Lahatsoratra voadika amin'ny teny:
Fony nanomboka tao Syria tamin'ny Martsa 2011 ny fihetsiketsehana, dia noraisin'ny vondronà mpinamana avy ao Homs, latsaky ny 25 taona daholo, ny kameran-dry zareo mba handraketana ireto hetsi-panoherana tsy mbola nisy toa azy tao an-tanànan-dry zareo ireto. Fotoana vitsy taty aoriana, nandrakitra an-tsary ny faharavan'ny arabe tao an-tanàna sy ny manodidina vokatry ny famoretana nataon'ny fitondràna indray ry zareo. Amin'ny alàlan'ny fakantsariny, kendren'izy ireo ny haneho amin'izao tontolo izao ny Homs fahiny, sy izay niafaràny, amin'ny fanadihadiana ireo fotoana manan-tantaran'ny revolisiona avy ao an-”tànanan'ny revolisiona”. Isanandro izy ireo no mahazo fangatahana avy amin'ireo olona izay tsy maintsy nandositra ny tanàna kanefa te-hahafantatra raha rava na tsia ny tranon'izy ireo.
Tsindrian-dry zareo ny maha-andianà mpirotsaka an-tsitrapo tsotra azy ireo, tsy nanaraka fiofànana arak'asa, saingy mendri-piderana kosa ny asan'izy ireo. Izy ireo no “Lens of a Young Homsi” adika tsotra hoe Anakandriamason'ny Tanora Homsi iray:
Sary avy amin'ny “Lens of a Young Homsi”, nalaina tao amin'ny pejiny Facebook
Ity lahatsary ity dia maneho ny sasany amin'ireo asan-dry zareo sy ny antony mampiavaka ny “Lens of a Young Homsi” amin'ireo izay voatery nandositra ny trano fonenany tao Homs:
“Gonim-pasika, sakana, miaramila mitam-piadiana hatreny an-tampon-doha, bàla, baomba, toeram-pisavàna miala amin'ny distrika iray ho any amin'ny iray hafa…” Io no zavatra atrehimaso asehon'ireto tanora Homsi ireo amin'ny alàlan'ny fakantsarin-dry zareo:
Azonareo arahana ao amin'ny Facebook sy Twitter ny asan-dry zareo.
Rehefa App ny resaka dia fampiasa na fampiharana no tsara iantsoana azy kokoa