Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Handrara ny Habaka Mamohafady i Ejipta

Nanambara [ar] i Ejipta androany fa horàrana ny fidirana amin'ny habaka mamohafady. Niadihevitra momba izany tao amin'ny Twitter ny mpiserasera, izay nanombana karazana sivana izay hisy fiantraikany ratsy eo amin'ny fahalalaham-pitenenana – manokatra varavarana amin'izay ho fanararaotam-pahefana ataon'ny manam-pahefana sy ny fanampenam-bava ny feo ao amin'ny aterineto izany.

Mpampianatra momba ny asa fanaovan-gazety sy ny fifandraisana aman'olona, Rasha Abdulla nanambara hoe:

النائب العام يطالب الجهات المختصة بتنفيذ حكم”إغلاق المواقع الإباحية”

@RashaAbdulla: Nangataka tamin'ireo voakasik'izany ny mpisolovavan'ny fanjakana mba hanatanteraka ny baiko amin'ny fanakatonana ny habaka mamohafady

Mohammed Hendawy nanamarika hoe:

@The_Hendawy: Manomboka amin'ny mamohafady izany. Dia ny sisa hafa avy eo.

@LuluDeRaven nanazava hoe [ar]:

قرار حجب المواقع الاباحية= حجب اي حاجة مش عاجباهم علنيت.. سياسية ادبية تاريخة فنية . معارضة. مدونات. مواقع تواصل اجتماعي ..

@LuluDeRaven: Fanapahan-kevitra handràra ny habaka mamohafady =  sivana amin'ireo zavatra izay tsy tiany na tsy azoazony ao amin'ny Aterineto – na izany mikasika ny politika, ny zavakanto, literatiora sy ny tantara .. fanoherana .. bilaogy .. tranonkala tambajotra sosialy

Tarek Shalaby nanome vahaolana sahady mikasika izany fanapahan-kevitra izany:

@tarekshalaby: Hanao bilaogy fampianarana aho mba hampisehoako ny fomba hanakanana izany

Guebara nanamarika hoe:

عايزين تصرفوا فلوس على حجب مواقع إباحية ومش عايزين تصرفوا نفس الفلوس على كوادر الأطباء

@Gue3bara: Te-handany vola amin'ny fanakatonana tranonkala mamohafady ianao fa tsy te-handany izany vola izany any amin'ny dokotera?

Amal nanontany hoe:

محدش هيعمل وقفة عشان المواقع الاباحية والا ايه؟ يا عيني على اللي مالوش ضهر في البلد دي

@Amalegypt: Tsy misy olona hikarakara sit-in ho fanohanana ny habaka mamoafady ve? Sa resaka tsy ilàna fanohanana izany?

@nermo nanampy tamin-katezerana hoe:

المواقع الإباحية أوسخ من التعذيب في الأقسام وأوسخ من الفساد والسرقة والقتل وهي سبب الإنفلات الامني في سينا وبعد قفلها كل مشاكلنا هاتتحل

@nermo: Maharikoriko kokoa ny tranonkala mamohafady noho ny habibiana eny amin'ny tobin'ny polisy, ny kolikoly, ny halatra sy ny vono-olona ary izany no anton'ny tsy hisian'ny fandriampahalemana ao Sinai. Rehefa mikatona avokoa ny habaka mamohafady , ho voavaha daholo ny olana eto amintsika.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.