Fiangonana Loboc ao Bohol nianjera ny teo aloha sy ny tao afovoany. Sary avy amin'ny @tokyodrastic

Olona maherin'ny maherin'ny 150 no matin'ny horohorontany maridrefy 7,2 tao amin'ny vondro-nosy afovoan'i Filipina tao Bohol sy  Cebu tamin'ny 15 Oktobra 2013.

Niainga tao Bohol nisy ny foibeny ny horohorontany mahery vaika, tamin'ny 8:12 maraina ary niteraka fahasimban-dalana, trano, tranobe sy fiangonana manan-tantara ao amin'ny nosy.

Nizaka mafy ny voka-dratsin'ny horohoron-tany ihany koa ny vondro-nosy mifanila amin'i Cebu, izay tanàndehibe faharoa lehibe indrindra ivelan'i Manille, renivohi-pirenena, ka nahitàm-pahasimbana avokoa ny toeram-pivarotana, ny tsenam-bahoaka, sekoly, sy tranobe hafa.

Nahare hovitrovitra ihany koa ireo faritany hafa tao amin'ny faritra afovoan'i Filipina saingy tsy nisy ny loza niseho na teo amin'ny olona na teo amin'ny fotodrafitrasa.

Nifoha vao maraimbe tanaty vakansy, tsy nampoizin'ny maro ny horohorontany. Tamberin'ny hovitrovitra an-jatony amin'ny hatanjaka isan-karazany no niseho manaraka ny horohorontany goavana voalohany.

Nizara ny zava-niainany nandritra ny hovitrovitra tamin'ny alalan'ireo tambajotra sosialy tahaka ny Facebook, Twitter, YouTube, ary ny Instagram ireo mpiserasera tao amin'ny tambajotram-piarahamonina:

Funny how my dad came running out the shower trying to put some pants on, and my sister diving in the bed with her laptop in her arms. ????

— Francesca Fua (@francisfua) October 15, 2013

Mahatsikaiky fa nihazakazaka avy tao amin'ny trano fandroana ny raiko mba hampiditra pataloha, ary ny rahavaviko misitrika ao anaty fandriana miaraka amin'ny solosaina finday eny an-tanany.????

Wow, the earthquake shook our plane hard here on the ground at Iloilo International Airport. I thought they were just loading something.

— Lloyd (@lloydthelostboy) October 15, 2013

Oay, nampihozongozona ny vorombinay mafy eto amin'ny seranam-piaramanidina iraisam-pirenena Iloilo ny horohorontany. Nihevitra aho fa nampiditra zavatra fotsiny ry zareo.

was jolted awake from deep sleep by a strong quake & dashed outside. blessed to be with my family. on alert for aftershocks #earthquake

— Karollyn Mae Laya-on (@klyme_layaon) October 15, 2013

taitra tampoka tamin'ny torimaso lalina noho ilay horohorontany mahery vaika ary nivoaka haingana tany ivelany. Voatahy tafaraka tamin'ny fianakaviako. Mailo amin'ireo tamberin'ny hovitrovitra #horohorontany

Today is #Heritage National State of Calamity

— Ka Bino Guerrero (@Kabinoguerrero) October 15, 2013

 Androany ny Lozam-bakoka (#Heritage) eo amin'ny firenana

Naka sary misy ireo fahasimbana naterak'ilay horohorontany mahery vaika ihany koa ireo mpiserasera ao amin'ny tambajotram-piarahamonina:

Sto Nino, Fiangonana ao Cebu. Sary nampakarin'i @KaiizenM

Oniversite: Cebu Doctors University. Sary: @BlueGrayKimpots

Toeram-pivarotana Ayala ao Cebu. Sary: @randelltiongson

Anisan'ireo fotodrafitrasa simba be indrindra noho ny horohorontany ireo fiangonana tranovato tranobiriky manatantara ao Bohol. Natsangana tamin'ny alalan'ny asa fanandevozana polo na andevo Filipino nandritra ny fanjanahantany Espaniola tamin'ny taona 1700 sy 1800, anisan'ny vakoka ara-kolontsaina sarobidy indrindra ao amin'ny firenena ireo fiangonana ireo.

Fiangonan'ny Masindahy Vincent Parish ao Maribojoc, nianjera tamin'ny tany i Bohol taorian'ny horohorontany. Sary: @rod_bolivar

“Fahasimbana goavana indrindra tamin'ny fiangonana tao Bohol. Potipotika tanteraka ny fiangonana amin'izao fotoana izao.” Sary: @Huntress96