Global Voices teny Malagasy » Afrika : Fifaninanana famatsiam-bola natokana hoan’ireo Afrikana monina aty Erôpa

Firenena:: Tsy misy
Lohahevitra:: Business, Development, Economics
Teny:: Malagasy

Ny vondron’ny Banky Iraisampirenena [Banque Mondiale | World Bank] sy ireo mpiray antoka aminy dia manambara ny famoronana ny Fifaninanana natokana hoan’ireo Afrikana Zanaka Am-pielezana monina aty Erôpa, izay mitady famantsiam-bola hoan'ny tetik'asa fampandrososana kasainy hotanterahina any Afrika na Tsena hoan’ny Fampandrosoana hoan’ireo Zanaka Am-pielezana Afrikana any Erôpa [Development Marketplace for African Diaspora in Europe (D-MADE) Grant Competition].

Ireo tetikasa 10 ka hatramin’ny 15 voafidy dia samy hovatsiana hatramin’ny 40′000 $ raha be indrindra. Amin’ny Zoma 23 Novambra 2007, amin’ny 04:00 oran’ny Bruxelles ny fe-potoana farany andefasana ireo tetik’asa. Notaterin’ny Kenyan Pundit [Anglisy].

Ndesanjo Macha

3 hevitra

Soratra miverina: Sao mba misy hevitra tsara miandry vola fotsiny any ho any ? « malagasy

[...] [Hevitra nipoitra tam-pamakiana ny Global Voices @ teny Malagasy - mg.globalvoicesonline.org >>] [...]

# 2007-10-11 at 10:24 pm
jentilisa

Ho anareo any ivelan’i Afrika ange izany no tena ivantanan’ny resaka e!

# 2007-10-12 at 6:05 am

Hamaliana ity hevitra ity
tomavana

Ny anarana ery ambonin’ny takeleka fangatahana ihany angamba no tsy maintsy avy aty ivelany fa ny fiaraha-miasa kosa dia heveriko fa tsara kokoa aza raha anaovana tàna-maro aminareo any an-toerana ihany Izaho aloha dia namporisika mba hisy fangatahana maro hitodi-doha aty Madagasikara fa dia ho hita miandalana eo ihany moa.

# 2007-10-12 at 6:41 pm

Hamaliana ity hevitra ity

Manampy amin'ny resaka

Rohy farany

White African [Afrikana fotsy] manapariaka mikasika ny Grid [griazy] izay rohy mampifandray ireo finday any Tanzania sy ny Hello Africa [Manakory Afrika] lahatsary manadihady izay fomba ampiasan'ny mponina any Afrika ny finday.

Ny mpamaham-bolongana Pierre Maury no mahatsiaro ny faritra atsimo andrefan'i Madagasikara rehefa niditra an-tanety ny rivodoza Fanele tokony androany tamin'ny 4:17 marainan'ny 21 Janoary 2009 (fr). Ahiana hisedra ny setrasetran-drivotra mahatratra 281 km/h ny tanànan'i Belo-sur-Mer.

Lova Rakotomalala

Mpamaham-bolongana Malagasy roa no nitantara an-tsary sy nitantara ny fizotran'ny fihaonam-be politika teto Antananarivo rehefa mihahenjana ny tady eo amin'ny Ben'ny tanànan'Antananarivo Andry Rajoelina sy ny filoha Marc Ravalomanana mitondra amin'izao fotoana izao noho ny fanakatonana tobim-pahitalavitra an-toerana iray (mg). Avylavitra namoaka ny sary manontolon'ny fihaonana ary Jentilisa kosa nitantara tamin-kitsim-po ny fizotran'izany (mg).