Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Manangona Vaovao Mikasika Ny Firenena Ho Aminà Toerana Iray Ireo Rindrambaiko Zambiana Ho an'ny Finday

Taorian'ny fanamboarana rindrambaiko ho anà finday Android tamin'ity taona izay manome fahafahana ireo Zambiana handray anjara anatin'ny dingan'ny fanoratana ny lalàm-panorenana, nisy rindrambaiko roa hafa ihany koa, ny Zambia News Daily sy ny The Zambian izay manangona ireo vaovao momba ny firenena avy amin'ireo loharano maro ao anaty aterineto, nipoitra teny amin'ny tsena.

Toy izao ny famintinana ny Zambia News Daily ao amin'ny vohikalan'ny Google Play:

Ry Mpamaky ny Zambia News hajaina! Fantatray ny lanjan'izany fahazoana ireo VAOVAO FARANY mikasika ny firenena izany. Ary tianay ho ianao no voalohany indrindra hahafantatra ireny vaovao ireny. Izany no nahatonga ny ekipanay namorona ity fitaovana ity ho anao manokana.

Nefa tsy izay ihany. Raha ohatra ka sendra mpizahatany ianao izay te-hahafantatra bebe kokoa mikasika ny firenen'i Zambia, na mponina ao an-toerana fa te-hahita sarin'ilay firenena dia afaka hijery ny SARIN'i Zambia ianao avy amin'ny alalan'ny fampiasàna ity rindrambaiko ity ihany.

Screenshot of Zambia News Daily on a smartphone

sarin'ny Zambia News Daily aminà smartphone mampiseho iray amin'ireo tantara nivoaka tao amin'ny tranonkalan'ny Global Voices.

Noho izany nahoana ny hampiasa ireo loharanom-baovao maro raha afaka manangona ireo fampahalalana rehetra ilainao ianao miaraka amin'ity rindrambaiko ity? Raha ohatra ka misy antony tsy itiavanao ity rindrambaiko ity, dia afaka manala izany ianao. Raha ohatra kosa ka tianao izany – dia ankafizo fotsiny ihany ary mahazoa fotoana mamy miaraka aminy!

Novolavolain'ny Rangerapps ity rindrambaiko ity, izay namolavola rindrambaiko sahala amin'izany ihany koa ho an'ireo firenena maro tahaka an'i Nizeria, Ganà sy ireo hafa.

The Zambian, mbola ao anatin'ny Google Play ihany koa, mamaritra ny tenany amin'ny alalan'ireo teny manaraka ireto:

Mandrakotra ireo vaovao farany avy ao Zambia ny “The Zambian”. Afaka mifandray tsy tapaka amin'ireo vaovao Zambiana ianao eny am-pandehanana eny miaraka amin'ny rindrambaiko novokarinay ho an'ny finday. Ny tanjonay dia ny hahatokana azy hany ilainao raha resaka  rindrambaikonay ao Zambia [...]

Miaraka amin'ireo rindrambaiko vaovao ireo ao amin'ny findainy, tsy hila hitsidika ireo vohikala vaovao maro ao anaty aterineto intsony ireo mpampiasa aterineto vao hahazo vaovao mikasika an'i  Zambia.

1 hevitra

Hiresaka koa

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.