Ejipta: Nahoana No Hafahana Ilay Bilaogera Alaa Abd El Fattah?
Ity lahatsoratra ity ampahany amin'ny fanadihadiana nataonay manokana momba ny Revolisiona ao Ejipta 2011.
Ny graffiti iray misy an'i Alaa Abd El Fattah dia mivaky toy izao: Aza manadino ahy. Sary avy amin'i Bassem Sabry
Mpitsara iray tao amin'ny fitsarana ara-miaramila no hanapa-kevitra amin'ity anio ity na hohafahana i Alaa Abd El Fattah na mbola handany 15 andro hafa indray ao an-tranomaizina, eo ampiandrasana ny fanadihadiana ambaran'ireo mpiaro fiampangàna tsy marina. Nohelohina ho manainga ny olona hanao herisetra amin'ny miaramila, nangalatra fitaovam-piadiana sy nanimba fananan'ny miaramila.
Tamin'ny 30 Oktobra no nisamborana an'i Abd El Fattah, rehefa nandà tsy hohadihadian'ny mpitsara miaramila mpanao famotorana, ho fanoherany ny maha ara-dalàna azy. Ny fisamborana azy, sy ny vokatr'izany tamin'ny sehatra iraisam-pirenena, dia nahakasika sivily maro maherin'ny 12,000, izay anenjehana azy ireo ara-miaramila ao Ejipta rehefa naka toerana ny “Supreme Council of the Armed Forces (SCAF) na Fitsarana Ambonin'ny Tafika Mitam-piadiana.
Tao amin'ny Twitter, dia nanambatra ny heriny ireo mpanohana ho an'ny fanafahana azy tamin'ny fanaovana ny tenifototra “#WhyFreeAla.” Indreto ny sasantsasany amin'ireo bitsika ampiasàna ity tenifototra ity.
Mibitsika i Mostafa Rafat:
@llvllostafa: #WhyFreeAlaa satria any an-tranomaizina izy mba hisolo toerana ahy sy ianao.
Mizara fihetsehampo mitovitovy amin'izany ihany i Ahmad moein :
@ahmadmoein: #WhyFreeAlaa satria ianao no manaraka!
Manampy i S K:
@nolesfan2011: #whyfreealaa satria izy dia maherifo, tsy manan-tsiny izy ary namako sady anisan'ny olona fantatro ho tena manome aingam-panahy indrindra.
Milaza i Hussein Adel Fahmy fa [ar]:
Ary ny anabaviny Mona Seif, izay nandresy tamin'ny raharaha ara-pitsarana miaramila an'ireo sivily, hatramin'ny fiandohan'ny revolisiona, dia mibitsika hoe :
@Monasosh: #WhyFreeAlaa satria izaho dia tena manina anao ary efa reraka ny mieritreritra hoe moramora izany.
Mamintina azy ity ilay mpanoratra lahatsoratra fanadihadiana isanandro, atao hoe Mona Eltahawy :
@monaeltahawy: #WhyFreeAlaa satria ataony #izay hahatsara kokoa an'i Ejipta.
Ity lahatsoratra ity ampahany amin'ny fanadihadiana nataonay manokana momba ny Revolisiona ao Ejipta 2011.
