Lahatsoratra farany an'i miora tamin'ny Novambra, 2012
Manintona Ny Saina Ho Any Amin'ireo Olona Manana Fahasembanana Any Jamaika Ny Fampirantiana Zava-kanto Vaovao
Nanan-danja ny fiandohan'ilay fampirantiana voalohany indrindra notanterahin'ilay mpanakanto Jamaikana Astro Saulter, tsy noho ny fanolorany mpanakanto iray vaovao eo amin'ny sehatry ny zava-kanto ao an-toerana ihany, fa koa noho ny fitarihany ny fahalinana amin'ny filàna fidirana amin'ny fanabeazana haikanto tsara kokoa, indrindra ho an'ireo olona manana kilema.
Tetikasa Anaty Aterineto Hanaraha-maso Ny Toetry Ny Làlana Any Rosia
Fomba fanaraha-maso ny toetry ny làlana sy ny fampanaraham-penitra azy amin’ireo lamina farany napetraky ny governemanta ny tetikasa "RosYama". Na iza na iza mahita làlana tsy manaraka ireo fenitra ireo dia afaka mampiasa ny tolotra RosYama.
Manohitra Ny Kolikoly Ny Tanora Ao Amerika Latina
Mizara lahatsary iray i Andrea Arzaba izay hanadihadiany ireo tetikasa tarihan’ireo tanoran’i Amerika Latina ho amin’ny mangarahara sy ny fandraisana andraikitra. Nandray anjara tamin’ilay Sehatra Fiadian-kevitry ny Tanora Eran-tany Manohitra Ny Kolikoly Andiany Fahatelo,nokarakarain’ny Tambajotran’ny Tanora Eran-tany Manohitra Ny Kolikoly (GYAC) any Brasilia, Brezila ny 5 sy 6 Novambra teo.
Tontolo Arabo: Inona No Hiova Amin'ny Fahalanian'i Obama Fanindroany?
Lany ho filoham-pirenena amerikanina fanindroany i Barack Obama nefa ahoana ny fandraisan’ireo mpampiasa aterineto any amin’ny tontolo arabo izany? Indro misy pitiny kely tamin’ireo bitsika tao amin’ny Twitter taorian’ny fahalaniany indray. Mizarazara ny fihetseham-po, raha faly noho ny politika ivelan’i Etazonia any an-toerana ny ankabeazany, ny hafa kosa dia faly satria nandresy i Obama.
Manangona Vaovao Mikasika Ny Firenena Ho Aminà Toerana Iray Ireo Rindrambaiko Zambiana Ho an'ny Finday
Taorian'ny fanamboarana rindrambaiko ho anà finday Android tamin'ity taona izay manome fahafahana ireo Zambiana handray anjara anatin'ilay fizotran'ny fanoratana ny lalàm-panorenana, nisy rindrambaiko roa hafa ihany koa, ny Zambia News Daily sy ny The Zambian izay manangona ireo vaovao momba ny firenena avy amin'ireo loharano maro ao anaty aterineto, nipoitra teny amin'ny tsena.
Hasiana Fanamboarana Ny Sandam-bola Zambiana
Vonona hanavao ny sandam-bolany amin’ny alalan’ny fanesorana ireo aotra telo amin’ny Kwacha i Zambia amin’ny taom-baovao. Nanan-danja teo amin'ireo mpampiasa aterineto ilay tetikasa goavana izay nanoloran'ny Bankin'i Zambia mihitsy ny andro 31 Desambra 2012 ho andro tsy fiasàna mba hamelana ny fifindrana moramora avy amin'ny vola ampiasaina amin'izao fotoana mankany amin'ireo vola taratasy sy vola madinika navaozina , izay averina hampidirina ihany koa. Raha manohana izany fampiharana izany ireo mpampiasa aterineto sasany, ny hafa kosa milaza fa fanovàna endrika ivelany fotsiny izany.
Andro Iraisam-pirenena Ho Famaranana ny Tsimatimanota: Mandraisa Anjara Amin'ny Hetsika Fanentanana
Nanapa-kevitra hanao ny 23 Novambra ho Andro iraisam-pirenena ho famaranana ny tsimatimanota i IFEX hitakiana ny rariny ho an'ireo mpanakanto, mpanao gazety, mpihira ary ireo mpanoratra eran-tany izay noterena hangina. Mandraisa anjara e!
Ejipta: Hijanona Eto Ve Ny Vetaveta Anaty Aterineto?
Anivon'ireo olana manery indrindra ny firenena amin'izao fotoana izao ny ady mitohy mikasika ny lalàm-panorenana Ejiptiana amin'ny hoavy sy ny fitokonan'ireo mpiasan'ny fahasalamana Ejiptiana izay naharitra iray volana mahery ... sa izy ireo mihitsy no loha-laharana? Araka ny fantatra dia nanapa-kevitra ny Mpampanoa lalàna fa mila teatra bebe kokoa ny vahoaka ary nanambara fa hanomboka hisakana ireo vohikala mamoafady i Ejipta.
Teknolojia Iray, Fahalalahana Samihafa: Ny Fomba Ahafahan'ny Lalàna Mikasika Ny Copyright Ao Etazonia Mametra Ny Fampiasàna Ireo Fitaovana Mandehandeha
Raha ny fomba fijerin'ny mpampiasa dia tsy misy fahasamihafana mivaingana eo amin'ny smartphone sy ny tablette.Samy solosaina mandehandeha manana fàfana azo kitihana ireo fitaovana roa ireo, ary raha mety hanana rindrambaiko voatokana ho azy ny smartphone, tsy tafiditra ao anatiny tanteraka ny fahafahana miantso na miditra anatin'ny tambajotranà finday
Ny Fientanentanana Faran'ny LiveJournal, Miaraka Amin'ny Famelàn'ny Hery Manokana Rosiana
Noforonin’olona tsy nitonona anarana ny bilaogy LiveJournal hardingush [ru] tamin’ny 15 Septambra 2012. Mbola tsy nisy roa volana akory izay, ilay bilaogy, mitondra ny lohateny hoe Spetsnaz Ingushetii (Ny tafika manokana Ingush), dia laharana faha-425th[ru] ao amin’ny fandaharana ankapoben’ny mpampiasa LJ. Nametraka tsikera mihoatry ny 4,000 tanatin’ireo lahatsoratra samihafa ao anatiny ireo mpampiasa aterineto. Ny efatra tamin’ireo lahatsoratra ireo dia tafiditra tao amin’ny lisitr’ireo 25 voalohany [ru] amin’ny mpitoraka bilaogy Kaokaziana tavaratra tamin’ny volana Oktobra. Fa iza marina moa no ao ambadik'io bilaogy io?
