Lahatsoratra voadika amin'ny teny:
Niverina nandeha indray ny aterineto ao Siria – na farafaharatsiny amin'ny faritra sasany, araka ny voalazan'ireo Siriana any ivelany, izay niezaka fatratra te-hifandray amin'ireo hava-tsy foy nandritra izay telo andro nahatapahan'ny fifandraisana sy ny aterineto izay.
Rime Allaf dia nilaza ireo vaovao tamin'ny Twitter:
@rallaf: Namana Siriana maro no niverina niserasera avy ao Damaskosy, tonga soa indray! #Siria
Ilay Mpiblaogy Razan Ghazzawi nihiaka hoe:
@RedRazan: Tena mahatalanjona ny mitranga ao amin'ny FB [Facebook] amin'izao fotoana izao: efa miresaka ireo namako izao, mampiasa ny facebook am-pifaliana izao izahay. #InternetBackinSyria #Syria
Tsy nanafina ny hafaliany izy:
@RedRazan: Eo am-piresahana amin'ireo namako mipetraka any Damaskosy aho izao. Ohatra ireny ankizy ireny izahay ka tena faly tsotra izao aho! #InternetBackInSyria #Syria
Ary hoy izy nanampy:
@RedRazan: “Eritrereto anie ny hafalianay raha midoboka eo Assad e,” izany no resahin'ireo Siriana maro ao anaty Facebook amin'izao fotoana izao #InternetBackInSyria #Syria
Etsy an-danin'izany, Brian Whitaker nananihany:
@Brian_Whit: Asabotsy androany, ary te-hividy entana an-tserasera i Asma #syria
Asma Al Assad, vadin'ilay Siriana Bashar Al Assad mpanao didy jadona, dia malaza fa mpividy entana maro amin'ny aterineto.
Rehefa App ny resaka dia fampiasa na fampiharana no tsara iantsoana azy kokoa