Akatòny

Fitia Tsy Mba Hetra Hampijoro Tsara Hatrany Ny Global Voices

Mitatitra amin'ny firenena 167 izahay. Mandika amin'ny fiteny 35 izahay. Izahay (Isika) no Global Voices.

Mihoatra ny 800 izahay manerantany no miasa miaraka hitondra vaovao tsy dia fahitanao loatra. Saingy tsy afa-manao izany samirery izahay. Fa na dia mpilatsaka an-tsitrapo aza ny ankamaroanay, dia mbola mila ny fanampianao hatrany hanohana ny tonia, ny mpahay teknolojia, ny tetikasa fanentanana sy fiarovana, ary ireo mpisahana lanonana (fivoriana) avy ato aminay.

Mandraisa anjara ary ankehitriny »
GlobalVoices anaty

Maoritania: Tafihan'ny Mpitandro Ny Filaminana Ny Mpanohitra

Noravain'ny mpitandro ny filaminana tamin-kerisetra vao marainan'ny 3 mey ny sit-in nataon'ny mpanohitra tao Nouakchott. Io no andia-pihetseha-panoherana farany indrindra nitranga tany Maoritania.

Nanangana tranolay sy nitondra tahirintsakafo sy sinin-drano, ary hitoetra eo, ny mpanohitra izay miantso ny hionganan'ny fitondrana miaramila. Io no hetsika sit-in ataom-bahoaka nomanin'ny antoko mpanohitra rehetra mbamin'ny mpikatroka sy ny vondro-piarahamonina maro.

Manohitra  hisian'ny fanavaozana ara-politika sy ara-toekarena ny Maoritaniana, efa mihoatra ny herintaona izay, ary mba hifarana koa ny fitondra-miaramila. Novelabelarina fa tonga eo amin'ny sehatra mangotraka ny firenena.

Opposition sit-in in Nouakchott on May 2. Image by Twitter user @ahmedj85.

Milazalaza izay nitranga nandritra ny marainan'ny 3 mey ny mpikatroka an-tserasera Anita Hunt:

Taorian'ny nanapahana ny jiro sy nibahanana ny lalana mankany amin'ny faritra manodidina ny toerana anaovana sit-in, dia andiana fiara 30 sy baomba mandatsa-dranomaso maro, baomba mankarenintsofina, ary tafondron-drano no nanondraka ny toby. Nanafika sy nidaroka ny mpanao fihetsiketsehana niezaka ny handositra avy eo ny polisy. Maro dia maro ny olona naratra ary ampolony ny olona nosamborina raha naharitra adiny roa mahery ny fifandonana. Nahitana izao manaraka izao tamin'ireo naratra : mpitarika antoko mpanohitra iray, talen'ny mpanohitra iray hafa, ao amin'ny biraon'i Ould Daddah; mpanao gazety am-bava tsy miankina iray; vehivavy bevohoka iray izay velona ihany taorian'ny baomba mandatsa-dranomaso saingy manam-pahasahiranana lalina dia lalina eo amin'ny fisefoana; ary tanora iray tratran'ny ratra anaty. Noraofin'ny polisy ny fitaova-patoriana sy ny fitaovana elektronika ary ny tahirin-tsakafo tao an-toerana, ary afaka kelikely nifampizaran-dry zareo ny sakafo sy ny rano fisotro. Nopotehin'ny polisy avokoa izay tsy zakan-dry zareo bataina vetivety – toy ny latabatra, seza sy ny fitaova-pidiovana. Nisy aza moa ny tatitra vitsivitsy milaza fa nahatsikaritra ny filoha Aziz sy ny mpiambina akaiky iray teny amin'ny manodidina nanara-maso manokana ny fanafihana. Nivory tao amin'ny lapam-panjakana ny filan-kevitry ny minisitra ny maraina efa ho atoandro, raha nanafika ny anjerimanontolo ny polisy ary misambotra mpianatra maro. Tsy nisy ny filazana momba ny fihetsiketseham-panoherana na momba ny fanafihana taorian'ny filankevitra.

Nanoratra ny bilaogera Maoritaniana Ahmed Jedou:

هذا الاعتصام شاركت فيه جميع أطياف المعارضة الموريتانية
من أحزاب وقوى سياسية وحركات شبابية مثل حركة 25 فبراير التي دخلت في سمر ليلي صاخب .
حيث قرضوا الشعر ورددوا شعارهم الاشهر “يسقط يسقط حكم العسكر “الذي رفعوه من أكثر من عام مع بداية الربيع العربي.
Nandray anjara tamin'io sit-in io avokoa ny ao amin'ny fanoherana rehetra ao Maoritania: Ny antoko politika rehetra, ny fiaraha-mientan'ny tanora tahaka ny Hetsika 25 Febroary [ar] izay nanomana fiaretan-tory hiantsana tononkalo sy hamerimberenana ny tarigetra nandritra ny volana maro “Miala, miala ny fitondra-miaramila”, izay nolazalazain-dry zareo hatramin'ny niatombohan'ny Lohatao Arabo.

Milaza ny heviny ny mpikatroka Maoritaniana mipetraka any Etazonia Nasser Weddady:

@weddady:#موريتانيا‬‏ على الرغم من قلة عدد سكانها قطعت أشواطاً بعيدة في الحراك الشعبي إذ أنها شهدت ميلاد حركات إحتجاجية في سنة.إنجاز قياسي بكل المعايير
@weddady: nahavita ezaka nahahetsika ny vahoaka maro i #Maoritania ‬na dia vitsy mponina aza, araka ny hita tamin'ny fipoiran'ny hetsi-panoherana tao anatin'ny herintaona. Montsana ny zava-bita tsara indrindra amin'ny lafiny rehetra

Nampiany:

@weddady: Ho hitantsika ankehitriny ny hataon'ny mpanohitra tamin'ny fidarohana ny besinimaro. Aza dia manantena loatra ny hahita momba azy ity eny amin'ny tontolon'ny fampitam-baovao.

Ity lahatsary [ar], nakarin'i ahmedj85, no ahitana ny sit-in tamin'ny 2 Mey:

Ahitana ny fanafihana sit-in ny maraimben'ny 3 mey kosa indray lahatsary [ar] manaraka, nakarin'i alaakhbarinfo:

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.


Renim-paritra manerantany

Firenena

Teny

Lohahevitra Manokana

Lahatsoratra miaraka amin'ny