Ny mpiblaogy Kenny dia mizara sary izay ahitana fa tsy ny iantsoana an-telefaonina ihany no ampiasana ny finday any Oganda:
« Taken in Uganda last week, a great example of adaptive product development. In other words, giving customers what they want. »
« [sary] nalaina tany Oganda tamin'ny herinandro lasa teo, ohatra goavana mampiseho ny fampivoarana ny tolotra hifanaraka amin'ny tsena. Izany hoe raha lazaina amin'ny fomba hafa, fanomezana izay irin'ny fon'ny mpanjifa. »
Nakaton'ny fitondrana iraniana ny gazetin'ny fanavaozana, Kargozaran. Bolongana sy vohikala vaovao maro no nitatitra fa lasa lasibatra noho ny krizy any Gaza ny Kargozaran. Navoakan'ny Kargozarn manko ny fanambarana nataon'ny fikambanan'ny mpianatra (Tahkim Vahdat) izay “manameloka an'isiraely sy ny vondrona mpampihorohoro miafina sy mialokaloka any an-tsekoly sy hopitaly any (Gaza)”.
Pierre Maury no mitatitra fa efa novalian'ny fitondram-panjakana frantsay ny fanamelohana fa tratran'ny sivana ilay piesin'ny tantaran'ny tolona ho amin'ny fahaleovantena “47″ nataon'i Jean-Luc Raharimanana sy Thierry Bedard. Victoire Bidegain Di Rosa, mpanolotsaina ao amin'ny minisiteran'ny kolontsaina frantsay no manazava fa tsy voatery hahaliana ny firenenkafa aty amin'ny faritra ilay lalao an-tsehatra ary mahazo alalana hampiseho azy ny ny foiben-kolontsaina tsirairay fa anjarany kosa ny mikaroka mpanohana mahaleo tena hanentsenana ny fandaniana mifandraika amin'izany (fr).
Israeli Mom no mitantara ny famangiany ny Kibbutz (karazana tanàna kely toy ny koperativa mahazaka tena) Or HaNer, izay maneho manokana ny hosodoko an-drindrina be velarana noforonin'ireo mpanakanto Arzantineana Daniela Almeida sy Jose Kura. “Tamin'ny taona 2007 no nanasana an'i Kura sy Almeida hitsidika ny kibbutz (natsangan'ny mpifindra-monina jiosy avy any Arzantina) hanao hosodoko an-drindrina ny andavanandrom-piainana isan-karazany ao amin'ny kibbutz,” hoy Israeli Mom.
Madatsara
Pakistan: Nisy baomba nipoaka sady nahaf...
- eny tompoko, misaotra anareo nanome ny vaovao mikasika ny fiainam-pire...
Tohiny »