Ampahany amin'ny fandrakofana manokana ny Fikomian'i Libya 2011 ity lahatsoratra ity.
Resin'i Libia tamin'ny isa 1-0 i Mozambika tamin'ny fifantenana ireo hiady ny Tompon-dakan'i Afrika amin'ny baolina kitra, fandreseny voalohany hatramin'ny nionganan'ny fitondran'i Muammar Gaddafi. Feno fifaliana ao anatin'ny Twitter satria dia mankamamy ny fandreseny voalohany amin'ny maha-firenena malalaka an'i Libia.
Mamintina ny fihetseham-po anatinà bitsika iray ilay Libiana Ibn Omar ka miteny hoe:
@IbnOmar2005: VITA NY LALAO! NANDRESY NY LALAO VOALOHANY AMIN'NY MAHA-FIRENENA MALALAKA AZY I #LIBIA!
Nandritra ny fifaninanana, natao tany Ejipta, Ismael Zmirli, izay ao ambadiky ny ChangeInLibya, mampatsiahy antsika ireo fepetra hentitra napetraka tamin'ny lalao baolina kitra nandritra ny fotoan'andron'i Gaddafi :
@ChangeInLibya: Sarotra inoana ny fahenoako mpitsikera iray ao amin'ny TV Libia manonona ny anaran'ireo mpilalao baolina kitra – izay tsy nanara-dalàna 100% teo anatrehan'i Gaddafi lol #libya
Mampatsiahy antsika ihany koa izy:
@ChangeInLibya: Ny ankamaroan'ireo mpilalao Libiana izay nandresy an'i Mozambika androany no lohan'ireo nifanandrina tamin'ny herin'i Gaddafi vao herinandro vitsy lasa izay #libya
Mizara ity sarinà fianakaviana Libiana mijery ny lalao any Tripoli ity i Ibn Omar:
@IbnOmar2005: fianakaviana #Libyan iray mijery ny lalao any #Tripoli. Raha izaho izy ireo dia mety nitifitra kely ny fahitalavitra aho lol yfrog.com/nybqosj
Ny fianakaviana iray mijery ny lalao ao Tripoli
Niafara tamin'ny tifitifitra ho fankalazana sy firavoravoana nanerana an'i Libia izany fandresena izany.
Mitatitra i Libya-Horra:
@libya_Horra: Vao avy niantso namana tany #Tripoli aho, nilaza izy fa ambony ambany ny tanàna noho ireo fankalazana, ireo karazana tifitifitra fankalazana rehetra, mety hampihevitra anao hoe niverina ny ady.
Manamarika i Akram, izay mitoraka bitsika ao ambadiky ny solon'anarana flyingbirdies avy any Tripoli:
@flyingbirdies: Mila afomanga isika amin'izao fotoana izao. miangavy ny tsy hisian'ny tifitifitra fankalazana intsony 🙁 #Libya #football
Voatatitra ihany koa ireo fankalazana tany Benghazi, izay toerana itorahan'i Kelvin Brown bitsika:
@kelvinbrownnews: lasa adala noho ny hafaliana i Benghazi satria nandresy an'i Mozambika tamin'ny fifantenana ireo firenena hiady ny amboara i Libia
Tristan Redman, mpitatitra avy ao amin'ny Al Jazeera amin'ny teny Anglisy, dia manamafy hoe :
@TristanAJE: Mifaly havanja i Benghazi taorian'ny fandresen'ny ekipa #libya mpilalao baolina kitra tany Kairo. Mitondrà aroloha raha hivoaka ianao androany alina: betsaka ny hiraradraraka eny manodidina eny.
Septimius-sever miteny fa na i Gaddafi aza dia tsy te-ho tara amin'ity fety ao Tripoli ity ka mamoaka ity sary ity:
Ireo Libiana mijery ny fandresen'ny tarika mpilalao baolina kitrany miaraka amin'i Gaddafi
Mandritra izany fotoana izany, Shabab Libya, ny kaonty Twitter-n'ny Hetsiky ny Tanora Libiana, dia efa mitsinjo sahady ny fandresen'izy ireo manaraka
@ShababLibya: Tsy maintsy mandresy an'i Zambia i Libia amin'ny volana ho avy mba hahazoana toerana amin'ny Fiadiana ny Tompon-dakan'i Afrika 2012 #Libya.
Ampahany amin'ny fandrakofana manookana ny Fikomian'i Libia 2011 ity lahatsoratra ity.
