Tantara mikasika ny Espaniola tamin'ny Jona, 2013
Miara-manoratra Hira i Julian Assange, Calle 13, Sy Ireo Mpampiasa Twitter
René Pérez, fantatra hoe "Residente" avy amin'ny tarika Calle 13 — tarika iray izay manohitra ny karazana ankolafy —, sy Julian Assange, mpamorona ny Wikileaks, dia nanangona ireo hevitra sy sosokevitra avy amin'ireo mpampiasa Twitter mba hanoratra hira miaraka izay hampidirina ao amin'ny rakikiran'ny Calle 13 manaraka
Loka Eropeana Ho An'ny Fanampiana Ireo Voakasiky Ny Krizin'ny Fanaovana Antoka any Espaina
Namoaka ny anaran'ireo mpandresy tamin'ilay fifaninanana Olom-pirenena Eoropeana tamin'ity taona ity ny Parlemanta Eropeana. Nomena ilay Sehatra ho an'ny Voakasiky ny Fanaovana Antoka (PAH amin'ny teny espaniola) ny iray tamin'izany, fikambanana iray any an-toerana natao hanamaivana ny fijalian'ireo olona any Espaina izay voakasik'ilay krizin'ny fampindramam-bola "subprime" sy ireo voaroaka niala tamin'ny trano fonenany. Nasiaka dia nasiaka ny antoko eo amin'ny fitondràna tamin'ny fomba fizaràna loka, raha toa ka nanaiky tanteraka izany ny mpampiasa aterineto.
Leo ‘Voalavo’, Manohana An'i Morris – Saka Mpifaninana Ho Ben'ny Tanàna – Ireo Meksikana
Maneho ny fanohanany an'i Morris, saka izay "mifaninana" amin'ny fifidianana ho ben'ny tanàna ny 7 Jolay izao eo ambanin'ny teny filamatra “tsy hisy voalavo intsony”, ny vahoakan'ny fanjakan'i Veracruz. Na izany aza, misy ireo sasany mihevitra fa mety hanome tombontsoa ho anà antoko politika iray manokana io hetsi-panentanana io.
Nolanian'i Ekoatora Ilay Lalàna Mahabe Resaka Mifehy Ny Serasera
Taorian'ny adihevitra ela efa ho efa-taona izay, dia neken'ny Antenimieram-pirenena tao Akoatora ihany, tamin'ny isam-bato 108 mankasitraka ary 26 mitsipaka, ilay lalàna mahabe resaka hifehy ny serasera, natolotry ny Filoha Rafael Correa, Raha toa ny tompon'andraikitra ao amin'ny governemanta ka mankalaza [es] ny fahalanian'ilay lalàna, ireo fikambanan'ny mpanao gazety sy ireo mpanohitra kosa dia nandray izany [es] ho toy ny "famehezana" ny fahalalahana haneho hevitra ao amin'ny firenena .
Mitokona Mitaky Fisondrotan-Karama Ny Oniversiten'I Venezoela
Namoaka filàzana ny Oniversite ao Venezoela fa manao fitokonana tsy mitsahatra ho fitakiana fampiakaran-karama. Araka izany, eo an-dalàm-panoratana azy ny tohin'ilay fifandirana ela, noho ilay tsy fitovian-kevitra nisy teo amin'ireo mpikambana ao amin'ny governemanta sy ny Oniversitem-panjakana taty anatin'ny volana vitsy.
Mampiely Ny Fahazoana Miditra Aterineto i Kiobà Amin'ny Alalan'ny Fametrahana Ivon-tSerasera
Nanokatra efitrano hidirana aterineto 118 i Kiobà, ho anisan'ny ezaka hampitomboana ivon-tserasera ao amin'ny nosy. Azo ampiasaina any amin'ny biraom-barotry ny orinasam-pifandraisandavi-pirenena (ETECSA) rehetra manana ny iray amin'ireny efitrano ireny ny tolotra Nauta.
Nampitomboin'ny Kiobà Ny Fahafahana Midira Aterineto Avy Amin'ireo Ivontoerana Natao Ho An'ny Daholobe
Nanokatra Ivontoerana 118 hahafahana mampitombo ny fidirana Aterineto ao amin'ny Nosiny i Kioba. Antsoina hoe Nauta, ilay tolotra dia azo anontaniana eny amin'izay solotena ara-barotry ny Sampan-draharaha Kiobàna misahana ny serasera (ETECSA) izay miara-miasa amin'ilay fandaharanasa.
Niala ilay Kandidà Voalohany Avy Amin'ny LGBT Ho Ao Amin'ny Kongresy Ao Shily
Valentina Verbal dia nanao fampielezan-kevitra hanova ny tantara ho voalohany amin'ny vehivavy, nefa teraka ho lehilahy, mpikambana ao amin'ny Kongresy ao Shily. Raha maharesy izy, dia mety hanàna solontena tao amin'ny Kongresy ny vondrom-piarahamonin'ny LGBT ao Shily, mialoha lalana ireo firenena rehetra manerana izao tontolo izao.
#BarHeaven Sy Ny Olana Mikasika Ireo Olona Tsy Hita Popoka Tao Meksiko
Nanao fanambaràna ampahi-bemaso mikasika ny fanjavonan'ireo olona 26.121 ny biraon'ny LEhiben'ny Fampanoavana ao Meksika. Anarana raika ambiny folo izany izao no hamenoana ny lisitra taorian'ny fanjavonan'izy ireo tao amin'ilay trano fisotroana "Heaven" tao an-tananàn'i Meksiko.
Kolombia: Mianatra Amin'ny Vallenato
Ao amin'ireo mpiserasera Twitter Kolombiana, misongadina ny famoahana fehezanteny avy amin'ny hiran'ny Vallenato -hita amin'ny alalan'ny teny ifankafantarana #Elvallenatomeenseñó [es] (nampianatra ahy ny Vallenato)- ka avoitra avy amin'izany ny tononkira tsy lefin'ny fotoana intsony ao amin'ny hira ahitana taratra ny leson'ny fiainana.