Vadim Makhorov sy Vitaly Raskalov dia nandefa onja mandona tety anaty aterineto tamin'ny 12 Febroary 2014 fony nampakatra lahatsary iray misy an-dry zareo nihanika ny [1]tilikambon'i Shanghai [2]. Ilay Tilikambon'i Shanghai mirefy 2,073-foot (632-metatra) rehefa vita no ho ny faharoa avo indrindra erantany manaraka ny Burj Khalifa ao Dubai.
Nitafatafa tamin'ity tarika Rosiana ity ny That's Shanghai [3] mikasika ny niainan'izy ireo ilay fianihana.
Jereo ireto sary mahavariana ireto izay nalain'izy roa avy eny an-tampon'ny Tilikambon'i Shanghai, ary ny saripika sasany maneho an'i Shanghai. Ny sary rehetra dia fanomezan'i Vadim Makhorov sy Vitaly Raskalov avy ao amin'ny “On the Roofs” ary naverina navoaka miaraka amin'ny fanomezan-dàlany.
