Olona iray no fantatra fa namoy ny ainy, mpitsangatsangana teo amin'ny dimampolo teo no naratra mafy, ary olona folo tsy hita popòka taorian'ny fipoahan'ny Tendrombohitra Ontake (御嶽山, Ontake-san), toeram-pitsangatsanganana fananihana malaza ao afovoan'i Japana, izay nipoaka indray dimy taona taty aoriana. Mampiseho setroka matevina dia matevina, sy toera-pananihana ao amin'ny faratampon'ny tendrombohitra feno lavenona mivolombatolalaka ireo sary amin'ny fampahalalam-baovao mitantara ity tranga ity. 

Tadiavo ao amin'ny Twitter ny Ontake raha te-hahalala vaovao mikasika ity zava-mitranga ity

Nampiakatra lahatsary mampatahotra tao amin'ny YouTube tamin'ny fipoahana voalohany nitranga tao an-tampon-tendrombohitra noraketina tamin'ny alalan'ny finday raitra i kuroda terutoshi . ”Andeha hiala eto !” hoy izy, satria miha-mikororosy ao amin'ireo mpitsangatsangana ny rahon-davenona.

Massive eruption on Mount Ontake

Fipoahana goavana ao amin'ny Tendrombohitr'i Ontake

Nahazo ny sarin'ireo mpitsangatsangana raiki-tahotra midina haingana avy any an-tendrombohitra ny AP.

Amin'ny haavo 3067 metatra, ny Tendrombohitra Ontake no afotroa (volkano) faharoa avo indrindra ao Japana aorian'ny Tendrombohitra Fuji. Ao Gifu no misy azy, akaikin'ny tanàn-dehiben'i Nagoya ao afovoan'i Japana, ary toeram-pananihana malaza mandritra ny fahavaratra sy ny fiandohan'ny fararano. 

Noho ny habetsahan'ireo nanjavona sy naratra, maro ireo olona nikaro-baovao momba ireo namany sy havany izay tany amin'io tendrombohitra io nandritra ny fipoahana. 

Mpisera Twitter malaza iray mampiseho sarintany misy ny tsoni-drihitr'afotroa:

御嶽山2014年9月27日火砕流、迅速判読図。 pic.twitter.com/xat1De1P1h

— 早川由紀夫 (@HayakawaYukio) September 27, 2014

Vondrona miray hina tanteraka sy mifandray matetika ao amin'ny media sosialy, ka anisan'izany ny Twitter, ireo mpanao fananihan-tendrombohitra ao Japana. Ka maro ireo olona mikaroka fatratra ny vaovaon'ireo namana sy havana akaiky azy ireo.

Local fire department confirms woman killed in #Ontake volcano eruption 木曽広域消防本部 御嶽山噴火 女性１人死亡 http://t.co/lJlJck2MxH pic.twitter.com/pDUZcDAth6

— Thoton News Japan (@Thoton) September 27, 2014

Nanamafy ny sampana mpamono afo ao an-toerana fa vehivavy iray no namoy ny ainy tamin'ny fipoahan'ny afotroa tao #Ontake

Nivoaka izy ity avy eo, vao ny andro iray mialoha ny fipoahana indrindra, mpitsangatsangana malaza iray avy ao Tajimi ao Gifu nandefa sary somary mananihany avy eo an-tampo-tendrombohitr'i Ontake (efa tsy ao intsony ilay kaonty Twitter):

一人でのんびり御嶽山(^^) pic.twitter.com/cFzNtPuw5e

— enari (@setori_) September 27, 2014

Nandalo tontolo andro mahafinaritra tamin'ny fananihana ny tampon-tendrombohitr'i Ontake.

Mbola tsy fantatra ny misy azy amin'izao fotoana izao

@briandesu Let's hope not… @setori_

— Thoton News Japan (@Thoton) September 27, 2014

Enga anie mba tsy…

Vaovao farany

Eo am-pikarohana ireo mpitsangatsangana mihitsoka ao an-tampon-tendrombohitra, izay mbola mamoaka afotroa hatrany, ireo mpamonjy voina.

Sary nahazoan-dalana avy amin'i kuroda terutoshi