Belzìka : Hihàran'ny fandraràna ve ny rakitsariitatra ”Tintin any Kôngô”?
Tintin au Congo [Tintin any Kôngô], ilay rakitsariitatra faharoa amin'ny andian’Ireo tantaram-piainan'i Tintin izay diam-penin'ny kalaza Hergé, teratany Belzà [avy any Belzìka] izay mpanoratra ny tantara sady nanao ireo sariitatra mitantara ny fiainan'izato tovolahy mpanao gazety antsoina hoe Tintin, dia miatrika fandraràna nohon'ny fitoriana fanavakavaham-bolo-koditra. Ao amin'ny blaoginy Black Bazar, Alain Mabanckou kosa mihevitra fa «tokony avela ho vavolombelon'ny teotsaim-panjanahana izay nanjàka tamin'ny vanin-taona 1930-1940 ity lahatsarin'i Tintin ity» [fr].
MpanoratraAnna Gueye
NandikaTomavana
