Delwin Keasberry, fantatry ny be sy ny maro kokoa amin'ny hoe @BruneiTweet [2] eny anatin'ny vondrom-piarahamonina aterineto Brunei, dia nangataka tamin'ireo mpanjohy azy ao an-toerana mba hibitsika ny fitiavan'izy ireo ny fireneny :
@BruneiTweet Tweeps, fenoy ity fehezanteny ity : “Tiako i #Brunei satria…” 8)
Ary dia ireto ambany ireto ny sasany amin'ireo valinteny nomen'ireo Brunei mpampiasa Twitter izay namoaka zavatra maro mikasika ny fiarahamonina Brunei sy ny vahoakany:
@suzaneeena [3]: Tiako i #Brunei satria milamina, tsy voaloto, ary tsy adino ny milaza… ireo karazan-tsakafo mora vidy $1 azontsika vidiana!!
@AlHudaaRose [4] ry mpibitsika, fenoy ity fehezanteny ity: “Tiako i #Brunei satria firenena milamina, ahafahantsika mihinana sakafo halal marobe 🙂
@MiQy98 [5] tiako i#Brunei satria isika no manana ny nahandro & vahoaka milay izay miha-milay foana isan'andro vaky izao.
@ninactor [6] Tiako i #brunei satria toeram-ponenana sady ny kolontsaina – indrindra fa ny sakafo, dia mahafinaritra tsotra izao, ny vahoaka toy izany ihany koa.
@Gold_Book_BN [7]: Tiako i #Brunei satria Brunei manana ny fahafahana mampivoatra ny vahoakany & ny fireneny. Noho izany, TIAKO isika..
@AzemahARRR [8] Fenoy ity fehezanteny ity: “Tiako i #Brunei satria…”” Raha misy zavatra mitranga, ny erireritry ny firenena iray manontolo no miaraka aminao.
@debbietoo [9] Tiako i Brunei satria ny vahoaka eto dia isan'ireo mahay mandray vahiny sy sariaka eto amin'izao tontolo izao.
@anakbrunei [10] Tiako i #Brunei satria firenena iray be fandeferana izay tsy manery ny vahoaka hanaraka izay tiany hatao na inona na inona fiaviana sy finoana misy azy.
@Ajul_mna@ [11] Tsy misy toerana hafa toy ny TANINDRAZANA
@ashfarizi [12] Fenoy ity fehezanteny ity : “Tiako i #Brunei noho…”” ireo olona ao sy ny fandriampahalemana! tsisy nasi katok.
@sazikalman [13] Tsy misy toerana hafa toy ny tanindrazana. Tsy tonga lafatra saingy marina! RT @BruneiTweet Fenoy ity fehezanteny ity: “Tiako i #Brunei satria…
@HqahAmin [14] io no fo maitson'i Borneo 🙂 “@BruneiTweet: Fenoy ity fehezanteny ity: “Tiako i #Brunei satria…”
@DiyyDiyana [15] Tiako i #Brunei satria milamina. Vokatr'io, “toeran'ny fandriampahalemana”
@sarahwaffles [16] @BruneiTweet Tiako i #Brunei satria toerana iray ‘exotique’. Ireo namana rehetra avy any ampitan-dranomasina vao mandre kely monja momba azy & te-ho avy hitsidika.
Farany, @trylobyte [17] mampahatsiahy ny rehetra mba hitahiry an'i Brunei ho firenena miavaka :
@trylobyte Tiako i #Brunei noho ireo antony rehetra efa voalaza. Ankehitriny ndeha isika hiasa mafy hitazonana an'izany mba hitohizan'ny fitiavantsika azy.
Mandritra izany, pejy Pinterest iray “Love Brunei [18]” no napetraka mba hanapaingorana ireo sary maneho ny hakanton'i Brunei.