“Tsy ho tafita i Prawer”, hoy ny hiakiaky ny mpikatroka Palestiniana sy Isiraeliana tamin'ny androm-pihetsiketsehana Androm-pahatezerana teo ivelan'ny tanàna Bedouin ao Hura, any amin'ny tanihain'i Negev. Notsenain'ny polisy tamin-kery ny fihetsiketseha-panoherana ary maro ny mpikatroka nosamborina, araka ny tatitra nataon'ny fitaovam-pampitam-baovaon'olo-tsotra.

Ny planina Prawer-Begin, izay nankatoavin'ny Knesset Isiraeliana, dia mety hiafara amin'ny fandravana tanàna “tsy nahazo fankatoavana” mihoatra ny 35 sy ny fandroahana an-keriny ny Bedouins Palestiniana mihoatra ny  70.000 any Al Naqab – na ny tanihain'i Negev.

Nisy ny fihetsiketsehana hafa notontosaina nanerana izao tontolo izao ho fiaraha-mientana. Saingy, voarara ny fihetsiketsehana tao Gaza, hoy ny bilaogera Palestiniana Ola Anan [ar]:

على سبيل الغلاسة، حماس منعت اقامة اي فعالية في غزة ضمن فعاليات #برافر_لن_يمر. #اصلا_عادي

— Ola Anan -علا من غزة (@olanan) November 30, 2013

Noraran'ny Hamas izay fihetsiketsehana rehetra any Gaza tafiditra amin'ny hetsika Tsy ho tafita [ny planina] Prawer

Androm-pahatezerana nomanina androany ho fanoherana ny Drafitra Prawer, izay raha tafapetraka dia hamindra toerana ireo Palestiniana Bedouins an'arivony monina ao Al Naqab

Manazava i Mariam Barghouti:

Israel wants to ethnically cleanse 1000s of Palestinians in #Naqab & when we protested we were met with violence & arrests. #StopPrawerPlan

— Mariam Barghouti (@MariamBarghouti) November 30, 2013

Te-hamafa ara-poko ny Palestiniana anarivony ao Naqab i Isiraely ka rehefa nanohitra izahay dia notsenaina tamin-kerisetra sy nosamborina

Nanampy ilay Isiraeliana Elizabeth Tsurkov:

Activists who were at the protest in Hura (Naqab) report experiencing unprecedented levels of violence from policemen. #StopPrawerPlan

— Elizabeth Tsurkov (@Elizrael) November 30, 2013

Mitantara ireo mpikatroka tany amin'ny fihetsiketseha-panoherana tany Houra (Naqab) fa tsy mbola nahita herisetra nataon'ny polisy tahaka izany hatramin'izay. 

Tweet-Palestine nilaza fa zazalahy fito taona iray nosamborina:

Israeli army arrest a 7 year old child in #Naqab #StopPrawerPlan pic.twitter.com/KXLHgTgeZn“

— Tweet_Palestine (@Tweet_Palestine) November 30, 2013

Tafika Isiraeliana nisambotra zaza fito taona tao Naqab

Fa tao amin'ny YouTube kosa i Muath Hamed nizara ny lahatsary mampiseho ny fisamborana mpanao fihetsiketsehana roa teo akaikin'ny tanim-boanjo ao BeitEal, avaratr'i Ramallah:

https://www.youtube.com/watch?v=s2AaNMCho2o

Anisan'ny mpikatroka nosamborina omaly i Maath Musleh. nizara ny sariny mitsiky nandritra ny fotoana nisamborana azy i Omar Robert Hamilton:

My friend and colleague @MaathMusleh being arrested at #StopPrawerPlan demo in Jerusalem earlier today: pic.twitter.com/p4qWGVa7c5

— Omar Robert Hamilton (@ORHamilton) November 30, 2013

Ny fisamborana ny iray asa amiko sy namako @MaathMusleh tamin'ny fihetsiketsehana manohitra ny drafitra Prawer tao Jerosalema androany

Tsy mihevitra ny hisian'ny tati-baovao iraisampirenena tamin'ny zava-nitranga omaly ny mpanao gazety Isiraeliana Joseph Dana. Nisioka izy:

#StopPrawerPlan protests all over Twitter & Facebook tonight. Who wants to bet me a beer that the story doesn't make Buzzfeed?”

— joseph dana (@ibnezra) November 30, 2013

Hita na aiza na aiza amin'ny Twitter sy Facebook ny fihetsiketsehana hanoherana any drafitra Prawer androany hariva. Iza no sahy hifanamby ahy labiera iray fa tsy hahazo ny Buzzfeed ity raharaha ity

Raha mahita fanantenana eny amin'ny faravodilanitra i Abir Kopty:

Today the “invisible” became visible, and the Israeli police couldn't stand it. We will win! #StopPrawerPlan

— Abir Kopty (@AbirKopty) November 30, 2013

Androany, ny “tsy hita” lasa hita, ary tsy zakan'ny polisy Isiraeliana izany. Handresy izahay!