Tantara mikasika ny Katalana
‘Afaka Manampy Manazava Amin'Izao Tontolo Izao Mikasika an'i Katalonia ny Global Voices’
Dinidinika niarahana tamin'i Violeta Camarasa, mpamoaka lahatsoratra amin'ny fiteny Katalana ao amin'ny Global Voices Online. Nasehon'ny Global Voices Català nandritra izay volana maro lasa izay fa manana ny traikefa hanazava amin'izao tontolo izao mikasika an'i Katalonia izy, manampy ny vaovaon'ny haino aman-jery fototra izay tsy mandraharaha ny tantara eo amin'ny faritra.
Espaina: Tsy Ampy Taona Nodarohan'ny Polisin'ny Katalonia, Antso Hialàn'ny Minisitra
Ny fampiasana hery nataon'ny vondron-kery polisin'i Katalonia antsoina hoe Els Mossos d’Esquadra [ca], nandritra ny fitokonambe [ca] tamin'ny 14 Novambra 2012 (#14N [ca]) no niteraka onjam-panamelohana an-tserasera. Niteraka fametrahana fanangona-tsonia [ca] ho fialan'ny minisitry ny atitanin'i Katalonia, Felip Puig, avy amin'ny antoko politika rezionaly efatra ity toe-draharaha nitranga tao antenantenan'ny fampielezan-kevitra manantantara ity.
Espaina: Fifidianana Katalana – “Garcia Avokoa Izahay Rehetra”
Mitodi-doha mankany amin'ny biraom-pifidianana indray androany alahady, 25 Novambra 2012 ny any Katalonia izay ao raha mitokozihitra ny eo amin'ny toekarena ary mavaivay ny adihevitra momba ny fisintahana amin'i Espaina. Nanomboka tamin'ny alalan'ny lahatsary mampiady hevitra nivoaka tao amin'ny fantsona Youtube an'ny Antokom-Bahoakan'ny Katalana [es] (Partit Popular de Catalunya na PPC) izay mpitàna ny firaisampirenena ny fampielezan-kevitra, izay nifantoka indrindra tamin'ny adihevitra momba ny fahaleovantena [fr] tamin'ny herinandro lasa teo.
Nosivanin'ny La Vanguardia Ny Bilaogy Iray Niresaka Momba Ny Fitokonana Tsy Hihinan-kanina Tao Amin'ny Telefónica
Ramatoa Katalana mpanao gazety i Lali Sandiumenge izay nanaisotra ny bilaoginy tao amin'ny La Vanguardia taorian'ny nanivànan'ilay gazety ny lahatsoratra iray niresahany ny fitokonana tsy hihinan-kanina ataon'ireo mpiasa ao amin'ny Telefónica ao Barcelone sy ny fampiasàn-dry zareo ireo tambajotra sosialy mba hampahafantarana ny fitakiany.
Espaina: Nandefa Lahatsary Mampiady Hevitra ny Antokon'ny Fampiraisam-Pirenena Katalana
Handeha handatsa-bato ny Katalana amin'ny 25 Novambra 2012 hoavy izao, izay fifidianana naroso alohan'ny fotoana. Taorian'ny 11 Septambra nisian'ny famoriam-bahoaka mpitaky ny fahaleovantena tao Barcelona, izay olona maherin'ny iray tapitrisa no tonga nidina an-dalambe hitaky ny fisarahan'i Katalonia amin'i Espaina, toa lasa karazana fankalazam-bahoaka hametrahana an'i Katalonia ho firenena (antenaina ho) mahaleotena...
Fandaharan'ny TV Katalana Momba Ny Fahaleovantenan'i Katalonia Hiala Amin'i Espaina Miteraka Adihevitra Be
Vao haingana izay no nandefa fandaharana fampahalalam-baovao manokana antsoina hoe "Independence, step by step" ilay fahitalavitra Katalana, TV3. Niteraka adihevitra mafonja be izany anatinà fotoana mafana raha ny mikasika ny politika Katalana, tsy ela alohan'ny fifidianana izay raisina ho fahalavorariana amin'ny fahaleovantenan'i Katalona avy any Espaina.
Espaina : Tsaraina Noho Ny Nahatrarany Kolikoly Ny Mpanao Gazety Roa Any Catalan
Hotsaraina any Catalan,Espaina amin'ny 27 Septambra, i Albano Dante sy i Marta Sibina, tonian-dahatsoratry ny gazetiboky Cafè amb Llet. Nampangain'ny mpanolotsain'ny filohan'i Catalan ho nanala baràka ireo mpanao gazety rehefa nilaza fa misy mpiasam-panjakana ambony voarohirohy ao amin'io kolikoly amin'ny rafitra ara-pahasalamana io.
Espaina : Fanentanana “Tsy handoa vola aho” Manerana ny Lalambe Katalana
Naharitra dimy volana hatramin'izao ilay hetsi-panoherana ny fampakàrana ny haban-dalana amin'ny lalambe espaniola ary tonga hatramin'ny fifandonana teo amin'ny mpamily fiarakodia sy mpitantan-draharaha tsy miankina misahana ny lalambe
Espaina: Tsy Fifanarahana Taorian'ny Fanafoanan'ny Fitsarana Tampony Ny Fampidirana Ny Catalan
Nibahan-toerana tanteraka tao amin'ny blogosphère ny adihevitra momba ny fiteny Catalogne, hatramin'ny fotoana nanafoanan'ny Fitsarana Faratampony Espaniola ny fampidirana ny fiteny ho an'ireo ankizy eo anelanelan'ny telo ka hatramin'ny enin-taona. Ampiasaina ny filonana amin'ny fiteny mba hanomezana antoka ny fahaiza-mifehy ny Catalan ho an'ireo manana tenin-dreny amin'ny fiteny hafa.
#TwitterEnCatalà Miteraka Bitsi-Pifaliana Sy Fankahalàna
Ny 6 Jolay 2012, analiny ireo mpiondana aterineto miteny ny fiteny Catalan no nankalaza ny fahatongavan'ny fampiasana ny tenin'izy ireo eo amin'ny Twitter. Vetivety dia nanjary lohahevitra noresahana be tao Espaina ny tenifototra #twitterencatalà