Vao avy napetraka ao anaty aterineto ny lahatsary fahafolo amin'ity andiany ity.

Nanararaotra an'izay aho mba hametrahana  fanontaniana vitsvitsy tamin'i Anne.

Anna Gueye (Global Voices): Nahoana no io andiany io?

Anne Morin: Tsy afaka ny hijanona hiandry vaovao avy amin'ny filazam-baovao fotsiny eo aho ary naniry ny hifandray tsy tapaka amin'ireo namana any Mali sy Awa indrindra indrindra izay namana vaovao nefa ifampizaràko zavatra betsaka noho izy koa mpanatontosa tahirin-kevitra/fanadihadiana.

Resadresaka nataonay sy Awa io ; izay mampiahiahy ahy dia ny mikasika ny fikasanay momba ny fananganan-jaza maliana.

Nahoana no i Mali?

Nanao asa fanasoavana efa ho 10 taona tany amin'ny firenena Dogon ireo rafozako (70 sy 75 taona). Namorona fikambanana iray antsoina hoe Jean d’Argile ry zareo, izay fikambanana niaraka nanorina ny laboratoara biolojika iray ao amin'ny toeram-pitsaboana ao Sangha tamin'ny via Sahel. Efa an-taona maro araka izany ny fandehanako any Mali.

Eo amin'ireo lahatsary eo ambony ireo dia milaza ianao fa niato ireo fananganan-jaza iraisam-pirenena any Mali. Inona no anton'izay?

Izany rehetra izany dia nanomboka tamin'ny fanambaràna ofisialy ny lalàna vaovao mikasika ny fianakaviana, ny janoary 2012, izay misy ny artikla 540 mametra ny fananganan-jaza ho an'ireo teratany maliana irery ihany. Nandritra ny volana maromaro, na teo aza izany rehetra izany, nitohy tahaka ny teo aloha ihany ny fananganan-jaza. Saingy ny volana Novambra, Nanapa-kevitra ny hanajanona ny fananganan-jaza iraisam-pirenena Ramatoa Alwata Ichata Sahi, Minisitry ny Fiahiana ny Ankizy, ny Vehivavy sy ny Fianakaviana. Ho famaliana ny taratasin'ny Sekreteran'ny Fifanarahana tany La Haye izany, fifanarahana an-tsoratra iraisam-pirenena mikasika ny fananganan-jaza sady anisany mpanao sonia i Mali. Fangatahana ireo tompon'andraikitra maliana mba hanaraka izay voalaza ao anaty fitsipika iraisam-pirenena [izay nosoniavin'izy ireo] io taratasy io ary nandroso safidy roa: (i) na hajanona ny fananganan-jaza iraisam-pirenena amin'ireo vahiny satria mandràra izany ny lalàna vaovao ao amin'ny firenena ; (ii) na ovàna ny lalàna. Nisafidy ilay vahaolana voalohany ny tompon'andraikitra maliana, ary tsy nisy filazàna fanomanana mihintsy.

Mpanao fangatahana fananganana firy no voakasik'izany?

Tamin'izany fotoana, eo ho eo amin'ny antontan-taratasina vahiny mpangataka hanangana, miisa 150  (Frantsay no betsaka, Italiana, Espanola, Kanadiana…) no nofantenana araka ny tokony ho izy mifanaraka amin'ireo fepetra ara-moraly sy ara-pitaovana. Nankatoavina araka izany ny fahamatorana sy fahitsian'izy ireo. Tamim-pahatokisana, matetika nandritra ny taona maro, ireo mpanao fangatahana voafantina dia niandry an'i Mali hanankina amin'izy ireo zaza nilaozan'ny ray aman-dreniny. Nisy araka izany ny fifanarahana teo amin'izy ireo sy Mali.

Nisy politika vonjimaika noeritreretina ve tao?

Mampalahelo fa tsia. Mazava tsara anefa ny Fifanarahana natao tany La Haye: “Ny fampitarazohana ny fametrahana maharitra ny zaza ho eo anivon'ny fianakaviana, indrindra mikasika ireo tranganà tetezamita dia mety hifanohitra tanteraka amin'ny tombontsoa ambonin'ilay ankizy”. Nefa, tsy mbola misy politika vonjimaika voapetraka. Tsy nampitarazohana ireo famindràna fa najanona tampoka izy ireny. Ary dia nitranga tsy nampoizina ny efa azo niomanana mialoha : tsinontsinona ny fananganan-jaza ataon'ireo teratany maliana, miaritra ny habetsahana tafahoatra ireo akany fitaizana zaza. Fahiny, ireo ONG natsangan'ny ray aman-dreny mpanangana sy ireo mpanao fangatahana hanangana no tena nahazoany famantsiam-bola tamin'ny lafiny maro, natrehan'izy ireo, niaraka tamin'ny fanajanonana ny fananganan-jaza iraisam-pirenena, ny fihenan'ny toe-bolany. Izay midika ho, eo amin'ny fanatenterahana, fa tsy manana n'inona n'inona izy ireo: rano, ronono, sakafo, izay ilaina mba hivelomana, mba tsy hilazana ireo lafika fanolo na tavoahangy fampinonoana zaza; midika izany fa tsy afaka manakarama ireo mpiasany intsony ry zareo, tsy mahazo fitsaboana ireo ankizy (*).

Ankoatra izay, mampiahiahy ny ho fitomboan'ny famonoan-jaza, efa voarara rahateo ny fanariana zaza any Mali sady hipoka ireo akany fitaizana zaza.

Tsy avy aminay io fanamarinana io. Nifanarahan'ireo rehetra mpiara-miombon'antoka amin'ny resaka fananganan-jaza any Mali izay hivory ny 16 hatramin'ny 18 may tany Bamako izy io, fandraisana andraikitra nataon'ny Minisitry ny Fiahiana ny Vehivavy sy ny Ankizy, mandritra ny Sehatra fakàn-kevitra momba ny fananganan-jaza. Nifanaraka ny rehetra amin'ny filàna vahaolana tena izy sy maika mikasika ny maha-olombelona.

Ahoana no fivoatran'ny toe-draharaha?

Ny sisi-kevitra tokana izay napetraky ny minisitera dia ny fanovàna ny lalàna ary io dia aorian'ireo fifidianana ho avy, izay voalahatra hatao ny volana jolay. Ny tsara indrindra, dia tsy mbola ho ao anatin'ny volana maro no hiverenan'ny fanomezana fianakaviana mpiahy sy ireo fananganan-jaza.

Efa eo ampiandrasana ireo zaza ary tsy manana n'inona n'inona nandritra ny 8 volana. Eo amin'ny fiainan'ny zaza menavava, toy ny mandrakizay ny 8 volana. Ny fanarahana vanin'andro ho an'ny fizotry ny lalàna, mba ho ara-drariny araka ny tokony ho izy, dia tsy azo ampifanoherina amin'ny fotoam-pahaveloman'ny zaza menavava.

Nefa dia azo raisina eo akaiky eo ny vahaolana maika momba ny maha-olombelona: fampivondronana ho fianakaviana ireo mpisoratra efa voafantina, izy ireo izay nanao fanekena mba ho tia sy hitaiza any an-tokantranony zaza iray avy ao Mali amin'ny fanajana ny kolontsaina niaviany.

Angamba vakiteny iray tsotsotra nandikana ny lalàna izany, saingy efa natao izy io ny fanombohan'ny volana may 2013: fitsarana mikasika  fananganan-jaza 8 nozanahina talohan'ny oktobra 2012 (sy ny fampiharana ny lalàna vaovao mifehy ny fianakaviana) eo amin'ireo fianakaviana eoropeana, no nisy tamin'ny farany. Ho amin'ny tombontsoa ambonin'ny ankizy, ary satria misy ny hamehana, ary tsy famonjena olona tra-doza, io fandikana io no tsara.

(*) Mandefa fanampiana tsy tapaka any amin'ireo akany fitaizana ary amin'izao fotoana izao, mikarakara ronono 4m3, ireo lafika fanolo sy akanjo izay tsy maintsy alefa amin'ny herinandro ambony. Misy zaza 100 azo zanahana any Bamako.

Mpanoratra Anna Gueye · Nandika Candy · vakio ato ny lahatsoratra nadika [fr] · hevitra (0)
Zarao: facebook · twitter · reddit · StumbleUpon · delicious · Instapaper

Nanakana ny YouTube ny Bangladesh Telecommunication Regulatory Commission (BTRC) – Sampan-draharaha Mpandrindra ny Fifandraisandavira ao Bangladesy – ny 17 Septambra 2012, mba hanakanana ny olona tsy hijery ny lahatsary  Amerikanina mitondra ny lohateny hoe “Ny tsy fahalalàn'ny silamo”, izay manesoeso ny Silamo sy ny Mpaminany Hazrat Muhammad (pbuh). Ny “alika mpiandry” (Mpanara-maso) ny serasera dia nanambara fa nifandray tamin'ny Google izy talohan'ny  fanakànana nangataka azy ireo mba hanala ilay lahatsary, saingy nandà ny hanatanteraka izany ny Google araka ny tatitra.

Nalàna ny sakana ny 5 Jiona 2013, nahazoan'ireo Bangdeshi mpampiasa aterineto miditra indray amin'ilay tranonkala.

Sary an'i HernandoJoseAJ, mpampiasa Wikimedia Commons . CC By-SA

Nitondra fatiantoka ho an'ny toekaren'i Bangladesy ilay sakana, araka ny voalazan'i Fahim Mashroor, Sekretera taloha tao amin'ny Bangladesh Association of Software and Information Services – Fikambanan'ireo mpanome tolotra momba ny rindrambaiko sy ny vaovao. Nilaza izy tao amin'ny tafatafa [bn] niaraka tamin'ny German radio Deutsche Welle fa nisedra olana ny indostrian'ny famoahana asa ho any ivelany vokatr'ilay sakana.

Tamin'ny taon-dasa nahazo 57 tapitrisa dolara ireo Bangladeshi tamin'ny indostrian'ny fanaovana asa navoaka ho any ivelany tamin'ny aterineto ka nahita fitomboana 54% isan-taona. Ny valo volana nisian'ny sakana tamin'ny YouTube dia hampihena io fitomboana io amin'ity taona ity.

Tsy ny fatiantoka ara-toekarena ihany, mpianatra maro, ireo mpampianatra sy mpikaroka dia niatrika olana tamin'ny fianarany noho ny tsy nahafahany nahazo ireo lahatsary tamin'ny aterineto mikasika ny fianarana miantrano ao amin'ny YouTube.

Nankalaza ny fiverenan'ny fahazoana miditra amin'ny YouTube indray ireo mpampiasa tranonkala. Khaledur Rahman Shakil (@krshakil) naneho ny hafaliany:

@কেআরশাকিল: ‘মুক্তি’ পেল ইউটিউব ফুলের মালা দিয়ে বরণ করে নিলাম ! জয় স্বাধীনতা।

@krshakil: Maimaimpoana ny YouTube! Ravaho girilandy izy. Alefa ry fahafahana!

Neel Aparajita (@oporajita789) dia nankalaza ireo hafaliana amin'ny fahafahan'ny fanaovana tambajotra sosialy:

@অপরাজিতা৭৮৯: ইউটিউব জেলখানা থেকে ছাড়া পাওয়ার আনন্দে ফেসবুক-টুইটার-এ যেদিকে তাকাই, যেখানে চোখ যায়… অইস!! খালি ইউটিউব আর ইউটিউব! #ফিলিংগ্রেট

@oporajita789: Hita mivaingna eny rehetra eny aty anaty media sosialy ny hafaliana amin'ny fahafahan'ny YouTube tamin'ny gadran'ireo sivan. Miresaka an'io avokoa ny tsirairay #feelinggreat

Na dia voasakana aza ny YouTube, maro ireo any Bangladesy no afaka nandingana ilay fibahanana. Ashickur Rahman Noor (@ashicunnoor) nahatsiaro io tranga io tao amin'ny Twitter :

@ashicunnoor: ডিজিটাল বাংলাদেশের স্বাধীনতা… সোজা পথে অনেকদিন পর ইউটিউবে হান্দাইলাম… #চৌক্ষেপানি!

@ashicunnoor: Ny fahafahana niomerikan'i Bangladesy. Afaka mahazo YouTube tsy misy fitaovana fandinganana:) #tearsinmyeyes

Nanontany izay antny ao ambadik'ilay fanakànana fotoana ela ilay bilaogera, Bahadur Bappi, tao amin'ny vovonanan'ny vondrom-piarahamonin'ny mpanao bilaogy Somewhereinblog.net:

আমার প্রশ্ন হৈল এই ৮ মাস ইউটিউবকে আটকিয়ে রেখে সরকার কি এমন লাভ করলো??

Ny fanontaniako dia hoe inona no tombontsoa azon'ny governemanta nanao ny sakana tamin'ny YouTube nandritra ny valo volana?

Mpanoratra পান্থ রহমান রেজা (Pantha) · Nandika Candy · vakio ato ny lahatsoratra nadika [bn] · hevitra (0)
Zarao: facebook · twitter · reddit · StumbleUpon · delicious · Instapaper

Noho ny vidin'ny volamena nihena 15 isan-jato tamin'ny 2013 rehefa tsy nitsaha-nitombo nandritra ny 12 taona, ka nidina 1,321.95 $ be izao ny grama tamin'ny 16 Aprily 2013, nirongatra ny fividianana ilay metaly any Sina, ary nahatelina volamena maherin'ny 300 taonina [zh] nandritra ny 10 andro araka ireo tatitra avy any an-toerana.

Be loatra ny tinady ka nihoatran'ny izay efa hita ny fanakalozana volamena tamin'ny Tsenan'ny Fanakalozam-Bolamena tany Shanghai, nanakalozana volamena 43 taonina tanaty andro iray monja tamin'ny 22 Aprily.

Araka ilay mpanakalo metaly any London, Andrew Maguire, volamena 1000 taonina sahady no nalefa tany Shanghai tamin'ity taona 2013 ity. Tamin'ny 2011, 431,2 taonina ny fitambaran'ny fanafarana volamena ary tamin'ny 2012 dia 834,5 taonina izany.

Izany hazakazaka izany dia nitroka ny ankabeazan'ny volamena tany an-tanànan'i Hong Kong, araka ny blaogy Hong Wrong. Indro ny tatitry ny Apple Daily amin'ny teny Anglisy momba izany tranga izany, navoaka tao amin'ny YouTube:

Song Hongbin, mpanoratra ilay andiam-boky malaza “Adim-bola” (貨幣戰爭) any Shina, dia nanasongadina ny tahan'ny 10 andro mahagaga tao amin'ny vohikala fitoraham-bilaogy kiritika Sina Weibo:

业内人士透露：黄金412暴跌以来短短10天内，仅中国内地的投资人就鲸吞了实物黄金300吨，约占全球黄金年产量的10%！

Anson Feng, mpampiasa Weibo dia tany Hong Kong nividy volamena  tamin'ny faran'ny herinandro ary namoaka ny sarin'ny toe-draharaha tany anaty aterineto izy.

Niteraka adihevitra be ny fanambaràna nataony, ka ny sasany dia mandray izany hazakazaka izany ho mariky ny fikorontanana anatiny na rafitra hisintonana vola any ivelan'ny Shina.

Ao amin'ny sehatra fanehoan-kevitr'i Song, mampiasa fahendrena Shinoa nentin-drazana i “Ha Lou” (徽土豆) mba hanazavàna izany tranga izany:

盛世藏古董，乱世抢黄金。

“Zhangnansen 1975″ (盗梦空间里的人) sy “rano mahafinaritra any amin'ny Farihy Andrefana” (西湖水美) dia mino fa mifandraika amin'ny tsifahombiazan'ny tsenam-bola vahiny izany:

盗梦空间里的人：石建勋认为：中国股票市场没有投资价值，已经沦为利益阶层和权贵集团骗钱、圈钱的合法场所，老百姓已经被股市骗了多次了，心有余悸。目前老百姓手里有钱但缺乏投资渠道和品种，现在金价下跌，抢金子就成了老百姓必然的选择。

西湖水美：想想07年股市6124跌倒5000点以下时，大家疯狂抄底，结果一直跌到1664.

“Lihua” (lihua088) sy “Liu Jihan” (刘济寒) dia mino fa ampy hery tsara handresy ny tsena iraisam-pirenena ny toekarena Shinoa :

lihua088：中国人 牛啊!

刘济寒：一吨黄金约2.8亿人民币，300吨黄金约840亿人民币。大陆居民储蓄超过18万亿。

“Future Silver — Xiao Chen” (银在未来-小陈) sy “Fivoriana Kely” (小团圆92457) dia naminavina fa mety ho ireo mpampiasa vola any Etazonia no hivoaka ho mpandresy:

银在未来-小陈：美国政府和投行有意做空黄金白银，月初奥巴马和美联储官员见面，后来美联储把会议纪要提前发给一些机构和银行，高盛就开始唱空黄金，接下来黄金暴跌，这都是阴谋。黄金的定价钱是由美国控制的，改不了十年牛市转变熊市的格局，黄金将会再一次探底！

小团圆92457：历史上，散户赢过华尔街的大鳄们么？ 黄金已经不可能成为货币了。只是商品。

Mpanoratra Oiwan Lam · Nandika Candy · vakio ato ny lahatsoratra nadika [en] · hevitra (0)
Zarao: facebook · twitter · reddit · StumbleUpon · delicious · Instapaper

Nahafaly vahoaka shinoa maro ny fanohanan'i Hu ireo fanovàna ho an'ny tsena malalaka sy ny fangaraharan'ny governemanta nandritra ny naha-sekretera jeneralin'ny Antoko Kaominista Shinoa azy tamin'ny 1982 hatramin'ny 1987, nefa nahatonga azy ho fahavalon'ireo mpitarika antoko matanjaka sasany.

Hatramin'ny nahafatesany, Hu, izay voaroaka tao amin'ny antoko kaominista, dia nijanona ho lohahevitra saropady tany Shina. Na teo aza ny fanadiovan'ny governemanta shinoa azy tamin'ny fomba ofisialy tamin'ny 2005, mbola voarara ny anaran'i Hu ao amin'ny vohikala fitoraham-bilaogy madinika malaza indrindra any Shina, Sina Weibo.

Tsy nisy vokany ny fikarohana ny anarany tao amin'ny Weibo tamin'ny 15 Aprily, fa manao hoe:

根据相关法律法规和政策，“胡耀邦”搜索结果未予显示。

Araka ireo lalàna sy fepetra mifandraika amin'izany dia tsy azo valiana ny fikarohana ho an'ny “Hu Yaobang”.

Na izany aza, nanandrana nandingana ny sivana ireo mpampiasa aterineto tamin'ny fanasiana elanelana na sarina labozia manelanelana ireo teny shinoa telo mamorona ny anarany. Ny mpampiasa aterineto sasany dia nilaza fotsiny hoe Hu na nandrehatra labozia virtoaly fa tsy nanondro azy tamin'ny anarany.

Ary nahagaga fa nisy haino aman-jerim-panjakàna sasany koa nandray anjara tamin'izany fanomzeam-boninahitra izany. Liberation Daily, an'ny fanjakàna Shinoa dia nideradera [zh] an'i Hu, ka nozaraina an'arivony maro tao amin'ny Weibo izany:

“Jiao Yantian”, mpahay sary dia namorona sarin'i Hu Yaobang (sary avy amin'ny  Sina Weibo)

在中国改革到了需要狠推一步、击一猛掌的新的历史时刻，缅怀耀邦，有很强烈的现实意义。纪念胡耀邦，就要像他那样，锐意改革，勇于创新。

Zava-dehibe ny fanomezam-boninahitra an'i Yaobang amin'ny fotoana izay ilàn'i Sina maka fepetra fanampiny amin'ny resaka fanovàna sy mandroso amina pejy hafa anatin'ny tantarany. Amin'izao fahatsiarovantsika an'i Hu Yaobang izao, tokony hanana ny fahavononana hitondra fiovàna ary ny herim-po hanavao zavatra tahaka azy isika.

Nampahatsiahy [zh] ny nolazain'i Hu ilay mpisolovava Xu Xin:

想起他曾说：贪污腐化，以权谋私能否制止，关系到党的生死存亡；要用最大的决心、最大的毅力、最大的韧性，狠狠地抓，坚持到底；抓这件事不能讨好，不能怕得罪人。

Tadidiko izy nilaza hoe: “Zava-dehibe ny fahafahana mampiato ny kolikoly sy ny fanararaotam-pahefàna ho an'ny fahavelomana sy ny fahafatesan'ny antoko; tokony hiezaka isika hanana ny fahavononana, fikirizana ary faharetana lehibe indrindra mba hamahàna izany olana izany hatramin'ny farany; Mba hamahàna izany olona izany dia tsy afaka manao izay tian'ny olona, na matahotra ny hanohintohina olona isika.

“Jiao Yantian”, mpahay sary dia namorona sarin'i Hu ary nilaza [zh]:

说真话人民知音,办实事一代伟人！

Milazà ny marina dia azonao ny fon'ny vahoaka, manaova zava-marina dia hotsiahivina mandritra ny andian-taranaka iray ianao.

Na i Hu Xijin aza, tonian-dahatsoratra ao amin'ny gazetim-panjakàna Shinoa Global Times, dia nanamafy [zh] hoe :

我们应有还原历史的勇气。我们应有跳出过去是是非非的心胸。我们应有从过去汲取走向未来的力量和智慧的能力。在耀邦逝世周年的日子里，怀念并思考。

Tokony hanana ny herim-po hamerina ny tantara isika. Tokony haka lesona avy amin'ny lasa, ary handroso amin'ny hoavy miaraka amin-kery sy fahendrena. Tsaroantsika sady sainintsika lalina izao, ny tsingerintaona nahafatesan'i Hu Yaobang.

Ireo mpikambana sasany dia nampiasa ny fanehoan-keviny ho sehatra fampitahàna ny Shina tamin'ny andron'i Hu sy ny ankehitriny.

Nanoratra [zh] i “Tan Feizi”, mpampiasa aterineto :

胡耀邦时代是中国历史上相对比较宽容开明的时代。那时的年轻人都很关心国家大事，热衷于讨论哲学问题，也是整个中国社会欣欣向荣的时代。相比而言，在思想上和社会的宽容上比之于现在要好很多。

Be fandeferana sady nalalaka kokoa ny andron'i Hu Yaobang teo amin'ny tantaran'i Shina tamin'ny mbola tafiditra lalina tamin'ny raharaham-pirenena ny tanora ary tia manao adihevitra filozofika. Tanaty fivoarana tanteraka ny fiaraha-monina shinoa tamin'ny ankapobeny tamin'izany. Tsara lavitra noho ny ankehitriny raha resaka fironana ara-politika sy fandeferana ara-tsosialy.

“0931_Lee”, mpampiasa aterineto hafa dia nanasongadina [zh] ny tsy fahampiana mpitarika goavana any Shina hatramin'ny nahafatesan'i Hu:

二十四年了 你为之奋斗了一生的国家 变的越来越差 到目前为止再也没有出现过像你和赵公那样伟大的人物 你像灯塔一样在指引着我们 永远怀念您。

24 taona. Miharatsy hatrany ny firenena nitolomanao mandra-pahafaty fahiny. Hatreto dia tsy mbola nisy lehilahy goavana tahaka anao sy Zhao Ziyang. Ianao no jiro nitarika anay, hotsaroanay mandrakizay ianao.

Mpanoratra Abby · Nandika Candy · vakio ato ny lahatsoratra nadika [en] · hevitra (0)
Zarao: facebook · twitter · reddit · StumbleUpon · delicious · Instapaper

Tao amin’ny bilaoginy ”Sweet Cliché” [amin’ny teny Portiogey], Rosie Alves dia nanoratra tantara kely maro, matetika mikasika fitiavana sy finamanana (nampitandrina ny mpamaky ny Blogspot fa natokana ho an’ny lehibe ny ao anaty bilaogy). Indro misy santionany amin’ny asasorany vao haingana izay tena malaza : “Matei o meu amor” – novonoiko ny fitiavako” :

Foi naquela noite fria e chuvosa, na entrada de casa. Com apenas um golpe no coração, cruel e sem dó, matei o meu amor. Matei aquele que me causava prazer e dor. Senti ele a morrer. Ele sangrava, aquele pedaço vermelho perdia a cor na medida que o sangue escorria…

Foi frio, cauteloso, vi ele decair-se lentamente e, um mar de sangue se formava. Tudo parecia girar. Pensei nos bons momentos que passamos juntos, nos grandes prazeres que ele me proporcionou, e não tardou, veio a imagem do dia em que ele me traiu, a rodar na minha cabeça. A senhora que passava às pressas com um saco plástico na cabeça para se abrigar da chuva, não pareceu se importar com o que vira.

Mbola vao 21 taona monja, dia efa mitàna toerana manokana amin’izay antsoiny hoe – tontolon’ny bilaogy Angole vao misandratra i Alves – na dia any ivelany aza izy no malaza be kokoa noho ny ao amin’ny fireneny. Tsy ela akory izay dia nitafatafa taminy izahay – na dia teo aza ny faharatsian’ny fifandraisana antserasera 3G – mba hahafantarana bebe kokoa mikasika azy.

Efa ho 3 taona izay Rosie no nibilaogy ary efa nahazo mpamandrika maro, na dia teo aza ny ‘biographie’ ao amin’ny Twitter (@rosie_alves), izay milaza fa ‘’ Aza manaraka ahy, very aho ‘’.

GV: Ahoana no hamaritanao ny karazan-javatra soratanao?

Tia manoratra crónicas miendrika tantara aho – izay matetika no fifamalian’olon-droa fotsiny. Manakaiky kokoa ny angano fohy izy ireny. Somary mirona betsaka kokoa amin’ny zava-mitranga andavanandro izy ireo, izany hoe zava-mitranga tsy misy mampiavaka azy loatra, iainan'ny rehetra. Tsy adinoko ihany koa ny crónica mampihomehy na filozofika, izay mampieritreritra. Tia manafangaro zavatra aho ary mitrandraka tontolo  vaovao.

GV: Oviana ianao no nanomboka nibilaogy? Nahoana ianao no manoratra ?

Nanapa-kevitra ny hanomboka hibilaogy aho tamin’ny 2010. Mampitony ahy ny manoratra. Isaky ny manoratra aho, tsapako ho misy vesatra miala eo ambony soroko. Ary koa ao an-delako (mihomehy mafy). Amiko, izay no fitsaboana tsara indrindra. .

GV:Manoratra matetika mikasika ny fitiavana, ny finamanana sy ny firaisana ara-nofo ianao. Ahoana no fitsàran’ny fiaraha-monina Angole ny mikasika ireo hevitra ireo ? Fady ve ireo ? Misy lahatsoratra miresaka vetaveta ve any Angola ?

Somary mbola mpitahiry ny fomban-drazana ny fiaraha-monina Angole amin'ny resaka mahakasika ireo. (Io no manazava hoe maninona, ao aorian’ny Espana, i Angola no tany kely mpitsidika ny bilaogiko). Betsaka fady any Angola. Taloha, afaka nataontsika hoe resaka fitahirizana fomba io. Amin’izao fotoana izao miaraka amin’ireo fiovàna mitranga eny anatin'ny fiaraha-moninay, tsy hitako ny anton'ireo fady. Raha ny fantatro aloha, tsy misy literatiora miresaka vetaveta any Angola ( farafaharatsiny amin'ireo atonta sy aely). Ny akaiky indrindra manakaiky an'io sy novakiako dia ny ‘Ritos de Passagem’ ( Ritam-pandalovana ) asan’ilay poety vavy Paula Tavares. Mahazatra ahy ny maheno olona milaza fa ny fiaraha-monina Angole dia tsy voaomana ho amin’io karazan-dresaka io. Marina izany, tsy voavolavola izy. Ary raha mbola ny zava-mitranga amin’izao aloha, dia tsy ho vonona mandrakizay izy…

GV:Azonao lazaina anay ve toy ny ahoana izany hoe tovovavy any Loanda?

Tsy moramora izany, betsaka ny fanavakavahana sy tsy fanajana ny vehivavy aty.

GV: Tantarao anay ny fahatsiarovanao ny fahazazanao !

Mbola vao efa-taona aho, tena naniry mafy ny hamaky bokin-tantara nomen-draiko ahy, ka dia nentiny taminà mpampianatra iray aho izay nanampy ahy indrindra hahay hamaky teny sy hanoratra mialoha ny hidirako tany amin'ny sekoly ambaratonga voalohany. Nandeha tany foana aho isan’andro miaraka amin'ny kitapoko teo an-damosina. Na dia hatrizao aza, ireo no vanim-potoana tsara indrindra izay niainako.

GV:Ahoana no hamaritanao ny andian-taranaka misy anao any Angola?

Niaina fiovàna goavana ny andian-taranaka misy ahy. Andian-taranaka mahavita zavatra, feno mpanonofy ary olona manana karazam-pahafahana manao zavatra maro. Saingy tena vitsy amin’izy ireo no mahafantatra [ny fahafahan'izy ireo manao zavatra]. Amin’ny lafiny iray, ao anaty fifaninanana izahay ka tsy mba afaka mijery izay manodidina anay sady tsy miara-miady ho amin-javatra mitovy. Vitsy no mahalala ny dikan’ny teny hoe ”firaisankina” sy “fivondronana”. Manana tombony be amin'ny fahafahana manangom-pahalalana izahay, ary na izany aza dia toy ny mbola miaina tamin'ny andron'ny vato sy ny taolana ihany.

Any Angola, misy fehezanteny manao hoe “izay tanora tsy afaka mifety dia tsy tanora”. Ny tanora ankehitriny dia tsy misaina afa-tsy ny hilalao. [Tsy atao bango tokana, satria mba misy ihany ny maningana].

GV: Mieritreritra manana ny toeranao ao anatin'ny tontolon'ny bilaogy midadasika any Angola ve ianao ?

Mino izany aho. Manana ireo mitovy amiko aho ety anaty aterineto, mitombo habe isan’andro ny tontolon’ny bilaogy Angole. Ny vondrona Facebook ”Blogueiros Angolanos” («bilaogera Angole«) dia noforonina, ary nampiasainay mba hifamporisihan'ny tsirairay, sy hamoahana ny asanay. Ao izahay no mampiady hevitra, ao no mifanakalo hevitra sy traikefa. Ary tsy ao ihany, manana ireo mitovy amiko hafa firenena koa aho maneran'izao tontolo izao.

Sary avy amin'ny Instagram an'i sweetclichee:
“-Zazalahy, labiera iray azafady.
- Tsy manana izahay.
- Manana hadisoam-panantenana ve ‘nareo? Mila fatra in-droan'ny famàrana aho
-Eny, misy. Mipetraka itsy izy, miaraka amin’ny sigara eny an-tanany
- Iry lehilahy iry ? Ahoana no hiantsoako azy ?
-Antsoy hoe fitiavana izy.”

GV: Lazao anay ny fomba fanoratrao. Inona avy ireo fanamby goavana ho anao?

Amin'ny ankapobeny, raisiko ny findaiko dia manomboka manoratra aho ary ao anatin'ny ora roa latsaka monja, dia vitako. Indraindray aho mandany roa herinandro manoratra lahatsoratra iray, ary tena mampiasa loha ahy izay. Ny iray amin'ireo fanamby goavana ho ahy, raha tsy ny hany tokana aza, dia ny hahafahana mametraka ireo mpamakiko ho ao anatin'ny zavatra soratako mihitsy, ary azoko lazaina fa tratrako izany raha ny tamberina voaraiko no ifotorana.

GV:Iza avy ireo mpamaky ny asasoratrao, fantatrao ve ? Ahoana no fihetsiky ny olona amin’ny asasoratrao ?

Afaka miteny aho fa marobe ireo olona mamaky azy io. Ny tiako ambara amin'izany dia : sokajin-taona rehetra, avy amin’ny firenena maro samihafa. Tena mahatalanjona, saingy araka ny antontanisa, any Etazonia no be indrindra mpamaky ny bilaogiko. Misy ireo mamaky amin’ny Google Traducteur. Maro no mandrisika ahy, manome hevitra ahy sy mandrisika ahy hanohy. Marina koa anefa fa misy ireo izay tsy tia na diso fandray azy io, efa nantsoin’olona iray aho izay niteny tamiko mba hitandrina amin’ny zavatra soratako.

GV: Inona avy ireo hetahetamponao amin’ny ho avy ?

Olona be nofinofy aho ary raha atomboko ho tanisaina eto ireo hetahetampoko, dia tsy ho efako androany. Saingy iray amin’izy ireny, ary tena miavaka mihitsy, dia ny mba hahatonga ahy ho cronista (chroniqueuse) an-gazety na anaty gazetiboky. Mety ho tsara izany an.

Mpanoratra Janet Gunter · Nandika Candy · vakio ato ny lahatsoratra nadika [en] · hevitra (0)
Zarao: facebook · twitter · reddit · StumbleUpon · delicious · Instapaper

Izany tetikasa izany dia notarihian'ny Fiombonana Iraisam-pirenena ho an'ny Fanadihadiana an-Gazety, izay nanetsika mpanao gazety 86 avy taminà firenena 46. Nahatety tahiry maherin'ny 2,5 tapitrisa ny ekipa, izay voalaza ho “maherin'ny avo 160 heny ny haben'ireo tahiry ireo raha oharina amin'ny fivoahana antsokosokon'ny antontan-taratasin'ny Fanjakàna Amerikana nataon'ny Wikileaks tamin'ny 2010.”

Izany tatitra fanadihadiana izany dia nanapoitra ireo famindram-bola miafina ataon'ireo mpanao politika, mpisoloky ary ireo mpanefoefo manerana izao tontolo izao.” Ary maro lavitra noho izany:

Ireo antontan-taratasy navoaka dia mampiseho tranga sy salan'isa — famindràna lelavola, datin'ny fanambarana orinasa, fifandraisana eo amin'ireo orinasa sy ny olon-tsotra — izay mampiseho ny fomba an-kerisetra niparitahan'ny tsiambaratelo ara-bola ivelany maneran-tany, ka mamela ireo manan-karena sy ireo mahalala olona mba tsy handoa hetra ary hamelona ny kolikoly sy ireo olana ara-toekarena, na any amin'ny firenena manan-karena izany, na any amin'ny firenena mahantra.

Ny Governora Imee Marcos. Sary nalain'i Alaric Magno A. Yanos, avy tao amin'ny Wikipedia

Anisan'ireo Filipiana mpanao politika izay voatonona anarana ho mifandray aminà kaonty any ivelany any amin'ireo Nosy Virijiny Britanika ny governoran'i Ilocos  Imee Marcos, ny loholona Manny Villar ary  JV Ejercito, mpikambana ao amin'ny Kongresy. Marcos sy Ejercito dia zanak'ireo filoha teo aloha Ferdinand Marcos sy Joseph Estrada.

Nanoratra i JV Ejercito tao amin'ny kaontiny Facebook fa tetika hisomparana ny filatsahany hofidiana amin'ny fifidianana loholona io tatitra io:

Nanomboka ny asa fanapotehana. Nanomboka tamin'ny fandaniana be indrindra ho an'ny dokambarotra izany, ilay mpialikalika voalaza ho zanaky ny mpiray tampo, dia izao indray momba ny resaka ara-bola sy fandraharahàna. Olona mitovy, fomba mitovy

Hotontosaina amin'ny volana ho avy io ny fifidianana Loholona sy ireo fifidianana antenantenany any an-toerana. Manana hafatra ho an'ireo mpitatitry ny PCIJ i JV:

Manantena aho fa tsy ho tafalatsaka amin'ny fandrebireben'ireo olona tsy avotra amin'ny politika maloto ry zareo.

Cong B. Corrales dia namintina ny hevitr'ireo mpanao politika tamin'ity tatitra fanadihadiana ity:

Tsy niraharaha ireo fanadihadian'ny PCIJ i Marcos, i Villar kosa nanaiky ireo kaonty ireo, ary nilaza fa kaonty shell nisy $1 monja io. Raha ny an'i Ejercito kosa dia tsy mazava ny valinteniny, ary nanambara fa nampiasaina mba hisomparana ny firotsahany hofidiana ho loholona ny PCIJ.

Malou Mangahas dia nampitaha ny fandraisan'ireo mpanao politika ny valitenin'ireo minisitra teo aloha tao amin'ny governemanta izay voatonona anarana tao anatin'ilay tatitra:

Raha tsy azo na somary nivaombaona ireo mpikambana telo voafidy rehefa nanontaniana ny momba ireo kaontiny miafina any ivelany, avy hatrany dia naneho fihetsika nivantana sy nifona kosa ireo mpiasa roa miasa aminà orinasam-panjakàna, nandritra ny fanadihadiana nataon'ny PCIJ ho an'ity tatitra ity.

Manila Standard Today dia nanoratra matoan-dahatsoratra an-gazety iray mangataka fanazavàna be be kokoa avy amin'ireo mpiasam-panjakàna ireo:

Fantatsika rehetra fa maro amin'ireo mampiseho ny tsy fisian'ny fangaraharahàna no mety manana ny tsiambaratelony manokana ihany koa. Tsy maintsy mikiry mangataka fanazavàna isika, manasazy azy ireo noho ny hosoka nataony ary hisaina lalina kokoa toy izay hanome fe-potoana azy ireo hitarihana antsika indray.

Ny Ivontoerana ho an'ny Fahalalahana sy ny Andraikitry ny Haino aman-jery dia nanandratra ilay tatitra ho toy ny votoaty manan-danja izay afaka hitari-dàlana ireo mpifidy:

Mankasitraka ny Ivonterana Filipiana ho an'ny Fanaovana Fanadihadiana an-Gazety tamin'ny tatitra roa feno sy ara-potoana momba ireo kaonty miafina any ivelany an'ireo Filipiana mpanao politika sy mpikambana tao amin'ny fahefana mpanatanteraky ny governemanta taloha. Noho izy tonga tanatin'ny vanim-potona fifidianana, tokony hanampy ireo mpifidy mba hifidy mpitarika tsara izany tatitra izany.

Miandry ny hatezeram-bahoaka i Jaywalker, mpanao politika :

Aiza ny hatezerana? Satria ve sahirana amin'ny fitadiavana sa variana mitsimpona ny sisa atsipin'ireo kandidà mifaninana ho lehibe sy halaza dia noraisintsika ho fanazarana amin'ny fifidianana izany?

Halako ny mieritreritra hoe hatsikana be fotsiny isika sady raharaha tsy avotra intsony aty Azia, tsy mba afaka mampiseho hatezerana indray mandeha tsy miverina ve isika ka hitaky ny fanenjehana ireo tafiditra amin'izany raharaha izany mandra-pahefany ny ratsy nataony rehetra?

Sven Alexander dia manana soso-kevitra izay nosoratany tao amin'ny Facebook:

Ataovy heloha ho an'ireo mpanao politika ny fananana kaonty any ivelany!

Mpanoratra Mong Palatino · Nandika Candy · vakio ato ny lahatsoratra nadika [en] · hevitra (0)
Zarao: facebook · twitter · reddit · StumbleUpon · delicious · Instapaper

Ny Herinandron'ny Lamaody any Pakistana dia halefa mivantana amin'ny 9-10 Aprily 2013 avy any Karachi ary hampisehoana ireo zaitra avy amin'ny Pakistane 27 mpanjaitra lamaody.

Raha tsy dia mahaliana ny firenen-kafa izany, manana anjara toerana lehibe kosa ny lamaody amin'ny fiainana Pakistane.

Herinandron'ny lamaody any Pakistana

Hatramin'ny 2009, nampiantrano herinandron'ny lamaody am-polony maro i Pakistana. Ireo ‘Herinandron'ny Lamaody’ ireo dia manome an'izao tontolo izao topimaso tsy fahita firy amin'ny indostria vao misandratra sy efa matianina izay mampiseho fa tsy henjana na mpiaro ny nentin-drazana araka ny eritreretin'ny maro ireo fepetra ara-kolotsaina any Pakistana.

Ity andian'ny Herinandron'ny Lamaody Lohataona/Fahavaratra 2013 any Pakistana ity dia arahan'ny hetsika lamaody roa hafa ny Aprily –  Ny Herinandron'ny Peta-kofehy any Karachi izay hifantoka amin'ny akanjo mariazy, ary Lahore koa dia hampiantrano Herinandron'ny Lamaody iray hafa.

Global Voices dia nitafatafa tamina mpanjaitra telo mandray anjara amin'ny hetsika, izay nanazava fa na dia eo aza ny zava-mitranga amin'ny fireneny, izy ireo kosa tsy mitsahatra ny manao zava-baovao sy mamorona:

Fashionably yours -Zari Faisal avy amin'i Faisal Kapadia ao amin'ny Vimeo.

Fashionably yours – Hasina Khanani avy amin'i Faisal Kapadia ao amin'ny Vimeo.

Fashionably yours – MONA IMRAN avy amin'i Faisal Kapadia ao amin'ny Vimeo.

Mampiasa teknolojia koa ireo mpanjaitra mba hisarihana tsena. Ohatra goavana amin'izany ity tsena amin'ny aterineto ity izay hahitàna ireo akanjo, ora vitsy aorian'ny hanaovana azy filatroana miaraka aminy, ho an'ireo izay te-hividy na any an-toerana na avy ivelany.

Natao handravàna ireo fetran'ny haino aman-jery sosialy ihany koa ny Herinandron'ny Lamaody any Pakistana. Tsy vitan'ny hoe halefa mivantana ihany ny hetsika, fa hitantara izany ihany koa ireo mpitoraka blaogy momba ny lamaody, tahaka an'i Nida Moughal sy ireo sasany mpampiasa Twitter. Olana lehibe anefa ny aterineto; mizaka olana amin'ny koriana ny faritra iray manontolo satria simba ny roa amin'ireo tariby efatra ambany ranomasina izay mampifandray an'i Pakistana amin'ny aterineto.

Mpanara-damaody manohitra an'i Taliban

Nanamarika ny fanombohan'ny hetsika Mpanara-damaody manohitra an'i Taliban (#FAT) ihany koa ireo olana ara-pandriampahalemana sy ireo fandrahonan'i Taliban tamin'ny Herinandron'ny Lamaody voalohany tany Pakistana tamin'ny taona 2009. Nisarika ireo mpitati-baovao momba ny ady avy tany amin'ny firenena manodidina hankao Pakistana hiresaka ny lamaody izany hetsika izany ary niteraka bitsika mandranitra, sary maneso ary ity vondrona Facebook ity zay nanaparitaka hevitra “culte” teo amin'ireo mpampiasa tambajotra sosialy tao amin'ny firenena.

Pakistane Mpanjaitra lamady Deepak Perwani. Sary nahazoana alàlana.

Sabahat Zakariya (@sabizak_), izay milaza ny momba azy ao amin'ny Twitter fa ‘mpialikalika nivadika ary mpibitsika momba ny fiainana', dia manamarika hoe:

@sabizak_ (Sabahat Zakariya): #FAT “@tammyhaq: Misaotra an'Andriamanitra noho ny fotoanan'ny herinandron'ny lamaody. Hanome fialan-tsasatra kely ho antsika ireo herinandron'ny lamaody mifanesy taorian'ny fahasahiranana noho ny fifidianana”

Matetika anefa dia esoesoina kely ny #FAT mba hanalàna azy amin'ny tambajotra sosialy Pakistane.

Mosharraf Zaidi (@mosharrafzaidi) mpiasa birao sady mpanoratra tsanganan-dahatsoratra fanta-daza amin'ny fomba fiteniny somary masiaka, dia maneso:

@mosharrafzaidi (Mosharraf Zaidi): Fomban'i Taliban mihitsy izany! RT @holland_tom: “Ny hanimpitoloha sy ny fahadalàn-damaody dia mariky ny aretina anatina firenena iray.” – Seneca. #FAT

Shahid Saeed (@shahidsaeed), mpitoraka blaogy mpanadihady sady mpampiasa Twitter dia nibitsika sarin'ny mpanao politika Pakistane izay fantatra amin'ny lokom-bolony mitovy amin'ny an'ireo “punk” mpanao fanatanjahan-tena:

@shahidsaeed (Shahid Saeed): Izany ny volon'i Shireen Mazari #FAT twitter.com/afi_alikhan/st…

Sary ho an'ny Herinandron'ny Lamaody any Pakistana – sary nahazoana alàlana

Samra Muslim (@samramuslim), milaza ny tenany ho mpankafy kiraro, varotra, ary haino aman-jery dia nibitsika momba ny tabataban'ny tambajotra sosialy manodidina ny Herinandron'ny Lamaody any Pakistana:

@samramuslim: Miandry ny #FPW izao – mahatsapa mafy tokoa fa ho #trangafandinika goavan'ny #tambajotrasosialy  any #Pakistana izany! Mazotoa @fashionpakistan @dperwani

Umair Mirza (@Umairmirza) dia nankalaza ny herinandron'ny lamaody tamin'ny fampifandraisana izany amin'ny “vanim-potoana dizitaly”:

@Umairmirza: ity no #FPW mampifandray indrindra ! ho tsapanao fa tahaka ny tany an-toerana ianao ! misaotra @fashionpakistan. fitiavana ny VANIMPOTOANA DIZITALY izany !

Ity hetsika ity, izay mety hanome endrika hafa an'i Pakistana, dia azo jerena ato:

Mpanoratra Faisal Kapadia · Nandika Candy · vakio ato ny lahatsoratra nadika [en] · hevitra (0)
Zarao: facebook · twitter · reddit · StumbleUpon · delicious · Instapaper

Прокуратурой области по заданию Генеральной прокуратуры Российской Федерации проводится проверка исполнения законодательства о некоммерческих организациях и противодействии экстремистской деятельности.

Ny Biraom-paritry ny mpampanoa lalàna, araka ny fangatahan'ny Lehiben'ny Mpampanoa lalàna ao amin'ny Federasiona Rosiana, dia manatanteraka fanadihadiana mba hanarahana ny lalàna momba ny fikambanana tsy miankina, ary hanoherana ny “extrémisme”.

Lohan'ny taratasin'ny biraon'ny mpampanoa lalàna any Voronezh . Sary, 7 Aprily 2013.

Ny karazana fanazavàna takiana dia mikasika indrindra ireo antontan-taratasy ara-bola sy fitantanana, ka tafiditra amin'izany mazava ho azy ny vola voarain'ny fikambanana avy any ivelany. Hita fa mikendry indrindra ny fangaraharàn'ny famatsiam-bola avy any ivelany izany lalàna vaovao izany. Ny sasany anefa milaza fa mikendry ny fampiatoana ny famatsiam-bola avy any ivelany ho an'ireo fikambanana rosiana tsy miankina mihitsy izany.

Ny tena mahaliana dia mangataka fanazavàna  manokana ny mpampanoa lalàna momba ny hetsiky ny vondrona amin'ny vahoaka, fanontaniana mahazatra izay toa mikendry ny ampahan'ny lalàna manohitra ny “extrémisme”, nefa koa toa baiko hanaovana fitsaràna ny famokarana avy amin'ny tahirim-bola:

15) информацию об организованных и произведенных организацией массовых публичных мероприятиях (митинги, демонстрации, шествия, пикетирования, собрания), а также о массовых мероприятиях, в которых организацией принято участие. Дайте краткий анализ массовых мероприятий, цели и результаты их проведения.

15) fanazavàna momba ireo hetsi-bahoaka (famoriam-bahoaka, fihetsiketsehana, diabe, fitokonana, fivoriana) karakaraina sy tontosain'ny fikambanana, ary koa ireo hetsi-bahoaka nandraisan'ny fikambanana anjara. Manomeza famintinana fohy ny momba ireo hetsi-bahoaka, ny tanjon'izany, ary ireo vokatry ny fanatontosàna azy.

Mety hoe te-hanery ireo Fikambanana tsy miankina fotsiny ny biraon'ny mpampanoa lalàna Voronezh  mba hanamarinan'izy ireo fa tena mandeha amin'ny làlana sy ny tanjona napetrany tokoa izy ireo! Azo eritreretina hoe rehefa avy nandefa ireo antontan-taratasy rehetra ireo ny fikambanana dia ho hitany mazavazava kokoa ny fandehan'ny famokarany. Mazava ho azy, raha tsy avy dia nakatona izy.

Mpanoratra Andrey Tselikov · Nandika Candy · vakio ato ny lahatsoratra nadika [en] · hevitra (0)
Zarao: facebook · twitter · reddit · StumbleUpon · delicious · Instapaper

Mibitsika ilay Palestiniana Ola Anan [ar] hoe:

تعليق بابا على تهديدات كوريا: أيوة بقى خليهم يتلهوا في بعضهم شوية ويحلّوا عنا

@olanan: Ny hevitr'i dadanay amin'ny fandrahonan'i Korea [Avaratra]: “Ie, avelao ry zareo hiady loha amin'ny momba azy dia milamina isika.”

Mivazivazy ilay Siriana, The 47th :

@THE_47th: Raha nitranga izao fandrahonana nokleary ataon'ny Korea Avaratra izao fony i Bush mbola filoha, dia efa nibaiko fanafihana tao Kambojy izy. #MitahyNyTompo

SATIRE:  Mizara ity sary ity i  @Heshoz mampiseho ny Emir an'i Katara mitehaka ny ady vava ataon'ny Korea Avaratra sy ny Etazonia

Manamarika kosa ilay Libane Liliane A. :

@FunkyOzzi: Raha ny fahitàko azy, #KoreaAvaratra dia ilay zazakely tsy ampy fitiavana ka mba mila fihina kely.

Manampy i Hadi Alabdullah, avy any Homs, Siria [ar]:

منقول: الائتلاف الوطني السوري يدرس قرار تزويد الولايات المتحدة الأمريكية بأسلحة غير فتاكة وتقديم الدعم اللوجستي لها في حربها ضد كوريا

@HadiAlabdullah: Ny Fiaraha-mitantam-pirenena Siriana dia mandinika fanapahan-kevitra iray mba hamatsiana fitaovam-piadiana tsy mahafaty  ary fanampiana ara-pitaovana an'i Etazonia ho an'ny adiny amin'ny Korea Avaratra.

Ibrahim Elgarhi, Ejiptiana dia manararaotra izany mba hanesoana ny filohan'ny fireneny, manao hoe:

كوريا الشمالية تصدق رسميا على ضرب امريكا بالنووي.. وبكدة يبقى جونج تاني اعبط رئيس في العالم

@Ibrahim_Elgarhi: Mankato ny fanafihana nokleary amin'ny Etazonia i Korea Avaratra ka noho izany dia manao an'i Kim Jong-un ho filoham-pirenena faharoa vendrana indrindra maneran-tany.

Hesham Mansour dia mizara ity sary ity izay mampiseho ny Emir an'i Katara mitehaka ny ady vava ataon'i Korea Avaratra sy Etazonia. Katara, tanindrazan'ny fahitalavitra Al Jazeera, dia nanana anjara tamin'ny fanohanana ireo revolisiona Lohataona Arabo maro, ary nandefa tafika tany Libia mihitsy aza.

Ary ao amin'ny Brother Please, pejy Facebook, nizara sary mahatsikaiky sy “meme” ireo mpandray anjara, momba ny fandrahonan'i Korea Avaratra an'i  Etazonia.

Indro misy iray amin'izany:

Kim Jong-un natao toy ny Jihadist tao amin'ny pejy Facebook “Brother Please”. Dikan'ny soratra: Ho avy aminao izahay miaraka amin'ny [fitaovam-piadiana] nokleary, tsy mila alàlana

Mpanoratra Amira Al Hussaini · Nandika Candy · vakio ato ny lahatsoratra nadika [en] · hevitra (0)
Zarao: facebook · twitter · reddit · StumbleUpon · delicious · Instapaper

Nefa mety ho lasa fahatsiarovana sisa ny renirano mampanonofy toy izany any Sina. Noho ny fitaintainan'ny vahoaka nitombo noho ireo riaka maro voaloto tany amin'ny firenena, nampiseho ny fanadihadiana iray natao vao tsy ela manerana ny firenena fa manodidina ny 28000 ireo renirano voarakitra tao anatin'ny rakitahirin'ny governemanta taloha no ritra.

Ilay fanadihadiana, nivoaka tamin'ny 26 Martsa 2013, no voalohany natao tao amin'ny firenena taorian'ny taona 2010-2012. Araka ny angona natao, miisa 22 909 ankehitriny ireo renirano maharakotra 100km² any amin'ny firenena, izay lavitry ny isa 50 000 nolazaina fa nisy tamin'ny taona 1990.

Sarin'ny fanadihadian'ny CCTV momba ny renirano iray ritra tany Guizhou.

Herinandro maromaro taorian'ny nanaovan'ny fitantanana Sinoa vaovao fanamby ny hiady amin'ny fahasimban'ny tontolo iainana any an-toerana izay vao nivoaka ity fanadihadiana ity. Nahavalaketraka ny maro izany antontan'isa mitontongana izany, anisan'izany ny manampahaizana momba ny tontolo iainana malaza iray, Ma Jun. Tanaty fanadihadiana iray nataon'ny Times of England, nilaza izy fa mifandray amin'ny fitrandrahana diso tafahoatra ny rernirano izany fanjavonan'ny renirano izany.

Nanampy koa i Ma fa mety manana anjara amin'izany koa ny tetikasa “hydroélectrique” goavana tahaka ny Tohodranon'i Three Gorges.

Na izany aza, nandiso ilay isa ambany ny governemanta indrindra indrindra momba ireo fomba fikarohana samihafa sy ny fikorontanan'ny toetr'andro. Jiao Yong, solombavambahoakan'ny Sina ao amin'ny ministeran'ny rano, dia nanamarika fa tsy azo antoka ny isa 50 000 taloha satria nampiasa ny fomba tranainy ireo mpanao saritany teo aloha mba hijerena ny misy ireo renirano. Nilaza [zh] izay tamin'ny fahitalavi-panjakàna Televiziona Foiben'i Sina (CCTV):

过去都是90年代，我们专家依靠过去的老地图，老资料来进行统计计算的，而这次我们是运用国家1/5万（比例）的最新的地图，再加上遥感影像这些设备，一条河一条河提取出来的，所以它的准确度应该是更高。

Tamin'ny taona 1990, niankina tamin'ireo sarintany taloha sy ireo fitaovana tranainy ireo manampahaizana mba hanaovana ny kajikajy, fa tamin'ity indray mitoraka ity kosa dia nampiasa ireo saritany farany indrindra miaraka amin'ny maridrefy nasionaly 1/50000, ary ny fitaovana fijerena sary alavitra, ka nanisa ireo renirano tsirairay, noho izany dia tokony ho azo antoka lavitra izy.

Maro ireo mpampiasa aterineto no toa resy lahatra amin'ny fanazavàna ofisialy. Yami Laoliu [zh] avy any Beijing dia nanoratra tao amin'ny vohikala fitoraham-bilaogy bitika malaza, Sina Weibo:

雅米老刘：惊闻目前我国已有2800条河流从地图上消失。是天灾？是人祸？应该二者兼有，且人祸为主，事例很多，不胜枚举。剩下的河流和地下水水质令人堪忧……能源和粮食已经高度依赖进口，难道我们的子孙饮水也要进口？

Gaga aho raha nahare fa 28 000 sahady ireo renirano nanjavona tamin'ny sarintany. Loza voajanahary ve izany? Sa vokatry ny hadalàn'ny olombelona? Mino aho fa nanana anjara tao izy roa ireo, ka ny hadalan'ny olombelona no tena mibahana, maro ireo ohatra afaka mampiseho izany. Mampiahiahy ny rano sisa tavela sy ny rano ambany tany….Miankina betsaka amin'ny fanafarana avy any ivelany ny sakafo sy ny angovontsika, midika ve izany fa mety hanafatra ny rano hosotroiny koa ireo andian-taranaka any aoriana?

Wang Xuming, mpitondra tenin'ny Ministeran'ny Fampianarana teo aloha, dia nanolotra [zh] tenim-pahendrena ho an'ny Filoha sinoa Xi  Jinping tao amin'ny Weibo:

#给习总提建议#有 消息说中国流域面积100平方公里以上河流30年来少了2•7万条。口袋里的钱愈来愈多，身边的水却愈来愈少。2013年中国环保投入将比去年增加 18•8%是经济增幅两倍多。建议各地立即减缓发展速度，切实把环保作为第一大事抓，否则不予重用。真的把富有中国变成美丽中国！

Torohevitra ho an'ny sefo Xi: Araka ny voalaza dia nihena 27 000 ny isan'ireo renirano maharakotra 100km² tao anatin'ny 30 taona farany teo. Mitombo ny vola anatin'ny paosintsika, fa mihena tsikelikely kosa ny rano manodidina antsika. Nitombo 18,8% ny vola ampiasain'i Sina amin'ny fiarovana ny tontolo iainana, izay avo roa henin'ny fitomboan'ny toekarem-pirenena [manodidina ny 8% ny PIN an'ny Sina. Manoro [ny governemanta] aho mba hampiadana kokoa ny fivoaran'ny toekarena amin'ny lafiny rehetra, ary hanao ny fiarovana ny tontolo iainana ho laharam-pahamehana voalohany, raha tsy izany dia tsy tokony hasiana vidiny ireo mpiasam-panjakàna. Hanao ny Sina manan-karena ho tonga Sina tsara tarehy.

Pan Wenda, izay avy amin'ny tanànan'i Shenyang any amin'ny faritra Liaoning any avaratra atsinanan'i Sina, dia nanao antso [zh] ho an'ny vahoaka ka mangataka ireto farany haneho hevitra momba ny toetry ny renirano any amin'ny tanàna honenany tsirairay avy:

#逝去的家乡河流#在我国，不到20年，已有2万7千多条河流消失！这是一个很可怕的数字和现象，因为，水是生命之源，没有了水，一切生命都将消失！为了减少和避免河流的人为消失，为了子孙的健康延续，让我们为此呼吁，以引起有关方面重视。请大家在本条下面留言，说明你家乡河流的现状。

Ireo renirano mandalo amin'ny firenentsika, 27 000 tamin'ireo no nanjavona tao anatin'ny 20 taona, mampatahotra izany tarehimarika sy tranga izany, ny rano no fototry ny aina, raha tsy misy rano dia tsy hisy aina intsony! Mba hampihenana sy hisorohana ny fanjavonan'ny renirano noho ny ataon'ny olombelona, mba hahazoana antoka fa ho salama lalandava ireo zanatsika, ndeha hanandra-peo ka hijery akaiky ireo antoko politika lehibe. Ry namana, mamelà hafatra eto ka hazavao ny toetr'ireo renirano any amin'ny firenenao.

Na ilay gazety mpanaitaitra be mpanaraka tohanan'ny fanjakàna, Global Times aza dia nisento [zh] tamin'ity indray mitoraka ity tao amin'ny pejy Weibo an'ny famoahan-dahatsorany Sinoa:

据说中国每年消失上万条河流，想起去云南曾看到整片树被砍伐，山若斑秃；在西双版纳，山上原生树全被换成 橡胶树，同质化对树林生态伤害很大。发展一旦启动，其狰狞的一面也渐显露，它还会不断自我加速。但谁又能指责人们改善生活的努力呢？十亿计只想发展没有信仰缺少敬畏的人，是一股多么可怕的力量！

Voalaza fa an'aliny maro ireo renirano manjavona isan-taona aty China. Izany dia mampahatsiahy ny ala nokapaina tany Yunan tamin'ny taon-dasa, tendrombohitra miboridana: Tany Xishuangbanna, nafindra toerana avokoa ireo hazobe teo mba hambolena hazo fingotra, manimba be ny tontolo iainan'ny ala ny “homogeneisation”. Natomboka ny fampivoarana iray, hipoitra tsikelikely ny lafiratsiny, ary hihazakazaka izany. Nefa iza no afaka manameloka ireo ezaky ny olombelona amin'ny fanatsaràna ny toe-piainana? (Raha) misy olona iray lavitrisa donton'ny fampivoarana ka tsy ampy finoana sy fahatahorana ny natiora, tsy ho tanjaka mampihorohoro ve izany!

Mpanoratra owen · Nandika Candy · vakio ato ny lahatsoratra nadika [en] · hevitra (0)
Zarao: facebook · twitter · reddit · StumbleUpon · delicious · Instapaper