Nisehoana asa fampihorohoroana indray tao indonezia [naotin'ny tonia:tamin'ny volana jolay]. Bomba roa no nipoaka tao Jakarta renivohitra indonezia tamin’ny zoma lasa teo. Araka ny voalazan' ny vavolombelona dia tamin’ny 07:40 maraina no nahenoan’izy ireo ny fipoahana voalohany avy ao amin’ny JW Marriott, ary 2 minitra taorian’izany dia nirefotra ny bomba faharoa ary namotika ny trano fisakafoanana tao amin’ny Ritz Hotel Carlton, izay eo ho eo amin’ny 500 metatra miala avy eo amin’ny fipoahana voalohany, toerana tomefy olona misakafo maraina. Fanta-daza ho fivahinian'ny vahiny tandrefana ireo Trano fandraisam-bahiny roa lehibe ireo.

Raha araka ny vaovao avy ao an-toerana dia nahatratra sivy ny olona maty ary betsaka ireo indoneziana izay mpiasa ao amin’ireo trano fandraisam-bahiny roa ireo no naratra.

Mbola tsaroan'ny Jakartiana ny fomba famonoana olona nataon'ny mpanao vy very ny ainy tamin’ny alalan’ny baomba izay tena mahery vaika tokoa ka nirefotra nanoloana ny hotely JW Marriott, tamin'ny 2003 izay nahafatesana olona 14 sy naharatrana 156. Voalaza ho nanana fifandraisana tamin’ny Jemaah Islamiyah (JI) ilay mpanao vy very ny ainy, ny JI dia vondron’ Al Qaeda any amin’iny faritra atsimo atsinanan'i Azia iny.

Andre Siregar izay mpampiasa ny twitter dia tao amin’ny Ritz tamin’ny fotoana nitrangan’ny loza io, nanambara izy hoe:

Dregartwi1

Nandefa sary ihany koa, sary izay nalainy avy tao amin’ny efitrano misy azy tao amin’ny Ritz, sy sary hafa ihany koa izy taoriana kelin'ny fipoahana.

Nilaza I Susilo Bambang Yudhoyono (filoham-pirenna voafidy fanindroany) fa avy amin’ireo izay maniry hisian'ny korontana taorian'ny fifidianana filoham-pirenna ny fanapoahana bomba, ny filoha lefitra Jusuf Kalla kosa dia nanome tsiny ny mpitandro filaminana sy ny sampam-pitsikilovava indonezianina (BIN) izay variana sy nifantoka be loatra amin’ny fitandroana ny fandriampahalemana amin’ny fifidianana filohan’ny repoblika sy ny hahatanterahan'izany fa nanadino ny hitandro ny filaminan'ny zavatra hafaka.

Araka ny voalazan'ny vaovao any an-toerana [id] detik.com, dia I Jusuf Kalla izay malaza noho ny fanombohan'anarana JK,dia nanambara fa mandrapahatonga any amin'ny “action” dia mila fanomanana amam-bolana izany manamboatra baomba izany, fa tsy vita ao anatin'ny iray herinandro iray monja.
Niaiky tao amin'ny Kompas ny lehiben'ny BIN Syamsir Siregar fa misy ny tsirambina ataon'ny sampam-pitsikilovana fa izy ireo dia tsy mba nahare siosio mihitsy ny mety hisian'ny fipoahana aoJakarta, nanambara kosa izy fa mpisy amin'ny fiarovam-pirenena ihany izany lavaka izany eny fa na any amin'ny firenena izay heverina fa tena matanjaka indrindra aza.

Nanameloka tanteraka izao asa fampihorohorona izao ny fanjakana amerikanina sy Aostraliana dia ary nampanantena ny hanampy ny fanjakana indonesianina.

Raha tia ny Global Voices ianao, dia tsy misy fomba hafa sy tsotra ho fanehoanao izany afa tsy ny mitafy ny akanjo (T-Shirt) Global Voices vaovao mahafatifaty iray. Hivory hanotrona an’i Barack Obama ve ianao, na ny mpanjakavavin'i Jordania ? hitafio ilay T-shirt! Hiseho amin’ny fahitalavitra? Aza hadinoina ilay akanjonao (T-Shirt)! Azoazo eo amin'ny sehatra iraisampirenena sy mahavita kalitaona printy tsara ny mpamongadiny nofidianay.

Komandio ao amin’ny tranonkala RedBubble.com ary ny T-Shirt-nao.

Tsy mitady tombombarotra be amin'izy ity izahay, ka tsy misy ny fanerena hividy azy. Raisinay am-pifaliana kosa raha misy ny fitia tsy mba hetra hanohananao ny asan'ny Global Voices.

Fikambanan'ny mpitoraka bilaogy sy ny mpandika teny ny Global Voices, izay mifototra amin'ny asa an-tsitra-po amin’ny ankapobeny amin'ny fitaterana ny resaky ny fampitam-baovaon'olom-pirenena manerantany. Miankina amin'ny fanohanana ataonareo izahay hahafahanay manohy ny asanay

Misy amin'ny endrika sy bika isankarazany ny T-shirt, ary misy karazana loko dimy ihany koa.Ary ny mpitoraka bilaogy rehetra erantany dia tokony hanana tsirairay avy.

Ny marainan’ny 16 Jona 1976, mpianatra mainty hoditra anarivony no nidina an-dalambe niainga avy tao an-tsekoly ho eny amin’ny kianja Orlando ary hanao rodobe hanohitra ny fanerena ny rafi-pampianarana an-tsekoly ho amin’ny teny Afrikaans. Betsaka tamin’ ireo mpianatra tonga teny an-tsekoly io maraina io no tsy nahafantatra mialoha ny hisian’ny fihetsiketsehana nefa resy lahatra nandray anjara teny ihany koa.

Heverina fa teo anelanelan’ny 300 ka hatramin’ny 600 no isan’ireo olona namoy ny ainy nandritra ny fifandonana, fotoana nofaritana ho fiandohan'ny fanoherana ny rafitra fanavakavaham-bolokoditra.

Mijery todika ny tantara ny mpanoratra ao amin’ny bolongana Redemption Time:

Betsaka no azoko tenenina mikasika io andro io, nefa ho feheziko amin’ny teboka vitsivitsy ny teniko. Amin'ny tantara rehetra, ny fitondrana mpanavakava-bolokoditra sy ny zavatra vitany teo amin’ny vahoaka sy ny tanora izay nofehezina teo ambaniny no hitoetra ho tantara ratsy indrindra eo amin’ny tantaran’ny zanak’olombelona. Noho izany dia mitondra fanajana lehibe ho an’ireo tanora izay niaina tamin'izany fotoana izany aho, izay niady tamin’ny herin’ny fanavakavaham-bolokoditra sy ny fanambaniana ny bantu sy ny baiko afrikana sadasada ny taona 1976. Ho tsaroana mandrakizay ary homena voninahitra eto amin’ity firenena ity I Hector Peeterson sy ireo izay niaraka taminy ka nijoro nitaky ny zon’izy ireo.

Ao amin’ny bolongana Platform 2, manoratra mikasika ny fankalazana ny fikomiana tamin'ny 16 Jona sy ny mozika ho endrim-panoherana ny mpanoratra:

Ho fantatry ny tontolon’ny Hip-Hop fa zanaka lahy no nomena antsika ny andron’ny 16 Jona, araka ny tantaran’ny tontolo rap, mpanantalenta rap no teraka avy tao anatin’ny hetsika ara-politikan’I Afeni Shakur ary ho fantatry ny tontolo Mzansi fa nipetraka ny tantara io andron’ny taona 1976 io. Androm-pitahiana ny fahatsiarovana io andro io tsy amin'ny maha andron'ny tanora Afrikana tatsimo ihany fa amin'ny mahafanatika Hip-hop ihany koa. Ireo mozika henointsika amin'ny maha-fiovana lehibe azy no nahasahian'ireo tanora mpiady nitondra ny hatezerany ho eny an-dalambe. Antony hafa no notakian’izy ireo izay mahakasika ny tolona politika nataon'izy ireo nefa mitovy amin'ny fanirian’ireo tanora ankehitriny higoka fahafahana. Ekena hoe tsy dia mihetsika toy ireo tanoran’ny taona 76 isika saingy raha ny marina dia mitovy ny zava-notakiana, dia ny fahafahantsika, hita mazava be izany nandritra ny fotoam-pifidianana tamin'ny volana arily ka ny ankamaroan’ny tanora mihitsy no tonga nandatsa-bato. Tonga isika hiaro ny fahafahantsika, nifidy isika satria tiantsika ho henoina ny fijaliantsika sy ny tolona ataontsika. Avy teo tsy ela akory izay no niara-nandihy tamin'ny fankahalana vahiny, famonoana sy ny fidorohana zava-mahadomelina isika, dia noraisintska ho amin'ny lafiny tsara toy ny fikomina nataon’ny Hector Petersons nanohitra ny rafi-pampianarana Bantu ihany koa tamin'ny alalan'ny fandrotsaham-bato ny fikomiana nataontska.

Manoratra i Fabulosity fa ny olana dia zavatra hafa ambonin’ny fampianarana ho amin’ny fiteny Afrikaans:

Tsy ny teny Afrikaans amin'ny maha-rafi-pampianarana Bantu manontolo izay nisiana fanavahana sekoly sy Anjerimanontolo, kojakoja tsizarizary, ny efitrano fianarana hipoka ary ny tsy fahampian'ny fiofanana ho  an'ny mpampianatra loatra no nisian'ny adihevitra.

Miresaka ny fiantraikan'ny fihetsiketsehana I Thando Tshangela:

Nahatratra ny faratampony ny vanimpotoanan’ny fihetsiketsehan’ny mpianatra sy ny tanora tamin'ny taona 1980 tany amin'ny tanànan’ireo mainty hoditra ary ny krizin'ny kolontsain'ny fianarana sy ny fampianarana teo amin'nympianatra dia lasa ho fanoherana ny  fanavakavaham-bolokoditra teny an-dalambe. Ny tanjona? Hahatonga ny firenena tsy ho azo fehezina? Sy  ny hahatanteraka ny fahafahana na dia lasa sorona aza ny fanabeazana. Ny velirano nentin’izy ireo? Fahafahana aloha vao ny fianarana?

Isan-taona, mialoha ny fahatsiarovana ny 4 Jona( Kianjan'i Tianamen , 1989), no tian'ny mponina ao Hong Kong hanaovana fihetsiketsehana hitadiavana ny rariny. Amin’ity taona ity dia ny andron’ny 31 May no anaovana ny fihaonambe ho fahatsiarovana ny faha-20 taonan’izany. Ankoatra izany dia hisy ny fitondrana labozia amin'ny alin’ny 4 Jona izay hiarahan’ny vahoaka mientana ho fahatsiarovana ireo izay namoy ny ainy ho an’ny demokrasia. Araka ny mahazatra dia ny mpikarakarara,  antsoina hoe  Hong Kong Alliance in Support of Patriotic Democratic Movement in China(Ny firaisan’ny Hong Kong manohana ny hetsika fitiavan-tanindrazana ara-demokratika ao Sina), no miangaly ny hakanton'ny T-shirt ho an’ity hetsika ity; amin’ity taona ity, dia misy ny fiovana hafakely satria efa niangaly ny endri-tsary tiany hatao amin'ny T-shirt ny mpiserasera ary misy ny mizara ny vitany amin’ny alalan’ny aterineto: toy ny Foncept. Hita eto ambany ny sombiny amin’ireo haikanton'ny T-shirt entina hahatsiarovana ny 4 Jona nataon'ny mpiserasera:

I Kar Chum no namorona ny famantarana (logo):

Ireo endri-tsoratra Sinoa efatra dia midika hoe: “valifaty” sy “manombotomboka hatramin'ny fahafatesana”, hoy ny mpahay kanto egg sandwich:

八九民運六四事件當中最為無情的最為觸目的應該是一部一部的坦克車轆死中國人。

Ity iray ity indray izay namboarin’ny Tai Creative Design, dia mampitambatra ny soratra hoe “4 Jona” miaraka amin’ny  teny hoe “Fandriampahalemana”.

Etsy ankilany dia maneho endri-tsoratra mivadika “4 Jona” I Egg ho mariky ny “fampiononana”.

Ampiasain’I Zi Sun ny soritsoritra famantarana ny “Andriamani-bavin'ny Demokrasia” , izay niarahan'ny mpianatra zavakanto tao Beijing namorona, tamin’ny taona 1989.

Samy ampiasain’I Joel sy Z!NG avokoa ny sary manohina ny fo arahana famantarana izay mampiseho ny olona iray ao Beijing miezaka manakana fiara mifono vy an-tanam-polo tsy hiditra ny Kianja Tiananmen

Ny mpahay Sary  antsoina hoe Vicky dia manazava fa voasoritry ny sary ny hoe “mpianatra”, “boky mena”, “fahafatesana” ary ny “4 Jona”.

Mahavelom-bolo tokoa ny mahita ireo tanora Arabo mpandraharaha ara-teknolojia mandray andraikitra sy manatanteraka ny nofinofin’izy ireo. Niseho an-tsehatra ary nanao fampisehoana ny tetik’asan’izy ireo ho an’ny mpijery mafana fo ny orinasa toy nye-space sy Al-khawarizmy avy any Egipta, Ishki sy MailPacks avy any Jordan ary ny sasany hafa ihany koa.

(doka ho an’ny Arab Crunch)

Nanoratra ny mpandrindra Chaith Sager avy ao amin’ny Arab Crunch  fa:

Andro tokana ihany ilay fampisehoana voalohan’ny ARABCRUNCH DEMO (Andrana Hafainganana Arabo) izay nifarana tamin’ny Alatsinainy 23 Febroary 2009 teo, tao amin’ny Anjerimanontolo Pricess Sumaya, ao Amman, Jordana. Fiantombohana iandrandrana fahombiazana eo amin’ireo vokatra ara-teknolojia vaovao sy eo amin’ny karazan’asa ao amin’ny tontolon’ny Arabo ihany no tanjon’ity fotoana ity. Voalohany, ankoatry ny fanairana , dia tafiditra tao anatin’ny fandaharam-potoana ny fandraisana anjaran’ireo olona ikoizana ao an-toerana sy any ivelany avy amina orinasa nosokajiana araka ny hai-varotra amin'ny aterineto (e-marketing), sy araka ny tanjaka ara-bolany, ary ny fahaizany ny Serasera ara-Teknolojia (IT= Information Technology).

Nasehon’I Ishki , Jordaniana , ny fiasan’ny tranonkalany nandritra ity fotoana ity, izay tranonkala arabo voalohany nanome ny mponina tao Jordana ny fahafahana hizara ny alahelo, ny olana amin'ny alalan'ny aterineto ary ny fitadiavam-bahaolana. Mijoro tokoa ireo tranonkala ho amin’ny feon’ny olom-pirenena tsotra mahakasika ny olana miankina na tsy miankina amin’ny fanjakana, na ny olana eo amin’ny fandraharahana koa aza. Milaza I Ahmad Kharbat, lefitry ny fananganana an’I Ishki hoe: “Hanampy fantsona ho an’ny orinasa tsirairay izay miasa ao amin’ny tontolo arabo izahay, koa amin’izay dia afaka maneho ny heviny sy ny fihetsem-pony ny olona. Nampanantena ihany koa izy fa hanampy misimisy kokoa ny karazana tranonkala ao an-toerana ho an’ny firenena Arabo.

Napetrak'i Hamdy Khalil,  lefitry  ny fananganana an’i e-space avy any Alexandria Egipta tao anaty fitaratra lehibe ny toeran-tserasera mifandrafitra (framework) antsoina hoe weNear  izay mifaninana amin’ny Voromahery Afon'i Yahoo (Yahoo’s Fire Eagle). Ity sehatra ity dia notsinjovina indrindra ho an’ireo mpamorona serasera eo anivon'ny aterineto mba hahafahany mampiasa ilay API (ivom-piantsonana anterineto, “Serveur Internet”), koa amin’izany no ahafahan’izy ireo mampiroborobo kirakiram-pifandraisan-davitra avy amin’ny  fitaovam-pifandraisana an-tselika (devices, peripheries) toy ny finday iPhone, ao anatin’izany ny  Android sy Symbian.

Niseho tao anatin’ny fotoana ihany koa ireo mpandraharaha tsara toerana toa an'i  Sumaya Kazi, mpamorona ny the Cultural Connect, ary i Khaled Jabasini, mpamorona sady Tale Jeneralin’ny Dubai-baised E-Marketing

Nitondra ny kabary fototra izay nifototra tamin'ny lohateny hoe ‘ny fahatanorana sy ny faniriana' i Sumaya Kazi, Tale Jeneraly sady lehiben’ny mpandrindra ao amin’ny Cultural Connect ary ihany koa mpitantana ambony ireo vaovao ara-tSosialy avy ao amin’ny Fortune 500 company Sun Microsystems.  Nitantara ny traikefany tamin’ny fiantombohan’ny Cultural Connect izy.  Nasehon'i Sumaya mazava tsara anaty fitaratra ireo mpandraharaha mahomby izay nanao  ny fiantombohana ombam-pahombiazana niaraka tamin’ireo mpandraharaha ara-tsosialy  izay efa nifampidinidinika taminy tany aloha tany. Nizara toro-hevitra 8 izy ary ity no fanombohana voalohany amin’ireo : “miaraha amin’ny olona kinga saina sy manana hevi-dehibe noho ianao, miezaha tsy ho toa azy ireny”
Ny fotoana, izay nahaliana ny mpandray anjara miisa 300, dia nifara tamin’ny hafaliana sy fanantenana teo  amin’ny roa tonta, mpandraharaha sy mpijery . Nilaza I Saqer teo amin’ny fiafaran’ny fotoana fa hanomana seho indray amin’ny endrika hafa izy amin’ny volana manaraka na amin’ny taona ho avy, mampanantena izy fa ho goavana kokoa io fampisehoana manaraka io ary amin’izany no hisokafan’ny fahafahana mampisongadina misimisy kokoa ny teknolojia ao amin’ny tontolo Arabo.

Kanefa dia nampisy fifandirana ihany koa ny hira nampidirin’ny Rosia ankehitriny. Manazava I Andy manoratra ny ny Siberian Light:

Ahitan'ny mpahita petrakevitra momba ny tsikombakomba ambadika sy ny mpamaham-bolongana fanazavana avokoa ny zavatra rehetra, notsongaina hisolo tena an'i Rosia amin'ity taona ity ny  Mam [o] izay nataon’ny Anastasia .

Fifandirana hoe? Izao e, okrainiana i Prikhodko, ary hiraina ampahany amin'ny teny rosiana sy ampahany miroky teny okrainiana ny hira antsoina hoe Mamo. Marina fa lany tamin’ny fifaninana tany Rosia i Prikhodko rehefa hita fa tsy tafiditra handray anjara any Okraina […]

Izao no hevitr'i Andy eo amin’ny sehatra jeopolitika tamin'ny fidiran'i Rosia eo amin'ity sehatra ity:

[…]n’inona n’inona aloha, amiko manokana dia hitako fa misy tsipaka ataon'i Rosia ilay izy e. Tsy vitan’ny hoe efa resiny sy nohitsakitsahiny i Georgia, izay nampiditra hira mahasorena milaza ny tsy itiavan’izy ireo an’I Putin – fa dia lazain’izy ireo fa tsy misy afatsy miresaka fahandriampahalemana sy fifampitsinjonvana eo amin’ny mpiara-monina any Rosia. Ary tena tian’izy ireo ny Okrainiana an.

Raha ny tena marina aloha dia tsara  ilay hira – tsy tena goavana, kanefa azo antoka kosa fa tsy hitsanga-menatra I Rosia amin’ny volana May […]

Nanoratra ny mikasika ity hira nampidirin’ny Rosia ity - sy ilay nampidirin'i Okraina - I Vasyl of uaMuzik:

Andao isika hijery ifotony ato amin’ny sehatry ny WMSC (World Mudslinging Song Contest) mba hihainoana ny kabarim-panokafana. “Eo amin’ny zoro havanana ny mpisolo tena ny firenena Rosia, ilay nandresy tamin'ny herintaona tamin'ny Eurovision, ny antsika avy teto Iokraina Anastasia Prykhodko , hanao ny hira mitondra ny lohanteny hoe Mamo. Ny mpifaninana aminy eo amin'ny zoro havia, mpihira taloha tao amin'ny Via Gra, tao amin’ny tetik’asa T&A an’I Rosia ho an’ny taonjato faha 21, dia I Svitlana Loboda!”

Raha jerena amin'ny fo tsy miangatra dia izay no mahatonga  izao toe-javatra izao. Ny marina dia misy ny Rosiana tezitra fa Okrainiana no hisolotena azy ireo ao amin'ny ESC amin’ity taona ity ary tsy hatao amin’ny teny Rosiana madiorano na teny anglisy ilay hira, fa misy voarara, miteny amin'ny teny Okrainiana tsy manana dikany amin'ny teny rosiana ireo mpiara-mihira aminy[…]

Raha misy moa ny resaka vato mihodikodina alatsaka ho an’I Anastasia Prykhodko, dia tsy ho olan’ny Rosianina irery izany. Manoratra izany I Belgraded – teo amin’ny fanitsiana ny “ireo Degany tamin’ny HiraEropa Balkana 2009” (Balkan Eurosong Losers of 2009) mahakasika ireo hira nandresy:

[…]fifandraisan’ny olon-tsotra amin’ny fanisana ny latsa-bato dia zava-dehibe foana eo amin’ny fiadina ny famaranana Balkaniana, ary ny fifaninana ao an-toerana amin’ity taona ity dia tsy hisy fanavahana. Ho hita eo hoe iza no manana ny fifandraisana tsara sy/na mahay mandrindra ny fanakaramana ny mpitsara, jereo ny antonta Balkana[..]

Tokony ho marihana tsara fa tsy dia manana zotom-po ny antonta Balkana (Balkan file) mahakasika ny “fanantenana ananan’ny Eurovision”, avy amin’ny “Yogoslavia teo aloha, sy Albaina”

Hiverina eny amin’ny taniny ve ny Eurovision amin’ny herintaona tao aorian’ny fotoana fohy nisian’izany tao Rosia? Angamba tsia [..]

Andao hiverina ato amin’ireo “Degany” (olon-dresy) ankehitriny isika, ity no voasoratry Belgraded mahakasika Serbiana iray:

Ny Serbiana degany (olo-dresy) indrindra nananantsika nandritra taona maro – ananan’izy ireo daholo ny karazany maro: ireo kidaladala mpanao hatsikana, ireo pelaka tia fiarahana amina mpisorona na miaramila ambony grady, ireo vehivavy jila komonista, ary ireo mozika marisidrisika sy milanto. Eny, fantatro fa efa noteneninko ny mozika marisidrisika sy milanto. Ny olona sasany milaza fa naheno ny feon-kira an’I “Bohemian Rhapsody” sy ny hoe “ You’ll never walk alone” (tsy andeha irery intsony ianao) teny ho eny kanefa tsy ho vitako kosa aloha ny manara-maso ny misy azy ireny e. [….]

Ity ny horonantsarin’ireo mpandray anjary voalaza etsy ambony:

Nanoratra I Sajkaca ao amin’ny tsikera ho an’ity lahatsoratra ity:

Aleo isika ho mari-toetra, raha toa ka hoe hira kanto manaraka ny fomba efa mahazatra no hita ao dia tsy hisy olona hanatrika ny fifaninana Eurovision akory eo. Misy ny hery misarika satria fantatrao fa mety ahamenatra ilay izy! [….]

Manohy manaraka akaiky ny toe-draharaha ao amin’ny firenena sy ny fikasan’ny governemanta hamerina ny toe-karena sy ny tontolo hafa eo amin’ny fiainana ara-tsosialy ho “fehezina amin’ny fomba mivantana (fanaraha-maso an-tanana)” ireo mpamaham-bolongana ao Kazakhstan

Mitanisa I Dass, minisitry ny asa izay nanambara tao amin’ny fivoriamben’ny governemanta fa manodidina ny 900 000 no isan’ny olona atahoarana fa ho tafiditra ao anatin’ny tsy fananan’asa, 3,4 tapitrisa no salan’isa fantatra fa efa tafiditra ao anatin’izany,  11,4 tapitrisa kosa no isan’ireo izay tsy ho tratran’ity tsy fananan’asa ity. Io antontan’isa io kosa anefa dia toa ohatrin’ny hafahafa ihany, izany dia araka ny fahitana ny ankamroan’ireo tsikera avy tao anatin’ny lahatsoratra. Tsy ny vahoaka mamokatra ihany no voaisan’ny Ministra tao anatin’ny antontan’isa, fa tafiditra tao daholo ireo olom-pirenena ao Kazakhstan, anisan’izany ireo zaza vao teraka sy ireo be antitra. Ny isan’ny vahoaka mamokatra dia 7,8 tapitrisa, izay midika fa mihoatra ny antsasak’izany isa izany no antontan’isan’ireo izay ho very asa.

Nomen ’I Slavoyara ny tsikera manadihady ireo drafitry ny governemanta mametraka ny toe-bolan’ny fisotron-dronono ho entina hamatsiana ny 70%n’ny zavatra tena ilaina ho amin’ny tetik’sa fanajariana ny tany:

Ny ankamaroan’ny toe-bolan’ny fisotron-dronono dia hilevina ao anatin’ny savovon’ny tetik’asa fifanarahana ao amin’ny firenena. Fantantsika tsara hoe inona no mitranga matetika amin’ny “tetik’asa fanajariana govana” toy itony – misy mangalata ny vola, misy mizarazara ary tsy hita popoka avy eo…..

Etsy andanin’izany, ankoatrin’ny fitsikerana ny tsy fisian’ny mangarahara eo amin’ny fitantanta ny raharahan’ny firenena, dia nanome baiko ny praiministra hampihena ny karaman’ireo mpitantana ambony eny amin’ny orinasa nasionaly sy ny eny amin’ny bankim-pirenena mba ho tonga mitovy lanja tahaka ny azy ny karaman’izy ireo, izany dia mitentina ho 700 000 tenge (4 698 dollar). Manoratra I Megakhuimyak [ru]:

Ny karaman’ny mpitantana ambony ao amin’ny Samruk-Kazyna Soverign Wealth Fund dia mahatratra ho 8 054 dollar. Ny mpitantana ambony ao amin’ny banky dia mikarama manodidina ny 20 ka hatramin’ny 25 000 dollar isam-bolana. Mitomany ireo olona ao amin’ny orinasa nasionaly… etsy andanin’izany, ny vahoaka Kazakhstana tsirairay dia afaka mampitaha ny karamany manoloana ny an’I Praiministra.

Ny fivelaran’ny fihetsika entin’ny governemanta mahakasika ny toe-karena, eny fa na dia tsy dia sarotra fantarina aza fa hoe  atao hanasitrana no antony anaovana izany, dia mitarika tahotra tsy ho an’ny mpahay toe-karena tsy miankina irery ihany fa ho an’ireo intelligentsia (ireo ikoizan’ny fanadihadiana). Milaza I Poet dergachew [ru]:

Tsy mpanao politika aho, kanefa tsy nisy zavatra tsara akory ny vokatry ny fampodiana ny fitatanana ny fandraharahana goavana eo ambanin’ny fifehezan’ny fanjakana (nationalization) izay misy eto amin’ny fireneko ankehitriny. Marina fa ny governemanta ihany aloha eto no afaka milalao ny tsena satria mitahiry ny fidiram-bola azo avy amin’ny fitrandrahana harena an-kibon’ny tany izy, kanefa hatreto aloha dia fantatra ny zava-misy fa ny fandraharahana aton’ny olon-tsotra no miroborobo kokoa raha oharina amin’ny an’ny governemanta.

Miahiahy mafy mahakasika ny fivelaran’ny governemanta eo amin’ny fifehezana ny fanaovan-gazety I a –strekoza:

Lafo toy ny voanjo [tamin’ireo antokon’ny mpitondra fanjakana] ny [gazety] antsoina hoe “Liter” ary I “Aikyn”. Efa teraka  hanakiana/ny tsy hahita lafi-tsarany foana aho, noho izany dia ity no mba eritreritro: hatramin’ny nahasarotra ny fankasitrana  nentin’ny antokon’ny mpitondra fanjakana, izay hita mitranga ankehitriny, dia ho vaokorotana avokoa ny zava-drehetra  - Hanomboka hifanjinja tsikelikely amin’izay ireo mpitantan-draharaha, ny fanaovan-dokambarotra dia hifindra gazety hafa indray, ho tapaka/hihena ny karaman’ireo mpanao gazety ary avy hianatra fomba famindra vaovao hafa izy ireo eo amin’ny lahatsoratra ataony…. Dia toy izay ny fiasan’ny fitantanana vaovao, fa ny governemanta fotsiny no hita fa miditra loatra ho amin’izany.

Manao vazivazy zary tenany mahakasika ny zotra iraisan’ny krizy sy ny fomba filazan’i Mikhail Bulgakov izay fanta-daza I Pulementchizza:

Ao anatin’ny trano fidiovana ny krizy. Tamin’ny voalohany dia fampiasantsika ny taratasy fifirana misy sosona anankiroa miampy famafan-tanana ao anatin’ny trano fidiovana. Ankehitriny kosa dia taratasy fifirana tsotra/mora vidy no ampiasaintsika, amin’izay indray aza tsisy intsony ny famafantanana. Ohatry ny hitako sahady fa afaka volana roa na maromaro dia ho voatapatapaka ny taratasin-gazety.

Andian-jiolahy roambin’ny folo no nanafika ireo ekipa mpilalao cricket (fanatanjahantena baolina kapohina amina hazo) androany maraina mialoha ny lalao niaraka tamin’ny ekipa Pakistana tao Lahore. Nahafaty olona fito ireto tsy mataho-tody lian-drà, anisan’izany ireo polisy 5 maty voatifitra ary teo koa ireo mpilalao Sri Lankey 6 naratra. Mitana fitaovam-piadiana hari-fomba ireto mpampihorohoro, anatin’izany ny grenady, ny roketa, ny basy marovava, sns. Tsara vintana fa tsy niharam-boina ireto mpilalao Sri Lankey ary efa eny an-dalana mody any amin’ny taniny izy ireo.

Tao an-tsekoly aho no naheno ny firefodrefotry ny tifitifitra. Liana te ahafantatra izahay ary nanomboka nananao fanadiahadiana hoe inona marina moa no tena nitranga, ny iray tamin’ny namakao aza moa dia nanao vazivazy madinika mikasika izany teny am-pandehanana. Kanefa tsapako fa zavatra hafahafa sady mahatsiraviana no azo antoka fa nitranga. Dimy minitra avy teo dia nahazo hafatra SMS avy tamin’ny namako aho ary azoko tamin’izany ny vaovao momba ilay fanafihana.
Natahotra avoko ny tsirairay niaraka tamin’ny mpampiantray ary hita fa tsara fanahy tokoa izy nanaiky anay hivoaka. Eo akaikin’ny toerana nisy ny fanafihana no misy ny anjerimanontolo ianarako, antsoina hoe Liberty Chowk. Hita fa mitohana ny fifamohivohizana ary hita ihany koa fa mihotakotaka ny eny amin’ny arabe ivelan’ny anjerimanontolo. Misiosio ny tsaho eny rehetra eny fa hoe mahatsiravina be hono ny fanafihana, vitsy no miteny fa anisan’izany ireo olona Sri Lankey.
Nandeha niazakazaka haingana teny amin’ny trano fijerena aterineto aho ka antenaina fa ahita mivantana ny zavatra tena nitranga marina. Tohina tanteraka ny tenako nahita ny fifampitifirana mahatsiravina nisy teo amin’ny mpampihorohoro sy ny polisy tao anatin’ny sary tapatapany omen’ny televiziona SAMAA. Nitony ny saiko rehefa nahafantatra fa tsy nisy naninona ny Sri Lankey, kanefa etsy andaniny, malahelo ihany ny tenako naheno ny nanjo ireo polisy tao an-toerana.

Raha te hijery ny antsipirihiny ny tantatra entiko, dia asaina ianao hiditra ao amin’ny blaogiko.

Nampiditra anterineto ny horonantsary manaraka tao anatin’ny YouTube miaraka amin’ny ampahan-tsarin’ny fanafihana I AljazeeraEnglish:

miaraka amin’ity teny manaraka ity no namborahan’I Naeem Sidhu ny vaovao:

Ny Talata maraina, nisy nanafika tao Lahore ny mpilalao Criket, namana ankafihizinay, avy any Sri Lanka, izany dia nametraka ny firenena iray manontolo tao anatin’ny henatra, dona ary miaraka amin’ny eritreritra voakorontan’ny tsy finoana. Miaraka amin’ny fanomezan-dalana avy amin’ny Governemanta Colombo, dia nanapa-kevitra ny hitety an’I Pakistan any ekipa SL na dia eo aza ny tahotra mahakasika ny fandriampahalemana ary toherin’izy ireo ny toro-hevitra avy amin’ny firenena mpilalao Cricket. Mimisy ihany vava ataon’I india izay manohitra ny fitetezam-paritra ataon’ny ekipa SL. Noho ny fahadisoantsika teo amin’ny filaminana, ny fitifirana tamin’ny Talala dia nanampy ny fanamarinana ny fijorona ananan’izy ireo ary nahatonga ny fikatonan’ny varavarana eo amin’ny lalao iraisam-pirenena Criket ao Pakistana mandritra ny taona maro ho avy – Ny fihemorana ratsy indrindra ho an’ny lalao teo amin’ny tantara.

Niezaka ny ampifoha ny governemanta mitondra amin'izao fotoana izao i Yasir Imran amin'ny teny hoe:

Inona no nitranga teto amin’izao tontolo izao iainantsika? Mety misy farany ve ny hatezerana? Ny toe-javatra miseho eto amin’izao tontolo izao sy ao I Pakistana manokana no miharatsy andro aman’alina. Ireo no lalana diavintsika, ireo no arabe ivezivezen’ny fiarantsika miaraka amin’ny zanantsika kanefa tsy ohatry ny taloha intsony ny zava-drehetra. Mihevitra aho fa nahafaty olona vitsivitsy ihany ity asa fampihorohoroana ity kanefa kosa nampisavorovoro ny sain’ny olona an-jatony sy anarivony amintsika izany. Mahadonto anay, manala ny fanirinay hiaina sy hanana fanantenana satria ao anatin’ity  fotoana mahatsiravina ity dia efa tsy eto aminay intsony ny fahasambarana ho amin’ny andro ho avy.

Miteny I Teeth Maestro:

Azo antoka ankehitriny fa ity fotoana mampalahelo ity no manamarika ny faran’ny lalao Cricket ao Pakistana mandritra fotona maromaro, efa manakaiky ny sehatra korontana ilay lalao niarahana tamin’I India, tondroin’ny mpandinika toy  I Kamran Khan ao amin’ny Geo sy Hamid Gul sahady I India. Tokony ho voamarika tsara aloha fa mitovitovy tamin’ny fanafihana an’I  Mumbai ity asan-jiolahy ity kanefa araka ny tokony ho izy dia tokony ho fantatry ny olona iray fa mety ho mifono fiforonan’ny ady hevitra  eo amin’ny India sy Pakistana izany. Efa nangetaheta mafy mitady fialan-tsiny hamaliana an’I India mahakasika ny fanaratsiana an’I Mumbai ny mpanao politikantsika, ny biraom-pitsikilovana ambony sy ny gazety, ary mety hanome azy ireo fahafahana manatanteraka izany sahady ny toe-javatra niseho androany tao Lahore.

Mamintina I Kamran Abbasi ao cricinfo:

Ny voka-dratsy  faran’ny kely indrindra tao anatin’ity fahavoazana ity dia ny hoe voamarina fa tsy nekena ny hevitr’ireo mpisolovava – tao anatin’izany ny tenako  -  manohana ny fitohizan’ny lalao iraisam-pirenena Cricket ao Pakistana. Tsy hisy intsony izany ny ekipa iraisam-pirenena hamangy an’I Pakistana, ary ny fiadidian’ny lalao Cricket ao Pakistana dia tokony  efa manomboka ny fanoloran-tena  mikarakara  amin’ny endrika tsotra ny fitetezam-paritra ho amin’ny taona ho avy, na mihoatra izany. Ity no andro maizina indrindra ho an’ny tantaran’ny lalao Cricket Pakistaney ary nitranga izany tao anatin’ilay tanana mahate-ho-tia Lahore, renivohitra lehiben’ny zaridaina sy ny fandrihampahalemana izy tamin’izay andro izay,