Ny fiheverana hoe ankehitriny dia misy vondrona foko manomboka maka tàhaka, raha tsy efa nanara-dia mihitsy ny Taliban aza , sy mitarika fanoherana ny fitondràna ao Kabola, dia efa maka toerana any anelanelan’ny “tena antony marina ipoiran’ny ahiahy” sy ny “nofy ratsin’ny valalabemandry (isam-batan’olona)”. Avoitrany amin’izany ny fisian’ny “faritra fitanilàn” ireo mpitari-tafika mpibaiko ao amin’ny ISAF, fahiny sy ankehitriny, izay efa mankaleo ny mponina ny fiafaràny amin’ireo miaramila iraisam-pirenena an’arivony mirodorodo eraky ny vazantany sy manjera baomba ao ambonin’ny lohany, sy amin’ny governemanta iray mpandray kolikoly tsy mahavita izay andràsana aminy sy manara-poana any ananonanona any. Fomba fijery hafa ny fifikirana amin’ny faminavinàna fa i Akbari dia nalàna tamin’ny toerany noho ny kolikoly na ny tsy fahaiza-manaony, na izy roa mitambatra ary dia tsy manan-javatra hafa intsony hatao afa-tsy ny be dongy, toy ny fanaon’ireo mpitari-tafika Afgana. Amin’ny toy izany, dia tranga maningana sy voafaritra ka tsy dia misy tokony hamakiana ati-doha loatra.

Ity no mamintina tsara hoe hatraiza no tena maha-sarotra ny famaritana hoe ny inona amin’ireo olana ao Afganistana no tena ilaina araha-maso akaiky sy mitondra mankamin’ny fisavoritahana, ary ny inona, noho ny tsy fahitàna izay tena mahalaza azy mazava, no atao hoe fiovaovàna mihodinkodina eo amin’ny sarin’ny fifanolànana efa mahazatra .

Ny tsena ao Kandahar nandritry ny Ramadany, sary nindramina tamin’i Flickr Chooyutshing.

Endrika maro no mety hisehoan’izany. Alex Strick van Linschoten, ohatra, tsy ela akory izao no niverina ao Kandahar rehefa avy tany ivelany nandritry ny herinandro vitsivitsy. Inona no tsikariny tamin’ny fiverenany ?

Angamba raha misy zavatra nentin’ny roa herinandro nivahiniànana tany ivelany (Kalifornia sy Laondra), dia ny nanomezany fahafahana maminavina ireo zavatra izay mora ekenao avy hatrany ho ‘voajanahary’ raha monina ao Kandahar. Raha misy olona mandrangarànga ny basy poletany ary mametraka izany eo ambonin’ny latabatra ao amin’ny Café Nero ao Laondra, dia heveriko ho manana olana iray na roa ry zareo, nefa ao Kandahar, tsy hisaina indroa akory aho raha ireo olona anaovana fanadihadiana na ireo namana no miditra avy any an-dalambe any ka mametraka ny AK-47n-dry zareo na ny RGP-ny (fandefasana bala afo-manga) hiankina eo amin’ny rindrina.

Ankoatra izay dia milamina ihany ny tanàna.

Izany eo ihany. Somary any avaratra any, i Harry Rud dia mamakivaky ireo arabe voaràvaka fako erak’i Kabola, ary mahamarika hoe hatraiza no fahatsapàn’ireo vahiny ho toy ny tafasaraka amin’ny tontolo rehefa mihidy ao anatin’ireny tanàna be voaàro misy azy ireny ry zareo :

Be ny vahiny aty no tsy mahazo mamoaka ny tongony ivelan’ny faritra misy azy ireo, mànana lisitry ny toerana azony aleha sy, (amin’ny ankapobeny) tsy azony aleha, sy fepetra hentitra momba ny haàvon’ny rindrina, ny hatevenan’ny fefy tariby, ny isan’ny mpiambina mitam-piadiana manodidina azy ry zareo. Tsy dia zavatra irian’ny maro sy ankasitrahany loatra izany. Mitondra ny betsaka ho any amin’ny tsy fifantohana aza. Manam-bintana ihany aho mba afaka mandeha lavidavitra, na dia tsy ahitàko maminy loatra aza eo amin’ilay toerana rehefa misavorovoro iny aho nony hijanona ka mitoditodika mijery ny manodidina ahy.

Sarotra be ny hamaritra ny anton’izay fisavorovoroana izay. Eo ny hoe mety ho amin’ny toerana sy fotoana iray maha-idiran’andro ny tena. Ary izay no mahatonga ilay fiheverana ho tafasaraka amin’ny tontolo: ny hevitry ny hoe isika sy zareo fonosin’izay, ny fiheverana ny tena ho tsy amin’ny toerana sahàza sy arahan’olo-maro tsy fantatra maso. Toy ny vorona taitai-dava, mandefa lavitra ny fijery.

Nefa mahatonga fanontaniana toy izao izany : fa tena inona marina moa no ataon’ny Tandrefana aty Afganistana fito taona aty aorian’ny fanjakazakàna? Manamarika i Azar Balkhi fa toa misy fisavoritahana tsy voahevitra ao Andrefana ao, fa tsy dia ahitàna tàratra loatra ny dikan’ny hoe hamehana :

Ireo mpitolona talibana pakistane dia nikapoka teo imasom-bahoaka mpivaro-kena roa tratra nivarotra henam-biby tany amin’ny sàha andrefan’i Swat androany 25 Septambra, ary ny androtr’io ihany dia notifirin’ny tafika Pakistane ihany koa ireo helikoptera mpanara-maso an’ny Amerikana nanàra-dia ireo tafika an-tanety US nandeha tamin’iny sisin-tany tsy dia milamina loatra iny tamin’ny Alakamisy teo, nahatonga fifandonana an-tanety naharitra dimy minitra teo amin’ny firenena roa tonta.

Nitranga izany rehetra izany nandritra indrindra ny fotoana nanomezan’ny Filoha Asif Ali Zardari sy Hamid Karzal toky an’i Washignton fa hitondra fanampiana amin’ny ady atao amin’ny fampihorohoroana izy ireo sady nihaona tamin’ireo lohandohan’ny mpisorona tao New York …

Nentin’ireo mpitolona talibana nirongo fiadiana mavesatra ireo mpivaro-kena voatampina maso ho any amina tsena iray be olona tao amin’ny soba-ditrikan’i Kabal ary dia nokapohin’izy ireo teo imason’ireo olona efa ho 200 teo ho eo. Nampandrenesin-dry zareo talibana koa ny fampahalalàm-baovao mba handrakotra ity tranga ity, fa tsy nisy na dia iray aza avy amin’ny governemanta mba hanàkana azy ireo.

Izay mitondra antsika hiverina any amin’ny teboka fiaingàna : dia ny maha raharaha saro-bahàna an’i Afganistana. Adihevitra farany nihodinkodina tany amin’ny sampandraharaha politika tao Laondra, Washington, sy Brioksela, ny fifampiraharahana amin’ireo talibana. Manontany tena i Christian Bleuer :

• “Talibana ” inona (Quetta Shura? Ireo mpitarika eo an-toerana azo lazaina ho mahaleo tena amin’ny ampahany ihany? Ny Hizb ? ry zareo Haqqanis ? sy ny maro hafa? Sa izy rehetra miaraka ?)

• Ary raha toa ny valinteny ka hoe “ireo Talibana Malemy fihetsika” , isaorana sahady ny fanomezana famaritana hoe iza marina moa izy ireo.

• Tsy saininareo ho toy ny efa endrika fifampiraharahàna ve ny vinavinam-pampihavànana ketrehin’ny governemanta Afgana?

• Tena tsy mahalàla marina ny fifampiresahana/fifampiraharahan’ny governemanta Afgana amin’ireo mpioko ve ianareo ?

Rehefa voambàra izany rehetra izany, mbola misy ihany kosa fiainana mamiratra eto Afganistana. Mizara ny fotoana iray toy izany i Andrea, ary tsy azo tsaraina velively amin’ny alàlan’izay fitantaràna fohy. Miteny ho azy izany zavatra izany.

25 Septambra, valo andro taorian’ny nanjavonan’i Ananda “Passion” Dean, iraika ambinifolo taona, tao Kingston tanàna fonenany, vondrom-piaraha-monina ao Jamaika. Nitohy ny fikarohana làlina momba azy, andro maromaro taorian’ny nahitàn’ny mpandalo iray ireo fitaovam-pianarany vaovao nariana teo amin’ny Pembroke Hall Avenue, toerana maresaka ao an-drenivohitry ny firenena. Mazava ho azy, niatrika tahotra tsy nisy toy izany izay tsy zakan’ny sain’ny raiamandreny maro ireo raiamandreniny, nefa toa zary lasa zava-mahazatra eran’i Jamaika, manaraka ny sakany sy ny lavany, ny hoe misy ankizy avy mianatra ka tsy mody an-trano amin’ny ora mahazatra. Ny fanjavonan’i Ananda dia isan’izay tena nampitaintaina sy nampivarahontsana indrindra tao amin’ny distrika kely milamina ao Sandside, St Mary, toerana nahitàna ny vatana mangatsiaka voatetitetika an’ankizy 11 taona iray hafa tao anaty harona fanariam-pako.
Ny olana dia izao, manaraka mora foana ireo olona itokiany ny ankizy. Maro amin’ireo mponina efa ho telo tapitrisa eto amin’ny nosy no midradradradra noho ity sangy mihoatra ny loha taterina mazàna saiky isan’andro amin’ny gazetin-dry zareo ity. Mihorohoro izy ireo, tsy mahalala hoe rahoviana no idonan’ity resaka “lian-drà” ity amin’ity ireo, sady tezitra mafy ihany koa amin’ny fahalemen’ny fanjakana, na tsy fandraisana andraikitra hoy ny sasany, mba ho fiarovana azy ireo. Lasa fitaovana fototra ho vonjy aina ho an’ny lehibe sy ny ankizy ny fitondràna fitaovam-piadiana afenina sy izay azo faritana ho toy izany, na eny an-dàlam-ben’ny tanàn-dehibe io na hatrany amin’ireny fonenana manamorona ny làlan-tany mamovoka eny ambanivohitra ireny, ny fahatapahan-kevitry ny olona hanao fitsaram-bahoaka avy hatrany.

Vantany vao hita ilay vatana mangatsiaka (izay noheverina fa ny an’i Dean), dia nanoratra i Porter :

Tatitra vaovao tamin’ireo gazety mpiseho isan’andro eto amin’ny nosy no nitondra antsipirihany ny zava-doza nitranga sy ny nandraisan’ny fianakaviana aryireo vavolombelona izany, ary koa tatitra momba ny antso an-telefaona voarain’ireo raiamandreny avy amin’ireo tsy mataho-tody mananihany mangataka takalo, na manome indice tsy mitondra mankaiza akory. Na dia efa dimampolo aza ireo ankizy no nisy namono hatramin’ny niandohan’ny taona, dia nilazàna ny rain’ny zaza fony izy nilàza ny tsy nahitàna azy, fa mila miandry 24 ora ny mpitandro filaminana alohan’ny hahafàhana milàza fa tena tsy hita tokoa izy sy handraisana ny andraikitra tandrify an’izay. Raha izao fironana amin’ny famonoana izao, dia tena maneho tsy firaharahàna mivandravandra mihitsy ity tsy fanatanterahana asa avy hatrany nataon’ny mpitandro filaminana ity, ho an’ny andro manaraka, efa nadio ny rano nitàn’ireo naka azy an-keriny.
Fahoriana tsy hay lazaina no hololohavin’ny fianakavian’i Ananda mandritry ny volana maro ho avy, nefa indrisy, ho an’ireo vahoaka notefen’ny andro sy fotoana hanamafy fo hiatrika ny vokatry ny horohoro, afaka andro vitsy dia hiverina amin’ny nahazatra ho toy ny tsy nisy izany, mandra-pisian’izay sento iraisan’ny mpiara-monina indray ateraky ny setrasetra tsy hay faritana.

I Yawd From Abroad dia niezaka namehy ny fihetseham-pony teo am-pandrenesana ireo vaovao:

Ranomaso no nameno ny masoko teo ampijerena ny sarin’i Nordia Campbell, renin’i Ananda Dean 11 taona, tanatin’izay hoe tena tebiteby làlina. Angamba vao avy nijery maso ny sisa tamin’ny zanany vavy nampakarina avy any anaty hantsana izy ary tena tsy hay nampiononina. Iza no tsy ho toy izany? Tsy ho adinoko mandrakizay izay sary izay, izay hirifiry izay.
Toa tsy misy fiafaràna tsinjo mihitsy ity firongatry ny herisetra ifanaovantsika samy olombelona ity. Hanàisotra ny ain’ankizy iray tsy manantsiny ho takalon’ny karatra hamahànana telefona? Andriamanitra ô! Tena efa lavitry ny mampalahelo sy ny mahaketraka. Isan’ireo zavatra tena tokony hijoroan’ny governemanta itony ary tsy ho fanehoan-kevitra fotsiny fa tena firotsàhana manao asa mihitsy. Inona no andrasana hitranga vao handray fepetra hitondra fiovana goavana?

Raha mbola tsy nisava tsara akory ny sain’i Stunner mikasika ny zavatra mampihoron-koditra manodidina ity fahafatesan-jaza ity dia efa nahare sombim_baovao ratsy sahady izy:

Tsy nanam-potoana hisentoana sy hakàna aina akory ny firenena alohan’ny dona hafa … ZAZA iray VAO SIVY (9) VOLANA MONJA…no nanaovana herisetra sy novonoina. Ny fieritreretana fotsiny hoe zaza tanora miharitra habibiana toy izany dia efa mampanotika hatrany anaty tsokan-damosiko ary mandrehitra hatezerana ato amiko! Tsy tokony hitranga mihitsy ny fihetsika toy izany! Amin’ny fomba ahoana no hisian’izany aty anatin’ny fiaraha-monintsika e? Ahoana no hamelàn’ny olona ny zavatra toy izany ho vaky masoandro ao ambany tafon-tranony?
Tafakatra ho 57 ankehitriny ny isan’ny ankizy maty nefa ny taona tsy mbola mifàrana … raha io no fototra iaingàna dia afaka manomana sahady ny saintsika isika fa mbola be no ho sisa amin’ny zavatra mahavaky fo tahaka ireny. Toa sahala amin’ny tsy misy na inona na inona atao mba hampitsahàrana ity vono olona ity. Sa kosa tena tsy misy na inona na inona azo atao mihitsy tokoa hampitsaharana azy ity?

Hoy izy manohy:

Mila manamafy kokoa ny fitandremany ny raiamandreny indrindra fa rehefa mikasika ny zanany, ilaina ho mpiaro sy hampianatra ny zanany mba ho mailo manoloana ny vahiny dieny mbola kely izy ireny. Nefa ny raiamandreny tsy ho afaka ny ho eo anilan’ny zanany mandrakariva, ary ny fanomànana sy ny fampianarana raiamandreny iray tsy midika avy hatrany fa ho voaàro ny zaza. Mànana ny anjara toerany ny mpitandro filaminana, ny sekoly mànana ny anjara asany, ny governemanta tokony hametraka izay fanovàn-dalàna tokony hatao sy hampihatra ny lalàna, ary ny fiaraha-monina koa dia tokony hanao andrimaso ireny zanatsika ireny. Mety tsy hanafoana ny zava-doza izay, nefa angamba mba hampihena ny fitrangan’ny famonoana ny tanorantsika.

I Iria Puyosa ao amin'ny blaoginy Resteados [amin'ny teny espaniola], dia namoaka santionany amin'ny tatitry ny HRW ao anatin'ny hafany mitondra ny lohateny hoe ““Miangavy, Aza tia jerijery, raha tsy izany , ndeha mipitsika”

Venezuela no logrará obtener un progreso real y sostenido hacia el fortalecimiento de su democracia; ni tampoco ser un modelo útil para otros países de la región; mientras su gobierno continúe despreciando los principios de derechos humanos establecidos en su propia Constitución.
[…]
El capítulo 2 documenta de qué forma el gobierno ha:
- Despedido a opositores políticos de algunas instituciones estatales y de la compañía petrolera estatal y puesto sus nombres en listas negras;
- Ha negado a algunos ciudadanos el acceso a programas sociales como consecuencia de sus opiniones políticas; y
- Discriminado contra los medios de comunicación, los sindicatos y las organizaciones de la sociedad civil en respuesta a sus críticas o a su actividad política.

Tsy ho afaka hizotra sy hahatratra ny tanjony hametraka ny demokrasiany i Venezoela; tsy ho fitaratra ho an'ny firenena hafa aty amin'ny faritra ihany koa; raha mbola manohy manao tsinontsinona ny zon-olombelona izay napetraky ny lalam-panorenany rahateo ny governemantany.
[…]
Ny toko faha 2 dia manaporofo fa ny governemanta dia :
- nitifitra (nandroaka) sy nametraka ho anaty lisitra mainty ireo mpanohitra tany anatin'ireo sampandraharaham-panjakana sasantsasany sy tany amin'ny orinasam-panjakana mpamokatra solika;
- nandà ny fahafahan'ny olom-pirenena sasany tsy hahazo fiahiana sosialy noho ny firehana ara-politika ananany
- nanavakavaka ireo mampiely vaovao, ireo fikambanana, ary ireo olon-tsotra (sivily) noho ny fanakianana nentin'izy ireny na noho ny hetsika ara-politika nataony.

Na dia somary nangingiana aza ireo blaogy mitondra fanohanana ny asan'ny governemanta tao anatin'ny volana vitsivitsy, dia misy sehatra hafa maromaro azon'izy ireo ampiasaina hanehoana izay fanohanana izai ihany. Ao amin'ny tranonkalan-tserasera Aporreadia mamely mivantana an'i Vivancos sy ny andraikitra raisin'ny Fikambanana tsy miankina Human Rights Watch ny hafatra sasany (amin'ny fanondroana azy ireo ho “mpiasa ho an'ny CIA, mpanakorontana” ), sy mamaly ilay tatitra amin'ny filazana fa antontan-taratasy noforonina avy any Etazonia iny, ary ny mpanoratra sasany toa an'i Francisco Sierra Corrales aza dia mangataka mihitsy ny hamerenana ny famaritana ny atao hoe “Zon'Olombelona ”

Podemos decir que no sólo los estados o gobiernos son los únicos sujetos activos o los únicos susceptibles de violar los derechos humanos o garantías sociales sino que lo puede hacer el Imperialismo Yanqui, como primer factor de poder mundial. Por ejemplo, el terrorismo mediático y las desestabilizaciones políticas son impulsadas y monitoreadas por Washington, en contra de nuestros pueblos, en especial en contra de los gobiernos de centro-izquierda y centro-derecha que han empezado a surgir en nuestro continente en lo que va de siglo.

Azontsika lazaina fa tsy ny fanjakana na ny governemanta irery no tompon'antoka sy mpanitsakitsaka ny zon'olombelona na ny antoka ara-tsosialy, zavtra hain'ny imperialisma yankee (amerikana) atao tsara koa izany. Ny fampihorohoroana mpampiely vaovao, ny fanozongozonana ara-politika, ohatra, dia zavatra omanina sy tantanana miainga avy any Washington, hahavoa ny vahoakantsika, ary indrindra indrindra ny governemanta center-left sy ny center-right izay mitana toerana eto amin'ny kaontinantantsika efa hatrany amin'ny fiandohan'ny taonjato..

Amina seha-pifanakalozana ara-politika hafa, nisy revolutionnaire mpitondra fanamarihana iray, miafina ao ambadiky ny solon'anarana Achue2 namoaka hevitra toy izao publie ce commentaire:

Con una diplomacia subliminal nos quieren convencer que se cometió un abuso contra este “martir” de los Derechos Humanos. Acá se le dio cuerda [oportunidad] suficiente a este señor. Tiene 10 años viniendo en tiempos electorales a subvertir el orden interno con calumnias y falacias apoyando a una tolda politica… perdió el equilibrio y la veracidad.

Noho ny diplaomasiany mampiteny ny maona, te-handresy lahatra antsika izy ireo fa hoe nisy fanararaotana natao tamin'ity “maritioran'ny” zon'olombelona ity. Betsaka, hono, no efa nataon-dry zareo mba ho azy. Tonga teto izy folo taoana lasa izay nandritra ireny fotoam-pifidianana ireny mba hanakorontana ny filaminana anatiny tamin'ny alalan'ny famafazana lainga sy hadalana, niasa ho ana rafitra politika iray … hadinony ny amin'ny sy ny fahamarinana.

Ho an'ireo blaogy efa voarakitry ny tantara ho mpanohitra fotsiny an'i Chavez, ity resaka tsy ahitam-bahaolana ity dia tsy inona fa dingana iray indray amin'ny tsy fifandeferana ara-politika ataon'ny governemanta miaramila eto Venezoela . Tanatin'ireo fanehoan-kevitra hafa, somary tsy momba ny atsy na ny aroa, Rómulo Rodríguez dia manoratra ao amin'ny blaoginy fa tsy eken'ny sainy velively ny hoe misy olona iray maneho fanakianana dia roahana hiala ny firenena :

No me importa realmente quien es este señor Vivancos, no lo conozco ni me interesa. Pero lo que si me importa es que el gobierno venga y nos diga como y por que lo que se dice en el reporte es falso. Punto por punto si es posible. Responder con la expulsión de estos señores lo que me hace pensar es que como que tienen la razón y por esto es que los botan. Una torpe bravuconada. […]
¿No hay discriminación política? ¿No hay intolerancia? ¿Hay un completo respeto a las minorías?”

Tsy asiako sira loatra hoe iza moa ingahy Vivancos, ary tena tsy raharahako. Ny mavesa-danja amiko dia ny hitondran'ny governemanta fanazavana sy fanaporofoana ny amin'izay tsy mety tao anatin'ny tatitra. Isaky ny fehezanteny mihitsy, raha azo atao. Ny fandroahana ireny olona ireny dia toa manosika ahy hieritreritra fa angamba manana ny marina izy ireny, ary mety ho izany no antony tena nandroahana azy. Fanapahan-kevitra tsy voahevitra sy adaladala […]
Tsy misy fanavakavahana ara-politika ve izany? Tsy misy tsy fifandeferana ve izany? Misy mba fanajana ny vitsy an'isa ve ao anatin'izany ?

I Petrusco dia mandray anjara ao amin'ny pejy natokana hitondrana fanamarihana sy mitafa ao amin'ny blaogy Periodismo de Paz [amin'ny teny espaniola] momba ny maha-eken'ny maro ny Fikambanana HRW sy ny tetik'ady politikany amin'ny fahatongavany ao amin'ity firenena ity sy ny fanehoany ny tatitra ataony :

El día que la HRW demuestre su imparcialidad y eficiencia lanzando informes duros y contundentes en contra de gobiernos como el de Estados Unidos o Israel y realizando acciones serias y eficientes en función de esos informes entonces si valdrá la pena creerles lo que se vengan a leer aquí o en donde sea.

Amin'ny andro izay anaporofoan'ny Human Rights Watch ny tsy fitongilanany sy ny maha matihanina azy amin'ny fanehoana tatitra henjana sy mivaivay mahakasika governemanta toa an'i Etazonia sy Israely, sy amin'ny fandraisana fepetra entitra miainga avy amin'ireny tatitra ireny, dia tonga angamba amin'izay fotoana izay ny andro ahafahana mandinika izay voalazany momba ny eto sy ny any an-kafa koa

Iza no tiana henjehana eto, ny hafatra ve sa ny mpanoratra ny hafatra? Vakio eto ny tatitra dia anjaranao ny manao tsoa-kevitra.

Aza mividy ny “Vita avy any Shina”

Nahatohina an’i William Iong ny sivana nampiharina tamin’ny aterineto nandritra ity olana ity, ka hoy indrindra izy niangavy : raha tena tianao marina ity firenena ity, miangavy indrindra aza mividy ny “Vita avy any Shina”

今天我博客上讨论的关于某某奶粉事件的文章被上面的人要求删除了，我感觉这个企业的公关能力真的很不错，在中国，最佳的企业公关不就是这样吗？把企业的利益和政府的利益捆绑在一起，以政府的行政力量来为企业公关，将网络和舆论上所有不利于自己的信息都删除，这是何等的舆论优势啊。这样，所有不明真相的人们可以继续喝你们制造的奶粉，在不知不觉中走进坟墓了。

Androany, nangatahana aho hamàfa hafatra iray tao amin’ny blaogiko mikasika ny olan’ny vovo-drononon’ny Sanlu. Tena matanjaka marina ny sampana fifandraisana ao amin’ity orinasa ity, tsy endriky ny lafatra ho an’ny fandraharahana sinoa ve izany ? Ampifamatorina ny tombontsoan’ny orinasa sy ny an’ny governemanta ary dia ampiasaina ny tanjaky ny fifandraisan’ny governemanta mba ho solon’ny sampana fifandraisana ho an’ny orinasa hamafàna izay rehetra vaovao na fanehoan-kevitra manohintohina ny tombontsoan’ny orinasa. Tena ao anatin’ny heriny tanteraka tokoa ry zareo. Amin’izay ireo rehetra tsy mahalàla ny marina dia hanohy hividy ny ronononao sy mandroso manàtona ny fasana.

Ary hoy ny mpitoraka blaogy manàla azy avy eo:

中国最大的问题就是人太多，特别是有知识、有思想的人太多，如果这些人都死掉的话，中国就没有任何问题了。

Ny olana goàvana ho an’i Shina dia mànana olona betsaka nahita fahalalàna isika sady malàlaka amin’ny fisainana, raha maty daholo ireny olona ireny, dia tsy mànana olana intsony isika .

听说这个企业还曾经要花300万去公关百度等门户网站，看来真是小看了它，其实只要花一半的钱去政府进行公关就足够了。

Misy siosion-dresaka fa nampiasa 3 tapitrisa yans ny orinasa ho an’ny atidoha-milina mpikaroka, toa somary nohamaivanintsika ny tanjany, antsasak’io volabe io fotsiny no ilainy dia ampy hanetsehany ny sampana fifandraisana ao amin’ny governemanta.

如果你真的爱国，请一定记住，不要购买中国制造的任何产品。

Raha tena tia tanindrazana tokoa ianao, azafady mba tsarovy, aza mividy mihitsy vokatra “vita avy any Shina”!

Eken’I Shen Yizhe fa mba ho soan’ireo taranaka ho avy, tokony ho sarotiny amin’ny vokatry ny firenentsika isika :

再这么下去，海洛因、冰毒的制贩都快失业了，而国家的中长期禁毒斗争将转移到食品加工业。看着新西兰总理用一副不可思议的表情讲述着河北省地方政府试图掩盖毒奶粉事件，并拖延召回三鹿产品后，这时候日本人一定会想起毒饺子，这个到现在都没有结论的无头公案，和毒奶粉同样出自河北。此时，是不是该换日本人抵制中国货了？用韩寒的话说，抵制日货是因为日本人伤害了我们的感情，而支持国货的下场是我们的下一代付出了健康和生命的代价。孰重孰轻，一看便知。

Raha hitohy toy izao ity tantara ity, dia mety ho very fihinana ireo mpivarotra zava-mahadomelina ary ny fanentanana hiady amin’ny zava-mahadomelina dia hihisaka hankany amin’ny orinasa mpanodina sakafo. Raha nitondra fanamarihana ny Praiminisitr’i Nouvelle-Zélande momba ny fikasan’ny governemantan’y faritanin’i Hebei hanarontsarona ity aferana vovo-dronono voapoizina ity sy hanatarazoka ny fandraofana ireo vokatr’i Sanlu, dia hitantsika soritra teny amin’ny endriny fa tena toa hadalàna sy tsy nampino azy ny zava-misy. Tsy maintsy nitamberina tamintsika ny resaka Japana sy ny ravioli voapoizina, izay mbola tsy fantatra mihitsy ny marina momba azy. Na ny ravioli na ny vovo-dronono voapoizina dia samy avy any amin’ny faritanin’i Hebei avokoa, inoako fa dia anjran’ny japoney indray izao no manao ankivy ireo vokatra sinoa. Raha ity tenin’i twocold,ity no ampiasaina “ny fanaovana ankivy ny vokatra japoney dia fomba hanabarànay ny fihetsem-ponay, fa ny vidin’ny fanohanana ny voka-pirenenay kosa dia ny fahasalamana sy ny ain’ny taranaka ho avy “. Ka iza àry no iray tena mavesa-danja ?

Fa tsy miresaka momba ny ankivy, i Wang Xiaofeng kosa indray dia mampianatra ny mpanjifa sinoa mba hanao kajikajy tsotsotra:

其实大家可以好好算算这道算术题，当某一种食品在自然界中的产量很少，但是市场上数量又很多，你可就要小心了，如果不掺假，那是不可能的。尤其是打着“绿色食品”“无公害食品”“有机食品”幌子的，您尽量别碰。牛奶里面无牛奶，果汁里面无果汁……有一天我在超市里看到Tang果珍，配方里的东西跟水果居然无关。你算算吧，橙子的产量是有限的，哪有那么多果肉工人挥霍。我去超市买东西，很多时候耽误在研究包装纸上的配料表上了，很多东西我看着就难受，能不买基本上不买。

Azafady, kajio tsara mihitsy, rehefa vokatra tsy fahita firy eo amin’ny tontolo voajanahary, nefa ananantsika betsaka eo anivon’ny tsena, dia tokony hitandrina mafy isika. Tena tsy azo inoana mihitsy ny filazana fa tsy nampiana zavatra hafa tao anatiny. Aza mikasika ireo vokatra manindrahindra ny “maitso” na “organika”. Tsy misy tena ronono ao anatin’ny ronono, tsy ahitàna tena voankazo ao anatin’ny ranomboankazo … Indray maka aho nahatsikaritra vokatra avy amin’ny voankazo Tang, tsy nahitàna voankazo mihitsy tao anatin’izay tahàrony. Meteza hanao kajy. Tena voafetra dia voafetra ny voasary eto amin’ny tanintsika, ka avy aiza no nahazoantsika voankazo betsaka hamatsiana ireo orinasa mpanodina sakafo ho an’ny daholobe ? Rehefa mandeha miantsena amin’ireny tsena lehibe ireny aho, ny ankabezan’ny fotoana laniko dia hamakiako ny fitanisàana ireny tahàro. Tsy azoko mihitsy ny aiko, ary miezaka ny tsy mividy ireny vokatra ireny aho.

Fanarontsaronana

Nahazo angom-baovao avy ao anatiny momba ny ivon-toerana mikirakira ronono ao Yili any Mongolia Afovoany i Comes Violet (紫罗兰奔你来) mangataka ny mpiasa rehetra ao amin’ilay ivon-toerana hanàla izay rehetra mety ho akora simika toy ny peroxyde d'hydrogène sy ny mélamine, sy koa hamotika ny tahirin-dronono ahitàna amidon sy akora simika hafa.

Manentana ny mpanao gazety rehetra manerana ny firenena sy maneran-tany ny mpanoratra mba handeha ho any Mongolie Afovoany hamaky bantsilana ity tantara ity:

内蒙古的奶站加三聚氰胺是向山西省的奶农们学习的，经验是从山西传过来的，这些东西奶农们都知道，他们说，山西的奶牛根本在品质方面就不是奶牛，但是那里的奶却合格，而内蒙古本地的奶就不合格，最后发现山西那边的奶站就是加了三聚氰胺才合格的，所以现在往奶里掺三聚氰胺，淀粉，双氧水是一个公开的秘密。

Ny fomba fanao manampoka melamine dia niandoha avy any Shanxi. Tsy dia tsara loatra toy ny kalitaon’ny ronono avy ao Mongolia Afovoany ny rononon-dry zareo, kanefa ny vovo-dronono avy any Mongolia Afovoany dia tsy mahatratra ny fenitra ilaina amin’ny tahan’ny proteina. Etsy andanin’izay, noho ny melamine, tafita amin’ny fitsirihana ny ronono avy any Shanxi. Izay no anton’ilay tsianbaratelon’ny ivon-toerana mamokatra ronono amin’ny fanampohany melamine, amidona sy peroxyde d'hydrogène.

现在主要是没有中央媒体的记者来采访，实际上问一下当地的老百姓，就能找到奶站和奶农，他们就和我说的一致，可惜我当时没有录音，因为我不是记者。

Ankehitriny, ny olana fototra, dia tsy manana mpanao gazety hanadihady ireo mpiompy mpamokatra ronono isika, izay nambaran’izy ireo dia hanamafy izay ambarako. Saingy indrisy, tsy mpanao gazety aho sady tsy nandrakitra ny antsipirihan-javatra.

Ary mba ahoana ny amin’ny vokatra ronono tamin’ny Lalao Olaimpika ?

I Twocold (韓寒) no manamarika fa ny vaovaon’ireo mpampita vaovao nentim-paharazana dia nanoritra hoe tsy voapoizina akory ireo vokatra ronono naroso tamin’ny Lalao Olaimpika :

通过这次事件，我终于认识到，我们真是一个礼仪之邦。你看小日本，把好的留给自己国家，稍差一点的出口。而我们始终是有骨气的国家，就要和小日本反着来，这才是反日。

Tsapako aty am-parany avy amin’ity tranga ity fa tena mahay mandray vahiny tokoa ny firenentsika. Jereo Japana, T*tazoniny ho an’ny terataniny ny vokatra tsara ary aondrany any ivzelany kosa ny sokajy faharoa (ny ratsiratsy kokoa). Ho an’ny tanintsika kosa, ny mifanohitra amin’izay no ataontsika. Tena “fanoherana an’i Japana“ marina tokoa

Kanefa, misalasala i Nickwong ny amin’ny maha-tena ara-pahasalamana tokoa ireo vokatra ronono nandritra ny Lalao Olaimpika:

1、如果国家承认奥运会使用或出口奶制品含有三聚氰胺，则将有引发国际丑闻和外交事故的危机，所以即使有，政府也不敢承认，反正都已被人吃掉或扔掉了。（希望能有国外的有心人查过尚未正式闭幕的残奥会）；2、但如果照国家和三鹿的说法，牛奶掺毒仅是不法奶农所为（警方很快抓获疑凶，办其他案也不见这么快过），连三鹿公司1100多项先进的检测程序都没法检验出来，何以肯定奥运会使用的伊利奶制品不含三聚氰胺？

1.Raha niaiky ny governemanta fa voapoizina tamin’ny melamine koa ny ronono nandritry ny Lalao Olaimpika sy ireo naondrana any ivelany, dia ho lasa olana iraisam-pirenena izy ity. Mino aho fa tsy ho sahy hiaiky izany ry zareo. Na inona na inona ambara, efa lany voatelina aloha ireo vokatra. (Manantena aho fa mba hisy hanara-maso akaiky ny ronono mandritry n y Lalao Paralimpika).

2. Raha ny fanazavan’ny Sanly sy ny governemanta no raisina, dia ny mpamokatra ronono no nanampoka melamine (tena miasa mafy tokoa momba azy io ny mpitandro filaminana) ary dia tsy tratry ny fitsirihana kalitao efa ho 1100 ataon’ny Sanlu, ka ahoana no ahafahany mitompo teny fantatra fa ny vokatr’i Yili nandritry ny Lalao Olaimpika dia tsy nisy melamine?

Manamarika ihany koa ny mpitoraka blaogy fa efa tamin’ny taona 2007 no nisy Tale iray tao amin’ny ivon-toerana nitaraina fa hatramin’ny taona 2005 no efa fanampohana kasinga hafa nataon’ny orinasa tamin’ny ronono, ka isan’ireny ny vovoka proteina sy vovoka tavy. Nefa notsinontsinoavin’ny Yili ny fitarainany.

Iza no hizaka ny vokany ?

Miezaka mampitony ny hatezerana ny governemantan’i Hebei amin’ny alàlan’ny fandraisany an-tànana ny saram-pitsaboana ireo zazakely marary. Na izany aza, manontany tena i Caodan hoe nahoana no ny mpitondra ao Hebei no hizàka ny vokany eo amin’ny toeran’i Sanlu amin’ity tantara ity :

实在是太操蛋了，虽然看起来它是一个非常有爱心的举动。但为什么这份钱由政府来出？政府哪来的钱？还不是纳税人的？但为什么人家纳了这个税，要去让政府帮三鹿擦这个屁股？还是说，政府在给自己擦屁股？但河北政府又说，河北政府在三鹿集团里没有股份。
那么，这是一家企业因自己的产品不合格而导致其消费者受害，理应由他自己来赔偿。而且它还是个营业额高达70亿之多的企业 ，为什么会把这笔帐算在河北政府，即河北纳税人头上？这实在是太令人费解了。

Tena zavatra mahasoso…, toy ny hoe mba miasa loha ho amin’ny tombotsoam-bahoaka iny ery ny governemanta! Nefa nahoana no tsy maintsy zakain’ny governemanta ny lany rehetra ? Avy aiza no nihavian’ny volan’ny governemanta? Tsy avy amin’ny hetra alohan’ny mpandoa hetra rehetra ve? Nahoana no avela hamàfa ny hadalàn’ny Sanlu amin’ny volantsika ny governemanta ? Sa ny hadalàn’ny governemanta mihitsy io ezahany fafàna ankehitriny io ? Nefa milaza ny governemantan’i Hebei fa tsy manana vola miasa ao amin’ny Sanlu.
Milako ny mpanjifany amin’ny vokatra vokariny ihany ity orinasa ity, tokony ho azy ireo ny fandoavana ny onitra. Fanampin’izany, nahatratra 7 lavitrisa yuans ny vola kirakirany, nahoana no ny governemanta sy ny mpandoa hetra ao Hebei no hizàka ny vokany? Tsy mampino !

Araka ireo vaovao farany, be ireo tomponandraikitra ambony amina antoko tao amin’ny faritanin’i Hebei no nametra-pialàna noho izy ireo voarohirohy amin’ny tantara ratsin’ny vovo-drononon’i Sanlu.

25 taonina tamin'ny vovo-dronono novokarin'ny vondron'orinasa Sanlu no naondrana nankany Taiwan tamin'iny volana Aogositra lasa iny, ary niteraka sahotaka be tokoa tany Taiwan ity vaovao ity.

I Sinhong [amin'ny teny Sinoa] no mitantara ny amin'ny fahataràn'ny fampilazàna ny vahoaka avy amin'ny governemanta Sinoa momba ilay vovo-dronono voapoizina

今年三月，中國境內即傳出有嬰兒喝出問題，六月中傳出病例報告，奶粉出口到台灣即在此時，八月初中國三鹿公司驗出奶粉含有毒的三聚氰胺，卻九月十一日才封存回收，十二日傍晚才通知台灣。

Tamin'ny volana Martsa, tao Shina, dia efa nisy siosio nandeha fa nisy zazakely maro narary vokatry n y fihinànana vovo-dronono voapoizina. Nohamafisin'ny filazàna avy amin'ny Hopitaly izany ny volana Jona, ary nanodidina io fotoana io no nanondrànana ireo vovo-dronono voapoizina ho any Taiwan.. Ny fiandohan'ny volana Aogositra, nahatsikaritra ny vondron'orinasa Sanlu fa misy melamine tany anatin'ny vovo-dronono novokarin'izy ireo. Na izany aza,, nangatak'andro lava ny amin'ny tokony hamerenana ireo vovo-dronono ny vondron'orinasa Sanlu hatramin'ny 11 septambra, ary dia nilaza tamin'ny tompon'andraikitra Taioaney (Taiwanais) ny governemanta sinoa ny 12 septambra.

Kianin'i Eric [amin'ny teny sinoa] ny tsy firaharahàn'ny governemanta taioaney (Taiwanais) sy ny fanaovany tsinontsinona ilay fampitandremana ary ny fahataràn'ny hetsika avy aminy.

人命關天的大事，十二日接到電話的海基會竟感覺「善意」，而後府院噤不做聲，見事態愈演愈烈後，到昨日才由劉兆玄召開跨部會議下令展開交涉，這種末梢神經近乎麻痺的狀態，最可能的病因只有一個，就是唯恐破壞馬英九上台後一路「呵護」的兩岸氣氛…影響所及，連人民最基 本的生命健康都無能保障。

Resaka saro-pady mahakasika ain'olombelona izy ity, ka tena nanohina tokoa ny Strait Exchange Foundation (海峽交流基金會) ny “fihetsika maha-te hidera” nataon'ny governemanta sinoa, raha ninia nangina kosa ny governemantantsika. Tato aoriana, nony hitan'izy ireo fa tsy voafehiny intsony ny raharaha dia nanapa-kevitra ny hampiantso fivoriana iraisan'ireo ministera isan-tsokajiny ny Praiminisitra Liu Chao-shiuan (劉兆玄)  Nalemy lohalika tanteraka ny governemantantsika ary ny antony dia tsy isalasalana fa ny tahotra hoe sao simba ilay “fifandraisana sarobidy” eo amin'ny Taiwan sy Shina taorian'ilay fianianana nataon'ny Filoha  Ma Ying-jeou 馬英九 tamin'ny volana May lasa iny…ary dia tena tsy hain-dry zareo akory na ny hiaro ny mpiray tanindrazana aza/p class=”translation”>

I Sinhong [amin'ny teny sinoa] koa dia namoitra fa mety ho nosarontsaronan'ny governemanta noho ny fisian'ny Lalao Olaimpika tamin'ny volana Aogositra ity olana ity.

中國隱瞞毒奶粉事件與北京奧運脫不了關係，京奧在八月八日到二十四日舉辦，之前，中國政府就下令全面掩蓋有損國家形象事件，毒奶粉驗出含毒正在奧運舉辦前夕，顯示中國當局為了面子，草菅人命，還禍延他國，專制顢頇，罔顧人命，令人髮指！

Tsy azo saràhana amin'ny Lalao Olaimpika natao tany Beijing tamin'ny volana Aogositra ity fanarontsaronana ny resaka vovo-dronono voapoizina ity. Ny Lalao Olaimpika izay natao ny 8 hatramin'ny 24 Aogositra. Talohan'ny Lalao Olaimpika dia nanome baiko ny governemanta sinoa mba hanakànana izay fanadihadiana rehetra mety hanaratsy endrika an'i Shina. Talohan'ny Lalao Olaimpika indrindra anefa no nahatsikaritra ny fanapoizinana ry zareo tao amin'ny vondron'orinasa Sanlu, ary dia tsinjontsika avy amin'izany fa naleon'ny governemanta sinoa namela ny mpiray tanindrazana aminy ho faty mba hahafahany mitazona ny sary tsaran'i Shina. Nefa ity ezaka hanarontsarona ity dia tsy hoe mahakasika fotsiny ny ain'ireo Sinoa , fa koa loza mitatao ho an'ireo olona any amin'ny firenena hafa, tsy azo ekena velively mihitsy ny fisainana mihevitra ho masi-mandidy amin'ny ain'ny hafa toy izany!

Nanamafy ny vondron'orinasa Sanlu fa ireo melamine hita tany anatin'ny vovo-drononon'izy ireo dia ireo mpamokatra sy ireo mpaninjara no nanampoka azy ireny mba hanaraka ny fenitra momba ny azota, rehefa avy notampohany rano ny ronono mba handevonana azy. Tsy maharesy lahatra ny maro anefa io fanambaràny io.

I Eric [amin'ny teny sinoa] dia maka tsoa-kevitra avy amin'ny fomba nentina namokatra ny vovo-dronono.

添加三聚氰胺以提高含氮量的原理，必須具有一定專業知識，因此所謂獨由酪農下手的可信度實在不高。

Izay nampiditra ny melamine mba hampiakàrana ny tàhan'ny azota ao anaty vovo-dronono dia tokony ho olona matihanina satria ilàna fahalalàna ara-tsimika izany, noho izany tsy inoako fa hoe ny mpamokatra no nampiditra melamine tany anaty ronono

I Williamlong [amin'ny teny sinoa] koa dia naka tsoa-kevitra avy amin'ny toetoetra ara-tsimikan'ny melamine.

三聚氰胺是不溶于水的白色粉末，怎么可能掺入牛奶中呢？即使掺入也无法溶解，产生沉淀。因此三聚氰胺应该是后期直接掺入奶粉之中的。

Tsy tena levon'ny rano tanteraka ny melamine, koa amin'ny fomba ahoana no ahafahan'ny mpamokatra hanampy melamine amin'ny ronono? Raha izy ireo no nanao izany, tsy maintsy hisaraka amin'ny ronono ny melamine. Noho izany, ny maharesy lahatra ahy dia ny hoe nampiana melamine avy hatrany tany amin'ny orinasa ihany ny vovo-dronono nandritra ny fikarakaràna natao taminy.

Lianyue, [amin'ny teny sinoa] izay teratany sinoa, dia niantso ny governemantany hanao ity raharaha ity ho zava-dehibe, hijery ny tena fototry ny olana, ary hamàha izany.

若不彻查所有涉及人员…中国乳制品业一同崩溃。三鹿这样的企业都下毒，人们有理由相信，其他企业也有嫌疑。三鹿为了自保，可能放风它的做法是行业“公开的秘密”，拉着整个行业一同陷入信任危机。…中国的食品业接着垮台。连自己的孩子都可以毒，那么，还有什么底线？毒毒宠物，毒毒青少年、成年人，不更是毫无顾忌吗？中国制造由于连连涉毒，在国际上已经恶名远扬，三鹿这次安然过关，就等于让三鹿为大家敲下最后一根棺材钉。

Raha tsy hanadihady ireo rehetra voakasik'ity ny governemanta sinoa…ny sehatry ny fandraharahàna momba ny ronono sinoa no hirodana. Isan'ireo sangany amin'ny vokatra azo avy amin'ny ronono ny vondron'orinasa Sanlu, raha nanampy singa manapoizina amin'ny vokatra arosony ry zareo, dia hataon'ny olon-drehetra anaty sobika iray ho toy ny manao izany daholo ny mpamokatra hafa rehetra eto Shina. Raha te hiaro tena ny vondron'orinasa Sanlu amin'ny filazàna fa tsiambaratelon'ity orinasa ity ny fanampiana melamine, hiara-rendrika aminy amin'ity olana ity daholo ny ankabeazan'ny orinasa sinoa mpanodina ronono…Rendrika miaraka amin'ireo koa ny orinasa sinoa mpanodina vokatra fihinana. Raha tsy matahotra ny hanapoizina zaza ny orinasa sy ny governemanta sinoa, hatraiza no fetran'izy ireo eo amin'ny seahtry ny orinasa mpanapoizina? Ireo biby fitaiza an-trano, ireo ankizy tanora, ny olon-dehibe … Ny «Made in China» dia efa tena malaza amin'ny fisian'ny akora manapoizina any anatiny. Raha ho tafavoaka amin'izao ity vondron'orinasa Sanlu ity, dia efa samia isika mivonona ny amin'izay fantsika mbola homaniny halentiny amin'ny vatam-patin'I Shina.

Nisy koa ny resaka nandeha fa notambazan'ny vondron'orinasa Sanlu ny Baidu [milina sinoa mpikaroka] mba hanivana ireo hevitra mivoy fanakianana ny orinasa, rehefa manao fikarohana amin'ny alalan'i Baidu. T4822k11b no manoratra [amin'ny teny sinoa] hoe :

三鹿的危机公关解决方案被内部员工曝光，其中内容显示三鹿如给百度支付300万公关保护费，百度就通过搜索技术屏蔽三鹿负面新闻。…百度的这位公关经理还解释说：“在百度上搜一下，之前的负面新闻都在，这就是最好的证据。”…通过搜索发现，百度上所有的三鹿负面新闻，都是在9月12日后开始出现的。用网上广为流传的热帖标题“三鹿，在小朋友的生命健康面前请不要表演”作为关键词搜索，9 月12日下午，google显示11400篇，而百度在9仅能显示11条；9月13日上午，google显示11800篇，百度却一下子上升到54条。

Ny mpiasa tao aminy ihany no namboraka ny tetika nomanina hanarontsaronana sy hitantànana ity olan'ny vondron'orinasa Sanlu ity.  Ny tetika dia ny hanomezana telo tapitrisa an'I Bandu ka hangataka ny hanivànan'ito farany ny vaovao… Ny tale misahana ny serasera ao amin'ny Baidu dia nilàza fa : “Raha ohatra ianao manao fikarohana ao amin'ny Baidu, azonao atao ny hahazo ireo tahirim-baovaon'ny lasa, ka manakiana na tsia ny vondron'orinasa Sanlu. Izay no porofo tsara indrindra”… Kanefa, taorian'ny fanamarinana, tsikaritray fa taorian'ny 12 septambra vao nanomboka nivoaka ireo vaovao manakiana ny vondrona Sanlu. Raha mitendry ny hoe “Sanlu” ianareo, aza mody fanina rehefa mahakasika ny fahasalaman'ny taranatsika ” (三鹿，在小朋友的生命健康面前请不要表演 ) ary alefanareo ny fitadiavana, ny tolakandron'ny 12/9 , I Google dia nanome tarehimarika 11 400 ho valin'ny karoka, raha 11 monja no nomen'ny Baidu. Ny marainan'ny 13/9, i Google nanome tarehimarika 11800 ho valin'ny fitadiavana, raha 54 ny an'ny Baidu, avy eo dia niakatra be tampoka izany.

Ny lalàna marokàna momba ny asa fanaovàn-gazety, izay voakiana matetika [amin'ny teny anglisy] dia mandràra izay rehetra mety ho endrika fanakiànana atao amin'ny fitondran'ny mpanjaka. Tao anatin'ny lahatsorany, nadikan'i Amira al Hussaini avy amin'ny teny Arabo ho amin'ny teny Anglisy eto, no nilazàny fa ny asa fiantràna ataon'ny mpanjaka amin'ny vahoakany no vao mainka mamporisika ity farany hiankin-doha hatrany, raha tokony hiasa kosa. Hoy izy mamintina:

وعندما يرى ولي العهد الصغير الذي سيتولى الحكم في يوم من الأيام كيف أن والده يوزع الهبات والاكراميات والكريمات على الناس بمجرد سماع كلمة إطراء أو مدح ، فلا شك أنه سيتصرف بنفس “المنطق” عندما يحكم ، لذلك فما علينا سوى أن نؤجل أحلامنا بمغرب المساواة وتكافؤ الفرص لغاية حكم الملك محمد السابع الذي سيأتي بعد الحسن الثالث اللي هو ولي العهد حاليا!

Raha hitan'ny printsy, izay hitondra indray andro any, ny fomba fanaon-drainy mizara voninahitra, fahalalàhana sy fanomezana maro samihafa ho an'ny vahoakany mba ho fankasitrahana azy na dia amin'izay kely indrindra vitany aza tamin'ny asa fiantràna nataony ,dia tsy isalasalàna fa hanao toy izany koa izy rehefa tafakatra eo amin'ny seza fiandriànana. Izany no antony tsy maintsy hamoizantsika ny nofinofintsika hahita Maraoka anjakàn'ny fitoviana sy ny fiaraha-mientana mandritry ny fotoana hanjakàn'i Mohamed VII, hanaraka ny dian'i Hassan III, izay laharana voalohany amin'ny fandovàna fanjakàna.

Ilay mpitoraka blaogy miteny anglisy A Moroccan About the World Around Him dia dia manazava ny zava-nisy antom-pisian'ilay lahatsoratra ary manoratra toy izao [amin'ny teny anglisy] :

Ny lahatsoratr'i Mohamed, voasoratra amin'y teny arabo ary mitondra ny lohateny hoe “Amporisihan'ny mpanjaka mba hiankin-doha ny vahoaka” dia mamely ilay antsoin'ny Marokàna, amin'ny fomba mahazatra hoe, “GRIMA”, izay teraka avy amin'ny teny frantsay hoe “agrément”, amin'ny lalan-kevitra hoe “fanomezana alalala amin'ny raharaham-pitantanana”. Ny fizaràna “fanomezana alàlana amin'ny raharaham-pitantanana” dia fahefana manokana efa an'ny mpanjaka hatry ny ela teto Maraoka. Tsy dia ilaina intsony ny milaza fa ny fanomezana alàlana toy izany dia ahafahana mandingana ny fizotr'ireo asa fitantanana sasany: manao zinona ny lalàna sy ny fepetra samihafa napetraka handaminan-draharaha izy ireny. Nefa latsa-paka lalina loatra ao anatin'ny toe-tsaina Marokana ity fomba ity, hany ka matetika, eto, dia be ireo Marokana avy amin'ny saranga samihafa no manao voady toy izao manaraka izao: “Enga anie i Allah ka hanome anay “GRIMA” de Sidna”.

Ny mpitoraka blaogy sasany toa an'i A Moroccan in Washington, D.C.,[amin'ny teny anglisy], zalamite [amin'ny teny frantsay] sy Larbi [amin'ny teny frantsay] dia samy niventy azy ity daholo.

Nambaran'ny Hespress.com fa nadalo fitsarana maika i Erraji ary nosaziana tao anatin'ny hazakazaka narahin-tosika higàdra roa taona an-tranomaizina sy handoa onitra 5 000 MAD($625). Hoy Larbi no manazava :

Tamin'ny alàlan'ny fitsaràna tselatra mendrika ireo firenena tsy refesi-mandidy indrindra eto ambonin'ny tany, no nanasazian'ny Tribonalin'i Agadir, io Alatsinainy io ilay mpitoraka blaogy marokàna higàdra roa taona an-tranomaizina sazy mihàtra sy handoa onitra 5000 Dhs noho ny ” tsy fanajàna tokony hatao amin'ny mpanjaka”.

Misy sahady ny fanangonan-tsonia firaisankina natsangana eto sy vondrona ao amin'ny Facebook mba ho fangatahana ny hamotsorana an'i Mohammed Raji [amin'ny teny arabo].

]]> http://mg.globalvoicesonline.org/2008/09/10/1286/feed/ http://mg.globalvoicesonline.org/2008/09/07/1285/ http://mg.globalvoicesonline.org/2008/09/07/1285/#comments Sun, 07 Sep 2008 17:19:26 +0000 avylavitra http://mg.globalvoicesonline.org/?p=1285 Hisaina angamba ianao hoe ny tontolon’ny fitorahana bolongana avy aty Oman tao ho ato dia nifantoka betsaka tamin’ny resa-pivavahana sy ny iray volana masin’ny Ramadany, nefa somary mahazendana ihany fa betsaka amin’ireo hafatra no tsy misy ifandraisany velively amin’ny Ramadany.

I Muscat Confidential mpitoraka blaogy mpandranitra [amin’ny teny anglisy] dia nandefa hafatra vao tsy ela akory mikasika ny fomba hiraisana ara-nofo ao Muscat [how to have sex in Muscat]. Toa mitàna ny loha-laharana raha ny valin’ny fitadiavana amin’ny alalàn’ny teny momba ny ‘firaisana ara-nofo’ ny blaoginy, ary vakiako toy izao :

Fantatrareo tsara, betsaka ny fitsidihan’ireo lehilahy (eritreritro io) avy eto Oman ao amin’ny blaogiko mba hitady tovovavy avy any Filipina, tovovavin’i Muscat, ahoana no ahazoana tovovavy any Muscat, firaisana ara-nofo any Muscat, amin’ireo tovovavy avy any Oman, mpivaro-tena any Muscat, ireo homosexuels (mitovy nefa mifanambady) any Muscat, sns… Mazava be fa ny resaka firaisana ara-nofo, toy ny any amin’ireo tany hafa eran’izao tontolo izao, dia ao an-tsain’ny betsaka amin’ireo mponina ao Muscat. Tsy azo lavina!

Vadina mpiasa avy any ivelany i Angry in Oman ary tsy tia na ny mpiara-miasa aminy na ny olona eny an-dalàm-be, ary angamba aza dia ny monina eto Oman mihitsy. Ny olona sasany dia miteny aminy fa vanim-potoana mandalo ihany izao, fa ho tiany ihany io avy eo, fa mandra-pahatongan’izay dia mitohy aloha ny hirifiry. Inty ny andalan-dahatsoratra voalohany nosoratany momba ireo sorisorim-piainana niainany faramparany teo [amin’ny teny anglisy]:

Isak’izay mba misaina aho fa tsy dia hitohy ho ratsy foana akory ny zavatra rehetra, dia miharatsy hatrany izany.
Tratry ny areti-nify mafy aho izao ary manaintaina ahy mafy ny ilan-tavako havanana, nefa omaly alina dia nandalo tatay amin’ny birao ny mpamilin’ny vadin’ny lehibeko ary lasa niaraka amin’ny fanalahidy rehetran’ny fiara

Omaly, nilaza tamin’ny tompon’andraikitra fahatelo ato amin’ny toeram-piasana aho fa MILA mandalo any amin’ny banky androany mba haka vola amin’ny seky ka mety ho tara kely vao miditra birao. Tsy dia nanisy olana tamin’izany izy rehefa tonga aho ka nilaza taminy fa naka fotana tamin’ny mpitsabo nify ho amin’ny Alakamisy.

I Leo Americanus dia mihevitra [amin’ny teny anglisy] fa misy tsy dia mandeha ilàlana loatra ny fomba fihevitra ny vehivavy ao amin’ny kolontsaina arabo. Nanaitra azy ireo fanambaràn’ny fianakavian’i Suzanne Tamim, ilay vehivavy mpihira avy any Libanona nisy naomo vao tsy ela akory izay :

Raha maneranan ny tany, be ireo mpanefoefo no tsy mitsahatra manararaotra ireo vehivavy mpihira, tsy haiko ny tsy hilaza fa ireo lehilahy manana ny fahefana eto Moyen Orient dia maneho tsy firaharahana ihany koa. Ny tantara “The Yacoubian Building” (Ny trano Yacoubian) nosoratan’ilay mpanoratra Alaa al-Aswani dia maneho sary mampivandravandra tsara ity karazana lehilahy ity any Ezypta. Ny tena loza dia misy toe-tsaina manome vahana ny fitohizan’ity zavatra tahaka izany tsy hitsahatra.

I Suburban, vehivavy fanta-daza amin’ny fitorahana blaogy [amin’ny teny anglisy] dia mibanjina ny toetoetry ny supermarché Lulu [amin’ny teny anglisy] (nantsoiny mihitsy hoe ‘Zoo-Lu') nadnritry ny Ramadany. Nankasitrahany amin’ny ankapobeny ilay izy noho ny hamoram-bidy, fa nisy ihany ny zavatra hafa nanadala ny sainy. Toy ity iray ity:

Kalesy maromaro (irony fitondran’ny mpividy entana irony) mikivilavila. Lazaiko marina aminao fa tsy nahita mihitsy aho na dia kalesy iray aza mba nandeha mahitsy tsara. Somary fonentana aho, ka rehefa feno ilay zavatra dia toy irony mahery fo mpilalao sarimihetsika mampihomehy mitafy jeans irony aho: ny tongotra mikorisa amin’ny lino, ny vatana mihilana 45 degire, sady mezaka hatrany mitady làlana eny antsefantsefan’ireo talantalana fivarotana vokatra azo avy amin’ny ronono.

]]> http://mg.globalvoicesonline.org/2008/09/07/1285/feed/ http://mg.globalvoicesonline.org/2008/09/05/1280/ http://mg.globalvoicesonline.org/2008/09/05/1280/#comments Fri, 05 Sep 2008 04:15:07 +0000 avylavitra http://mg.globalvoicesonline.org/?p=1280 Ny volana masin’ny Ramadany, nanomboka ny Alatsinainy teo, dia manana ny tsirony manokana any Azypta, ka noravàhana hifanaraka amin’izany ny lalàm-be rehetra.Mpitoraka blaogy iray no maneho ny lokony sy mitondra antsika eo anivon’izany fankalazàna izany
Vehivavy ezyptiana iray mpitoraka blaogy SaSa no mitanisa ao amin’ny blaoginy Stories from the Past (Ny tantaran’ny Lasa) [amin’ny teny Arabo] , nivoaka tamin’ny tranonkalan’ny aterineto ezyptiana Masrawy, izay nitatitra fanadihadiana iray natao tsy ela akory izay tany Irana mikasika ny fomba niomànan’i Ezypta handraisana ity volana masina ity.

القاهرة- ذكر تقرير لوكالة الانباء الايرانية أن لرمضان في مصر طعم خاص نظرا لعادات متوراثة حافظت عليه الاسر المصرية لمئات السنين ويعود بعضها الي ايام الدولة الفاطيمة
فلايوجد شارع واحد في مصر حاليا يخلو من الزينات باستقبال الشهر الكريم ويقول
التقريرمع بداية شهر رمضان ينقلب حال الشارع المصري تماما..اطفال صغار يتسابقون
لوضع الزينات والاعلام بشوراعه في مسابقة سنوية بين الاطفال للوصول الي الشكل
الاجمل لشارعه ليكونوا حديث المارة

LE CAIRE – Tatitra iray nalefa ho an’ny Masoivohom-baovao Iraniana no milaza fa hafa tsiro mihitsy ny Ramadany ho an’i Ezypta, fahasamihàfana voatefy indrindra avy amin’ireo fomban-dràzana nifandovàna izay voatahirin’ireo fianakaviana ezyptiana nandritry ny taonjato maro, ny sasany aza dia efa hatrany amin’ny andron’ny Fatimides. Tsy dia fahita izany hoe tsy voaràvaka izany ny làlam-be eran’i Ezypta, na dia iray aza, ho fiarahabàna ny fahatongàvan’ ny volana masina. Vantany vao miandoha ny volana, dia mitsimbadika ambony ambany ny làlam-ben’i Ezypta rehetra anaovan’ireo tanora azy mba hahazoana ny laharana voalohany amin’ny làlana tsara ravaka indrindra eo amin’ny faritra.

Hoy izy manohy:

كذلك لا يخلو شارع مصري من تجمع لبيع “الفوانيس ” وآخر لبيع مستلزمات الشهر الكريم الغذائية خاصة ما يعرف حاليا ب”شنطة رمضان ” وهي عبارة عن حقيبة تحوي مستلزمات غذائية ويشتريه الميسورون لتوزيعه علي الفقراء واصحاب الدخل المحدود في ظاهرة تتزايد سنويا لتكون مع موائد الرحمن خير تعبير عن التضامن بين ابناء الشعب المصري في ظل ظروف اقتصادية صعبة تمر بها الطبقات الفقيرة بمصر
وفي جولة بعدد من الشوارع لرصد مظاهر الاحتفال كانت البداية في منطقة “الجيزة” التجارية حيث انتشرت محلات بيع الفوانيس بكثرة وسط اقبال جماهيري

Ankavitsiana koa no hahitàna mpivarotra eny amin’ireny làlana ireny ka hoe tsy misy Fawanees eo aminy [karazana arendrina nentim-paharazana], sy karazana sakafo hafa fahita rehefa Ramadany, na ilay antsoina amin’ny fiteny mahazatra ankehitriny hoe “ Ny haron’ny Ramadany ”. Harona izay ahitàna sakafo fototra, hovidian’ireo mpanankarena ary zarainy amin’ireo mahantra kosa, nanjary efa lasa fomba fanao nandritry ny taona nifandimby, mifanindran-dàlana amin’ny Latabatry ny fiantràna [Tables of Mercy] [fihinanam-be ho an’ny mahantra] izay itaràfana ny firaisankinan’ny samy Ezyptiana, na eo aza ny olana ara-toekarena sedrain’ireo saranga marisarisa eo amin’ny firenena.
Ny fitsidihana ireo làlana ezyptiana maromaro dia afaka haneho io tranga io; miainga avy eo amin’ny tanànan’i Gizeh, izay ahitàna mpivarotra feno fawanees ary tena mandeha be tokoa izany varotra izany.

Farany dia maka ohatra avy amin’ny fironana vaovaon’ireo mpivady ezyptiana koa izy:

والجديد هذه الايام ان الفوانيس لم تعد قاصرة علي لهو الصغار بل امتدت الي الكبار ايضا حيث اصبحت عادة لدي الشباب الخطوبين، فكل خطيب يحرص علي شراء فانوس لخطيبته
كهدية لها وكنوع من انواع التفائل لاتمام زواجهم السعيد

Tamin’ity taona ity, samy nankafy ny fawanees daholo na kely na lehibe. Ho an’ireo mpivady vao, ireo mpifamofo, dia tena nankafiziny tokoa ny manolotra fawani iray ho an’ilay tokan’ny fony; fambara sahady ho an’ny tokantrano feno fahasambarana.

]]> http://mg.globalvoicesonline.org/2008/09/05/1280/feed/ http://mg.globalvoicesonline.org/2008/09/03/1277/ http://mg.globalvoicesonline.org/2008/09/03/1277/#comments Wed, 03 Sep 2008 12:14:28 +0000 avylavitra http://mg.globalvoicesonline.org/?p=1277 Vao manomboka ny volan'ny Ramadany izao ary ireo mpijery fahitalavitra miteny arabo dia samy efa tsindrian-daona miandry izay fandaharana haroson'ny fahitalavitra voaomana ho amin'izany ny hariva. Ireo mpitoraka blaogy jordaniana, saodiana sy ny avy any Barheïn dia mifanpizara ny fomba fijeriny manodidina ireo fandaharana be mpanaraka mandritry ny Ramadany.

Avy any Barheïn, zendana i Sami [amin'ny teny Arabo] mahita ny ezaka ataon'ireo mpiray tanindrazana aminy mba tsy ho tara ny fandaharana ao amin'ny fahitalavitra – ary manontany tena raha mbola misy olona liana sy manokana fotoana amin'ny tetiandron'ny fiventesana (toriteny) ny Ramadany :

وصلتني عبر البريد الإلكتروني عدد من الإيميلات التي تحتوي على الكثير من تفاصيل مسلسلات الشهر الكريم و برامجه سواء المصري منها و السوري و الخليجي و للأسف لا يوجد منها شيء تركي لعشاق مهند و نور. واضح جدا أن الكثير الكثير الكثير من الناس بدء يعد العدة لتنظيم جدول وقته و برنامج حياته في شهر رمضان المبارك، لضمان عدم فوات المسلسلات القوية. البعض لا بد أنه أعد جدول الوقت و الوقت البديل بحيث لو حصل تعارض بين هذا المسلسل و ذاك فإن بإمكانه التعويض في وقت الإعادة. أعتقد أنه من حسنات التكنولوجيا أنها اخترعت لنا جهاز الدي في دي المزود بهارد دسك بحيث يستطيع الفرد أن يقوم بتسجيل البرنامج الذي يريده في الدي في دي بدون الحاجة لتخسير أقراص. كما بالإمكان أن يبرمج الشخص الجهاز ليقوم بالتسجيل في حال وجوده خارجا. لا أدري كم واحدا منا قد بدأ إعداد جداول الخطباء في شهر رمضان و أماكنهم و مواضيعهم، كذلك لا أدري كم واحد منا قد أعد جداول أوقات قراءة الأدعية هنا و هناك فقط لا أدري

Betsaka ny mail voaraiko mitondra fanamarihana mikasika ireny tantara mitohy amin'ny fahitalavitra ireny sy ny fandaharana mandritry ny Ramadany, toy ireo avy any Egypta, Siria sy ireo firenena avy any amin'ny Golfe, saingy tsy misy mba ho an'ireo mpanaraka ny <a href=”>Muhannad sy Noor . Mazava ho azy fa be ny olona no nandamina ny fotoany sy ny asa aman-draharahany hifanaraka amin'ny Ramadany, mba hahazoany antoka fa tsy ho tara ireo fandaharana mahaliana ao amin'ny fahitalavitra ry zareo. Ny hafa dia nanao fandaharam-potoana, misy isafidianana raha sanatria misy fandaharana samihafa mifanindry amin'ny ora mitovy, mba hahafahana manaraka izay mety ho famerenana.
Inoako fa amin'ireo lenta avo nentin'ny teknolojia vaovao dia ny DVD misy Disque Dur azon'ny mpampiasa handraisana izay fandaharana tiany no tena tombony azo. Azon'ny olona atao rahateo ny manomana ilay fitaovana mba handray izany mandritry ny fotoana tsy maha ao an-trano azy.
Tsy fantatro hoe firy amintsika no nanangana fandaharam-potoana hihainoana ny fiventesana ny Ramadany, sy hoe aiza no anatanterahana azy, inona no lohahevitra ho banjinina. Tsy fantatro koa hoe firy no efa namaritra mialoha ny ora hamakiana ny
Du'a [vavaka fifonana]. Tena tsy haiko marina e!

Manome torohevitra i Bakkouz , avy any Jordania:

Zavatra iray tsy azo iadian-kevitra, mandefa fandaharana tsara be ny fahitalavitra rehefa fotoan'ny Ramadany, izay mahatonga ny olon-drehetra ho adala'ny fahitalavitra sy ireo fandaharana ankafiziny manokana, toy ny fanarahana antokom-pivavahana mihitsy. Izaho manokana, ohatra, dia tsy hisalasalana fa hanaraka ny Bab El-Hara [tantara Siriana] satria tsy dia ankafiziko loatra ireny fandaharana miresaka tantara sy momba ny Bedouins ireny (na dia tsy manana kina amin'ireny fandaharana miresaka tantara sy momba ny Bedouins ireny aza aho, ianianako). Azonareo jerena izay tianareo harahana saingy NOHO NY FITIAVAN'NY TOMPO AZA MIJERY IRENY FANALA HAMOHAMO SY FANDAHARAN-DALAO JORDANIANA IRENY, indrindra fa ireo mandeha avy hatrany aorian'ny “athan” [fiantsoana hivavaka], raha tsy izany, mety ho tratry ny aretin'ny ati-doha ianareo. Matotra 100% aho amin'izany , aza manao an'izany!

Na izany aza, tsy ny mpitoraka blaogy rehetra akory no miandry fatratra ireny tantara mitohy amin'ny fahitalavitra ireny – na ny Ramadany amin'ny maha-Ramadany azy. Ao Bahreïn, tsy mahatanty intsony i The Girl With No Face [amin'ny teny anglisy]:

Ramadany Ramadany Ramadany Ramadany.. Halako ny Ramadany… Ary rehefa teneniko amin'ny feo avo eny imasom-bahoaka, dia hoy ny olona mamaly: “astaghfer Allah” [ Allah anie hamela ny helony] sahala amin'ny hoe niteny ratsy ny fivavahany aho. Halako ny fihatsaram-bela-tsihin'ny Ramadany. Halako ny familivilian'ny olona ny tena hevitry ny Ramadany. Halako ny tsy fananan-tsafidy. Halako fa izay olona rehetra miresaka momba ny Ramadany dia ny fandaharana momba ny Ramadany amin'ny fahitalavitra daholo.

Hoy i Bassem Kurdi manoratra avy any Arabia Saodita :

Fenofeno kokoa noho ny tamin'ny taona lasa lisitry ny fandaharana manokan'ny fahitalavitra mandritry ny Ramadany tamin'ity taona ity. Nefa Tash Ma Tash, ilay tantara mitohy Saodiana be mpanaraka, dia tsy isan'izay handeha amin'ity taona ity. Najanon-dry zareo tamin'ny farany ilay izy, rehefa nahita fahombiazana nandritry ny fihodinana efa ho in-dimiambinifolo. Tsy dia isan'ireo matimaty amin'io tantara mitohy io aho nefa kosa ekeko fa tena mamboraka ireo olana goavana zakaintsika eto amin'ny firenentsika izy io … Hevitro manokana, tsy dia manaraka loatra ny fahitalavitra aho amin'ny fotoan'ny Rmadany satria heveriko fa misy zavatra hafa manan-danja kokoa noho izay tokony hatao mandritra io fotoana io noho ny hiraikitra eo anoloan'ny fàfan'ny fahitalavitra.

Mpitoraka blaogy saodiana iray hafa, deja vu [amin'ny teny arabo], dia nanao fampielezan-kevitra ho fibodoana ny fahitalavitra mandritry ny Ramadany, mba tsy ho takona ny tena hevitr'ity volana ity :

ما هي الحملة دعم الإعلام تعميم سلوكيات ومفاهيم غير صحيحة عن رمضان وجعله أهم موسماً “ترويجياً” مربِحاً من كثافة المشاهدين الذين وُجِهَت ثقافتهم إلى اعتبار رمضان “متعة” تلفزيونية كل عام رمضان يحمل عروضاً مغرية بين صوم الجسد ، العقل ، الروح ، و السلوك والخُلُق ..

Fa inona ity fampielazan-kevitra ity>
Manely fitondran-tena sy fihevitra tailana ireo fitaovan-tserasera mandritry ny Ramadany ary manararaotra io vanim-potoana io ho fampidiram-bola noho ny fahamaroan'ireo mpijery mampifantoka ny sainy amin'ny fahitalavitra. Tonga amin'ny fara-tampony ny tondro-zotran'ny fanarahana satria efa voataiza ny mpijery fahitalavitra hisaina ny volan'ny Ramadany ho toy ny iray volan'ny fahitalavitra isan-taona. Ny Ramadany fotsiny amin'izao koa dia manome “tolotra mampilendalenda” : ny fifadian-kanin'ny vatana, ny saina, ny fitondran-tena sy ny fomba amam-pihetsika.

]]> http://mg.globalvoicesonline.org/2008/09/03/1277/feed/ http://mg.globalvoicesonline.org/2008/08/15/1247/ http://mg.globalvoicesonline.org/2008/08/15/1247/#comments Fri, 15 Aug 2008 09:52:48 +0000 avylavitra http://mg.globalvoicesonline.org/?p=1247 Raha nanambara samirery ny fizakan-tenany i Kosovotamin’ny 17 febroary 2008, dia nizarazara be ihany ireo fiorenena maro manerantany ny amin’ny maha-aradrariny na tsia iny fihetsika iny Amin’izao fotoana izao, 45 amin’ireo firenena 192 mpikambana ara-dalàna ao amin’ny Firenena Mikambana no nankato tanteraka ny Repoblikan’i KosovoSinganina amin’izany ny firenena maromaro ao anatin’ny Fiombonam-be Eropeana (20 amin’ny 27). Na izany aza, misy vitsivitsy toa an’i Espana, Silovakia, Romania, Gresy na Sipra tsy nakato ity fahaleovantena ity, noho ny tahotra ireo mpitaky fizakan-tena any amin’izy ireo tsirairay avy, ka mijery ny fahaleovantenan’i Kosovo ho toy ny ho tari-dàlana fakan-tahaka. Tsy toy izay kosa ny fijerin’ny filoha Rosiana, Vladimir Poutine.

Araka ny filazan’ny gazety mpiseho isan’andro sinoa Xinhua nivoaka ny 23 febroary 2008 :

Tamin’ny Zoma [22 febroary 2008] dia nanambara ny Filohan’i Rosia Vladimir Poutine fa ny fankatoavan’ireo firenenan matanjaka maro ny fanambarana samirery ny fahaleovantenan’i Kosovo dia ho “tari-dàlana fakan-tahaka lozan-tany”.

Tamin’ny 18 febroary, namoaka lahatsoratra iray momba ny fanambarana samirery ny fahaleovantenan’i Kosovo ny tranonkalan-tseraseran’ny Masoivoho Reuters. Ny lahatsoratra, izay nitondra lohateny hoe “Niarahaba ny fahaleovantenan’i Kosovo ny mpioko tchétchènes ” , dia milaza toy izao [amin’ny teny anglisy] :

I Rosia dia manohitra tanteraka ny fahaleovantenan’i Kosovo, amin’ny filazàna fa ny fankatoavana fanjakàna iray mpisintaka nefa tsy nahàzo ny fankatoàvan’ny firenena nisy azy teo aloha dia hanjary ho ohatra faran‘izay ratsy indrindra ho an’ireo ady tany maro manerana izao tontolo izao.

Nihetsika koa ny mpitoraka blaogy maro ary nandalina ny vokatra mety hateraky ny fankatoavana ny fahaleovantenan’i Kosovo. Inty misy fantina maneho tsara ireo lahatsoratra voasoratra taoriana kelin’iny zava-nitranga iny:

Hoy i Stanley Crossick tao amin’ny blaoginy tamin’ny 22 febroary 2008 :

Vaha olana mampalahelo ny fankatoavana ny fahaleovantenan’i Kosovo, nefa koa tsy misy vaha olana tsara kokoa noho izany amin’izao fotoana.
[…] Nisintaka tamin’i Serbia tsy nahazo ny fankatoavan’ity farany i Kosovo; ary ny Firenena Mikambana dia tsy nahavita nanohana ity fahaleovantena ity noho ny fanoherana mafy nataon’i Serbia sy Rosia, notohanan’i Sina. Na izany aza, tokony ho noresahana tao amin’ny fiflan-kevi-pilaminan’ny Firenena Mikambana ity tranga ity, mba hampisy lanjany ara-drariny kokoa ity fahaleovantena ity, rehefa tsy ho ara-dalàna ihany, arahana drafitra tohanan’ny maro an’isa, na eo aza ny vato tsy azo ivalozana. Ireo Minisitry ny Raharaham-bahiny ao amin’ny Fiombonam-be Eropeana dia nanazava tsara fa tranga maningana ity raharahan’i Kosovo ity ary tsy tokony ho tari-dàlana fakan-tahaka mihitsy, fa tsy hahalala izany I Espana sy Sipra.

Ao amin’ny blaogin’ny The Guardian Comment is Free, tamin’ny 23 febroary 2008, no nitondran ‘i Irina Filatova, mpampianatra toekarena ao Mosko sady mpikaroka any amin’ny Anjerimanontolon’ny KwaZulu-Natal ao Afrika Atsimo fanamarihana toy izao [amin’ny teny anglisy] :

Maro no nihevitra fa hanararaotra ity tranga ity ny Rosiana mba hankatoavana ireo Repoblika mpisintaka any Zeorzia, Abkazia sy Osetia Atsimo, ary angamba koa i Transnistria, faritra mpitaky fisintahana ao Moldavie.

[…] Lazain’ny Amerikana fa tsy voalohany akory ny tranga Kosovo, fa tranga maningana fotsiny. Sarotra be ny hino an’izany. Raha misy firenena iray mikasa hisintaka mba hanagana ny fanjkakany manokana, tsy manan-javatra betsaka hatao amin’izany ny governemanta, afa-tsy ny hoe hitazona azy ho eo ambany vahohony amin’ny alalan’ny fampiasan-kery. […] Nanampy ny Amerikana mihitsy ny fahaleovantenan’i Kosovo, hanehoana amin’izao tontolo izao fa tsy manana kakay amin’ny Silamo akory ry zareo, fa ireo firenena be mokon-doha ihany, izay silamo ny sasantsasany […] Nefa tsy hanohana ny Basques ry zareo, na ny Wallons, na ny Kiorda, ny Transnistriana moa tsy lazaina intsony.

Zareo koa aloha tsy hanohana ny Abkazy sy ny Asety [Ossètes], mazava ho azy. Ny mifanohitra amin’izany aza, raha toa ka mankatoa ny fahaleovantenan’ireo repoblika mitaky fizakan-tena i Rosia, ary i Zeorzia kosa hanohitra (izay hataony rahateo), dia hanohana ny Zeorziana ny Amerikana, ary Rosia dia mety ho saro-toerana manoloana ireo tandrefana.

Tsy ny fahaleovantenan’i Kosovo akory no hampiparitaka an’i Eropa, saingy kosa efa nampipoaka fitsipika maro nifotoran’ny fifandraisana iraisam-pirenena amin’izao fiaraha-monina iainantsika izao izy ity. […]

Tamin’ny volana Aprily 2008, tao anatin’ny Prospect Magazine, dia hoy i Shaun Walker [amin’ny teny anglisy] :

[…] Raha tonga tany Abkazia aho tamin’ny volana lasa iny dia nandre fanehoan-kevitra mitovy tsy misy valaka mikasika ny fahaleovantena toy ny tamin’ireo fitsidihana nataoko tany aloha tany. Fa tamin’ity indray mitoraka ity, nisy antonym fanampiny indray izany, i Kosovo.

Mihevitra ry zareo Abkazy fa tsy miraharaha azy ireo mihitsy ny tandrefana, ary ankehitriny, hatramin’ny nankatoavana ny fahaleovantenan’i Kosovo nataon’ireo firenena tandrefana maro, dia vao mainka mihalalaina izany fihevitr’izy ireo izany. Nahoana ny Kosovara no mendrika ny fahalalahany ary tsy toy izany kosa ny Abkazy ?[…]

Toa voaporofo ankehitriny ny vinavinan’ireo mpitoraka blaogy mar. Zendana ny rehetra, tamin’ny andro nanokafana indrindra ny Lalao Olaimpika tao Pekin, ny 8 Aogositra 2008, naka toerana tao Osetia atsimo ny tafika Rosiana sy ny mpitaky fizakan-tena Osety (Ossètes), rehefa avy naka izany teo an-tànan’ny manampahefana ao Zeorzia.

Tohina toy ireo mpitoraka blaogy maro hafa, i Jelena Milić, raha nahare ny vaovao. Hoy indrindra izy [amin’ny teny Serba] mikasika io tranga io ao amin’ny blaoginy ao amin’ny Serbian news portal B92 :

Šta je ovo? Zar nisu nekad ratovi prestajali kad su igre počinjale?

Fa misy inona ? Fa tsy tokony hitsahatra ve ny ady rehefa manomboka ny Lalao Olaimpika e?

Mbola ao amin’ny B92 dia hoy i Ivan Marović ao anaty lahatsoratra iray [amin’ny teny Serba] mitondra ny lohateny hoe “Ny ady any Zeorzia” :

Postavlja se pitanje zašto baš sad, nakon petnaestak godina primirja?
S jedne strane, separatisti i Abhaziji i Južnoj Osetiji su osetili da nakon priznanja jednostrano proglađene nezavisnosti Kosova od strane vodećih država Zapada, oni mogu učiniti nešto slično i očekivati podršku Rusije. […] Rukovodstvo Južne Osetije je, poučeno događajima na Balkanu, skapiralo da sve može, ako imaš moćnu državu iza sebe, a u njihovom slučaju to je Rusija.
S druge strane, gruzijski predsednik Miša Šakašvili kapira da je situacija sad ili nikad. On takođe misli da ima moćnu državu iza sebe, Ameriku, ali da će, što vreme duže bude odmicalo, sve teže biti izvesti vojnu akciju protiv separatista. Već sad se oseća smanjenje uticaja Amerike i povećanje uticaja Rusije na Kavkazu. […]
Međutim, već posle nekoliko sati postalo je očigledno da je Rusija reagovala brzo i odlučno, dok se Amerika još uvek drži retoričkih reakcija. Izgleda da će SAD da pomogne Gruziji onoliko koliko je Rusija pomogla Srbiji 1999, odnosno da je gruzijska vojna akcija u Južnoj Osetiji propala, nema ništa od brzog zauzimanja Južne Osetije. Sad je samo pitanje šta će se desiti, da li će rezultat biti prekid vatre uz pojačano pristustvo ruskih trupa ili otvoreni rat koji može poprilično da potraje.

Ny fanontaniana dia hoe : nahoana no ankehitriny, 15 taona taorian’ny fifanarahan’ny mpifanandrina hampitsahatra ny korontana ?
Amin’ny lafiny iray, ireo mpitaky fizakan-tena ao Abkazia sy Osetia Atsimo nihevitra fa hoe satria nankatoavin’ny firenen-dehibe tandrefana ny fanambaràna samirery ny fahaleovantenany nataon’i Kosovo, dia afaka manao zavatra mitovitovy amin’iny koa ry zareo ary afaka hiantehitra amin’i Rosia. […] Tsy alàn’izy ireo ao an-tsaina i Kosovo, ireo mpitondra tao OsetiaAtsimo dia nihevitra fa raha mahazo fanohanana avy amina firenena iray matanjaka ry zareo , Rosia ohatra, dia ho tratra ny tanjona.
Amin’ny lafiny iray hafa indray, ny filohan’i Zeorzia Mikheïl Saakashvili dia mihevitra fa ny vaninandro ankehitriny dia fotoana fakàna fanapahan-kevitra hentitra ho an’ny fireneny. Heveriny koa hahazo ny fanohanan’ny firenena matanjaka iray, i Etazonia, saingy arakaraky ny handrosoan’ny fotoana no mahasarotra koa ny fanamarinany ny hetsika miaramila nataony hanoherana ireo mpitaky fizakan-tena. […]
Na eo aza izany, ora vitsy taty aorian’izay dia nihetsika haingana sy tamin-kery i Rosia, raha mbola nikatsaka ny làlana diplaomatika kosa i Etazonia. Azo sainina ny hanohana’i Etazonia an’i Zeorzia toy izay nanohanan’i Rosia an’i Serbia tamin’ny 1999. Midika izany fa ny fidirana ara-miaramila nataon’i Zeorzia any Osetia Atsimo, sy ny fahazoana azy malaky, dia nandamoaka avokoa. Ny fanontaniana amin’izao fotoana dia ny hahafantarana hoe hisy fampitsaharana poa-basy hapetraka ve miaraka amin’ny mbola fisian’ny miaramila Rosiana any Osetia Atsimo, na hitohy ny ady.

Ny mpitoraka blaogy Giles Elgood avy amin’ny Reuters, no nanoratra lahatsoratra iray [amin’ny teny anglisy] mitondra ny lohateny hoe “Mifamatotra amin’izay misy any Kosovo ve ny ho avin’i Osetia Atsimo?” , Hoy izy nanontany tena:

Horaisina ho toy ny tomponandraikitra amin’ny ady any Osetia Atsimo ve i Kosovo?
Raha nisintaka ny faritany serba iray tamin’ny febroary, i Osetia Atsino andalan’ny fanamafisana ny fangatahany ny fankatoavan’izao tontolo izao.
Araka izay nambaran’ilay vehivavy Edouard Kokoïty mpitondra tenin’ny mpitarika ireo mpitaky fizakan-tena tamin’ny Reuters tamin’ny, “tari-dàlana ho antsika i Kosovo mba hitondra antsika amin’ny fametrahana mavitrika ny zontsika”.
Tsy nandalo fotsiny ireo fanamarihana ireo tao Tbilissi, ary mety nitarika ny fahamehan’ny fanirian’i Zeorzia hamerina amin’ny laoniny ny vahohony amin’i Osetia Atsimo mpiodina.
Miampy ny fanohanana betsaka avy amin’ny tandrefana, i Kosovo dia nahazo fisarahana mazava tamin’ireo mpanjanaka azy teo aloha, na teo azan y fitsivalanan’ny rosiana.
Ankehitriny dia manohana ny mpitaky fizakan-tena I Mosko, ary tsy mbola hita mazava izay azo hamaritana ny ho fivoaran’ny toe-draharaha amin’ity indray mitoraka ity.

i Austin Bey dia tsy manaiky izany. Ho azy dia tsy azo ampitahaina ireo disadisa roa ireo, ny an’i Kosovo sy Osetia Atsimo :

[…] Nanaraka ny fanambarana samirery ny fahaleovantenan’i Kosovo, dia lasa azo atao ny fisintahana vokatry ny fanohanana iraisam-pirenena imba hiarovana ireo foko vitsy an’isa..
Izay no fomba fijery rosiana izay milaza fa tsy tokony ho nomena alalana mihitsy i Kosovo mba hisintaka samirery amin’i Serbia.
Ny fananiham-bohitry ny rosiana any amin’ny faritra mpitaky fizakan-tena any Osetia Atsimo, izay an’I Zeorzia, dia fiantsiana ady vaovao amin’ny rosiana izay mpifanolobodirindrina akaiky indrindra. Mampitamberina amin’ny fomba mahery vaika ny tsy fitombenan-toeran’i Eropa Atsinanana hatramin’ny faran’ny Ady mangatsiaka izany .
Noho ny filàn’ny pôlitika ivelan’ny rosiana, dia manaraka ny “lasitra Kosovara” ny korontana misy any Zeprzia : misy vitsy an’isa eo ambany vahohon’ny fitondrana “nasionalista ara-poko” mikatsaka ny fahalalahany.
Ny filazako izany tsy hoe satria mino aho fa I Zoerzia dia ny Serbian’i Slobodan Milosevic. Tsy izany velively. Firenena demokratika i Zeorzia izay manana fironana amin’ny tandrefana amin’ny lafiny ara-pôlitika sy ara-toekarena. Be ny elanelana amin’ny fahaizan-manao eo amin’ny Zeorzia ankehitriny sy i Serbian’ny taona 1999.
Na izany aza, efa nampitandrina ny diplaomaty rosiana fa hahazo faritany eo amin’ny 200 maneran-tany eo ity tari-dalan’i Kosovo ity. Betsaka izany isa izany, nefa raha ny tena zava-misy dia mety ho kely ihany.
Nanindry mafy I Mosko ny amin’ny haha-mpitaky fizakan-tena mpitari-dalana an’i Kosovo ho an’ireo firenena kely maro mitangorona amin’ireo fanjakana manana ny fiandrianany. Tamim-pomba mahazendana, I Romania toa an’i Gresy dia nanohitra ny fahaleovantena nambaran’i Kosovo samirery. I Espana, miaraka amin’ireo mpitaky fizakan-tena basques, tsy dia rototra loatra. […]

]]> http://mg.globalvoicesonline.org/2008/08/15/1247/feed/