Akatòny

Fitia Tsy Mba Hetra Hampijoro Tsara Hatrany Ny Global Voices

Mitatitra amin'ny firenena 167 izahay. Mandika amin'ny fiteny 35 izahay. Izahay (Isika) no Global Voices.

Mihoatra ny 800 izahay manerantany no miasa miaraka hitondra vaovao tsy dia fahitanao loatra. Saingy tsy afa-manao izany samirery izahay. Fa na dia mpilatsaka an-tsitrapo aza ny ankamaroanay, dia mbola mila ny fanampianao hatrany hanohana ny tonia, ny mpahay teknolojia, ny tetikasa fanentanana sy fiarovana, ary ireo mpisahana lanonana (fivoriana) avy ato aminay.

Mandraisa anjara ary ankehitriny »
GlobalVoices anaty

Koetiana Mpisera Twitter Voampanga Higadra Roa Taona Fa Hoe Nanompa ny Emira

Fito volana taorian'ny namoahana didim-pitsarana dimy taona an-tranomaizina noho ny fanompana ny Emiran'i Koety, dia mpisera Twitter iray hafa antsoina hoe Ayyad Al-Harbi no namoahana didim-pitsarana tamin'ny alatsinainy higadra roa taona noho ny fiampangana mitovy ihany. Nanoratra sioka maro fitsikerana ny Emira sy ny fomba famoretana ny mpanao fihetsiketsehana i Al-Harbi. Araka ny didim-pitsarana (navoakan'ny Sabr online), nentina teny amin'ny fitsarana noho ny fisian'ireto teny manaraka ireto ny siokan'i Ayyad:

- Manozona ny mpanapaka managadra ny vahoakany. Manozona izay mpanapaka izay maro kokoa ny mpanohitra azy noho ny mpanohana azy.
- Ry tompokolahy avo toerana, mitranga ao amin'ny kianjan'i Erada ny firaisan'ny Koetiana tsara indrindra nefa dia ataonao lasibatra izy io.
- Inona sisa? tsy misy revolisiona, tsy misy fampandrosoana, tsy misy fahafahana, tsy misy fahamendrehana, tsy misy parlemanta, tsy midy fandrotsaham-bato, tsy misy hetsi-panoherana, tsy misy fanakianana, Andriamanitro ô, fa inona no ataonao aminay?
- Izany hoe tokony hanompa sy hanameloka ny vahoaka amin-javatra tsy misy porofo ve aho ary hilaza fa izany no fahafahana sa tokony hiteny hoe nisy nisompatra kaontiko mba hamotsorana ahy?
- Raha tsy Koetiana ianao, dia avy amin'ny Helodrano. Hiatrika famoretana sy didy jadona ary fisamborana noho ny solika kely ianao.
- Tsy tokony avela heloka ny mpamoritra sy ny mpanao didy jadona, tokony azera izy ary entina eny amin'ny fitsarana sy gadraina ary vonoina.
- Voaozona ny firenena izay tsy manakana ny alikany tsy hihinana ny fahamendrehan'ny vahoakany noho ny fanoherany fotsiny ihany.

Voampanga ihany koa i Al-Harbi noho ny nampitàny sioka ny tononkalon'ilay poeta Irakiàna Ahmed Matar mitsikera ny mpanao didy jadona. Nanoratra toy izao ihany koa ilay mpisioka rehefa nankany Jordania ny Emira hoe:

Hatramin'ny nandehanany tany Amman hanjono, nihira hiavian'ny orana ny ankizy rehefa avy nihira ny “fidarohana ny vahoaka lasa fanao” ny olon-dehibe”.

Vantany vao nambara ny didim-pitsarana dia nisioka ny tweet-ny farany i Al-Harbi:

أحبّــــّــّــك .. يا وطن !

@ayyadQ8Q8: Tiako ianao, ry tanindrazako!

Nanoratra i Al-Harbi tamin'ny 6 janoary fa telo ny vesatra miandry azy:

غداً صباحاً النطق بمحاكمتي على تهم أمن الدولة ( الطعن بالذات الأميرية / نشر أخبار كاذبة بالخارج / إساءة إستخدام هاتف ) لا تحرمونا من دعائكم

@ayyadQ8Q8: Rahampitso maraina, hivoaka araka ny vesatra napetraky ny fiarovam-pirenena ahy ny didim-pitsarana: faniratsiràna ny Emira, mampiely vaovao diso any ivelany, ary tsy fahaiza-mampiasa finday. Antom-bavakao.

Nitsikera tamin'ny famoahana didim-pitsarana izay manitsakitsaka ny zon”ny olona iray hiteny malalaka ny mpisera Twitter avy ao Koety sy avy any amin'ny firenena hafa. Nisy naman'i Ayyad antsoina hoe Hussain Al-Shammari namoaka ny sarin'i Ayyad misy hevitra hoe:

قبل يومين أخرج لي عياد الحربي السلاح الخاص الذي حُكم عليه بالسجن بسببه ، كان عبارة عن 140 حرف وأحلام ممتدة للسماء !
“@Havana_H : Roa andro lasa izay, nampiseho ahy ny fitaovam-piadiany miavaka manokana izay nahatonga azy higadra toa taona i Ayyad Al-Harbi..  tarehin-tsoratra 140 sy nofinofy manakatra ny lanitra izany.”

Namoaka ny sarin'ny pasipaoro Koetiana an'i Ayyad ny gazety an-tserasera Sabr ho setrin'ny filazana azy ho mizaka ny zom-pirenena Saodiana:

Manoratra ho firaisan-kina ny mpikatroka Ejiptiana Gamal Eid:

صديقنا وزميلنا عياد الحربي من الكويت ، حتى أمس كان يغرد معنا ، والان اضيف لقائمة سجناء الرأي رقم جديد !!

@gamaleid: Niara-nisioka tamintsika ny namana sy mpiara-miasa amintsika Ayyad al-Harbi avy any Koety mandra-pahatongan'ny omaly ary lasa mpikambana vaovao ao amin'ny lisitry ny migadra noho ny fitenenana amin'izao fotoana izao.

Monther alhabeeb, avy any Koety, izay efa nosamborina mialoha ny hetsi-panoherana iray, no namoaka sioka taorian'ny didim-pitsarana an'i Ayyad sy momba ireo mpigadra hafa any Koety antsoina hoe Rashed Al-Enizi sy Salam Al-Rujaib, izay voasambotra tamin'ny fivorian'ny famoriam-bahoakan'ny mpanohitra farany indrindra, ary ilay mpikatroka Bedoon [tsy manana zom-pirenena] antsoina hoe Abdulhakim Al-Fadhli:

كل دقيقة لكم في الزنازين تستنشقون بها حريتكم، هي تمر علينا كالساعات نتجرع بها الإنكسار. الحربي العنزي الرجيب الفضلي

@Montheralhabeeb: Ny minitra mandalo ao am-pigadrana anao no ifohanao ny fahafahanao. Mandalo tahaka ny ora ireny minitra ireny ho anay araka ny anandramanay ny fijaliana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.


Renim-paritra manerantany

Firenena

Teny

Lohahevitra Manokana

Lahatsoratra miaraka amin'ny