Akatòny

Fitia Tsy Mba Hetra Hampijoro Tsara Hatrany Ny Global Voices

Mitatitra amin'ny firenena 167 izahay. Mandika amin'ny fiteny 35 izahay. Izahay (Isika) no Global Voices.

Mihoatra ny 800 izahay manerantany no miasa miaraka hitondra vaovao tsy dia fahitanao loatra. Saingy tsy afa-manao izany samirery izahay. Fa na dia mpilatsaka an-tsitrapo aza ny ankamaroanay, dia mbola mila ny fanampianao hatrany hanohana ny tonia, ny mpahay teknolojia, ny tetikasa fanentanana sy fiarovana, ary ireo mpisahana lanonana (fivoriana) avy ato aminay.

Mandraisa anjara ary ankehitriny »
GlobalVoices anaty

Resadresaka Niarahana Tamin'i Rebecca MacKinnon Momba ny Boky Nosoratany ‘Consent Of The Networked’

Rebecca MacKinnon, mpiara-manorina ny Global Voices, mpanao gazety sy bilaogera manana traikefa nandritra ny taona maro, be hevitra maranitra raha ny lohahevitra tena iantsorohany no jerena, izay amin'ny ankapobeny mikasika ny fahalalahan'ny fiaraha-monina sy ny fahalalahana ao amin'ny aterineto. Tamin'ny Janoary lasa teo, namoaka boky mitondra ny lohateny hoe Consent of the Networked (Fankatoavan'ny mpiserasera) izy, nandinihany lalina izany lohahevitra izany. Ho fanamarihana ny famoahana izany boky izany, nanoratra ilay mpiara-miasa ao amin'ny Global Voices, Bernardo Parrella:

Ahoana no ahazoantsika antoka fa handroso amin'ny fomba mifanaraka amin'ny demokrasia ny aterineto? Manoloana ny ezaka lehibe ataon'ny fampahalalam-baovao nandritra ny fitroarana farany teo tao Afovoany Atsinanana sy ny renim-paritra hafa manerantany, ahoana no ahazoana antoka fa tsy ho ampiasan'ny governemanta amin'ny sivana sy ny fanaraha-maso ny fitaovana tahaka izany (izay matetika mahazo fanampiana kely avy amin'ny teknolojian'orinasa Tandrefana)? Ary farany, ahoana no fomba hanajonana ny fiheverana fa toy ny “mpampiasa” teknolojia mandalo fotsiny isika fa tsy “mpiserasera” izay tompony sy tompon'andraikitra amin'ny hoavintsika eo amin'ny sehatra nomerika?

Tamin'ny teny Espaniola no namoahan'ny Editorial Deusto [es] ny boky tamin'ny volana jiona lasa teo, izay mitondra ny lohateny hoe No sin nuestro consentimiento (Tsy ekena raha tsy misy ny fankatoavantsika) [es]. Ahitana lahatsoratra fanampiny avy amin'ny ”tò teny” anankiroa amin'ny aterineto Hispanika ny famoahana izany tamin'ny teny Espaniola: José Luis Orihuela no nanoratra ny sasinteny, ary i Enrique Dans kosa no nanoratra ny fehin-kevitra (epilôgy). Nibilaogy momba izany i Orihuela ary namoaka ny sasinteny tao amin'ny aterineto, izay ahitana [es] toy izao :

El gran tema que plantea MacKinnon en esta obra es nada menos que la gobernanza de internet, y la exigencia de reclamar como ciudadanos digitales que las decisiones políticas y corporativas que afecten a la red no se tomen sin nuestro consentimiento informado.

No sin nuestro consentimiento es un amplio y detallado diagnóstico sobre las prácticas corporativas y los controles gubernamentales que están cercenando los espacios digitales de la sociedad civil, pero también un inventario de iniciativas en marcha que abren caminos para expandir los bienes comunes digitales frente al avance de las empresas tecnológicas y de los gobiernos sedientos de control.

Ny lohahevitra lehibe resahin'i MacKinnon amin'ny boky dia tsy miresaka afa-tsy ny fitantanana ny aterineto ihany, sy ny tokony hitakiana amin'ny maha-olompirenena nomerika, fa tsy tokony hotanterahina ny fanapaha-kevitry ny mpanao politika sy avy amin'ny orinasa raha tsy efa misy ny fanekentsika rehefa nisy ny fampahafantarana.

 

Hadihadiana amin'ny antsipirihany sy amin'ny halaliny ao amin'ny “Consent Of The Networked” ny fomba fanaon'ny orinasa sy ny fanaraha-mason'ny governemanta manao izay anapahana ny sehatra nomerikan'ny fiarahamonim-pirenena, hita ao ihany koa ny fanisana ny fandrindrana ny asa fisantaran'andraikitra manokatra lalana ho fanitarana ny fanànana iraisana nomerika manoloana ny fandrosoan'ny fandraharahana ara-teknolojia sy ny hetahetan'ny governemanta hanara-maso.

Nanao tahaka izany ihany koa i Enrique Dans ary anisan'izany ny fanehoan-keviny tao amin'ny fehin-kevitra izay nosoratany, afaka hazavaina tsara ity teboka manaraka [es] ity:

si algo hace este libro es despertar la preocupación por comprobar hasta qué punto, si las cosas no cambian, tendremos que, cuando hablemos con nuestros hijos, referirnos a la red como a un espejismo de libertad que vivimos a lo largo de un par de décadas, pero que terminó por convertirse en otra cosa. Nunca, en ningún otro momento de la historia de la humanidad, hemos tenido tan clara conciencia de hasta qué punto estábamos siendo manipulados por un poder que, disfrazado de algo que llamaban democracia, se dedicaba a manejar a las personas mediante el uso de medios unidireccionales, de asimetrías comunicativas y de técnicas de manipulación colectiva. Si algo hace este libro es demostrarnos que, como debería ocurrir con el poder en el mundo físico, el poder en el mundo digital debe ser restringido, balanceado y controlado por los propios usuarios.

Ny tian'ity boky ity atao, dia ny hanaitra amin'ny fahafantarana, raha tsy misy ny fiovan-javatra, amin'ny tsy maintsy iresahatsika amin'ny zanatsika, milaza ny aterineto ho toy ny nofinofim-pahalalahana izay niainana nandritra ny taom-polo vitsy, saingy lasa niafara ho zavatra hafa avy eo. Mbola tsy nisy fotoana teo amin'ny tantaran'olombelona, nahatsapantsika miharihary ny fanodikodinan-doha nataon'ny fahefana izay, miafin'endrika ambadiky ny zavatra nolazaina ho demokrasia, fa mandany fotoana manodikodin-dohan'olona amin'ny alalan'ny fampiasana fampahalalam-baovao mandeha lala-tokana, ny fifandraisana [kabary tsy valiana] ary ny teknikam-panasana atidoha ny vahoaka. Ny ataon'ny boky, dia ny hampiseho antsika, izay tsy maintsy hitranga rehefa miaraka amin'ny fahefana hita maso, fa tsy maintsy ferana ny herin'ny tontolo nomerika, lanjalanjaina, ary arahin'ny mpiserasera maso ihany koa.

Niresaka fohy tamin'i Rebecca mikasika ny bokiny aho nandritra ny Vovonana Global Voices tao Nairobi, Kenya:

Angamba tsy manerana ny fivarotam-boky rehetra ao Amerika Latina ny fivarotana azy, saingy mijanona ho boky tsara hovakiana. Efa misy amin'ny teny Espaniola sy Anglisy ny dika ao amin'ny aterineto.

lahatsoratra [es] fototra nivoaka tao amin'ny blaogy Globalizado.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.


Renim-paritra manerantany

Firenena

Teny

Lohahevitra Manokana

Lahatsoratra miaraka amin'ny