Akatòny

Fitia Tsy Mba Hetra Hampijoro Tsara Hatrany Ny Global Voices

Mitatitra amin'ny firenena 167 izahay. Mandika amin'ny fiteny 35 izahay. Izahay (Isika) no Global Voices.

Mihoatra ny 800 izahay manerantany no miasa miaraka hitondra vaovao tsy dia fahitanao loatra. Saingy tsy afa-manao izany samirery izahay. Fa na dia mpilatsaka an-tsitrapo aza ny ankamaroanay, dia mbola mila ny fanampianao hatrany hanohana ny tonia, ny mpahay teknolojia, ny tetikasa fanentanana sy fiarovana, ary ireo mpisahana lanonana (fivoriana) avy ato aminay.

Mandraisa anjara ary ankehitriny »
GlobalVoices anaty

Any Ejipta, Mbola Mangina ny Maro An'isa Mangina

Nandeha namonjy biraom-pifidianana hifidy ny lalampanorenana vaovao ny Ejipsiana, lalampanorenana natolotra sy notohanan'ny filoha Mohamed Morsi sy ny Antokon'ny Firahalahiana [mpirahalahy] Miozolomana Fahalalahana sy Rariny. Nasehon'ny fihodinana voalohany fa manohana ny lalampanorenana vaovao ny 57 isan-jaton'ny mpifidy eo ho eo, na dia eo aza ny ahiahin'ny fiarahamonim-pirenena sy ny fanoherana fa ity lalampanorenana vaovao ity, novolavolain'ny Islamista, dia mikendry ny hametra ny ny karazam-pahalalahana, manamafy ny anjara toeran'ny miaramila, ary ny mety isian'ny Fanasilamoana an'i Ejipta. Hotontosaina amin'ny Asabotsy moa ny referandaoma indroa mihodina ity.

Natao noho ny fifandonana sy ny sit-in naharitra telo herinandro manerana an'i Ejipta moa ity fandatsaham-bato mampiady hevitra ity, izay nahitana olona 10 maty, an-jatony nosamborina ary farafahakeliny 1000 no naratra.

Maro ny manahy isian'ny hala-bato. Nanamarika i Bassem Sabry:

@Bassem_Sabry: I know many of the electoral violation reports are often hyperbolic, but I'm genuinely worried this time. #Egypt

Fantatro fa matetika no tafahoatra (itarina be) ny tatitra hala-bato, saingy tena manahy tokoa aho tamin'ity indray mitoraka ity.

Rasha namoaka ity sary heverina fa mampiseho tanora [tsy ampy taona] manisa vato:

A photograph allegedly showing a child counting votes

Sary heverina ho mampiseho zaza manisa vato. Saripika nozarain'i @Rasha_Jan25 hita Twitter

Nisioka izy:

#امسك_تزوير طفل يجلس ويفرز الاصوات من داخل لجنة 43 مدرسة النهضة الابتدائية بعين شمس pic.twitter.com/23KMhUCn

@Rasha_25Jan: Tratraro amin'ny fangalarana ataony! Zaza manisa vato ao anatin'ny komity laharana 43 ao amin'ny Sekoly Fanabeazana Fototra Al Nahdha ao Ain Shams

Ary nilaza i Amr Salah fa maro ny fanakanana tsy hifidy tany amin'ny biraom-pifidianana. Hoy ny fanazavany:

اغلب الدواير التي لها سجل تصويتي قوي لصالح القوي المدنية هناك تعمد لتعطيل التصويت بها..الناس بالالاف من الصبح ممنوعين عمليا من التصويت بلا

@AmrSalah: Misy ny fikasana hanakana tsy hifidy any amin'ny fari-pifidianana izay nampahery ny fiarahamonim-pirenena .. Olona an'arivony no nosakanana ara-teknika tsy handrotsaka ny vato Tsia

Tarek Amr misioka ny antony handavany ny lalampanorenana:

وماله لما الصحة تتخصخص، مش ده سبب أرفض عشانه الدستور، أنا رافض الدستور عشان دستور شرم برم كاتبينه شوية عاهات

@gr33ndata: Ahoana izany omena ny tsy miankina ny fitsaboana izany? Tsy izany no antony handavako ny lalampanorenana. Tsipahiko io satria lalampanorenana malemy, nosoratan'olona mangozohozo ara-toe-tsaina

Namoaka ity lahatsary ity ao amin'ny YouTube ny Ejipsiana mpampandihy kibo iray Sama El Masry, izay ampandihizany kibo ny fihetseha-pony amin'izay voaboasany ho “miketrika lalampanorenana”:

Taorian'ny nanambarana ny voka-pifidianana fihodinana voalohany, naneho hevitra ny bilaogera Alaa Abdelfattah:

الأغلبية الصامتة لسه صامتة

@alaa: Mbola mangina ny maro an'isa mangina

Nanampy i Wael Ghonim:

نتيجة المرحلة الأولى: من كل 100 مصري له حق التصويت: 69 لم يشارك في الاستفتاء، 18 موافق على الدستور، 13 غير موافق على الدستور

@Ghonim: Vokatry ny fihodinana voalohany: Tamin'ny Ejipsiana 100 afa-nifidy, 69 no tsy nandray anjara tamin'ny referandaoma, 18 no nandrotsaka ny Eny tamin'izany ary 13 nandrotsaka ny Tsia

Hasehon'i Omar Hagrass ny fomba nitateran'ny media ny vokatra:

لو عايز النتيجة “نعم” افتح قناة مصر ٢٥ و لو عايزها “لا” افتح أون تي في و لو عايز تريح دماغك افتح باب الأودة و ناااااااااااااااام.

@OHagrass: Raha tianao ho Eny ny voka-pifidianana, sokafy ny fantsona Egypt 25 [ao amin'ny TV]; raha tianao ho Tsia ny voka-pifidianana, sokafy ny ONTV; raha te-hiala sasatra kely ianao, sokafy ny varavaran'ny efiitranonao dia mandehana matory.

Nanamarika i Karim Shafei:

إللى فرحان بنعم وإللى فرحان بلا.. فرحانين على إيه؟ على دستور ما تنشرش رسميا وبيصوت عليه ناس ما لحقوش يقروه ولو قروه ما فهموهوش؟؟

@KarShaf: Ho an'ireo izay faly amin'ny Eny sy izay faly amin'ny Tsia … inona no mahafaly anareo? Lalapanorenana mbola tsy nivoaka tamin'ny fomba ofisialy ary vao androtsahan'olona mbola tsy afa-namaky azy, na ireo nahavaky azy fa tsy nahazo izay nambarany??

Nanao fehinteny i Ahmed Atia Aboshosha:

هذا الاستفتاء جرى فى جو ملئ بأكبر قدر من الشائعات والانقسامات ولم يكن هناك وقت لتنظيمه جيدا..والحقيقة كان من الأفضل تأجيله

@AD_Shosha: Notontosaina tao anatin'ny toe-draharaha feno tsahotsaho sy fisarahan-kevitra ity referandaomy ity. Tsy nisy fotoana nanomanana azy madio. Raha ny marina, tsaratsara kokoa raha nahemotra izy io

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.


Renim-paritra manerantany

Firenena

Teny

Lohahevitra Manokana

Lahatsoratra miaraka amin'ny