Global Voices teny Malagasy » Olympics

Tirinite sy tobagô, Jamaika: Fety olaimpika

Jentilisa — Tue, 09 Sep 2008 19:23:41 +0000

“Volam-pihobiana ity olana Septambra ity ho an'i Tirinite sy Tobagô ary Jamaika noho ny figadonan'ireo Atileta nandray anjara tamin'ny lalao olaimpika tany Beijing farany teo tany an-toerana”: Caribbean Beat Blog te-hanomboka ny fety izany!

Shina : Androany no entina eny amin'ny fitsarana ilay raharaha namonoana mpitandro filaminana

Pissoa — Tue, 26 Aug 2008 10:40:38 +0000

Androany no hatao ny fitsarana an'i Yang Jia, rehefa nahemotra noho ny lalao olympika. Niditra tao amin'ny tobin'ny mpitandro filaminana ao Shangai izy tamin'ny volana iny, ary namono mpitandro filaminana 6. Araka ny voalaza dia noho ny tsy fahamarinana nataon'ireo mpitandro filaminana sy ny herisetra nataon'izy ireo tamin'ny Yang Jia no nahatonga azy nanao izao fihetsika izao. Nankasitrahan‘ny olona maro amin'ny aterineto moa izao fihetsiny izao, ary toy ny olo-malaza [Hero] no nandraisana azy.

Talata tolakandro ao Shina, ary miandry ny voka-pitsarana izay tsy fantatra raha hivoaka androany akory ny mpitoraka blaogy maro. Tsy tena malalaka moa ny fanoratana mikasika ity raharaha ity araka ny nasehon'ny mpahay lalana sady mpitoraka blaogy Liu Xiaoyuan ao amin'ny Sina Blog : ‘Misy sakantsakana amin'ireo lahatsoratra mikasika ny raharaha Yan Jia amin'ny blaogy.'

昨天，有外媒采访我，让我谈奥运期间新闻和言论自由问题，我只好实话实说了。在奥运期间，管理部门不屏蔽外媒网站，我们可以自由地去游览，这确实是一大进步。但是，对网络言论的控制比以前更加严格，很多话题不能谈论，如写了这类博文也会被删除。

想不到奥运结束了，网络言论仍然没有放开。昨晚，我获知杨佳一案开庭的消息，立即写了博文发到各个博客，有的博客照样不给放行。我发在凯迪网猫眼看人论坛中的帖子，也被锁定不能予以回复。

今天上午，我又在该网发了谈杨佳案的帖子又遭锁定，网友不能加以评论和回复。

Nisy mpanao gazety avy any ivelany nametraka fanontaniana maromaro tamiko omaly. Ny fahalalahan'ny fanaovan-gazety sy ny fahalalahana maneho hevitra nandritra ny lalao Olympika moa no tian'izy ireo ho fantatra. Tsy nosakanan'ny manam-pahefana ny tranokalan'ireo fampitam-baovao avy any ivelaany nandritra ny lalao Olympika, ary azo natao izany ny namaky azy ireny. Dingana lehibe izany. Vao maika miha-hentitra nefa ny fanaraha-maso ireo lahatsoratra amin'ny aterineto. Maro ny zavatra tsy azo resahina, ary ny lahatsoratra tahaka ity aza dia ho voafafa.

Tsy nampoiziko mihitsy hoe na dia efa vita aza ny lalao Olympika dia mbola voasakantsakana ihany ny fahafahana miteny amin'ny aterineto. Raha vao naheno aho tamin'ny alina fa androany no ho entina eny amin'ny fitsarana ilay raharaha Yang Jia dia napetrako tamin'ny blaogiko rehetra izany. Ny sasany tamin'izy ireo moa, tahaka ny mahazatra, dia tsy namela ahy hamoaka ny lahatsoratra. Ny ady hevitra nosokafako ao amin'ny Cat898 BBS ? Nakatona ka tsy misy afaka mamaly.

Nakatoka koa ny ady hevitra iray hafa nataoko androany maraina, mikasika ny raharaha Yang Jian, hany ka tsy afaka mametraka hevitra na mamaly ny mpamaky.

中午，我给博客网一位熟悉的编辑发短信，希望能推荐一下博文《上海二中法院为何不在网上公布杨佳案开庭消息》。他回复短信称，有禁令。我又发短信询问，是以前的禁令，还是现在的禁令？他回复我说，以前的还在，现在的也有。

有网友将我的文章发到某论坛上，点击后打开不了。

正如《财经网》记者所说的，这一切是早有周密安排的。

Androany tolakandro dia nandefa hafatra tamin'ny namako iray ao amin'ny Bokee aho, nanantena fa ho afaka asehon'izy ireo ny lahatsoratro. “Nahoana no tsy navoakan'ny Intermediate Court ao Shangai amin'ny aterineto ny vaovao mikasika ny fitsarana an'i Yan Jia.” Namaly moa izy hoe ‘Misy baiko.' Namaly indray aho, nanontany hoe : “Baiko efa taloha ve, sa baiko vao izao ?” dia namaly indray izy fa f: ‘Ny baiko taloha mbola eo, art misy baiko vavao koa.'

Nisy namaly tamin'ny lahatsoratro tao ami'ny BBS, fa raha mandeha eto ianao dia tsy misokatra io.

Efa nomanina taloha daholo izao, araka ny nolazain'ny mpilaza vaovao avy ao amin'ny Caijing.

Nisy olona tsy nilaza anarana nametraka hevitra tao amin'ny lahatsoratry Liu :

(2008-08-26 13:43:55)

不让人说话,只能说明心里有鬼

(2008-08-26 13:43:55)

Ny tsy famelana ny olona hiteny dia tena maneho mihitsy fa misy zavatra afenin'izy ireo ao.

Shina : Fanovana ny toetr'andro

Pissoa — Tue, 26 Aug 2008 09:35:30 +0000

Nampiasa orana vitan'olombelona ny governemanta ao Beijing tamin'ny lalao olympika mba hahatsara ny andro tamin'ny lanonam-panokafana sy famaranana ny lalao. Tokony nilaza mialoha tamin'ny mponina ny governemanta, hoy i Lui Li rehetra nanana hevitra hanova ny toetr'andro tahaka izany.

Libanona : Ny lalao olympika ao Beijing

Pissoa — Tue, 19 Aug 2008 23:03:48 +0000

Na dia kely aza ny fandraisana anjaran'ireo Libaney amin'ny lalao Olympika any Beijing, dia tsara marihina fa in-dray mandeha ihany no tsy nanana solo-tena tamin'ny lalao Olympika i Libanona hatramin'ny 1948. Ny fandraisan'anjaran'i Libanona amin'ity lalao ity no resahin'i Ajnabiya ao amin'ny lahatsorany farany.

Fanamiana Hijab amin'ny Olympika

Pissoa — Tue, 19 Aug 2008 12:08:10 +0000

Nizara sarin'ireo mpanao fanatanjahan-tena tamin'ny lalao Olympika izay manao Hijab ny blaogy anglisy Hijab Style. Hita ao amin'ny sary i Ruqaya al Ghasara avy ao Bahrain sy Waseelah Fadhl Saad avy ao Yemen.

Kazakhstana : ny lalao Olympika tamin'ny blaogy

Pissoa — Tue, 19 Aug 2008 11:32:16 +0000

Nangingina ny resaka politika teo anivon'ireo mpitoraka blaogy avy any Kazakhstana noho ny lalao Olympika.

Mahasorena an'i Alim Atenbek ny fanamiana nanaovan'ny ekipa avy ao Kazakhstana [ru]:

Officials always want to make a buck on everything, and the Olympiad is not an exclusion. The government allocated 68 milion tenge for 226 kits - or 2,500 US dollars for each - but eventually the quality of fabric and tailoring was so bad that they had to remake it hastily. The tender for sale of tours to Beijing Olympics was very dubious too - a barely known tourist firm won it.

Ta hahazo vola foana ny manam-pahefana amin'ny zavatra rehetra, tafiditra amin'izay ny lalao Olympika. Nanokana 68 tapitrisa Tenge ny governemanta mba hamokarana fanamiana 226 - izany hoe 2500 dolara amerikana ny iray - nefa ratsy be ny lamba nampiasaina sy ny nanjairana azy ka tsy maitsy niverina nanamboatra fanamiana maika. Mampiahiahy koa fa “orinasa” zara raha misy mahafantatra no nampiandraiketana ny fandehanana tany Beijing tamin'ny lalao Olympika.

Resahin‘i KZblog koa ny faharatsian'ny fanamiana :

“the blazers have huge shoulder pads that make all the athletes look like little kids wearing Daddy’s business suits. And the orange skirts and little hats are way too bright on their own. The combination of white, bright blue and bright orange is a little hard to take!”

“Lehibe loatra ny soroky ny palitao nanaovan'izy ireo ka tahaka ny ankizy kely manao ny akanjon'ny Dadany no nahitana ireo atleta. Ilay zipo menapina sy ilay satroka kely moa dia marevaka loatra. Tsy miaraka mihitsy ilay loko fotsy, manga tanora ary menapina.

Namoaka ny lisitry ny vola nolazain'ny governemanta ao Kazakhstana fa omena ireo nahazo medaly i Mantrov-kz (250000 dolara ho an'ny medaly volamena), ary nilaza fa 720000 dolara no nampanantenain'ny filoha Azerbaijani ireo atletany : “Eto isika dia efa resy”, hoy izy [ru]. Tsara ihany nefa ny vokatra azon'ireo mpilalao Kazakh satria amin'izao dia efa nahazo medaly 8 izy ireo. Efa mitovy amin'ny medaly azon'izy ireo tamin'ny lalao Olympika tany Athena izany. Mahalasa saina kosa ny hevitra hitan‘i Wondernews [ru] :

If the CIS republics performed as a single “soviet” team, they would have won the first place by the amount of medals in Beijing!

Raha nitambatra ho ekipa sovietika iray ireo firenena ao amin'ny CIS dia izy ireo no nandrombaka ny fandresena amin'ny isan'ny medaly azony tamin'ny lalao any Beijing.

Tsy naharitra ny tsy hiresaka ny lafiny politika tamin'iny lalao iny kosa i epolet, mpitoraka blaogy amin'ny resaka politika [ru] :

All presidents of the Central Asian countries (Nazarbayev of Kazakhstan, Karimov of Uzbekistan, akiyev of Kyrgyzstan, Berdymukhamedov of Turkmenistan and Rakhmon of Tajikistan) have come to Beijing to watch the opening ceremony. Five countries were living without their presidents these days.

Nanatrika ny lanonam-panokafana tany Beijing daholo ny filoham-pirenena avy amin'ny faritra afovoan'i Azia (Nazarbayev avy ao Kazakhstan, Karimov avy ao Uzbekistan, Akiyev avy ao Kyrgyzstan, Berdymukhamedov avy ao Turkmenistan ary Rakhmon avy ao Tajikistan). Niaina tsy nisy filoha ny firenena dimy nandritra ny andro maromaro izao.

Navoaka ao amin'ny neweurasia koa ity lahatsoratra ity.

Slovakia : Mandrefy medaly Olympika

Pissoa — Mon, 18 Aug 2008 22:36:51 +0000

Araka ny kajikajy nataon'i Margarete, avy ao amin'ny The foreigner's guide to living in Slovakia dia fahafolo i Slovakia amin'ny isan'ny medaly isan'olona tamin'ny lalao Olympika, raha i Slovenia no voalohany.

Shina : mampalahelo ny tongotr'i Liu

Pissoa — Mon, 18 Aug 2008 22:13:43 +0000

Voatery niala an-daharana ilay mpihazakazaka kalaza, tompon-daka eran-tany amin'ny 110 metatra misy fefy tamin'ny lalao Olympika tany Athena, Liu Xiang androany maraina (ora any Shina) noho faharariana tamin'ny tongony.

BEIJING (AP) — Defending Olympic champion Liu Xiang of China pulled out of the 110-meter hurdles Monday, walking away from the blocks after coming up lame during a false start.

BEIJING (AP) - Niala an-daharana tamin'ny hazakazaka 110 metatra misy fefy i Liu Xiang, izay tokony hiaro ny maha-tompondakan'ny lalao olympika azy, rehefa avy naratra tamin'ny fiaingana mialoha ny fotoana.

Efa niainga alohan'ny fotoana i Liu, ary nihazakazaka nihoatra ny fefy roa. Nijanona tampoka nefa izy ary hita fa nikentrona naharary. Taorian'ny fialana alohan'ny fotoana nataon'ny mpifaninana iray hafa, talohan'ny hanombohan'ny lalao indrindra dia niala an-daharana i Liu. Nihoraka noho ny fahatairana sy ny alahelo ny mpijery ary nangina be ny kianja avy eo.

Efa taratra ihany iny zava-nitranga iny omaly. Nilaza i Sun Haiping, mpanazatra an'i Lui Xiang, fa naharary ny vody tongotr'i Lui hatramin'ny fanazaran-tena tamin'ny faha-16 Aogositra. Mbola nanantena ihany ny sinoa maro fa tetika ihany iny, na dia efa voamarina aza fa naratra i Liu.

Hifanosehana ny hevitra mandeha ao amin'ny Fanfou.com, ny twitter an'ny sinoa, taorian'ny nahitana an'i Liu nandao ny toerany tamin'ny endrika maloka.

1-lin 11:56

这次奥运会没有什么比刘翔更让我心痛

1-lin 11:56
Tsy hisy zavatra hampalahelo noho iny fialan'i Liu Xiang iny mihitsy amin'ity lalao ity.

阡陌 11:58

亿万人的心，被刘翔的退赛掏空了，没有刘翔的奥运会遗憾吗？没有刘翔的鸟巢会寂寞吗？

阡陌 11:58
Ontsa ny fon'ny olona an-tapitrisany noho ny fialan'i Liu Xiang. Tsy hampalahelo ve ny lalao Olympika tsy misy an'i Liu Xiang ? Tsy hangingina ve ilay “tranom-borona” nilaozan'i Liu Xiang ?

Misy milaza fa samy nahazo vitan-dratsy avokoa ireo mpanao fanatanjahan-tena hita tamin'ny dokambarotry ny Adidas tato ho ato.

Mololo 12:19

阿迪达斯那奥运广告真是个无敌诅咒。

Mololo 12:19
Tena namosavy mihitsy ny dokambarotry ny Adidas tamin'ity lalao Olympika ity.

Toa samy voa tamin'io daholo na ny tarika vehivavy mpilalao volley, na ilay mpilalao baolina Zhengzhi, ary izao indray dia i Liu Xiang.

Misy koa nefa ireo nanome tsiny an'i Liu Xiang :

海蓝 12:21

刘翔,你没倒在赛道上.却倒在了奥运精神下.

海蓝 12:21
Liu Xiang, tsy tamin'iny fifaninanana iny ihany no nianjera ianao, fa tamin'ny toe-tsaina olympika mihitsy.

Notoherin'i 微笑綻放 izany, ary betsaka no mitovy hevitra aminy 12:20

体育竞技本来就是这样，你ＴＭ一群什么都不懂的就只会怪别人，有本事你们上我看看。人家好你们就夸，人家伤了尽力了退出了，你们看金牌梦无望了就骂。你们干脆把奥运会改命叫抢金牌大赛好了。

Izany no atao hoe fifaninana ara-panatanjahan-tena. Ianareo ireo, ireo olona tsy mahay na inona na inona akory ankoatra ny manome tsiny ny olona ! Mitehaka ery ianareo rehefa mandresy izy, nefa raha vao manomboka mirodana ny nofinofy amin'ny medaly volamena dia iny fa manome tsiny. Maninona raha ovaina hoe fandrombahana medaly volamena ny anaran'ny lalao Olympika ?

Sary mihetsika kosa no fahitan'ny olona mpankafy aterineto iny zava-misy iny :

这一招实在是高
这几天我一直在想罗伯斯实力如何强劲,已经超过了刘翔,刘翔如何应对,如果输了(很大可能),商业价值必定大打折扣,人气肯定一落千丈,如果我是刘翔,该当如何?
谁知出现这种结果,这是刘翔所能做出并得到最大利益的结果,赢得了大家的同情,并保住了自己的人气,最重要的是,商业价值.
让人不能不佩服他身后的团队,实在是佩服(真心话,毕竟是同行)!

Tena tsara be ilay tetika !
Hitako fa natanjaka lavitra noho i Liuxiang mihitsy i Robles amin'izao. Ka ahoana no tokony hiatrehan'i Liu an'izany ? Raha tsy mivoaka mpandresy izy, izay inoako fa tena mety nitranga tokoa, dia hihena be ny lazany amin'ny lafiny varotra, sy ny fitiavan'ny vahoaka azy. Inona no ho nataoko raha izaho no tamin'ny toerany ?
Iny zava-niseho androany iny no hany azon'i Liu natao mba hahazoany tombony be indrindra. Samy voahazony daholo ny fitiavan'ny vahoaka azy, indrindra ny lazany amin'ny resaka varotra.
Ankafiziko mihitsy ny tarika mpanohana azy ao.

Efa namidy tamin'ny aterineto nefa ny tapakila hidirana amin'ny famaranana amin'ny hazakazaka misy fefy.

Na inona na inona nefa feo miparitaka, dia misy manohana hatrany i Liu.

Hoy i 小凤儿 tao amin'ny Fanfou :

我们都应该有颗宽容的心，刘翔虽然退出北京奥运会，但他依然是我们心目中的冠军。

Tokony mba mampiseho fandeferana kely isika. Na dia niala tamin'ny lalao Olymbika teto Beijing aza i Liu dia mbola mpandresy ihany izy ao am-pontsika.

Zeôrizia sy Estonia: Samy firenena kely ny malemy

Jentilisa — Wed, 13 Aug 2008 21:54:34 +0000

Osteuropablog no miresaka (GER) ny fitovitoviana eo amin'ny sehatra iraisam-pirenena samy kely sady malemy na io Zeôrizia na i Estonia, ary dia mieritreritra sahay izy amin'izay hitranga mandritra ny lalao olaimpika fanao amin'ny ririnina hotanterahina any Sochi tanàna iray any Rosia, manakaiky an'i Zeôrizia isian'nyady amin'izao fotoana amin'ny 2014.

Shina: Ankizivavy tonga lafatra tamin'ny fanokafana ny lalao olaimpika?

Jentilisa — Tue, 12 Aug 2008 04:53:19 +0000

Nadikan'ny China Digital Times ho amin'ny teny angilisy ny resadresaka nifanaovany tamin'i Chen Qigang, mpandrindra ankapobeny ny hira nandritra ny fotoam-panokafana ny lalao olaimpika, ary nanambaran'ity farany fa feon'ankizy hafa efa noraisimpeo mialoha ny feo henon'ny rehetra nandritra io lanonampanokafana io.[avy amin'ny mpandika teny: tsikaritro iny ka! nisy manko fotoana bitika dia bitika hitako tsy nifanandrify tsara feo sy ny sary, ankoatra ny tsy fiezahan'ilay zaza hihira mafy nefa mafy anie izany feo izany e!]