina kokoa dia ny tsy fisian'izay) ao amin'ny tobin'ny mpitsoa-ponenana Nahr El-Bared, http://albared.wordpress.com

marcynewman, laogy vaovao milaza momba ny asa fanamboarana (na ny marina kokoa dia ny tsy fisian'izay) ao amin'ny tobin'ny mpitsoa-ponenana Nahr El-Bared, http://albared.wordpress.com

MXML, RT@nmoawad RT@tamaraqiblawi blaogy vaovao misy ny vaovao+fitakiana hanamboarana an'i nahr el-bared albared.wordpress.com

nasawiya, RT@tamaraqiblawi blaogy vaovao misy ny vaovao+fitakiana hanamboarana an'inahr el-bared albared.wordpress.com

tamaraqiblawi, blaogy vaovao misy ny vaovao+fitakiana hanamboarana an'i nahr el-bared albared.wordpress.com

Mpitoraka blaogy maro hafa, isan'ireny ny Body on the Line sy ny Green Resistance dia namoaka koa ny hetsi-panoheran'i Tripoli.

*Ny sary rehetra dia an'i JustImage

Indonezia: Horohorontany goavana nahazo an'i Sumatra Andrefana

candy — Sun, 04 Oct 2009 04:17:15 +0000

MpanoratraCarolina Rumuat · Nandika candy · vakio ato ny lahatsoratra nadika

Horohorontany goavana no nisy tany Padang, Sumatra Andrefana nanodidina ny tamin'ny 5ora hariva (ora teny an-toerana) ny Alarobia teo.

Horonantsary navoakana mpampiasa YouTube iray any Padang:

Niteraka faharavan-trano lehibe sy tra-boina maro ilay horohoron-tany tany ambany ranomasina izay mirefy 7.6 amin'ny maridrefy Richter, indrindra tany amin'ny faritr'i Pariaman, izay morontsiraka any Padang.

: Sary nampiakarin'i marcellodecaran tao amin'ny Twitpic

Nisy fampitandremana tsunami [id] maneran-tany nalefa ho an'i Indonezia, Thailand, Malaysia, ary India, nefa notsoahana ora iray taty aoriana.

Ilay masoivohom-baovao Indoneziana Antara dia nitatitra fa nahatratra 75 ny isan'ny maty, nefa mety hisondrotra satria mbola misy olona voatototra any ambany vato, ny sasany kosa nifidy ny hijanona eny ivelan'ny tranony [id] sao dia mbola hisy horohorontany.

Araka ny Sekretera voalohany ao amin'ny Foibem-pirenena misahana ny loza voajanahary [National Board for Disaster Management (BNPB)] any Antara, Purnomo Sidik, tsy nahazo antsipiriany avy amin'ny faritra ny foiben'ny BNPB noho ny faharatsian'ny fifandraisana tany Sumatra Andrefana.

Ny antsasaky ny tanàna no nahitàna fahasimbana ary naato ireo sidina miditra an'i Padang noho ny fahasimbana'ireo làlam-piaramanidina ao amin'ny seranam-piaramanidin'i Minangkabau.

Feno hafatra fankaherezana, fanampim-baovao ho an'ny sy avy amin'ireo tapaka sy namana, ary tatitra momba ny vonjy voina ny tontolon'ny twitter Indoneziana.

henzter: vao nahazo valiny tamin'ny sms-ko, avy amina olom-pantatra any sumbar: mbola mitady ny rahalahiko. *mivavaka*

martimanurung: Hanampy ny Sumatra Andrefana ny Faritra Atsimo sy Avaratr'i Sumatra amin'ny vonjy voina noho ny horohorontany.

veraalexandra: Andriamanitra o, ampio ireo rahalahy sy rahavavinay any Padang. .omeo hery sy faharetam-po izy ireo..amena.

aditdmid: bru lht dmpak gempa Padang td sore. evakuasi mlm ni trhmbt hjn deras & mati lstrk,75% kota lumpuh. smg para krbn dbri kkuatn&ktabahn. amin.

aditdmit: vao nanatri-maso ny taorin'ny horohorontanin'ny Padang aho izao, izao hariva izao dia nahemotra ny famindran-toerana noho ny orana mivatravatra sy ny fahatapahan'ny herinaratra, 75% -n'ny tanàna tsy afa-mihetsika avokoa. Soa ihany fa manana hery sy faharetam-po ireo tra-boina. Amen.

Ny Filoha Lefitra, Jusuf Kalla, dia nanafohy ny lanonana natokana ho an'ireo solombavambahoaka vaovao ary nandefa minisitra enina hijery ny fahasimbana.

aulia: Nifidy anao izahay. Ny fitakiana ofisialy voalohany ataonay aminao dia ny hanomezanao ny tahirim-bolanao ho an'ireo niharan-doza tamin'ny horohorontany. Mbola mila izany lavitra noho ianao izy ireo.

Tokony amin'ny 11:45 hariva teo (ora teny an-toerana) dia niteny i darlingalih:

darlingalih: RT @isatbb: Jaringan data GPRS ISAT aman terkendali di Padang, anjuran komunikasi ke Padang via fitur BB: Email, BBM, YM, FB. Please RT

Ny tambajotran'ny GPRS Indosat [fanamarihan'ny mpanoratra: mpanome tolotra fifandraisana amin'ny finday faharoa lehibe indrindra any Indonezia'] dia niverina niasa any Padang, manoro anao izahay ny hifandraisanao aimn'i Padang amin'ny alalan'ny Blackberry: mailaka, BBM, YM, FB.

Ny minisitry ny fiahiana ara-tsosialy Abu Rizal Bakrie dia niteny fa mety ho goavana tahaka ny niseho tamin'ny horohorontanin'i Yogyakarta tamin'ny 2006 ny fahasimbana ara-foto-drafitr'asa nateraky ny horohorontany farany teo iny.