Maro amin'ireo ela nihetezana lava volo, ary misy tafiditra amin'izany ny vehivavy, ao amin'ny tontolom-bolongana Saodiana no miangavy mba ho avahana tsara ny vondron-drohim-bolongan-dehilahy sy ny vondron-drohim-bolongan'ny vehivavy Saodiana. Mitaky mihitsy izy ireo ny hisian'ny sakana amin'izay rehetra mety hanimba (handratra) sy hampivily lalana (voa ratsy). Misy eo amin'ny serasera i Satana ka mety hisy virijiny, vehivavy tokatena na vehivavy manambady aza tafasisika any antsefatsefan'ny anaran-dahy any ary indrindra ahiana ho anaran'olo-marina aza izany.Tsy ho azo visavisaina ny mety ho fiantraikan'izay. Izany no mahatonga ny ankamaroan'ny mpamaham-bolongana manavaka tsara ny vondron-drohy ka mametraka azy ireny amin'ny bolongana samihafa, ary tsy azo asiana fifandraisana (rohy) amin'izy ireo, izany no natao mba hiarovana ny toe-tsain'ny mpamaham-bolongana sy hitandroana ny fahadiovan'ny tovovavy Miozolomana. Nefa misy ihany, mpamaham-bolongana vitsivitsy, tratran'ny aretim-pisainana liberaly, mampifangaro ho vondrona miaraka ny rohin'ny an-dahy sy ny am-bavy. Ireo no tsy mba mieritreritra akory ny fiantraikan'izay ataony amin'ny tontolom-bolongan-dahy sy ny tontolom-bolongam-bavy ary tsy mahalala ny sata manokana mampiavaka ny Tontolom-bolongana Saodiana. Avy eo aty aoriana dia gaga izy ireo rehefa takianay ny (fanajana) ny fitsipika ifampifehezana rehefa mamaham-bolongana!!