Sary nalain'i Shoonit Khoshen. Nahazoana alalana ny fampiasàna azy.
Panama no mitàna ny laharana voalohany amin'ny fampiarahana olona maro manao hosodoko [es], nahitàna ankizy miisa 5 084 niara-nanao ilay “Hosodoko ho an'ireo tetezan'ny Lakandrano.”
Io hetsika io, natao ny Sabotsy 18 Janoary 2014, dia nampitondraina ny lohateny hoe “Pintemos los 100 años del canal” [Ndeha hatao hosodoko ny fahazato taonan'ny Lakandrano] ary nanamarika koa ny fanombohan'ny fankalazana ny fahazato taonan'ny làlana mampifandray ranomasimbe (route interocéanique).
Natao tanaty filaminana lavitr'ilay adihevitra momba ny mety ho fampiatoana ny tetikasa fanalehibiazana ilay Lakandrano izany hetsika izany. Tao amin'ny Lakandrano sy tany amin'ireo tambajotra sosialy no nankalàzana azy, nahitàna mpampiasa aterineto nizara sary sy hevitra maro mikasika ilay hetsika manokana.
Ilay kaonty Twitter ‘Ponte en algo’ moa dia nizara sarin'ilay hetsika avy eny amin'ny habakabaka.
Un siglo uniendo al mundo es el mensaje del lienzo creado hoy por los niños panameños junto a @FOSinclair pic.twitter.com/vajWUW0q7M
— Ponteenalgo (@Ponteenalgo) January 18, 2014
Zato taona nampiray izao tontolo izao, io no hafatra tamin'ilay hosodoko noforonin'ireo ankizy avy ao Panama anio niaraka tamin'ilay fikambanana Olga Sinclair Foundation
Jorge Quijano, mpandrindra ny Lakandrano, dia nampakatra sary ihany koa nampiseho ireo ankizy miisa 5 084 izay nandray anjara tamin'ilay hetsika :
Una belleza, el futuro de Panamá pinta el Centenario del Canal. pic.twitter.com/F57UD7OLD0
— Jorge Luis Quijano (@jorgelquijano) January 18, 2014
Tena tsara tarehy izy izany, Manao hosodokon'ny zato taonan'ny Lakandrano ireo ho avin'i Panama.
Ismael Cala, mpanao gazety avy ao amin'ny CNN, dia nizara sary tamin'ilay hetsika izay mampiseho an'i Olga Sinclair, mpandrindra ny lakandrano sady mpanakanto, ilay hery mpitarika niavian'izao hetsika lehibe izao.
Viva #PANAMA !!! Feliz de disfrutar un Record Guiness 5,084 niños pintando 100 años @canaldepanama @OlgaSinclair pic.twitter.com/t6fLOUDQZB
— Ismael Cala (@CALACNN) January 18, 2014
Arahabaina i Panama!!! Faly aho ny amin'ny fahazoana ny “Guiness Record”, ankizy 5 084 no nanao hosodoko ny fahazato taonany.
Ny Ivotoerana Nasionaly momba ny Kolontsaina ao Panamà (INAC, raha avy amin'ny fanafohezan-teny Espanola) dia nizara ny sarin'ilay mari-pakasitrahana avy amin'ny Guinness record :
Felicidades por este #RecordPanamá y gracias @FOSinclair y @OlgaSinclair por hacerlo realidad junto a todos los niños pic.twitter.com/zhHN7JgPlE
— INAC Panama (@INACPanama) January 19, 2014
Arahabaina noho io zava-bita tsara indrindra io ry Panama, ary mankasitraka feno ny fikambanana Olga Sinclair Foundation sy i Olga Sinclair tamin'ny fanatanterahana izany ho an'ireo ankizy ireo.
Lineth Rodriguez dia nampakatra ny sarin'ireo mpandray anjara tamin'ilay hetsika :
Nuestros trillizos SD participando en el taller pintura @canaldepanama @OlgaSinclair Gracias! pic.twitter.com/CV4ZqMI02S
— Lineth Rodriguez (@lineth_rod) January 18, 2014
Ny fandraisan'anjaranay tamin'ilay hetsika sary hosodoko.
Nahatratra ny tanjony tamin'ny fibatàna ny zava-bita tsara indrindra ilay hetsika, ny fankalazàna ny fahazato taona sy ny fanaovana ireo mponina avy ao Panamà rehetra ho tompon'ilay fety.
Sary nalain'i Shoonit Khoshen. Nahazoana alalana ny fampiasana azy.
